انا الحمدلله ولدت ١٠ ديسمبر حابه اقول قصة ولادتي لعل الي مثل حالتي تاخذ جرعه امل انا ولدت اول طفلة لي قيصري وقالوا لي السبب ضيق الحوض بعد ماعذبوني ووصل رحمي ١٠ سانتي.. المهم بالطفل ذا كنت قاطعه الامل اولد طبيعي بس كان عندي نتفة امل انو اولد طبيعي المهم قلت الي من الله حياه الله ومابفكر بشي لكن ماراح اخسر نفسي فرصة الطبيعي واطلب قيصري خل اجرب وممكن اجيب طبيعي مثل ماهو ممكن اجيب قيصري فتوكلت ع الله وانتظرت اكمل التاسع وانتظرت الطلق رحت باليوم الي كملت التاسع فيه للمستشفى الي هو يوم ٨ ديسمبر وقاست رحمي طلع فاتح ١ سانتي وقالت انتي ان شاء الله بعد بكرا ولادتك الفجر رحت وانا مو مصدقتها قلت لسى واحد سانتي مافي ولاده.. المهم جاء يوم ٩ ديسمبر وس ١٠ الصباح جاني الطلق الي قومني من النوم عرفت انه طلق ولاده المهم كان الفرق بين الطلقه والطلقه ١٠ الى ٢٠ دقيقه يعني لسى الرحم ممكن يكون ٢ سانتي وع الساعه ٣ العصر انتظم ع ١٠ دقايق يعني ممكن يكون فتح ٣ سانتي وع الساعه ١٠ بالليل صار الفرق ٥ دقايق هنا ممكن اربعه سانتي وع الساعه ١ ونص بالليل صار الفرق ٢ الى ٣ دقايق وهنا خلاص الرحم فاتح سته سانتي ومابقي شي ع الولاده اخذت اغراضي وركض ع المستشفى طبعا الي صبرني طول فتره الطلق بعد الله هو تنظيم التنفس يابنات وربي يخفف الطلق كثير كثييير ويصبرك للنهايه تاخذي شهيق خمس ثواني وتمسكي النفس خمس ثواني وزفير خمس ثواني وتكرريها لين يختفي الم الطلق وحطي ببالك مده الطلق دقيقه اذا كثرت فهذا يعينك انو تصبري لين تروح ويخفف عنك كثير.. المهم وصلت المستشفى قاسوني فعلا سته سانتي وهذي المعلومات قريتها بقوقل تثقفت كثير بالولاده من ناحيه الطلق والتنفس ومده الطلق ومتى اروح للمستشفى ولا استعجل ع نفسي وفعلا طلعت المعلومات صحيحه خصوصا بالفرق الي بين الطلقه والطلقه وقد ايش يكون فاتح الرحم وقتها.. المهم دخلوني كشك الولاده وظليت حرب مع الطلق كل ماجاني عملت التنفس وهذا ساعدني انو ماصرخت ابدا وكان كل همي اوصل لهدفي واولد طبيعي واكذب كلام الدكاتره طبعا ما انسى ذكر الله ما انقطع من لساني من اول طلقه للولاده.. المهم ع س ٣ بالليل خلاص جاء وقت الدفع وتعبت كثير ممكن خمس الى سبع دفات او اكثر وفكوا المويه عشان تتسرع الولاده وقصوا كمان ووسعوا كله ع امل انو ينزل الراس المهم بالاخير يأست بكيت وصرخت خلاص مافي امل ودوني قيصري ردت الدكتوره حرام انتي صبوره ماسمعنا لك صوت وماشاء الله صبرتي كثير وتعرفي كيف تنظمي تنفسك وكمان قصينا خلاص حاولي انتي لازم تجيبي طبيعي وانا اصرخ مافي امل ودوني المهم قعدوا يشجعوني احنا نشوف الراس خلاص هنا حسيت في امل وع اخر دفه طلع الراس من كثر ماوسعوا فيني ومن كثر ما انا خلاص تعبانه ماحسيت بالراس قالوا خلاص طلع طلع لاتسوين شي احنا بنسحب ي الله لما سحبوه صراخ ع بكاء ع مشاااعر جميله ماعرفت نفسي وقتها وحمدت ربي كثيييير كثير ان ربي اكرمني بهاللحظه وحتى لما طلع ومابكي خفت عليه وقعدت اسأل ليش مابكي ليش قالوا مافيه شي الحمدلله طيب طقوه ع ظهره وبكي شوي عشان يقنعوني انه بخير ويتكلموا انجليزي ويحسبوني ما افهم وفهمت انو عنده نقص اكسجين بسبب اني طولت بالدفع بعد مافكوا المويه والحمدلله ع س ٦ صباح ولدت والحمدلله تحسن اكسجينه يارب لك الحمد وهو الان بخير وعافيه والحمدلله انهم ما اطاعوني وودوني قيصري واني حاولت للنهايه ولافقدت الامل والحمدلله اولا واخيرا اكرمني ربي بشوفه ولدي سليم ومعافا طبعا طولوا وهم يخيطوني وتعبوني مع المشيمه بس الحمدلله كل ذا يهون امام اجمل لحظه لما ضميته ع صدري من اول ماطلع مني وشكرا والمعذره ع الاطاله واخر شي نصيييحه لاتستعجلي ع نفسك وتثقفي بالحمل والولاده وحتى الرضاعه لاتروحي ع وجهك مو عارفه شي انا ندمت انو ببكري ماكنت افهم بالولاده مثل الثاني لكن الحمدلله الي علمني وفهمني وسبحان الله الولاده عمليه منظمه مو بس ابكي واصرخي وادفعي لا دام كل شي سليم فيك وفي البيبي ومافس وضعيه تعيق الولاده انتي تقدري لكن اقرأي وتثقفي كثير وبأذن الله تقدري