السلام عليكم حابه اشاركم تجربتي بالولاده بالطلق الصناعي ، انا اخر دوره ٨/٨ اغسطس ، الحمدلله تمت اول شهور حملي على خير لين الشهر الثامن بالاسبوع ٣١ بالضبط ، جتني حكه فجاه وانا جالسه مع اهلي ف باطن يدي كنت اقول لامي والله شكلها بتجيني فلوس على هالحكه 🤣 ماكنت ادري ان الوضع ثاني ، طبعاً رجعت بيتي وبالليل ماقدددرت حتى اغمض عيوني من شدة الحكه ف باطن يدي ورجولي بس استنيت لليوم الثاني ونفس الشي للعصر ماقدرت اتحمل طبعاً لا نوم ولا راحه رحت مستوصف خاص ، كلمت الدكتوره قالت تحليل انزيمات ع طول وللاسف طلعت مررره مرتفعه عن الطبيعي ع طول حولتني حكومي ورحت الحكومي عطوني دوا حساسيه وابرع تخيلو وقالوا ارجعي البيت ، دقيت على صديقة اختي بنفس المستشفى دكتوره ع طوول كلمتهم استقبلوني وكتبولي تنويم ، وطبعا طلع عندي شي اسمه الركود الصفراوي هالحاله مو شائعه كثير وجتني بدون سبب ، تنومت اسبوعين عندهم وكل يوم يعيدون التحاليل مع الادويه بدت ترجع الانزيمات للنسب الطبيعيه ، كتبولي خروج وموعد الولاده بعد مااخلص ٣٦ اسبوع وعشت ف هم لان فيه مضاعفات تصير للجنين لاقدر الله يموت او شي واللي كان قالقني حركتها خفيفه بشكل يخوف وانا اوسوس 💔 ، رجعت لهم بعد ماخلصت اول اسبوع وقالو خلاص نبدي لك طلق صناعي ، كشف علي الدكتور الرحم مقفل وعطاني اول تحميله ١:٣٠ الظهر وبدا مفعولها تقريبا على ٤ العصر مغص خفيف يجي ويروح وانا تحمست قمت طلعت ونزلت ٤ ادوار بالمستشفى ومشي ٢٠ دقيقه كان الالم يزييد لكن محتمل واصبر عليه ، لين الساعه ٩ بدا يخف الالم لان مفعولها بدا يروح ، رجع كشف الدكتور قال برضو مقفل اارحم قلت خلاص مااخذ الثانيه ، خلاني ساعه ورجع بالتحميله الثانيه ، كشف الرحم مفتوح ٢ وعنق الرحم صار لين ، سوالي تحريض من غير مايتكلم وااه يالالم 😓💔💔 بعد الثانيه خلاص الالم بدا بشكل فضضيع كنت اتلوى ع السرير حتى جهاز النبض ماااقدرت فيييه كل ماركبوه اشيله وعصبت الممرضه ونادت الدكتور قلت ابغى عمليه خلاص مو قادره اتحمل هالالم حسيته بولادتي الاولى والرحم مفتوح ١٠ يمكن وجا تكلم معايا وصلي ع النبي وهذا عشان جنينك لاقدر الله صار شي بالنبض نقدر تتدخل والعمليه مو بصالحك الا هي اسهل علينا لكن نعطيك فرصه ، قلت اجل الثالثه ماباخذها وانا حلفت قال باذن الله ماتحتاجيها وبيجي الصباح وانتي والده وخالصه وكان جداً خلوق وطيب ، المهم الالم شدييييد ومتواصل اقوى من الطبيعي بمليون مره لاني والده بطلق طبيعي اول مره لكن الحمدلله ع كل حال ، ع الساعه ١ بالليل بديت احس بضغط قووي من تحت واصارخ عليهم وانادي السستر ابغى الدكتوور ، وطول هالوقت امشي بالغرفه ماني قادره اجلس ع الكرسي ، جا كشف قال مفتوح من ٤ ل ٥ ودوها ولاده مع اني ماتوقع ابدا انه ٥ لان الدفع كان قوي جداً كانه بيطلع الراس وهم يحسبوني اتالم بس لسه ، طبعاً التنويم مقابل غرفة الولاده ودوني غرفة الولاده ويادوب بس نقلت ع السرير الثاني الا احسسس خلاص شي بيطلع وهما يصرخوا لا تدددفعي لا تدفعي قلت مع نفسكم والله 😅💔 تخيلوا طلع نص الراس وهما باقي ماجهزو شي حتى القلفز وهما مصدوميين لانهم توقعوا اني بطول ، وطلعت بنتي ع السرير حتى المويا ماحسيت فيه مادري كيف نزل مع الراس او مادري 😭❤️❤️❤️ ، شعور ماووصفه لكم مصدومه وبنفس الوقت ادعي يااارب لك الحمد والششكر علقت ع الكلمه يمكن ربع ساعه من الفرحه , والدكتور مبسووط انه تسهلت الولاده الحمدلله ويبارك لي والحمدلله ع سلامتك 😂 ، وحزن علياا عطاني ٣ ابر تخدير وقت الخياطه كنت احس اني اشوفهم بس ماقدر استوعب ايش يقولون ، والحمدلله بنتي بصحه وعافيه وهذي اكبر نعمه وكله يهون الالم عند هالنعمه 💕💕💕 والطلق الصناعي صح انه مؤلم اكثر لكن سبحان الله ربي يسهل لك من حيث لاتحتسبي واشوفه افضل من العمليه > فين كلامك ذا وقت الطلق 🤣💔💔 الله يسهل لكل وحده فيككم وتكون ولادتها ميسره وسهله وعليكم بسورة الزلزله ومريم ودعاء لا إله الا انت سبحانك اني كنت من الظالمين ، كنت ارددهم وقت الطلق كككثير وبرضو تمرين شمي ورده وطفي شمعه ، وحبيت اشاركم صور استقبالي مره وحده 😅💕 استودعتكم الله❤️