مرحبا يا حوامل كيفكم مع الوحام نفس حالتي للحين ما خفيتو 🤮 والله يهون ع الي قربت ولادتهم ويسهل عليكم ❤❤ حبيبت اوضح شغله الاغلب ممكن صادفة معهم وانا منهم اكيد الي هي خرافات وتجارب لمعرفة نوع الجنين وفيه منا من كثر ما تصدقها تكذب حتى السونار والسبب تجربه صارت لها او وحام مشابه لنفس النوع الي تبيه مع وحده ثانيه حابه اقول لكم لا وحام ولا احلام ولا حتى شكل بطن ولا الخاتم والكلور والخ..... هذي كلها صحيحه والي اغرب فيه كمان الي تومن بالجدول الصيني وتصدقه وتمشي معه انا يا حبايب قلبي لما كنت حامل ببنتي كل المواصفات والوحام ع الولد صارت لي لدرجه صدقت انه ولد تخيلو وكل من شافني قال ولد وجتني وحده فلبينيه وقالت مدام انتي حامل بولد وعطتني رقمها ع الاساس انه ولد تخيلو ووحامي كان الحوامض والحار وكرهت الحلا والسكريات بطريقه ما تصدقونها لدرجه حتى المكملات الي فيها اشوي حلا ما اتقبلها وبطني كانت ولد الجدول الصيني واحد ولد والثاني بنت والسونار بالثالث ولد والرابع والخامس مو واضح لحتى وصلت السابع وجتني ولاده ع الثامن وكان المفاجاءه بنوته تخيلو ونسيت احكي لكم حتى احلام تخيلو تتفسر ع انها ولد 🤣🤣🤣 وتجهيز جهزت ولد وبعدين في النهاية غيرت كل شئ لبنوته الله يحفظها ويخليها لي حاليآ انا حامل الحمدالله بعد اجهاض وصراحه اتمنى يكون ولد عشان انه اطول يعني ولو جت بنوته يازين البنات والله ما راح ازعل بالعكس زوجي حاب البنوته وواعدني بجوال الي خاطري فيه لو صارت بنت 🤣🤣🤣👌 وانا اتمنى والله ولد لاني جربت البنت بس طبعا ما تحمست نفس بنتي اسوي تجارب ابدا خليتها ع الله ثم السونار لين اوصل الرابع باذن الله ويارب ما يخيب ظني ويكون ولد يارب وسليم معافه دون زياده او نقصان ادعو لي ولك وحده خاطرها بنوع معين 😍❤❤❤ قبل لا اختم الموضوع للامانه جربت الجدول 🏃‍♀️🏃‍♀️🏃‍♀️🤣 الصيني وطلع بنت وما صدقتها والله ولا تحمست له وووحامي اخف بكثيررررر من بنتي ومو شديد نفسها الحمدالله عشان ما اكذب يعني واحلام للحين ما حلمت بشئ ابدا غير اني اصلخ لحمه واطبخه ومره اكل رز ولحم مدري وش السر معي في اللحمه والرز 😂😂😂😂 يالله كل وحده فيكم تقول لي هل فعلا صدق معها تخمينات وااتجارب او لا ؟؟