قصة ولادتي

5 years ago

ما قبل الحمل

بنات انا من بداية التاسع وعندي تقلصات وكان فاتح ١ وكل شي شريته وامشي وطلوع درج وقرفصاء وحمام ساخن وجماع لكن ابدا ما في استجابة وطبعا دخلت الاسبوع ٤١وسويت تحريض مرتين ونزلت السدادة بعد التحريض بيومين وجعني مغص شديد وقلت هذي ولادة وفرحت لكن مجرد ما وصلت المستشفى كأني اكذب راح كل شي😭💔 حتى ما في توسع يجبر خاطري طبعا هنا بدأت باليأس واستسلمت آخر اسبوع ٤١رحت للدكتورة وقلت لها انا مطوفة وابي اولد وعدتني انها تساعدني سوت لي تحريض يوم الجمعة وقالت تجين الاحد علشان الدكاترة تكون مداومة ويسوون لك اللازم طبعا فرحت ورجعت البيت سويت كل شي علشان ينفتح زيادة ويوم جاء الاحد روحت للمستشفى وكلي امل لكن انصدمت بأن كل شي زي ماكان وقالو لسى 💔 طبعا انا هنا لاشعوريا انهرت بالبكاء قلت كيف لسى وتهاوش معاهم وسوولي تحويل على مستشفى غير منطقتنا بالاسعاف ونقلوني علشان فصيلة دمي مو متوفرة عندهم وكان دمي ٧ المهم وصلت للمستشفى الآخر

23 تعليقات

العضوة: 746601 , 5 years ago

كملي

العضوة: 640781 , 5 years ago

ودخلوني المستشفى طبعا بدون زوجي او اي احد 💔وسويت لي سونار وسالتني اذا عندي تجلطات سابقا قلت اي وعلى طول قالت لازم تاخذين طلق انا هنا خفت على النونو وجت الدكتورة حطت اول تحميلة وكل ست ساعات وحدة اخذت ٢ اول يوم والم فضيع موووت وصارخ ابي مسكن او اي شي يخفف عني الالم لكن يقولون علشان تولدين تحملي المهم اول يوم ما في اي توسع ثاني يوم كمان جتني الدكتورة قالت بنحط تحميلة و تحريض كان جدا مؤلم وخلص اول تحميلة ما صدقت خبر يخف عني الطلق وجت حطت الثانية انا هنا بعدها بأربع ساعات الالم صار كأني في آخر مراحل الولادة اصارخ ابي ادفع وجو الدكاترة بآخر الليل يشوفون طبعا كل هذا في غرفة عادية مو في الولادة اللي حولي يدعون لي مانامو من ازعاجي وزوجي واهلي انشغلو علي على اتصال بالمسثتشفى كل شوي علشان يوقفون الطلق ويسوون لي عملية لكن الدكتورة رفضة فقالت حرام كل ولادتي طبيعي تولدين طبيعي

العضوة: 341264 , 5 years ago

كملي

العضوة: 843098 , 5 years ago

كملي

العضوة: 847022 , 5 years ago

اكملي

العضوة: 378717 , 5 years ago

رفع

العضوة: 640781 , 5 years ago

لما جو الدكاترة على الصراخ فحصوني قالو الراس محشور جدا نازل لكن خذي نفس علشان مايختنق ولازال الرحم موقف على ١ ونص تخيلو على كل المحاولات والدكتور وجهها تغير تقول للاستشاري افحصها تاكد يمكن انا مخربطة مو معقول الراس نازل والرحم مقفل والطلق جدا عالي ويهاوشوني لاتدفعي خذي نفس بس غصب عني بديت ادفع اظطرو يخدروني بابرةخلتني اهلوس علشان ما ادفع كنت اصحى على الطلق وارجع انام و كانت يوسعون بأيديهم لان الطفل وضعة في خطر كان جدا مؤلم التوسيع باققوى ماعنده الاستشاري ايدة دفشة 💔 وبعدها ضليت مخدرة تقريبا ثلاث ساعات احس وقت الطلقة وفجاءة امي اتصلت ونا في عز محنتي وابوي كان يسمعني كلمت امي مو قادرة انطق كلمة وسمعني اصارخ و كان ابوي كمان يسمع قلت ابي عملية وقفلت الخط ورجعت دخت وشوي الدكتورة تصحيني تقول يالله يا بنتي ادفعي😫 قلت انتو تقولون مقفل الرحم فقالت لا الان فتح مرة وحدة ٩ ادفعي علشان الطفل بداء يتعب هنا صرت ادفع حتى بدون طلق تقول ادفعي مع الطلقة وانا طنشتها ودفعت لين زحلقت مني وفجاءة الغرفة هدوء الكل صمت وانا كمان اخذت انفاسي وبكييييت وحمدت الله الف مرة كان شعور غربييب مع انه مو اول طفل 💔😭😍