ﻗﺼﻪ ﻭﺍﻗﻌﻴﻪ ﺣﻘﻴﻘﻴﻪ ﻣﻤﺰﻭﺟﻪ ﺑﺎﻟﺨﻴﺎﻝ ﻟﻔﺘﺎﺓ ﻋﺮﺍﻗﻴﻪ ﺗﻌﺎﻧﻲ ﺍﺧﻮﺍﻧﻬﺎ ﺍﻟﻤﺪﻣﻨﻴﻦ ﻟﺘﺘﻌﺮﺽ ﻟﻤﺤﺎﻭﻟﺔ ﺍﻏﺘﺼﺎﺏ ﻓﺘﻨﻬﺰﻡ ﻭﻣﻦ ﺛﻢ ﺗﺒﺪٲ ﺣﻜﺎﻳﻪ ﺍﺧﺮﻯ ﻣﻊ ﺍﻟﺤﺐ ...
ﻛﻨﺖ ﺍﺟﻬﻞ ﻣﻌﻨﻰ ﺍﻟﻘﻮﻩ ﻛﻨﺖ ﺍﻋﺘﻘﺪﻫﺎ ﻣﺮﺍﺩﻑ ﻟﻜﻠﻤﺔ ﻻ ﻣﺒﺎﻻﺓ ﻭﻋﺪﻡ ﺍﻻﻫﺘﻤﺎﻡ ﻟﻠٲﻣﻮﺭ ﻟﻜﻦ ﺍﺩﺭﻛﺖ ﻓﻲ ﻣﺎ ﺑﻌﺪ ﺍﻥ ﺍﻟﻘﻮﺓ ﺗﻜﻤﻦ ﻓﻲ ﺍﻟﻘﻠﺐ ﻣﻬﻤﻬﺎ ﺗﻬﺸﻢ ﻻ ﻳﺰﺍﻝ ﻳﻌﻄﻲ …
ﺳﻮﻑ ﺍﻗﺺ ﻟﻜﻢ ﺣﻜﺎﻳﺔ ﻓﺘﺎﺓ ﻋﺎﻧﺖ ﻣﺎ ﻟﻢ ﻳﻌﺎﻧﻴﻪ ﺍﺣﺪ ﻛﺘﻤﺖ ﻛﻞ ﺫﻟﻚ ﻓﻲ ﻗﻠﺒﻬﺎ ﻭﻓﻲ ﻳﻮﻡ ﻗﺮﺭﺕ ﺍﻥ ﺗﻨﻬﺰﻡ ﻣﻦ ﻭﺍﻗﻌﻬﺎ ﻟﺘﻠﺘﻘﻲ ﻣﺎ ﻟﻢ ﺗﺘﻮﻗﻊ ﺍﻥ ﺗﻠﺘﻘﻴﻪ ..
ﻣﻦ ﺭﺧﺼﺖ ﺍﻟﻜﺎﺗﺒﻪ ﺯﻳﮩﺰﺅُ ﺍﻋﺮﻓﻜﻢ ﻋﻦ ﻧﻔﺴﻲ ﺍﻧﻲ ﺷﻬﺪ ﻋﻤﺮﻱ 20 ﺳﻨﻪ ﺍﻭﻝ ﺳﻨﻪ ﻛﻠﻴﺔ ﻋﻠﻮﻡ ﺣﺎﺳﺒﺎﺕ ﻣﻮﺍﺻﻔﺎﺗﻲ ﺣﻨﻄﻴﻪ ﺷﻌﺮﻱ ﺍﺳﻮﺩ ﻋﻴﻮﻧﻲ ﻧﺮﺟﺴﻴﻪ ﺟﺴﻤﻲ ﻣﺘﻨﺎﺳﻖ ﻃﻮﻟﻲ 154 ﺳﻢ ﻭﻭﺯﻧﻲ 50 ﻙ
ﺟﻨﺖ ﻋﺎﻳﺸﻪ ﺍﺟﻤﻞ ﺣﻴﺎﺓ ﻭﻳﻪ ﻣﺎﻣﺎ ﻭﺑﺎﺑﺎ ﺟﺎﻧﻮ ﻳﺨﺎﻓﻮﻥ ﻋﻠﻴﻪ ﻣﻦ ﺍﻟﻬﻮﺍ ﺍﻣﻲ ﺍﺩﺍﺭﻳﻨﻲ ﻣﺜﻞ ﺍﻟﻤﻲ ﺑﺎﻟﺼﻴﻨﻴﻪ ﻟﺪﺭﺟﺔ ﺍﻧﻲ ﻣﺎ ﺍﻋﺮﻑ ﺍﻃﺒﺦ ﻭﻻ ﺍﻧﻀﻒ ﻭﻻ ﻛﻮﻟﺸﻲ ﻣﺘﻌﻠﻤﻪ ﻣﻦ ﺷﻐﻞ ﺍﻟﺒﻴﺖ ﻣﻦ ﻛﺪ ﻣﺎ ﻫﻴﻪ ﺷﺎﻳﻠﻪ ﻣﺴﺆﻟﻴﺘﻲ ﻭﻣﻤﺨﻠﻴﺘﻨﻲ ﺍﺗﻌﺐ ﻭﻳﺎﻫﺎ
ﺑﺎﺑﺎ ﻛﻞ ﺣﻴﺎﺗﻲ ﺍﻧﻲ ﺑﻨﺘﻪ ﺍﻟﻮﺣﻴﺪﻩ ﻋﻠﻰ 3 ﺍﺧﻮﺍﻥ ﺳﻼﻡ ﻭﻫﻤﺎﻡ ﻭﺣﺴﺎﻡ ﺍﺧﻮﺗﻲ ﺍﺣﺒﻬﻢ ﻛﻮﻟﺶ ﻫﻤﻪ ﺭﻭﺣﻲ ﻣﻦ ﺍﻟﺪﻧﻴﺎ ﺑﺲ ﻣﺸﻜﻠﺘﻬﻢ ﻭﺣﺪﻩ ﻭﻳﺎ ﺭﺏ ﻳﺒﻄﻠﻮﻫﺎ ﻭﻳﻨﺼﻠﺤﻮﻥ
ﻭﻫﻲ ﺍﻟﻤﺨﺪﺭﺍﺕ 💊 ﺍﺧﻮﺗﻲ ﻳﺘﻌﺎﻃﻮﻥ ﻭﻳﺘﻌﺎﻣﻠﻮﻥ ﺑﺎﻟﻤﺨﺪﺭﺍﺕ ﻳﻌﻨﻲ ﻳﺒﻴﻌﻮﻥ ﻣﺨﺪﺭﺍﺕ ﻋﻠﻰ ﺍﻟﺸﺒﺎﺏ ﻭﺍﻟﺒﻨﺎﺕ ﺍﻟﻲ ﻫﻤﻪ ﺿﺤﻴﺔ ﺍﻟﻤﺠﺘﻤﻊ
ﺑﺎﺑﺎ ﻣﻦ ﻋﺮﻑ ﺑٲﺧﻮﺗﻲ ﺣﻴﻞ ﺍﺗٲﺫﻩ ﻭﻧﻬﺮﻫﻢ ﻭﺍﺗﻌﺎﺭﻙ ﻭﻳﺎﻫﻢ ﺑﺲ ﻫﻤﻪ ﺟﺎﻧﻮ ﻣﺪﻣﻨﻴﻦ ﻣﻴﻜﺪﺭﻭﻥ ﺍﻻ ﻳﺘﻌﺎﻃﻮﻥ ﻣﺎﺩﻩ ﺍﺳﻤﻬﺎ ( ﻛﺮﺳﺘﺎﻝ )
ﻣﻦ ﺩﻭﻧﻬﺎ ﻳﻨﺠﻨﻮﻥ ﻭﻳﺼﻴﺮﻭﻥ ﻣﺠﺮﺩ ﺍﻧﺴﺎﻥ ﻣﺤﻄﻢ ﻭﻳﺒﻘﻮﻥ ﻳﺼﺮﺧﻮﻥ ﻣﻦ ﺍﻟﻮﺟﻊ ﺍﻻ ﻳﺎﺧﺬﻭﻫﺎ ﻳﻠﻪ ﻳﻬﺪﻭﻥ ﺑﺲ ﻟﻤﺎ ﻳﺎﺧﺬﻭﻫﺎ ﻳﺘﺤﻮﻟﻮﻥ ﻏﻴﺮ ﺑﺸﺮ ﻣﺎ ﻳﺤﻤﻠﻮﻥ ﺍﻱ ﺻﻔﻪ ﻣﻦ ﺻﻔﺎﺕ ﺍﻻﻧﺴﺎﻧﻴﻪ
ﺗﻔﻘﺪﻫﻢ ﻛﻞ ﻗﻴﻤﻬﻢ ﻭﺍﺧﻼﻗﻬﻢ ﻳﺼﻴﺮﻭﻥ ﺗﺤﺖ ﺗٲﺛﻴﺮ ﺍﻗﻮﻯ ﺑﻜﺜﻴﻴﻴﻴﺮ ﻣﻦ ﺗٲﺛﻴﺮ ﺍﻟﻤﺸﺮﻭﺏ ﻟﻜﻦ ﺗﺤﺴﻪ ﺍﻧﻮ ﻣﻮ ﺷﺎﺭﺏ ﺑﺲ ﺑﻐﻴﺮ ﻋﺎﻟﻢ ﻭﺗﺼﺮﻓﺎﺗﻪ ﺍﺑﺪ ﻣﺘﻮﺣﻲ ﺍﻧﻮ ﺍﻧﺴﺎﻥ ﻋﺎﺩﻱ
ﻫﺬﻱ ﻫﻲ ﺍﻟﻤﺨﺪﺭﺍﺕ ﺗﺤﻮﻝ ﺍﻻﻧﺴﺎﻥ ﺍﻟﻰ ﺷﻴﻄﺎﻥ ﺑﺪﻭﻥ ﻭﻋﻲ
ﺍﺑﻮﻳﻪ ﻣﻦ ﺍﺗﻌﺎﺭﻙ ﻭﻳﺎﻫﻢ ﺑﻘﻰ ﺍﻳﺎﻡ ﺣﺎﻟﺘﻪ ﺗﺪﻫﻮﺭ ﻭﺍﻧﻲ ﻭﺍﻣﻲ ﻣﺤﺘﺎﺭﻳﻦ ﺑﻴﻪ
ﺷﻬﺪ .. ﻣﺎﻣﺎ ﻳﻌﻨﻲ ﺷﻠﻮﻥ ﻧﺒﻘﻰ ﻧﺒﺎﻭﻉ ﻟﺒﺎﺑﺎ ﻭﻫﻮﻩ ﻫﻴﺞ ﺣﺎﻟﺘﻪ ﻻﺯﻡ ﻧﺴﻮﻳﻠﻪ ﺷﻲ
ﺍﻻﻡ .. ﻳﺎ ﻳﻤﻪ ﺷﺴﻮﻱ ﺷﺒﻴﺪﻱ ﺭﺣﻨﺎ ﻟﻠﺪﻛﺘﻮﺭ ﻭﻳﻜﻮﻝ ﻋﻨﺪﻩ ﺳﻮﻓﺎﻥ ﺑﺮﻛﺒﺘﻪ ﻭﺩﻧﻨﻄﻴﻪ ﺍﻟﻌﻼﺝ ﺑﺲ ﻣﺪﻳﺼﻴﺮ ﺯﻳﻦ
ﺷﻬﺪ .. ﻣﺎﻣﺎ ﺧﻞ ﻧﻌﻮﻑ ﺍﻟﺪﻛﺘﻮﺭ ﺍﻻﺧﺘﺼﺎﺹ ﺧﻞ ﻧﺎﺧﺬﻩ ﺑﺎﺟﺮ ﻟﻠﻤﺴﺘﺸﻔﻰ ﻳﺴﻮﻭﻟﻪ ﺗﺤﻠﻴﻼﺕ ﻋﺎﻣﻪ ﺧﻨﺸﻮﻑ ﺷﻨﻮ ﻣﻮﺿﻮﻋﻪ ﺑﻠﻜﺖ ﻧﻮﻛﻊ ﻋﻠﻪ ﻋﻠﺘﻪ
🌼
ﺍﻻﻡ .. ﺍﻧﺸﺎﻟﻠﻪ ﻳﻮﻡ ﻫﻮﻩ ﻫﻢ ﻫﻴﺞ ﺑﺎﺟﺮ ﻣﻦ ﺍﻟﺼﺒﺢ ﻧﺎﺧﺬﻩ ﺍﻧﻲ ﻭﻳﺎﺝ
ﺷﻬﺪ .. ﺑﻌﺪ ﻣﺎ ﺍﻫﺘﻤﻴﺖ ﺍﺑﺎﺑﺎ ﻭﺭﺩﺕ ﺍﺳﺎﻋﺪ ﻣﺎﻣﺎ ﻛﺎﻟﺖ ﺭﻭﺣﻲ ﺍﺭﺗﺎﺣﻲ ﺑﻨﺘﻲ ﺍﻧﻲ ﺍﻛﻤﻞ ﺍﻟﺒﺎﻗﻲ
ﺭﺣﺖ ﺍﻗﺮﻩ ﺍﺗﺬﻛﺮﺕ ﺧﻄﻴﺒﻲ ﺍﻟﺴﺎﺑﻖ ﺍﻟﻠﻲ ﻓﺴﺨﻨﺎ ﺍﻟﺨﻄﻮﺑﻪ ﺑﻌﺪ ﻣﺎ ﺍﺗٲﻛﺪﺕ ﺍﻧﻮ ﻣﻮ ﻛﻔﻮ ﻳﺼﻴﺮﻟﻲ ﺯﻭﺝ ﺟﻨﺖ ﺧﻼﻝ ﻓﺘﺮﺓ ﺍﻟﺨﻄﻮﺑﻪ ﺍﺣﺒﻪ ﺣﻴﻴﻴﻞ ﻭﻫﻮﻩ ﻫﻢ ﺟﺎﻥ ﻳﺤﺒﻨﻲ ﺑﺲ ﻋﺼﺒﻲ ﺑﺸﻜﻞ ﺷﺴﻮﻱ ﻣﻴﻌﺠﺒﻪ
ﻭﺍﻣﻪ ﺍﺗﻤﺸﻲ ﺑﺴﻬﻮﻟﻪ ﻳﻌﻨﻲ ﺷﺘﻜﻮﻟﻪ ﺍﻣﻪ ﻳﻜﻮﻟﻬﺎ ﺣﺎﻇﺮ ﺟﺎﻧﺖ ﻣﺘﺤﺒﻨﻲ ﻻﻥ ﻫﻴﻪ ﺟﺎﻧﺖ ﺭﺍﻳﺪﺗﻠﻪ ﺑﻨﺖ ﺍﺧﺘﻬﺎ ﻭﻫﻮﻩ ﺍﺧﺬﻧﻲ ﻻﻥ ﻳﺤﺒﻨﻲ ﻭﺍﺗﻘﺪﻡ ﻟﺨﻄﻮﺑﺘﻲ
ﺭﻏﻢ ﻋﺪﻡ ﻣﻮﺍﻓﻘﺖ ﺍﻣﻪ ﻫﺬﺍ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻋﺼﺎ ﺍﻣﻪ ﻋﻠﻴﻪ ﻭﻫﻴﻪ ﺑﻘﺖ ﺣﺎﻗﺪﻩ ﻋﻠﻴﻪ ﺍﺫﺍ ﺳﻤﻌﺘﻪ ﻓﺪ ﻳﻮﻡ ﻳﺤﺠﻲ ﻭﻳﺎﻱ ﻻﺯﻡ ﺗﺴﻮﻳﻠﻪ ﻣﺸﻜﻠﻪ ﻋﻠﻤﻮﺩ ﻳﻨﻬﻲ ﺍﺗﺼﺎﻟﻪ ﻭﻳﺎﻱ
ﺟﻨﺖ ﺍﺿﻮﺝ ﻛﻮﻟﺶ ﻟﻤﺎ ﻳﺴﻤﻊ ﻛﻼﻣﻬﺎ ﺻﺢ ﺍﻣﻪ ﺑﺲ ﻻﺯﻡ ﻳﻌﺮﻑ ﻳﺘﺼﺮﻑ ﻭﻳﺎﻳﻪ ﻣﻮ ﺍﻣﻪ ﺗﻤﺸﻲ ﺍﺗﻜﻠﻪ ﻟﺘﺨﺎﺑﺮﻫﺎ ﺑﻘﻪ ﻣﻴﺨﺎﺑﺮﻧﻲ ﺧﺎﻑ ﺍﻣﻪ ﺗﺤﺠﻲ
ﺍﺗﻜﻮﻟﻪ ﻟﺘﻄﻠﻊ ﻭﻳﺎﻫﺎ ﻣﻴﻄﻠﻊ ﻳﺨﺎﻑ ﺗﺰﻋﻞ ﻓﻨﻬﻴﺖ ﺍﻟﺨﻄﺒﻪ ﻻﻥ ﺗﻌﺒﺖ ﻫﺎﻱ ﺩﺗﺘﺼﺮﻑ ﻫﻴﺞ ﻭﺍﻧﻲ ﺑﻌﺪﻧﻲ ﺍﺑﻴﺖ ﺍﻫﻠﻲ ﺷﻠﻮﻥ ﻟﻮ ﺻﺮﺕ ﻋﺪﻫﻢ ﻭﺍﻧﻲ ﺍﻛﺮﻩ ﺍﻝ ﺟﺎﻝ ﺍﻟﻠﻲ ﺍﺷﻮﻓﻪ ﻣﺴﻴﺮ ﻣﻮ ﻣﺨﻴﺮ ﻭﻳﺘﺼﺮﻑ ﻣﻦ ﺭﺍﺳﻪ
ﺑﺲ ﺭﻏﻢ ﻫﺬﺍ ﺟﻨﺖ ﻫﻮﺍﻳﻪ ﺍﺣﺒﻪ ﻭﻣﺘﻌﻠﻘﻪ ﺑﻴﻪ ﺟﺒﺮﺕ ﻧﻔﺴﻲ ﻋﻠﻪ ﺗﺮﻛﻪ ﻛﻞ ﻳﻮﻡ ﺟﻨﺖ ﺍﺑﺠﻲ ﻋﻠﻴﻪ ﺑﺪﻭﻥ ﻋﻠﻢ ﺍﻱ ﺍﺣﺪ ﻋﻠﻤﻮﺩ ﻻ ﺍﺑﻴﻦ ﺍﻥ ﺍﻧﻲ ﺍﺭﻳﺪﻩ
ﺑﺲ ﺍﺗﻤﻨﻰ ﺍﻧﺴﺎﻩ ﻧﻤﺖ ﻛﻠﻌﺎﺩﻩ ﺩﻣﻮﻋﻲ ﺑﻌﻴﻨﻲ ﻛﻌﺪﺕ ﺍﻟﺼﺒﺢ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﺳﻮﻳﺖ ﺷﻌﺮﻱ ﺿﻔﻴﺮﻩ ﺻﻔﺢ
ﺣﻄﻴﺖ ﻛﺮﻳﻢ bb ﻭﺭﺳﻤﺖ ﺣﺎﺟﺒﻲ ﺗﺎﺗﻮ ﺧﻔﻴﻒ ﻭﺣﻄﻴﺖ ﺣﻤﺮﻩ ﻭﺭﺩﻱ ﻣﺎﺕ ﺑﻨﺎﺗﻲ ﻭﻛﺤﻞ ﻭﻣﺴﻜﺎﺭﻩ ﻣﻜﺜﻔﻪ ﺗﺒﺮﺯ ﻋﻴﻮﻧﻲ
ﻭﻟﺒﺴﺖ ﺟﻴﻨﺰ ﻛﻮﺑﻮﻱ ﻭﻗﻤﻴﺺ ﺍﺑﻴﺾ ﻭﺟﻨﻄﻪ ﻛﻮﺑﻮﻱ ﺑﺮﺳﻤﺔ ﺑﺎﺭﺑﻲ ﻭ ﻧﺰﻟﺖ ﻛﺘﻠﻬﺎ ﻫﺎ ﻣﺎﻣﺎ ﺟﺎﻫﺰﻩ
ﺍﻻﻡ .. ﺍﻱ ﻳﻮﻡ ﻳﻠﻪ ﺍﺧﺬﻱ ﻫﺬﻱ ﺍﻟﺠﻨﻄﻪ ﻣﺎﻟﺖ ﻟﻠﺴﻴﺎﺭﻩ ﻭﺳﺎﻋﺪﻳﻨﻲ ﻧﻤﺸﻲ ﺍﺑﻮﺝ ﻧﺼﻌﺪﻩ ﺑﻠﺴﻴﺎﺭﻩ ﺍﺧﺬﻧﻪ ﺑﺎﺑﺎ ﻭﻛﻌﺪﺗﻪ ﺑﺎﻟﺼﺪﺭ ﻣﺎﻝ ﺍﻟﺴﻴﺎﺭﻩ ﻭﻣﺎﻣﺎ ﺗﺴﻮﻕ
ﻭﻛﻌﺪﺕ ﻭﺭﻩ ﻓﺘﺤﺖ ﻧﺖ ﺑﺎﻟﺴﻴﺎﺭﻩ ﺍﺧﺬﺗﻠﻲ ﻓﺮﻩ ﺳﺮﻳﻌﻪ ﺑﺎﻻﻧﺴﺘﻜﺮﺍﻡ ﻭﺳﺪﻳﺘﻪ ﻫﻴﺞ ﻓﻘﻂ ﺍﺧﻠﺺ ﺍﻟﻮﻗﺖ ﺍﻟﻠﻲ ﺑﺎﻟﺴﻴﺎﺭﻩ ﺍﺣﺴﻦ ﻣﺎ ﺍﻛﻌﺪ ﺍﺻﻔﻦ ﻋﻠﺸﺎﺭﻉ
ﻭﺻﻠﻨﺎ ﻟﻠﻤﺴﺘﺸﻔﻰ ﺻﻔﻴﻨﺎ ﺍﻟﺴﻴﺎﺭﻩ ﻭﺭﺣﻨﺎ ﺍﻧﻲ ﻭﻣﺎﻣﺎ ﻧﻤّﺸﻲ ﺍﺑﻮﻳﻪ ﻭﺻﻠﻨﺎ ﻓﺤﺼﻮﻩ ﻛﺎﻟﻮ ﻻﺯﻡ ﻧﺴﻮﻳﻠﻪ ﺍﺷﻌﻪ ﺭﻧﻴﻦ ﻭﻣﻔﺮﺍﺱ
ﺍﻫﻮﻭﻭﻭﻭ ﻫﺎﻱ ﺷﻴﻔﻀﻬﺎ ﺳﻮﻳﻨﺎﻫﺎ ﻭﺍﻧﻄﻴﻨﻪ ﻓﻠﻮﺱ ﻋﻠﻤﻮﺩ ﺗﻄﻠﻊ ﺍﻻﺷﻌﻪ ﺑﻨﻔﺲ ﺍﻟﻴﻮﻡ ﺍﺧﺬﻧﺎﻫﺎ ﻣﻦ ﺑﻌﺪ ﻭﻗﺖ 5 ﺳﺎﻋﺎﺕ ﻣﺮﻥ ﻛﻮﻩ
ﺭﺣﻨﻪ ﻟﻠﺪﻛﺘﻮﺭ ﺷﻮﻓﻨﺎﻩ ﺍﻟﻨﺘﻴﺠﻪ ﺑﺲ ﺷﻔﺖ ﺍﻟﺪﻛﺘﻮﺭ ﺩﺍﻳﺦ ﻭﻳﺒﺎﻭﻉ ﻛﺎﻝ ﻣﻦ ﺷﻮﻛﺖ ﺻﺎﺭ ﻋﻨﺪﻩ ﻫﻠﺤﺎﻟﻪ ﻛﻠﻨﺎﻟﻪ ﺻﺎﺭﻟﻪ ﺷﻬﺮ
ﻛﺎﻝ ﻣﺘٲﺧﺮﻳﻦ ﻛﻮﻟﺶ ﺍﻟﻮﺍﻟﺪ ﻋﻨﺪﻩ ﻭﺭﻡ ﺑﺎﻟﺪﻣﺎﻍ ﻭﻻﺯﻡ ﺑٲﻗﺮﺏ ﻭﻗﺖ ﻧﺴﻮﻱ ﺍﻟﻌﻤﻠﻴﻪ ﻭﻧﺴﺘٲﺻﻠﻪ
ﺍﺗﺨﺒﻠﻨﺎ ﺍﻧﻲ ﻭﺍﻣﻲ ﻭﻛﻤﻨﺎ ﻧﺒﺠﻲ ﺑﺎﻭﻋﺖ ﻟﻠﺪﻛﺘﻮﺭ ﻭﻛﺘﻠﻪ ﻧﻜﺪﺭ ﻧﺴﻔﺮﻩ ﻧﺴﻮﻳﻠﻪ ﺍﻟﻌﻤﻠﻴﻪ ﺑﺮﺍ ﺧﺎﺭﺝ ﺍﻟﻌﺮﺍﻕ
ﻛﺎﻝ ﻻ ﻣﺎ ﻋﻨﺪﻩ ﻭﻗﺖ ﻻﺯﻡ ﻧﺴﺘٲﺻﻞ ﺍﻟﻮﺭﻡ ﺑٲﺳﺮﻉ ﻭﻗﺖ ﻭﺣﺪﺩ ﻣﻮﻋﺪ ﺍﻟﻌﻤﻠﻴﻪ ﺑﻌﺪ ﻳﻮﻣﻴﻦ ﺭﺟﻌﻨﺎ ﺍﻧﻲ ﻭﺍﻣﻲ ﻫﻠﻜﺎﻧﻴﻦ ﻣﻦ ﺍﻟﺘﻌﺐ ﻭﺍﻟﺒﺠﻲ
ﺍﻟﻤﻦ ﻧﺸﺘﻜﻲ ﺍﺣﻨﻪ ﻣﺎ ﻋﺪﻧﻪ ﻋﻼﻗﻪ ﻗﻮﻳﻪ ﺑﻌﻤﺎﻣﻲ ﻭﺧﻮﺍﻟﻲ ﻣﺎ ﻋﺪﻧﺎ ﻏﻴﺮ ﺑﺲ ﺧﺎﻝ ﻭﺍﺣﺪ ﻭﻃﻠﻊ ﺗﻬﺮﻳﺐ ﻻﻟﻤﺎﻧﻴﺎ
ﻭﺍﺧﻮﺗﻲ ﺣﺎﻟﺘﻬﻢ ﺗﻠﻌﺐ ﺍﻟﻨﻔﺲ ﻭﻻ ﺗﺤﺴﻴﻬﻢ ﻫﻤﻪ ﺣﺘﻪ ﻭﻻ ﺗﻜﺪﺭ ﺗﻌﺘﻤﺪ ﻋﻠﻴﻬﻢ ﺑﺤﻤﻞ ﻣﺴﺆﻟﻴﺔ ﺍﺑﻮﻳﻪ
ﺍﻣﻲ ﻛﺎﻣﺖ ﺗﺘﻌﺎﺭﻙ ﻭﻳﺎﻫﻢ ﻭﺗﻜﻠﻬﻢ ﺍﻟﻤﻦ ﺧﻠﻔﺘﻜﻢ ﻏﻴﺮ ﺗﻌﻴﻨﻮﻥ ﺍﺑﻮﻛﻢ ﻋﻮﻓﻮ . ﻫﻠﺴﻢ ﻭﺍﻟﻠﻪ ﺧﺒﻠﻜﻢ
ﻛﺎﻣﺖ ﺗﺎﺧﺬ ﻣﻨﻬﻢ ﺍﻟﺤﺒﻮﺏ ﻳﺘﻬﺴﺘﺮﻭﻥ ﻭ ﻳﺘﺨﺒﻠﻮﻥ ﻋﻠﻴﻨﻪ ﺣﺘﻪ ﻳﻬﺪﻭﻥ ﻋﻠﻴﻨﻪ ﺍﻧﻲ ﻭﺍﻣﻲ ﺑﺎﻟﺴﺠﻴﻨﻪ ﻟﺤﺪ ﻣﺘﻨﻄﻴﻬﻢ ﺍﻟﺤﺒﻮﺏ
ﺑﻘﻴﺖ ﺍﻧﻲ ﻭﺍﻣﻲ ﺣﺎﻳﺮﻳﻦ ﻋﻠﻪ ﻓﻠﻮﺱ ﺍﻟﻌﻤﻠﻴﻪ 3 ﻣﻼﻳﻴﻦ ﻣﻨﻴﻦ ﻧﺠﻴﺒﻬﻦ ﺟﺎﻥ ﺍﺑﻮﻳﻪ ﻳﺸﺘﻐﻞ ﻣﻮﺿﻒ ﺑﺎﻟﺒﻨﻚ ﻭﺭﺍﺗﺒﻪ ﺍﻟﺤﻤﺪﻟﻠﻪ ﻋﺎﻳﺸﻴﻦ ﻣﻨﻪ ﺑﻲ
ﺑﻌﺪ ﻣﺎ ﻛﻌﺪ ﻭﺗﻤﺮﺽ ﺍﻧﻘﻄﻊ ﻣﺎ ﺑﻘﻰ ﻛﺪﺍﻣﻨﻪ ﻏﻴﺮ ﺍﻧﺒﻴﻊ ﺍﻟﺴﻴﺎﺭﻩ ﺑﻌﻨﺎﻫﺎ ﺏ 19 ﻣﻠﻴﻮﻥ ﻭ ﺳﻮﻳﻨﺎ ﺍﻟﻌﻤﻠﻴﻪ …
ﻳﺘﺒﻊ
رئيكم بالجزء في إضافة تعليق
العضوة: 748360 , 5 years ago
@user-522131 حبيبتي يعطيكي العافيه قصه رائعه كالعاده، ،،،،🌺🌺 ،،، كمليها واستمري بنشر القصص الحلوه كعيونك 😍😍😘❤️العضوة: 748360 , 5 years ago
@user-795884 كيفك حبيبتي شو اخبارك ❤️🌺 وين غايبه انتي وسموحه، ،،😍العضوة: 786697 , 5 years ago
@user-522131 رفعالعضوة: 522131 , 5 years ago
@user-795884 وانتي ليش ضايجه 😏العضوة: 522131 , 5 years ago
ﻋﻠﻲ .. ﻣﺨﻠﻴﻬﺎ ﺑﺤﻀﻨﻲ ﻭﺍﻃﺒﻄﺐ ﻋﻠﻪ ﻛﺘﻔﻬﺎ ﻭﺍﻣﺴﺢ ﺑﺸﻌﺮﻫﺎ ﻛﺘﻠﻬﺎ ﻛﺎﻓﻲ ﺗﺮﻩ ﺍﻟﻠﻪ ﻣﺎ ﻳﻨﺴﻪ ﻋﺒﺪﻩ ﺍﻟﻠﻲ ﻳﻌﺘﻨﻲ ﺑﻨﻤﻠﻪ ﺗﺤﺖ ﺳﺎﺑﻊ ﺑﺤﺮ ﻣﺎ ﻳﻜﺪﺭ ﻳﻌﺘﻨﻲ ﺑﻴﺞ ﺧﻠﻲ ﺛﻘﺘﺞ ﺑﺎﻟﻠﻪ ﻗﻮﻳﻪ ﻭﺷﻮﻓﻲ ﺷﻠﻮﻥ ﺭﺍﺡ ﻳﺴﺎﻋﺪﺝ ﻭﻟﺘﺨﺎﻓﻴﻦ ﻭﺍﻟﻠﻪ ﻣﺎ ﺍﻋﻮﻓﺞ ﺍﻻ ﺍﻃﻤﻦ ﻋﻠﻴﺞ ﻭﺍﺷﻮﻓﺞ ﻣﺮﺗﺎﺣﻪ ﻳﻠﻪ ﺍﺭﻭﺡ ﺑﺴﺘﻬﺎ ﺑﺮﺍﺳﻬﺎ ﻭﻫﻴﻪ ﺗﺒﺠﻲ ﻛﺘﻠﻬﺎ ﺍﻫﺪﻱ ﺍﻫﺪﻱ ﺑﻘﻴﺖ ﺍﻣﺴﺢ ﻋﻠﻪ ﺭﺍﺳﻬﺎ ﺣﺴﻴﺘﻬﺎ ﻏﻔﺖ ﻛﻤﺖ ﺍﺑﺎﻭﻉ ﻟﻠﺒﺤﺮ ﻭﺍﺟﺮ ﻧﻔﺲ ﺭﺩﺕ ﺍﻃﻠﻊ ﺟﻜﺎﺭﻩ ﺍﻭﺭﺙ ﺍﺣﺲ ﺭﻭﺣﻲ ﺍﺷﺘﻌﻠﺖ ﻣﻦ ﻗﻬﺮﻫﺎ ﺑﺲ ﺧﻔﺖ ﺗﻜﻌﺪ ﺧﻄﻴﻪ ﻣﺘﺤﻤﻠﻪ ﻛﻞ ﻫﻠﻘﻬﺮ ﻣﻨﻮ ﻳﺘﺤﻤﻞ ﺍﻟﻠﻲ ﻳﺼﻴﺮ ﺑﻴﻬﺎ ﺻﻌﺐ ﻛﻮﻟﺶ ﺧﺎﺻﻪ ﻫﻴﻪ ﺑﻨﻴﻪ ﻭﺑﺎﻟﻌﺮﺍﻕ ﻣﺤﺪ ﻳﺮﺣﻤﻬﺎ ﺑﻘﻴﺖ ﺍﻓﻜﺮ ﺑﻴﻬﺎ ﻟﺤﺪ ﻣﺎ ﻏﻔﻴﺖ ﻋﻠﻪ ﺭﺍﺳﻬﺎ ﻭﻫﻴﻪ ﺑﺤﻈﻨﻲ ﻣﺎ ﺣﺴﻴﺖ ﺍﻻ ﻋﻠﻤﻲ ﻭﻫﻮﻩ ﻳﻼﻣﺲ ﺭﺟﻠﻴﻨﻪ ﻭﺻﻮﺕ ﺍﻟﺤﻤﺎﻡ ﻓﻮﻛﺎﻧﺎ ﺑﺎﻭﻋﺖ ﻓﺠﺮ ﺑﺲ ﺍﻟﺸﻤﺲ ﺑﻌﺪﻫﺎ ﻣﺎ ﻃﺎﻟﻌﻪ ﺭﻓﻌﺖ ﺍﺩﻳﻬﺎ ﻟﻴﻔﻮﻙ ﻣﻄﻴﺖ ﺟﺴﻤﻲ ﻣﺘﻜﺴﺮ ﻻﻥ ﻧﺎﻳﻢ ﻛﻌﺪﻩ ﻛﻌﺪﺕ ﻫﻴﻪ ﻛﺘﻠﻬﺎ ﻳﻠﻪ ﻧﺮﺟﻊ ﻟﻠﻔﻨﺪﻕ ﻻﺯﻡ ﺏ 7 ﺍﺣﻨﻪ ﻧﻄﻠﻊ ﺷﻬﺪ .. ﻛﻌﺪﺕ ﻟﻜﻴﺖ ﻧﻔﺴﻲ ﻧﺎﻳﻤﻪ ﻋﻠﻪ ﺭﺟﻠﻴﻪ ﺧﺠﻠﺖ ﺍﺗﺬﻛﺮﺕ ﺷﻠﻮﻥ ﺍﻧﻔﺠﺮﺕ ﺑﺠﻲ ﺍﻟﺒﺎﺭﺣﻪ ﺑﺤﻀﻨﻪ ﺑﺲ ﻫﻮﻩ ﻣﺎ ﺣﺴﺴﻨﻲ ﺑﺸﻲ ﻭﻛﺎﻝ ﻳﻠﻪ ﻛﻮﻣﻲ ﻧﺮﻭﺡ ﻛﺘﻠﻪ ﻳﻠﻪ ﻛﻤﺖ ﻋﺪﻟﺖ ﻣﻼﺑﺴﻲ ﻭﻛﻤﺖ ﻋﻠﻲ .. ﻛﻤﺖ ﻋﺪﻟﺖ ﻣﻼﺑﺴﻲ ﻭﻧﻜﺜﺘﻬﺎ ﻣﻦ ﺍﻟﺮﻣﻞ ﺩﺭﻧﺎ ﺍﻧﺮﻳﺪ ﻧﻤﺸﻲ ﺷﻔﻨﺎ ﺛﻨﻴﻦ ﺑﻨﻴﻪ ﺍﻭﻟﺪ ﺟﻮﻩ ﺍﻟﺠﺴﺮ ﺑﻮﺿﻊ ﻣﻮ ﺣﻠﻮ ﺑﺎﻭﻋﺘﻠﻬﺎ ﻣﺪﻧﻜﻪ ﻭﻣﺒﻴﻦ ﺍﻟﺨﺠﻞ ﻋﻠﻪ ﻭﺟﻬﺎ ﺍﺑﺘﺴﻤﺖ ﻭﻛﺘﻠﻬﺎ ﻣﻌﻠﻴﺞ ﺑﻴﻬﻢ ﻻﺗﺒﺎﻭﻋﻴﻠﻬﻢ ﻳﻠﻪ ﺧﻠﻴﺖ ﺍﻳﺪﻱ ﻋﻠﻪ ﺿﻬﺮﻫﺎ ﻭﻣﺸﻴﻨﺎ ﺩﻛﻴﻨﺎﻫﺎ ﻣﺸﻲ ﻟﻠﻔﻨﺪﻕ ﺭﺟﻠﻴﻨﺎ ﻣﺎﺗﺖ ﻣﻦ ﺍﻟﺘﻌﺐ ﻛﺘﻠﻬﺎ ﻧﺎﺧﺬ ﺗﻜﺴﻲ ﻛﺎﻟﺖ ﻻ ﺭﺍﺡ ﻧﺸﺒﻊ ﻛﻌﺪﻩ ﺑﺎﻟﺸﺎﺣﻨﻪ ﺧﻠﻲ ﻧﺤﺮﻙ ﺭﺟﻠﻴﻨﺎ ﻭﺻﻠﻨﺎ ﻟﻠﻔﻨﺪﻕ ﺍﺧﺬﻧﺎ ﺍﻫﺪﻭﻣﻨﺎ ﻭﺣﺎﺟﺎﺗﻨﺎ ﻭﺩﻓﻌﺖ ﺍﻟﺤﺴﺎﺏ ﻭﻃﻠﻌﻨﺎ ﺭﺣﻨﺎ ﻟﻠﺸﺎﺣﻨﻪ ﻛﺘﻠﻬﺎ ﻳﻠﻪ ﻛﻤﺰﻱ ﺟﻮﻩ ﺍﻟﻜﺸﻦ ﺷﻬﺪ .. ﻳﺎ ﺍﻟﻠﻪ ﺑﺪﻳﻨﻪ ﺑﺎﻟﻄﻴﺤﺎﻥ ﺣﻆ 😑 ﻋﻠﻲ .. ﻫﻬﻬﻬﻪ ﺑﺲ ﺍﻛﻤﻞ ﺍﺳﺘﻼﻡ ﺍﻟﺒﻀﺎﺋﻊ ﺍﻧﺸﺎﻟﻠﻪ ﻣﺎ ﻧﺘٲﺧﺮ ﺩﺧﻠﺖ ﺍﻟﺸﺎﺣﻨﻪ ﻟﻠﺸﺮﻛﻪ ﺍﻟﻤﺘﻔﻘﻴﻦ ﻭﻳﺎﻫﺎ ﺍﺧﺬﺕ ﻣﻨﻬﺎ ﺑﻀﺎﻋﻪ ﻃﻮﻟﺖ ﺳﺎﻋﻪ ﻭﻧﺺ ﻭﻃﻠﻌﺖ ﺍﺧﺬﺕ ﻛﻴﻚ ﻭﻋﺼﺎﻳﺮ ﻭﺟﺒﺎﺳﻪ ﻭﺻﻌﺪﺕ ﻟﻜﻴﺘﻬﺎ ﻛﺎﻋﺪﻩ ﻋﻠﻜﺸﻦ ﻛﺘﻠﻬﺎ ﻛﻤﺰﻱ ﻳﻤﻲ ﺍﻧﻄﻴﺘﻬﺎ ﺍﻳﺪﻱ ﻭﺳﺎﻋﺪﺗﻬﺎ ﻭﻛﻌﺪﺕ ﻳﻤﻲ ﺷﻬﺪ .. ﺍﺧﺘﻨﻜﺖ ﻟﺤﺪ ﻣﺎ ﺍﺟﻪ ﺻﻌﺪ ﻛﺎﻝ ﺗﻌﺎﻟﻲ ﻳﻤﻲ ﻭﻣﺪﻟﻲ ﺍﻳﺪﻩ ﺣﻮﻟﺖ ﻭﻛﻌﺪﺕ ﻳﻤﻪ ﺑﺎﻭﻋﺖ ﺍﻟﻠﻪ 😍 ﺣﻠﻮﻳﺎﺕ ﺑﻘﻪ ﻳﻀﺤﻚ ﻃﻠﻌﺖ ﺟﺒﺲ ﺍﻛﻞ ﻭﺍﺧﻠﻲ ﺑﺤﻠﻜﻪ ﻭﻫﻮ ﻳﻀﺤﻚ ﻭﺍﺫﺍ ﺧﻠﻴﺖ ﺟﺒﺴﺎﻳﺘﻴﻦ ﺑﺤﻠﻜﻲ ﻳﺼﻴﺢ ﺍﺍﺍﺍ ﻏﺸﺎﺷﻪ ﺍﻛﻠﺘﻲ ﺛﻨﻴﻦ ﻛﺘﻠﻪ ﺩﺑﺎﻭﻉ ﻃﺮﻳﻘﻚ ﻻ ﻧﺮﻭﺡ ﻧﻨﻜﻠﺐ ﻣﻦ ﻭﺭﻩ ﺟﺒﺲالعضوة: 522131 , 5 years ago
ﻋﻠﻲ .. ﻣﺎ ﻣﺎ ﻣﺎ ﻋﻮﺩ ﺻﺎﻳﺮﻩ ﻟﻮﺗﻴﻪ ﺗﺮﺩﻳﻨﻲ ﺍﻧﺘﺒﻪ ﻋﻠﻤﻮﺩ ﻳﺼﻔﻪ ﺍﻟﺠﺒﺲ ﻛﻠﻪ ﺑﻜﺮﺷﺞ ﺍﻧﻄﻴﻨﻲ ﺷﻬﺪ .. ﻫﻬﻬﻬﻪ ﺍﺑﻮ ﺑﻄﻦ ﻛﻤﺖ ﺍﺧﻠﻲ ﻣﺮﻩ ﺑﺤﻠﻜﻪ ﻭﻣﺮﻩ ﺑﺤﻠﻜﻲ ﻟﺤﺪ ﻣﺎ ﺧﻠﺺ ﻃﻠﻌﺖ ﻋﺼﻴﺮ ﺍﺷﺮﺏ ﺍﻧﻮﺏ ﺍﻧﻮﺏ ﻫﻢ ﻳﺮﻳﺪ ﻳﺸﺮﺏ ﺍﻟﺰﻛﻪ ﻛﻤﺖ ﺍﺷﺮﺑﻪ ﻭﻳﺎﻱ ﺧﻠﺼﻨﺎﻫﺎ ﺷﻮﻳﻪ ﺍﻟﻚ ﻭﺷﻮﻳﻪ ﺍﻟﻲ ﻛﻤﺖ ﺍﺩﻭﺭ ﺑﺎﻟﺮﺍﺩﻳﻮ ﻛﻠﻪ ﺑﺮﺍﻫﻴﻢ ﺗﺎﺗﻠﺲ ﺍﺩﻭﺭ ﺍﺭﻳﺪﻟﻲ ﺷﻲ ﻋﺮﺑﻲ ﻭﺍﺧﻴﺮﺍ ﻃﻠﻌﺖ ﺍﻏﻨﻴﻪ ﺳﻴﺮﻳﻦ ﻋﺒﺪ ﺍﻟﻨﻮﺭ . ﻟﻮ ﺑﺺ ﻓـ ﻋﻴﻨﻲ ﻣﺮﻩ ﺑﺲ ﻫﻴﺤﺲ ﺍﻭﺍﻡ ﺑﺸﻮﺋﻲ ﻟﻴﻪ ﻟﻮﺑﺺ ﻑ ﻋﻴﻨﻲ ﻣﺮﻩ ﺑﺲ ﻫﻴﺤﺲ ﺑٲﻧﻲ ﺩﺍﻳﺒﻪ ﻓﻴﻪ ﻟﻮ ﺍﺋﻠﻲ ﺗﻌﺎﻟﻲ ﺍﻟﺒﻲ ﺩﺍ ﺍﻧﻪ ﺍﺭﻭﺣﻠﻮ ﺍﻭﺍﻡ ﻣﺎ ﺍﺋﻮﻟﺶ ﻻ ) ﺍﻻﻏﻨﻴﻪ ﺭﻭﻣﺎﻧﺴﻴﻪ ﻭﺍﺣﺴﺎﺳﻬﺎ ﺣﻠﻮ ﺑﻘﻪ ﻣﺒﺘﺴﻢ ﻭﻳﺒﺎﻭﻋﻠﻲ ﻭﺍﻧﻲ ﺍﻛﻮ ﺷﻲ ﺑﺪﺍﺧﻠﻲ ﻓﺮﺣﺎﻥ ﺭﻏﻢ ﺍﻋﺮﻑ ﺍﻧﻲ ﺭﺍﺟﻌﻪ ﻟﻠﻘﻬﺮ ﺑﺲ ﻳﻜﻔﻴﻨﻲ ﻫﻠﺤﻀﺎﺕ ﺍﺳﻌﺪ ﻟﺤﻀﺎﺕ ﺣﻴﺎﺗﻲ ﻟﺸﻮﻱ ﻏﻔﻴﺖ ﻋﻠﻲ .. ﺍﺑﺎﻭﻋﻠﻬﺎ ﻭﺍﻛﻮﻝ ﺑﺪﺍﺧﻠﻲ ﻋﻮﺩ ﺍﻛﺪﺭ ﺍﻋﻮﻓﻬﺎ ﺗﺮﻭﺡ ﻻ ﺟﺬﺏ ﺍﺗﻌﻮﺩﺕ ﻋﻠﻴﻬﺎ ﺍﺧﺬﺕ ﻧﻔﺲ ﻭﻳﻦ ﺟﺎﻧﺖ ﻟﻮ ﺷﺎﻳﻔﻬﺎ ﻣﻦ ﻗﺒﻞ ﻋﻮﺩ ﺍﻟﻌﻨﺪﻱ ﻫﻢ ﺗﺘﺴﻤﻪ ﻣَـﺮّﮪٌ ﺍﻭﻭﻭﻭﻭﻭﻑ ﻛﻠﺒﻲ ﺍﻛﻮ ﻧﺴﻮﺍﻥ ﺗﺮﺩ ﺍﻟﺮﻭﺡ ﻭﺍﻛﻮ ﻧﺴﻮﺍﻥ ﺍﻃﻠﻊ ﺍﻟﺮﻭﺡ ﻭﺍﻧﻲ ﻭﺣﺪﻩ ﻣﻨﻬﻦ ﻃﻠﻌﺖ ﺭﻭﺣﻲ ﻭﺍﻟﺜﺎﻧﻴﻪ ﺭﺟﻌﺘﻠﻴﺎﻫﺎ ﺻﻔﻨﺖ ﻭﻳﻪ ﺭﻭﺣﻲ ﻣﻌﻘﻮﻟﻪ ﺗﻌﻠﻘﻲ ﺑﻴﻬﺎ ﺣﺐ ﺩﺭﺕ ﻭﺟﻬﻲ ﻋﻠﻴﻬﺎ ﻭﺍﺑﺎﻭﻋﻠﻬﺎ ﻭﺍﺑﺎﻭﻉ ﻟﻠﻄﺮﻳﻖ ﺍﻱ ﻭﺍﻟﻠﻪ ﺣﺐ ﻫﻬﻬﻬﻪ ﺗﺎﻟﻲ ﻛﻞ ﻫﻠﺴﻨﻴﻦ ﻭﻟﻚ ﻋﻠﻴﻮﻱ ﺗﺤﺐ ﺍﻭﻭﻭﻭﻑ ﺣﺘﻪ ﻛﻠﺒﻲ ﻣﺎﺕ ﻣﻦ ﻭﺭﻩ ﻣﻴﻌﺎﺩ ﺍﻟﻠﻪ ﻻ ﻳﻨﻄﻴﻬﺎ ﻣﺮﻣﺮﺗﻨﻲ ﻭﺻﻠﻨﺎ ﻟﺤﺪﻭﺩ ﺗﺮﻛﻴﺎ ﺗﻘﺮﻳﺒﺎ ﺍﻟﺴﺎﻋﻪ 2 ﺍﻟﻀﻬﺮ ﺻﺤﻴﺘﻬﺎ ﻛﺘﻠﻬﺎ ﺍﻛﻤﺰﻱ ﻭﺭﻩ ﻧﺰﻟﺖ ﺧﻠﺼﺖ ﺷﻐﻠﺖ ﺍﻟﺤﺪﻭﺩ ﻣﺎ ﻃﻮﻟﺖ ﻫﻮﺍﻳﻪ ﺗﻘﺮﻳﺒﺎ ﻧﺺ ﺳﺎﻋﻪ ﻻﻥ ﺩﺧﻮﻝ ﺍﻟﻌﺮﺍﻕ ﺍﺳﻬﻞ ﻣﻦ ﺧﺮﻭﺟﻪ ﺻﻌﺪﺕ ﻛﺘﻠﻬﺎ ﺍﻃﻠﻌﻲ ﻫﺎﻳﻪ ﺩﺧﻠﻨﺎ ﺍﻟﻌﺮﺍﻕ ﺑﻌﺪ ﻣﺎﻛﻮ ﺩﺍﻋﻲ ﺗﺘﺨﺘﻠﻴﻦ ﺷﻬﺪ .. ﻣﻦ ﻛﺎﻝ ﺩﺧﻠﻨﺎ ﺍﻟﻌﺮﺍﻕ ﺍﺣﺲ ﺍﺧﺘﻨﻜﺖ ﻣﺎ ﺍﻋﺮﻑ ﺷﺼﺎﺭ ﺑﻴﻪ ﻋﻠﻲ .. ﺷﻔﺘﻬﺎ ﺿﺎﺟﺖ ﺭﺩﺕ ﺍﻻﻃﻔﻬﺎ ﻛﺘﻠﻬﺎ ﺩﻃﻠﻌﻴﻠﻨﺎ ﻛﻴﻚ ﻣﺘﺖ ﻣﻦ ﺍﻟﺠﻮﻉ ﺍﻧﻮﺏ ﺣﺪﻭﺩ ﻛﻮﻟﺸﻲ ﻣﺎﻛﻮ ﻏﻴﺮ ﺟﺒﺎﻝ ﻭﺗﻼﻝ ﺗﺨﻮﻑ ﺣﺘﻪ ﻣﺎﻛﻮ ﻧﺎﺱ ﺷﻬﺪ .. ﻃﻠﻌﺖ ﻛﻴﻚ ﻭﻋﺼﻴﺮ ﻛﺘﻠﻪ ﺍﻛﻞ ﻋﻠﻲ .. ﺑﺎﻭﻋﺘﻠﻬﺎ ﺑﻄﺮﻑ ﻋﻴﻨﻪ ﻭﻛﺘﻠﻬﺎ ﻭﻛﻠﻴﻨﻲ 😌 ﺷﻬﺪ .. ﺧﺐ ﺩﻛﻞ ﺷﻮ ﺍﻧﺘﻪ ﺍﺩﻟﻠﺖ ﺯﺍﻳﺪ ﺩﻫﺎﻙ 😠العضوة: 522131 , 5 years ago
ﻋﻠﻲ .. ﺍﻭﻳﻠﻲ ﺍﻟﻠﻪ ﺻﺎﺭﻟﻨﺎ 3 ﺍﻳﺎﻡ ﺑﺘﺮﻛﻴﺎ ﻣﺎ ﻛﺎﻟﺘﻠﻲ ﺧﺐ ﺩﻫﺎﻙ ﺑﺲ ﺩﺧﻠﻨﺎ ﺍﻟﻌﺮﺍﻕ ﺍﻧﻌﺠﻦ ﺣﺠﻴﻬﺎ 😂😂😂 ﺷﻬﺪ .. ﻫﻬﻬﻬﻪ ﻋﺎﺑﺖ ﺍﻱ ﺷﺴﻮﻱ ﻏﻴﺮ ﻣﻮﺗﺘﻨﻲ ﺩﺗﻠﻞ ﻫﻮﺍﻱ ﻋﻠﻲ .. ﻭﻟﺞ ﺟﺎ ﻫﻮﻩ ﺍﻛﻮ ﺍﺣﻠﻪ ﻣﻦ ﺣﺠﺎﻳﺎﺕ ﺍﻫﻠﻨﺎ ﻣﻌﺴﻠﻪ ﺗﺨﺒﻞ ﺷﻬﺪ .. ﻫﻬﻬﻬﻪ ﭼﺎ ﻭﺷﺤﻼﺓ ﺍﻟﭽﺎ ﭼﺎ ﻟﻌﺪﻙ ﺍﻧﺘﻪ 😜 ﻋﻠﻲ .. ﺧﺎﻳﺒﻪ ﺟﺎ ﻫﻮﻩ ﺍﻟﺤﺠﻲ ﺑﻼ ﭼﺎ ﺟﺎ ﺷﻨﻬﻲ ﻟﺬﺗﻪ .. ﻫٍْـَِ 😜 ـٌَِْﻊ ﺷﻬﺪ .. ﻫﻠﻠﻪ ﻫﻠﻠﻪ ﻫﻬﻬﻬﻬﻬﻬﻪ ﺑﻘﻴﻨﻪ ﻧﺪﺭﺩﺵ ﻭﻧﺼﻨﻒ ﻭﻧﻀﺤﻚ ﻭﺻﻠﺖ ﺣﺪﻭﺩ ﺍﺭﺑﻴﻞ ﺍﻟﻤﻐﺮﺏ ﺗﻘﺮﻳﺒﺎ ﺍﺧﺬﺕ ﺍﻛﻞ ﻭﺻﻌﺪﺕ ﻭﺻﻠﺖ ﻟﺪﻳﺎﻟﻰ ﺍﻟﺴﺎﻋﻪ 9 ﻭﻧﺺ ﺧﻠﻴﺖ ﺍﻟﺸﺎﺣﻨﻪ ﺑﻜﺮﺍﺝ ﻻﻥ ﺑﻌﺪ ﺍﻟﺴﺎﻋﻪ 10 ﻳﺘﻮﻗﻒ ﺳﻴﺮ ﺍﻟﺸﺎﺣﻨﺎﺕ ﺍﺧﺬﺗﻬﺎ ﻭﺍﺧﺬﺕ ﺗﻜﺴﻲ ﻭﺭﺣﺖ ﺩﺍ ﺍﺧﺬﻫﺎ ﻟﺒﻴﺘﻬﺎ ﺑﻘﺖ ﺍﺩﻟﻴﻨﻲ ﺑﺲ ﺍﺣﺴﻬﺎ ﻣﺨﻨﻮﻛﻪ ﺷﻬﺪ .. ﺩﺧﻠﺖ ﺍﻟﺴﻴﺎﺭﻩ ﻟﻠﻤﻨﻄﻘﻪ ﻣﺎﻟﺘﻨﺎ ﺍﺧﺘﻨﻜﺖ ﺑﻘﻴﺖ ﺍﺩﻟﻴﻪ ﻛﻮﻩ ﺍﻟﺪﻣﻌﻪ ﺣﺎﺳﺮﺗﻬﺎ ﺑﻄﺮﻑ ﻋﻴﻨﻲ ﻭﺻﻠﺖ ﺍﻟﻔﺮﻉ ﻣﺎﻟﺘﻨﺎ ﺍﻧﻔﺠﺮﺕ ﺑﺎﻟﺒﺠﻲالعضوة: 522131 , 5 years ago
ﻣﺎ ﺗﺤﻤﻠﺖ ﻛﺘﻠﻪ ﺧﻞ ﻳﻮﻛﻒ ﺍﻟﺴﻴﺎﺭﻩ ﺍﺣﻨﻪ ﻧﻤﺸﻲ ﻧﺰﻟﻨﺎ ﻣﻦ ﺍﻟﺘﻜﺴﻲ ﻭﺍﻧﻲ ﺍﻭﺻﻔﻠﻪ ﺍﻟﻄﺮﻳﻖ ﺍﻟﺠﻨﺖ ﺍﺭﻛﺾ ﺑﻴﻪ ﺑﻠﻴﻠﺔ ﺍﻟﺤﺎﺩﺙ ﻭﺷﻠﻮﻥ ﺧﺘﻠﺖ ﺟﻮﻩ ﺍﻟﺴﻴﺎﺝ ﻭﺻﻠﺖ ﺍﻟﻠﺒﻴﺖ ﺍﺧﺬﺕ ﻧﻔﺲ . ﻋﻠﻲ .. ﻣﻮ ﻫﻴﻪ ﺍﻟﺨﺘﻨﻜﺖ ﺍﻧﻲ ﺍﻟﻠﻲ ﺧﺘﻨﻜﺖ ﻣﻦ ﻳﻤﻲ ﺭﺩﺕ ﺍﺑﺠﻲ ﻭﻳﺎﻫﺎ ﻭﺻﻠﺖ ﺍﻟﺒﻴﺘﻬﺎ ﺍﺧﺬﺕ ﻧﻔﺲ ﻛﺘﻠﻬﺎ ﻟﺘﺨﺎﻓﻴﻦ ﻭﻋﻠﻲ ﺍﻟﻠﻲ ﻳﻤﺲ ﺷﻌﺮﻩ ﻣﻦ ﺭﺍﺳﺞ ﺍﻋﺘﺒﺮﻱ ﺍﻣﻪ ﻣﺎ ﺟﺎﺑﺘﻪ ﻟﻮ ﻣﻮ ﺍﺧﻮﺝ ﺍﺣﺮﻙ ﺍﻟﺪﻧﻴﺎ ﻭُﺃﻟـﻠـﻬﮧ ﺷﻬﺪ .. ﻣﻦ ﻛﺎﻝ ﻫﻴﺞ ﺑﺎﻭﻋﺘﻠﻪ ﺍﺑﺘﺴﻤﺖ ﻭﻛٲﻧﻪ ﺍﻧﻄﺎﻧﻲ ﺟﺮﻋﺔ ﻗﻮﻩ ﺍﻭﺍﺟﻪ ﺑﻴﻬﺎ ﺣﺴﻴﺖ ﺍﻛﻮ ﺿﻬﺮ ﺍﻛﺪﺭ ﺍﻋﺘﻤﺪ ﻋﻠﻴﻪ ﺩﺧﻠﺖ ﺍﻟﺒﻴﺖ ﺍﺩﻙ ﺑﺎﻟﺒﺎﺏ ﺍﺩﻙ ﻣﺤﺪ ﻣﻮﺟﻮﺩ ﺑﺎﻭﻋﺘﻠﻪ ﻋﻠﻲ .. ﻫﺎ ﺷﻨﻮ ﻣﺤﺪ ﻃﻠﻊ ﺷﻬﺪ .. ﻻ ﺍﻭﻭﻭﻭﻭﻭ ﻟﺤﻀﻪ ﻟﺤﻀﻪ ﺟﻨﺖ ﺍﺗﺬﻛﺮ ﻣﺎﻣﺎ ﺟﺎﻧﺖ ﺗﺨﻠﻲ ﻣﻔﺘﺎﺡ ﺍﺣﺘﻴﺎﻁ ﻟﻠﺒﻴﺖ ﻓﻮﻙ ﻳﻢ ﺍﻟﻘﻨﺪﻳﻞ ﻣﺎﻝ ﺍﻟﻀﻮﻩ ﺭﺩﺕ ﺍﺻﻌﺪ ﺑﺲ ﺍﻟﻘﻨﺪﻳﻞ ﻋﺎﻟﻲ ﻛﺎﻝ ﻟﺤﻀﻪ ﺍﻧﻲ ﺍﺟﻴﺒﻪ ﻣﺪ ﺍﻳﺪﻩ ﻭﻓﻌﻼ ﻟﻜﻪ ﻣﻔﺘﺎﺡ ﺍﻧﻄﺎﻧﻴﺎ ﺍﻓﺘﺢ ﺑﺲ ﻗﻮﻱ ﻛﻮﻟﺶ ﻛﺎﻝ ﻭﺧﺮﻱ ﺍﻧﻲ ﺍﻓﺘﺢ ﺑﻘﻪ ﻳﻔﺘﺢ ﺑﻴﻪ ﺑﺼﻌﻮﺑﻪ ﻟﺤﺪ ﻣﺎ ﺍﻧﻔﺘﺢ ﺩﺧﻠﺖ ﺍﺑﺎﻭﻉ ﻣﺤﺪ ﻣﻤﻮﺟﻮﺩ ﺍﻟﺒﻴﺖ ﻫﺎﺩﺀ ﻭﻣﻀﻠﻢ ﺟﻦ ﻣﻔﺎﺭﻛﺘﻪ ﺳﻨﻴﻦ ﻣﻮ 4 ﺍﻳﺎﻡ ﻓﺘﺤﺖ ﺍﻟﻀﻮﻩ ﻭﻛﺘﻠﻪ ﺗﻌﺎﻝ ﻋﻠﻲ ﺍﺩﺧﻞ ﻋﻠﻲ .. ﺩﺧﻠﺖ ﻭﺻﺤﺖ ﻳﺎ ﺍﻟﻠﻪ ﻛﺘﻠﻬﺎ .. ﺑﺎﻭﻋﺖ ﺍﻟﺒﻴﺖ ﻓﺎﺭﻍ ﻛﺘﻠﻬﺎ ﻭﻫﺴﻪ ﺷﻠﻮﻥ ﻣﺤﺪ ﻣﻮﺟﻮﺩ ﺷﻬﺪ .. ﻭﺍﻟﻠﻪ ﻣﺎ ﺍﻋﺮﻑ ﻭﻳﻦ ﺭﺍﺣﻮ ﻛﻤﺖ ﺍﻓﺘﺶ ﺑﺎﻟﺒﻴﺖ ﻏﺮﻓﻪ ﻏﺮﻓﻪ ﻣﺎﻛﻮ ﺭﺟﻌﺖ ﻟﻜﻴﺘﻪ ﺑﺎﻟﺼﺎﻟﻪ ﻛﺎﻋﺪ ﻋﻠﻲ .. ﻭﻫﺴﻪ ﺷﻠﻮﻥ ﻧﺒﻘﻪ ﻧﺮﻭﺡ ﺷﻬﺪ .. ﺗﻌﺒﺘﻚ ﻭﻳﺎﻳﻪ ﻋﻼﻭﻱ ﺍﺫﺍ ﺗﺮﻳﺪ ﺍﺧﺬ ﺭﺍﺣﺘﻚ ﻣﺸﻜﻮﺭ ﻭﺻﻠﺘﻨﻲ ﻟﻠﺒﻴﺖ ﺍﺩﻳﺖ ﻭﺍﺟﺒﻚ ﻭﺯﻳﺎﺩﻩ ﻛﻔﻴﺖ ﻭﻭﻓﻴﺖ ﺍﻟﻠﻪ ﻳﺤﻤﻴﻚ ﻭﻳﻜﺜﺮ ﻣﻦ ﺍﻣﺜﺎﻟﻚ ﻣﺎ ﻗﺼﺮﺕ ﻋﻠﻲ .. ﻫﺬﺍ ﻣﻮ ﺣﺠﻲ ﻣﺎ ﺍﻋﻮﻓﺞ ﺍﻻ ﺍﺍﻣﻦ ﻋﻠﻴﺞ ﺷﻠﻮﻥ ﺗﺮﺩﻳﻨﻲ ﺍﻋﻮﻓﺞ ﺍﺑﻴﺖ ﻭﺣﺪﺝ ﻻ ﻣﺴﺘﺤﻴﻞ ﺍﺑﺎﺕ ﻫﻨﺎ ﻭﻟﻠﺼﺒﺢ ﻧﺸﻮﻑ ﺷﻠﻮﻥ ﺍﻟﺤﻞ ﺷﻬﺪ .. ﺍﻭﻙ ﺑﺮﺍﺣﺘﻚ ﺍﺫﺍ ﺗﺮﻳﺪ ﺍﺩﺧﻞ ﻟﻠﺤﻤﺎﻡ ﺍﺳﺒﺢ ﻭﻫﺴﻪ ﺍﻧﻲ ﺍﺟﻴﺒﻠﻚ ﻫﺪﻭﻡ ﻣﻦ ﺍﻟﺠﻨﻄﻪ ﻋﻠﻲ .. ﺍﻱ ﻭﺍﻟﻠﻪ ﺗﻌﺒﺎﻥ ﻣﻴﺖ ﺟﺴﻤﻲ ﻣﺘﻜﺴﺮ ﻣﻦ ﻭﺭﻩ ﺍﻟﺸﺎﺣﻨﻪ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﺟﺎﺑﺘﻠﻲ ﻣﻼﺑﺲ ﺳﺒﺤﺖ ﻭﻃﻠﻌﺖ ﺭﺣﺖ ﻟﻠﺼﺎﻟﻪ ﻣﻴﺖ ﺗﻌﺐ ﻧﻤﺖ ﻛﺒﻞ ﻣﺎ ﺣﺴﻴﺖ ﻋﻠﻪ ﺍﻱ ﺷﻲ ﺷﻬﺪ .. ﺳﻤﻌﺘﻪ ﻃﻠﻊ ﻣﻦ ﺍﻟﺤﻤﺎﻡ ﺭﺣﺖ ﻟﻜﻴﺘﻪ ﻧﺎﻳﻢ ﻋﻠﺘﺨﻢ ﺧﻄﻴﻪ ﺷﺒﺴﺎﻉ ﻧﺎﻡ ﺟﺒﺘﻠﻪ ﻏﻄﺎ ﻭﻏﻄﻴﺘﻪ ﺳﺒﺤﺖ ﻭﻃﻠﻌﺖ ﺭﺣﺖ ﻟﻐﺮﻓﺖ ﻣﺎﻣﺎ ﻭﺑﺎﺑﺎ ﺍﺷﺘﻢ ﺑﺮﻳﺤﺘﻬﻢ ﻟﺴﻪ ﺑﺎﻟﻐﺮﻓﻪ ﻓﺘﺤﺖ ﻛﻨﺘﻮﺭﻫﻢ ﺑﻘﻴﺖ ﺍﻛﻠﺐ ﻣﻼﺑﺴﻬﻢ ﺑﺎﻳﺪﻱ ﻭﺍﺑﺠﻲ ﺑﺤﺮﻛﺔ ﻭﺍﺣﺪ ﻓﺎﻗﺪ ﻛﻞ ﻣﺎ ﻳﻤﻠﻚ ﺑﺤﺮﻛﺔ ﻭﺍﺣﺪ ﻳﺘﻴﻢ ﺍﺣﺴﺎﺱ ﺍﻟﻴﺘﻢ ﺻﻌﺐ ﺻﻌﺐ ﺟﺪﺍ ﻣﻮ ﺳﻬﻞ ﺗﺨﺴﺮ ﻛﻠﺸﻲ ﺑﻌﺪ ﻣﺎ ﺟﻨﺖ ﺗﻤﻠﻚ ﺍﻟﺪﻧﻴﺎ ﺑﻘﻴﺖ ﺍﻣﺪ ﺍﻳﺪﻱ ﻋﻠﻪ ﻣﻼﺑﺴﻬﻢ ﻭﺍﺑﺠﻲ ﻣﺎﻣﺎ ﻋﻔﺘﻴﻨﻲ ﻣﻮ ﺟﻨﺖ ﺗﻜﻮﻟﻴﻦ ﺍﻟﻠﻪ ﻣﺎ ﺍﻧﻄﺎﻧﻲ ﺍﻫﻞ ﻭﺍﻧﺘﻲ ﺻﺮﺗﻴﻠﻲ ﻛﻮﻟﺸﻲ ﻣﻮ ﻛﻠﺘﻲ ﻣﺎ ﺍﻋﻮﻓﺞ ﻭﺭﺍﺡ ﻧﺤﺎﺭﺏ ﺍﻟﺪﻧﻴﺎ ﺳﻮﻩ ﻟﻴﺶ ﻋﻔﺘﻴﻨﻲ ﺍﺣﺎﺭﺏ ﺩﻧﻴﺎﻱ ﻭﺣﺪﻱ ﺗﻌﺮﻓﻴﻦ ﺍﺧﻮﺗﻲ ﻣﺎ ﻳﻨﺠﺮﻋﻮﻥ ﻟﻴﺶالعضوة: 522131 , 5 years ago
ﻋﻔﺘﻴﻨﻲ ﺟﺎﻥ ﺍﺧﺬﺗﻴﻨﻲ ﻭﻳﺎﺝ ﻟﺰﻣﺖ ﻣﻼﺑﺲ ﺑﺎﺑﺎ ﻭﺍﺷﺘﻢ ﺑﻌﻄﺮﻩ ﺍﻟﺮﺟﺎﻟﻲ ﺍﻟﻤﻤﻴﺰ ﺍﻭﻭﻭﻭﻭﻑ ﻳﺎﺑﻪ ﻭﺍﻟﻠﻪ ﻛﺴﺮﺗﻨﻲ ﺟﻨﺖ ﻋﺎﻳﺸﻪ ﻭﻣﺘﻘﻮﻳﻪ ﺑﺰﻭﺩﻙ ﻟﻴﺶ ﻫﻴﺞ ﻫﺎﻧﺖ ﻋﻠﻴﻚ ﺷﻬﻮﺩﺗﻚ ﻭﻣﻮ ﻫﻴﺞ ﺟﻨﺖ ﺗﺴﻤﻴﻨﻲ ﺷﻬﻮﺩﺗﻲ ﻟﻴﺶ ﻋﻔﺘﻨﻲ ﺍﺑﺠﻲ ﻭﺍﺗﻠﻤﺲ ﺑﻤﻼﺑﺲ ﺑﺎﺑﺎ ﺣﺴﻴﺖ ﺍﻛﻮ ﺷﻲ ﺟﻮﻩ ﺍﻳﺪﻱ ﻣﺜﻞ ﺍﻻﻭﺭﺍﻕ ﻃﻠﻌﺖ ﻟﻜﻴﺘﻪ 4 ﻭﺭﻗﺎﺕ ﺩﻭﻻﺭ ﺍﺧﺬﺗﻬﻦ ﻭﺧﻠﻴﺘﻬﻦ ﺑﺼﺪﺭﻱ ﺭﺟﻌﺖ ﻫﺪﻭﻣﻬﻢ ﻟﺨﺎﻧﺘﻬﻢ ﻭﻗﻔﻠﺖ ﺍﻟﻐﺮﻓﻪ ﻭﻃﻠﻌﺖ ﻟﻠﺼﺎﻟﻪ ﺑﺎﻭﻋﺖ ﻋﻠﻲ ﻧﺎﻳﻢ ﺍﺑﺘﺴﻤﺖ ﻫﻬﻪ ﻟﻮ ﻋﺎﻳﺶ ﺍﺑﻮﻳﻪ ﻭﺷﺎﻑ ﺣﺎﻟﻲ ﺗﺎﻟﻴﺘﻪ ﺍﻟﻐﺮﻳﺐ ﻳﺤﻤﻴﻨﻲ ﻭﺍﺧﻮﺗﻲ ﻣﺎ ﻳﺪﺭﻭﻥ ﻋﻦ ﻫﻮﺍ ﺩﺍﺭﻱ ﻭﺍﻟﻠﻪ ﻟﻮ ﻗﺒﻞ ﺳﻨﻪ ﺟﺎﻳﻨﻲ ﻭﺍﺣﺪ ﻭﻛﺎﻳﻠﻲ ﺑﻌﺪ ﺳﻨﻪ ﻫﻴﺞ ﺭﺍﺡ ﻳﺼﻴﺮ ﺑﻴﺞ ﺍﺿﻞ ﺍﺿﺤﻚ ﻋﻠﻴﻪ ﻣﻌﻘﻮﻟﻪ ﻫﺬﺍ ﺣﺎﻟﻲ ﺍﺧﺬﺕ ﻧﻔﺲ ﻣﺴﺤﺖ ﻭﺟﻬﻲ ﻭﻛﻠﺖ ﺍﻟﺤﻤﺪﻟﻠﻪ ﻋﻠﻪ ﻛﻞ ﺣﺎﻝ ﺭﺣﺖ ﻟﻐﺮﻓﺘﻲ ﺣﺎﻭﻟﺖ ﺍﻧﺎﻡ ﻣﻜﺪﺭﺕ ﺑﻘﻴﺖ ﺍﺗﺨﻴﻞ ﺫﺍﻙ ﺍﻟﻤﺘﻮﺣﺶ ﻟﻤﺎ ﺣﺎﻭﻝ ﻳﻌﺘﺪﻱ ﻋﻠﻴﻪ ﻭﻛﻞ ﺳﺎﻉ ﺍﻓﺰ ﺧﺎﻑ ﺍﺷﻮﻓﻪ ﻭﺭﺍﻳﻪ ﻃﺎﺭ ﺍﻟﻨﻮﻡ ﻣﻦ ﻋﻴﻨﻲ ﺍﺑﺪ ﺻﺎﺭﺕ ﺍﻟﺴﺎﻋﻪ 8 ﻃﻠﻌﺖ ﻟﻜﻴﺖ ﻋﻠﻲ ﺑﻌﺪﻩ ﻧﺎﻳﻢ ﺑﺪﻟﺖ ﻣﻼﺑﺴﻲ ﻭﻟﺒﺴﺖ ﺣﺠﺎﺏ ﻭﻃﻠﻌﺖ ﺭﺣﺖ ﺟﺒﺖ ﺭﻳﻮﻙ ﻭﻓﻮﺍﻛﻪ ﻭﻋﺼﺎﺋﺮ ﻭﺭﺟﻌﺖ ﺭﺩﺕ ﺍﺩﺧﻞ ﻟﻠﺒﻴﺖ ﻟﻜﻴﺖ ﺟﺎﺭﺗﻨﻪ ﺍﻡ ﺣﺴﻴﻦ ﺻﺎﺣﺖ ﻋﻠﻴﻪ ﺍﺑﺘﺴﻤﺖ ﻭﺭﺣﺘﻠﻬﺎ ﺍﺭﻛﺾ ﻫﺬﻱ ﺟﺎﺭﺗﻨﺎ ﺻﺪﻳﻘﺔ ﺍﻣﻲ ﺍﻟﻤﻘﺮﺑﻪ ﺗﻌﺮﻑ ﻛﻞ ﺗﻔﺎﺻﻴﻞ ﺣﻴﺎﺗﻨﻪ ﻭﻣﻄﻠﻌﻪ ﻋﻠﻪ ﻛﻮﻟﺸﻲ ﺭﺣﺖ ﺑﻮﺳﺘﻬﺎ ﻭﺣﻀﻨﺘﻬﺎ ﺍﻡ ﺣﺴﻴﻦ .. ﻭﺝ ﺧﺎﻟﻪ ﺻﺪﻙ ﺍﺗﺰﻭﺟﺘﻲ ﺷﻬﺪ .. ﻋﻘﺪﺕ ﺣﺎﺟﺒﻲ ﺍﺗﺰﻭﺟﺖ ﺍﻡ ﺣﺴﻴﻦ .. ﺧﺎﻟﻪ ﻗﺒﻞ 3 ﺍﻳﺎﻡ ﺳٲﻟﺖ ﻋﻠﻴﺞ ﺳﻼﻡ ﺭﺩﺕ ﺍﻃﻤﻦ ﻋﻠﻴﺞ ﻛﺎﻝ ﺍﺗﺰﻭﺟﺖ ﻭﺍﺣﺪ ﻣﻦ ﺍﻗﺎﺭﺑﻨﺎ ﻭﺭﺍﺣﺖ ﺑﺮﺍ ﺷﻬﺪ .. ﺍﺧﺬﺕ ﻧﻔﺲ ﻛﺘﻠﻬﺎ ﺧﺎﻟﻪ ﺍﻟﺴﺎﻟﻔﻪ ﻃﻮﻳﻠﻪ ﺑﻌﺪﻳﻦ ﺍﺳﻮﻟﻔﻠﺞ ﺑﺲ ﻛﻮﻟﻴﻠﻲ ﺳﻼﻡ ﻭﻳﻨﻪ ﺍﻡ ﺣﺴﻴﻦ .. ﺷﻨﻮ ﺧﺎﻟﻪ ﻣﺘﺪﺭﻳﻦ ﺷﻬﺪ .. ﻻ ﻭﺍﻟﻠﻪ ﺧﺎﻟﻪ ﺟﻨﺖ ﻣﺴﺎﻓﺮﻩ ﺑﺘﺮﻛﻴﺎ ﻭﻣﺎ ﺍﺩﺭﻱ ﻋﻦ ﺍﺧﻮﺗﻲ ﺍﻡ ﺣﺴﻴﻦ .. ﻳﺎ ﺧﺎﻟﻪ ﺍﻧﺘﻲ ﺭﺍﻳﺤﻪ ﺷﻬﺮ ﻋﺴﻞ ﻭﺍﺧﻮﺗﺞ ﻃﻜﻬﻢ ﺍﻟﻀﻴﻢ ﺷﻬﺪ .. ﺷﺒﻴﻬﻢ ﺧﺎﻟﻪ ﺍﺣﺠﻲ ﻓﺪﻭﻩ ﺍﻡ ﺣﺴﻴﻦ .. ﺳﻼﻡ ﺗﻌﺮﺍﻙ ﻭﻳﻪ ﻭﻟﺪ ﻭﺻﺎﺭﺕ ﻫﻮﺳﻪ ﻭ ﻛﻤﺸﻮﻩ ﺍﻟﺸﺮﻃﻪ ﻭﺍﺧﺬﺗﻪ ﺍﻧﻮﺏ ﻋﺮﻓﻮ ﻳﺘﻌﺎﻃﻪ ﺍﻟﻤﺨﺪﺭﺍﺕ ﻭﺑﻌﺪﻩ ﺩﻳﺠﺮﺟﺮﻭﻩ ﺑﺎﻟﺴﺠﻦ ﺷﻬﺪ .. ﺿﺮﺑﺖ ﻋﻠﻪ ﺧﺪﻭﺩ ﻋﺰﺍﺍﺍﺍﺍ ﻫﺎﻱ ﺷﻮﻛﺖ ﺧﺎﻟﻪ ﻭﺣﺴﺎﻡ ﻭﻳﻨﻪ ﺍﻡ ﺣﺴﻴﻦ .. ﺣﺴﺎﻡ ﺑﻴﻮﻣﻬﺎ ﺧﺎﻑ ﻳﻔﺘﺸﻮﻩ ﺍﻭ ﻳﻔﺤﺼﻮﻩ ﻫﻮﻩ ﻫﻢ ﻭﻳﻜﺘﺸﻔﻮﻩ ﻳﺘﻌﺎﻃﻰ ﺑﺴﺮﻋﻪ ﺣﺠﺰ ﻋﻠﻄﻴﺎﺭﻩ ﻭﺳﺎﻓﺮ ﻳﻢ ﺧﺎﻟﺞ ﺑﺎﻟﻤﺎﻧﻴﺎ ﺷﻬﺪ .. ﻳﺎﺍﺍﺍﺍﺍ ﺯﻳﻦ ﻭﺍﻧﻲ ﻣﺤﺪ ﻓﻜﺮ ﺑﻴﻬﻢ ﻭﻳﻦ ﺍﺭﻭﻭﻭﻭﻭﺡ ﻣﺎ ﻓﻜﺮﻭ ﺑﺎﺧﺘﻬﻢ ﺑﺠﻴﺖ ﻟﻴﺶ ﻳﺎ ﺍﻟﻠﻪ ﻟﻴﺶ ﺧﻠﻴﺖ ﺍﺩﻳﻪ ﻋﻠﻪ ﻭﺟﻬﻲ ﺍﺑﺠﻲ ﻭﻣﺎ ﺍﺣﺲ ﺍﻻ ﺍﻳﺪ ﺗﺨﻠﺖ ﻋﻠﻪ ﻛﺘﻔﻲ … ﻳﺘﺒﻊالعضوة: 522131 , 5 years ago
. ﺷﻬﺪ .. ﻣﻦ ﻋﺮﻓﺖ ﺍﺧﻮﺗﻲ ﻋﺎﻓﻮﻧﻲ ﻭﺑﻘﻴﺖ ﻭﺣﺪﻱ ﺧﻠﻴﺖ ﺍﺩﻳﻪ ﻋﻠﻪ ﻋﻴﻮﻧﻲ ﻭﻛﻤﺖ ﺍﺑﺠﻲ ﻭﻣﺎ ﺍﺣﺲ ﺍﻻ ﺍﻳﺪ ﺗﺨﻠﺖ ﻋﻠﻪ ﻛﺘﻔﻲ ﻋﻠﻲ .. ﺣﺒﻴﺒﻲ ﻭﺍﻧﻲ ﻭﻳﻦ ﺭﺣﺖ ﺗﺤﺘﺎﺟﻴﻦ ﺍﺧﻮﺗﺞ ﻭﺍﻧﻲ ﻣﻮﺟﻮﺩ ﺍﻡ ﺣﺴﻴﻦ .. ﻳﺎ ﻓﺪﻭﻩ ﺍﻧﺘﻪ ﺯﻭﺟﻬﺎ ﺧﺎﻟﻪ ﻋﻠﻲ .. ﺍﻱ ﻧﻌﻢ ﺯﻭﺟﻬﺎ ﺍﻡ ﺣﺴﻴﻦ .. ﻛﻞ ﺍﻟﻬﻼ ﺑﻴﻚ ﺧﺎﻟﻪ ﻋﻠﺮﺍﺱ ﻭﺍﻟﻠﻪ ﺧﻴﺮ ﻣﻦ ﻧﺎﺳﺒﺖ ﺷﻬﻮﺩﻩ ﻭﺭﺩﻩ ﻣﺎﻝ ﺍﻟﻠﻪ ﻭﺍﻫﻠﻬﺎ ﻳﻨﺤﻄﻮﻥ ﻋﻠﺠﺮﺡ ﻳﻄﻴﺐ ﺑﺲ ﺍﻟﻠﻪ ﻣﺎ ﻛﺘﺒﻠﻬﻢ ﺣﻴﺎﺓ ﻓﺪﻭﻩ ﻳﻤﻪ ﺩﻳﺮﺑﺎﻟﻚ ﻋﻠﻴﻬﺎ ﻣﺎ ﺍﻟﻬﺎ ﻏﻴﺮﻙ ﺑﻌﺪ ﺑﻬﻠﺪﻧﻴﺎ ﻋﻠﻲ .. ﺑﻌﻴﻮﻧﻲ ﺍﺧﻠﻴﻬﺎ ﺧﺎﻟﻪ .. ﻟﻤﺎ ﻛﻌﺪﺕ ﻣﻦ ﺍﻟﻨﻮﻡ ﺻﺤﺖ ﻋﻠﻪ ﺷﻬﺪ ﻣﺎﻛﻮ ﺑﺎﻟﺒﻴﺖ ﻃﻠﻌﺖ ﻭﺳﻤﻌﺘﻬﺎ ﻭﺍﻛﻔﻪ ﻭﻳﻪ ﻣﺮﻩ ﻭﺳﻤﻌﺖ ﻛﻞ ﺍﻟﻜﻼﻡ ﺍﻟﺪﺍﺭ ﺑﻴﻨﺎﺗﻬﻦ ﺍﻧﻘﻬﺮﺕ ﻋﻠﻴﻬﺎ ﻛﻠﺶ ﻣﻦ ﺷﻔﺘﻬﺎ ﻛﺎﻣﺖ ﺗﺒﺠﻲ ﺣﻴﻴﻞ ﺍﺗﻘﺮﺑﺖ ﻭﺧﻠﻴﺖ ﺍﻳﺪﻱ ﻋﻠﻪ ﻛﺘﻔﻬﺎ ﻟﺤﺘﻪ ﺍﺣﺴﺴﻬﺎ ﺍﻧﻮ ﻫﻴﻪ ﻣﻮ ﻭﺣﻴﺪﻩ ﻋﺮﻓﺖ ﻧﻔﺴﻲ ﻛﺪﺍﻡ ﺍﻟﻤﺮﻩ ﻋﻠﻪ ﺍﻧﻮ ﺍﻧﻲ ﺯﻭﺟﻬﺎ ﻟﺤﺘﻪ ﻣﺤﺪ ﻳﺠﻴﺐ ﺍﺳﻤﻬﺎ ﺑﺎﻟﻤﻮﺯﻳﻦ ﻭﺍﺧﺬﺕ ﺷﻬﺪ ﻭﺩﺧﻠﺘﻬﺎ ﻟﻠﺒﻴﺖ ﺷﻬﺪ .. ﻋﻠﻲ ﺍﺧﻮﺗﻲ ﺭﺍﺣﻮ ﺭﺍﺣﻮ ﻭﺗﺮﻛﻮﻧﻲ ﻋﻠﻲ ﺷﺴﻮﻱ ﻭﺧﻠﻴﺖ ﺍﺩﻳﻪ ﻋﻠﻪ ﻭﺟﻬﻲ ﻭﺍﺑﺠﻲ ﻋﻠﻲ .. ﺗﺮﺣﻴﻦ ﻭﻳﺎﻳﻪ ﺍﻟﺒﻴﺘﻲ ﺷﻬﺪ .. ﻭﺧﺮﺕ ﺍﺩﻳﻪ ﻭﺑﺎﻭﻋﺘﻠﻪ ﺍﻧﺘﻪ ﺷﺒﻴﻚ ﺍﺗﺨﺒﻠﺖ ﻭﻳﻦ ﺍﺭﻭﺡ ﻋﻠﻲ .. ﻣﺎ ﺳﻤﻌﺘﻲ ﺗﺮﺣﻴﻦ ﺍﻟﺒﻴﺘﻲ ﺍﺷﻠﻮﻥ ﺗﺮﺩﻳﻨﻲ ﺍﺑﻘﻴﺞ ﻫﻨﺎ ﻭﺍﻟﻠﻪ ﻣﺎ ﺍﻋﻮﻓﺞ ﻟﻮ ﺍﻋﺮﻑ ﺍﺳﺤﻠﺞ ﺳﺤﻞ ﻭﺍﺧﺬﺝ ﻭﻣﺎ ﺍﺑﻘﻴﺞ ﺟﺎﻧﻮ ﺍﺧﻮﺗﺞ ﺑﺎﻟﺒﻴﺖ ﻭﺭﺍﺩﻭ ﻳﻌﺘﺪﻭﻥ ﻋﻠﻴﺞ ﻟﻮ ﺑﻘﻴﺖ ﻭﺣﺪﺝ ﺷﻴﺴﻮﻭﻥ ﺑﻴﺞ ﺷﻬﺪ .. ﻋﻠﻲ ﺻﻌﺐ ﻣﺎ ﺍﻛﺪﺭ ﺍﺭﻭﺡ ﻭﻳﺎﻙ ﺷﻠﻮﻭﻭﻥ ﻣﺎ ﺗﺮﻫﻢ ﻋﻠﻲ .. ﺗﺮﻫﻢ ﺗﺮﻫﻢ ﺷﻬﻮﺩﻩ ﻏﻤﺰﺗﻠﻬﺎ ﻭﺍﺗﻘﺮﺑﺖ ﻣﻨﻬﺎ ﻭﻣﺴﺤﺖ ﺍﺩﻣﻮﻋﻬﺎ ﻭﺭﻓﻌﺖ ﺭﺍﺳﻪ ﺑﺎﺻﺒﻌﻲ ﺷﻬﺪ ﺍﻓﻬﻤﻴﻨﻲ ﻣﺎ ﺍﻛﺪﺭ ﺍﻋﻮﻓﺞ ﺍﻟﻠﻪ ﺟﺎﺑﺞ ﻭﺧﻼﺝ ﺑﻄﺮﻳﻘﻲ ﻟﺤﺘﻪ ﻳﻮﺿﺤﻠﻲ ﺍﻧﻮ ﺍﻧﺘﻲ ﻣﺴﺆﻟﻴﺘﻲ ﺍﻗﻔﻠﻲ ﺍﻟﺒﻴﺖ ﻭﺗﻌﺎﻱ ﻭﻳﺎﻱ ﺷﻬﺪ .. ﻋﻠﻲ ﺻﻌﺐ ﻋﻠﻲ .. ﻻ ﺻﻌﺐ ﻭﻻ ﺷﻲ ﻳﻠﻪ ﻳﻠﻪ ﻟﻤﻲ ﻫﺪﻭﻣﺞ ﻭﻻ ﺍﻛﻮﻟﺞ ﺍﻧﻲ ﺟﻮﻋﺎﻥ ﺳﻮﻳﻠﻲ ﻋﻤّﻴﻪ 😋 ﺷﻬﺪ .. ﻫﻬﻬﻪ ﺍﺳﺘﻐﻔﺮ ﺍﻟﻠﻪ ﻭﻻ ﺗﺒﻄﻞ ﺳﻮﺍﻟﻔﻚ ﻛﻤﺖ ﻛﺘﻠﻪ ﻫﺴﻪ ﺍﺳﻮﻳﻠﻚ ﺍﺧﺬﺕ ﺑﺮﺗﻘﺎﻟﻪ ﻣﻦ ﺍﻟﻌﻼﻛﻪ ﻭﺷﻤﺮﺗﻬﺎ ﻋﻠﻴﻪ ﻟﻬﻲ ﻧﻔﺴﻚ ﺑﻴﻬﺎ ﻋﻠﻪ ﻣﺎ ﺍﺟﻬﺰ ﺍﻟﺮﻳﻮﻙ ﻋﻠﻲ .. ﺍﻭﻭﻭﻭﻭﻭﻛﻲ ﻳﻢ ﻳﻢ 🍊🍊🍊 ﺷﻬﺪ .. ﺭﺣﺖ ﻟﻠﻤﻄﺒﺦ ﻭﻛﻔﺖ ﻭﺍﺑﺘﺴﻤﺖ ﻋﺠﻴﺐ ﻫﻠﻮﻟﺪ ﻳﺠﺒﺮﻧﻲ ﺍﺿﺤﻚ ﻟﻮ ﺍﻟﺪﻣﻮﻉ ﻣﺎﻟﻴﻪ ﻋﻴﻮﻧﻲ .. ﻫﺪﻳﻪ ﻣﻦ ﺍﻟﻠﻪ ﺍﺟﺎﻧﻲالعضوة: 522131 , 5 years ago
ﻫﻠﻌﻼﻭﻱ ﺭَﺑّـ ❤ ـﻲٌ ﻳﺤﻔﻈﻪ ﺣﺎﻭﻟﺖ ﺍﺳﻮﻱ ﺭﻳﻮﻙ ﻭﺍﻧﻲ ﻣﺎ ﺍﻋﺮﻑ ﺍﻃﺒﺦ 😢 ﺳﻮﻳﺖ ﺑﻴﻀﻪ ﻭﻧﺴﻴﺖ ﺍﻟﻤﻠﺢ 😁 ﻭﺳﻮﻳﺖ ﺍﻟﺠﺎﻱ ﺍﺳﻮﺩ ﻓﺤﻢ 😐 ﺍﻱ ﻳﻠﻪ ﺍﻟﻬﻢ ﺍﺳﻤﻪ ﺍﻛﻞ ﺷﻨﻮ ﺿﺮﻭﺭﻱ ﺍﻻ ﻃﻴﺐ ﺍﻟﻤﻬﺔ ﻳﺘﻌﺒﻪ ﺍﻟﻜﺮﺵ 😁 ﺧﻴﻠﻴﺘﻪ ﺑﺼﻴﻨﻴﻪ ﻭﻭﺩﻳﺘﻪ ﻛﺪﺍﻣﻪ .. ﻋﻠﻲ .. ﻛﺎﻋﺪ ﺍﻛﻠﺐ ﺑﻤﻮﺑﺎﻳﻠﻲ ﻭﺍﻓﻜﺮ ﺑﻴﻬﺎ ﺷﻠﻮﻥ ﺍﺧﺬﻫﺎ ﻭﺷٲﻛﻮﻝ ﻻﻫﻠﻲ ﺍﻧﻲ ﻣﻦ ﻛﺮﺑﻼﺀ ﻭﺷﻮﻳﻪ ﺍﻫﻞ ﺍﻟﺠﻨﻮﺏ ﺻﻌﺒﻴﻦ ﺑﻬﻼﻣﻮﺭ ﻣﺎﻝ ﺗﺠﻲ ﺑﻨﻴﻪ ﻣﺎ ﻳﻨﻌﺮﻑ ﺍﺻﻠﻬﺎ ﻭﻻ ﻓﺼﻠﻬﺎ ﻣﺤﺪ ﻳﺘﻘﺒﻠﻬﺎ ﺑﺲ ﻣﺎ ﺍﻛﺪﺭ ﺍﻋﻮﻓﻬﺎ ﺣﺘﻪ ﻟﻮ ﺍﻋﻘﺪ ﻋﻠﻴﻬﺎ ﻭﺍﻋﻮﻓﻬﺎ ﺍﺟﺖ ﺟﺎﺑﺖ ﺻﻴﻨﻴﺔ ﺍﻟﺮﻳﻮﻙ ﻭﺧﻠﺘﻬﺎ ﻛﺪﺍﻣﻲ . ﻛﺘﻠﻬﺎ ﻣﺘﺎﻛﻠﻴﻦ ﻛﺎﻟﺖ ﺷﻬﺪ .. ﻻ ﺍﻛﻠﺖ ﻋﻨﺐ ﻫﻮﺍﻳﻪ ﻭﺍﻧﻲ ﺍﻃﺒﺦ ﻧﺴﺪﺕ ﻧﻔﺴﻲ ﻋﻠﻲ .. ﻫﻤﻤﻤﻢ ﻣﺪﻳﺖ ﺍﻳﺪﻱ ﺍﻛﻠﺖ ﻣﻦ ﺍﻟﺒﻴﺾ ﺧﻠﻴﺖ ﺍﻟﻜﻤﻪ 😣😳 ﻛﻮﻩ ﺑﻠﻌﺖ ﺭﻳﻜﻲ ﻣﺎ ﺑﻴﻪ ﻗﻄﺮﺓ ﻣﻠﺢ 😑 ﺑﺎﻭﻋﺘﻠﻲ ﺷﻬﺪ .. ﻫﺎ ﻣﻮ ﻃﻴﺐ ﻋﻠﻲ .. ﻻ ﻻ ﻋﺎﺷﺖ ﺍﻳﺪﻱ ﻛﻮﻟﺶ ﻃﻴﺐ ﻣﺎ ﺭﺩﺕ ﺍﻛﺴﺮ ﺑﻴﻬﺎ ﻣﺒﻴﻨﻪ ﺑﻨﻴﺔ ﺩﻻﻝ ﻣﺎ ﺗﻌﺮﻑ ﻟﻠﻄﺒﺦ ﺍﺧﺬﺕ ﺳﺘﻜﺎﻥ ﺍﻟﺠﺎﻱ ﺷﺮﺑﺖ ﺍﻭ ﻛﻤﻊ ﻭﻏﺼﻴﺖ 😑😣😳😳 ﺛﻜﻴﻴﻴﻴﻴﻞ ﻳﻐﺼﺺ ﻭﻟﺞ ﺷﻤﺨﻠﻴﻪ ﻛﻴﻠﻮ ﭼﺎﻱ 😑 ﻛﺎﻟﺘﻠﻲ ﻫﺎ ﺷﺒﻴﻚ ﻛﺘﻠﻬﺎ ﻻ ﻣﺎﻛﻮ ﺷﻲ ﻋﺎﺷﺖ ﺍﻳﺪﺝ ﻭﺍﻟﻠﻪ ﻛﻠﺶ ﻃﻴﺐ ﺑﺲ ﺍﺭﻳﺪ ﻣﻲ ﺷﻬﺪ .. ﺍﻱ ﻣﻦ ﻋﻴﻨﻲ ﻋﻠﻲ .. ﺍﺗﺠﺮﻋﺖ ﺍﻻﻛﻞ ﻛﻮﻩ ﻭﺍﻛﻠﺘﻪ ﺣﺘﻪ ﻻ ﺍﻛﺴﺮ ﺑﺨﺎﻃﺮﻫﺎ ﻭﻛﺘﻠﻬﺎ ﺣﻀﺮﺗﻲ ﻣﻼﺑﺴﺞ ﻛﻤﻠﺘﻲ ﺷﻬﺪ .. ﺍﻱ ﻛﻤﻠﺖ ﻋﻠﻲ .. ﻳﻠﻪ ﺭﺣﺖ ﻟﻠﺸﺎﺣﻨﻪ ﺍﺧﺬﺗﻬﺎ ﻭﻣﺸﻴﺖ ﺷﻬﺪ .. ﻋﻠﻲ ﺷﺮﺍﺡ ﺗﻜﻮﻝ ﻻﻫﻠﻚ ﻟﻮ ﺳٲﻟﻮﻙ ﻣﻨﻮ ﻫﺎﻱ ﻋﻠﻲ .. ﻣﺎ ﺍﻋﺮﻑ ﻋﻮﻓﻴﻬﺎ ﻳﻢ ﺍﻟﻠﻪ ﻛﻮﻟﺸﻲ ﺑﻮﻗﺘﻪ ﺣﻠﻮ ﺷﻬﺪ .. ﻋﻼﻭﻱ ﺭﺍﺡ ﺍﺳﺒﺒﻠﻚ ﻣﺸﺎﻛﻞ ﻭﻫﻮﺍﻳﻪ ﺍﺣﺮﺍﺟﺎﺕ ﺍﺫﺍ ﻣﺎ ﺕ … . ﻗﺎﻃﻌﻨﻲ ﻋﻠﻲ .. ﺷﻬﺪﺩﺩﺩﺩﺩﺩﺩ ﻗﻄﻌﻲ ﺍﻟﻤﻮﺿﻮﻉ ﻛﺘﻠﺞ ﺍﻧﺘﻲ ﻣﺴﺆﻟﻴﺘﻲ ﻭﻣﺎ ﺭﺍﺡ ﺍﺗﺮﻛﺞ ﺍﻻ ﻋﻠﻪ ﺟﺜﺘﻲ ﻭﺍﻟﻠﻪ ﺷﻬﺪ .. ﺭﺑﻲ ﻳﺤﻔﻈﻚ ﻭﻳﺨﻠﻴﻚ .. ﺍﺧﺬﺕ ﻧﻔﺲ ﻭﺻﻠﻨﺎ ﺩﺧﻠﻨﺎ ﻛﺮﺑﻼﺀ ﻛﺎﻝ ﻋﻠﻲ .. ﻋﺪﻟﻲ ﺣﺠﺎﺑﺞ ﻭﺍﻟﺒﺴﻴﻪ ﻋﺪﻝ ﻣﺎ ﺍﺭﻳﺪ ﻭﻻ ﺷﻌﺮﺍﻳﻪ ﺗﻄﻠﻊ ﺷﻬﺪ .. ﻟﻴﺶ ﺭﺍﺡ ﻧﺮﻭﺡ ﻟﻤﺮﻗﺪ ﺍﻻﻣﺎﻡ ﺍﻟﺤﺴﻴﻦ ﻋﻠﻲ .. ﻫﻬﻬﻬﻪ ﻻ ﻟﻴﺶ ﺗﺮﺩﻳﻦ ﺍﺧﺬﺝ ﻟﻼﻣﺎﻡ ﺍﻟﺤﺴﻴﻦ ﺷﻬﺪ .. ﻻ ﻻﻥ ﻛﻠﺖ ﻋﺪﻟﻲ ﺣﺠﺎﺑﺞ ﻋﻠﻲ .. ﻫﺎﺍﺍ ﻫﻬﻪ ﺑﺎﻋﻲ ﺷﻬﺪ ﻛﺮﺑﻼﺀ ﻭﺣﺪﻩ ﻣﻦ ﻣﺤﺎﻓﻈﺎﺕالعضوة: 522131 , 5 years ago
ﺍﻟﺠﻨﻮﺏ ﻭﺍﻫﻢ ﺻﻔﻪ ﺑٲﻫﻞ ﺍﻟﺠﻨﻮﺏ ﺳﺘﺮ ﻧﺴﻮﺍﻧﻬﻢ ﻣﺎ ﻋﺪﻧﺎ ﻣﺮﻩ ﺗﻄﻠﻊ ﺑﺪﻭﻥ ﺣﺠﺎﺏ ﺍﻭ ﻋﺒﺎﻳﻪ ﺍﺑﺪ ﻻﺯﻡ ﺗﺘﻌﻮﺩﻳﻦ ﻋﻠﻪ ﻫﻠﺸﻐﻠﻪ ﺷﻬﺪ .. ﺑﻠﻌﻜﺲ ﺍﻟﺴﺘﺮ ﺷﻲ ﻋﻈﻴﻢ ﻭﺍﻟﻌﺒﺎﻳﻪ ﺳﺘﺎﻳﻞ ﺣﻠﻮ ﻋﻠﻲ .. ﺳﺘﺎﻳﻞ 😒 ﺣﺘﻪ ﺑﺎﻟﻌﺒﺎﻳﻪ ﺍﺩﻭﺭﻳﻦ ﺍﺳﺘﺎﻳﻞ ﺷﻬﺪ .. ﺍﻧﺎﻗﺔ ﺍﻟﻤﺮٲﻩ ﻣﺘﺘﻮﻗﻒ ﻋﻠﻪ ﻟﺒﺲ ﻣﻌﻴﻦ ﺣﺘﻪ ﻟﻮ ﻛﺎﻧﺖ ﻋﺒﺎﻳﻪ ﺑﺎﻟﺘﺮﺗﻴﺐ ﻭﺍﻟﻨﻀﺎﻓﻪ ﻳﺼﻴﺮ ﺳﺘﺎﻳﻞ ﺣﻠﻮ ﻋﻠﻲ .. ﻫﻬﻬﻬﻪ ﺍﻧﺸﺎﻟﻠﻪ ﺑﺲ ﻧﺮﺟﻊ ﻭﻧﺮﺗﺎﺡ ﺍﺧﺬﺝ ﻟﻼﻣﺎﻡ ﻧﺰﻭﺭ ﻭﻫﻨﺎﻙ ﺍﺷﺘﺮﻳﻠﺞ ﻋﺒﺎﻳﻪ ﻭﺗﺒﺪﻳﻦ ﻟﺒﺴﻬﺎ ﺑﻤﺮﻗﺪ ﺍﻻﻣﺎﻡ ﻭﺍﻃﻠﺒﻴﻦ ﺳﺘﺮﺝ ﻣﻨﻪ ﺷﻬﺪ .. ﻳﺎﺍﺍﺍﺍﺍﻱ ﻳﻌﻨﻲ ﺣﻨﺰﻭﺭ ﺍﻻﻣﺎﻡ ﺍﻟﺤﺴﻴﻦ 😃 ﻋﻠﻲ .. ﻟﻴﺶ ﻣﺎ ﺯﺍﻳﺮﺗﻪ ﺷﻬﺪ .. ﻻ ﺑﺲ ﺑﺎﻻﺭﺑﻌﻴﻨﻴﻪ ﻧﺠﻲ ﻭﻛﻠﺸﻲ ﻣﺎ ﺍﻓﺘﻬﻢ ﻣﻦ ﺍﻟﺰﻳﺎﺭﻩ ﻻﻥ ﺿﺨﻤﻪ ﺣﻴﻴﻴﻞ ﻭﺍﺯﺩﺣﺎﻡ ﻭﻣﻨﺪﺧﻞ ﺍﻟﻤﺮﻗﺪ ﻧﺰﻭﺭ ﻣﻦ ﺑﻌﻴﺪ ﻻﻥ ﻳﻜﻮﻥ ﻣﺰﺩﺣﻢ ﺑﺎﻟﺮﻳﺎﺟﻴﻞ ﻋﻠﻲ .. ﺍﻱ ﺻﺢ ﺍﻧﺸﺎﻟﻠﻪ ﺍﺷﺒﻌﺞ ﺯﻳﺎﺭﺍﺕ ﻣﻨﺎ ﻭﻫﻴﺞ ﺍﺩﻟﻠﻲ ﺷﻬﺪ .. ﻳﺎﺍﺍﺍ ﻓﺪﻳﺖ 😍 . ﻋﻠﻲ .. ﻭﺻﻠﺖ ﻗﺮﻳﺐ ﺍﻟﺸﺮﻛﻪ ﻭﻛﻔﺖ ﻛﺘﻠﻬﺎ ﺷﻬﺪ ﺑﺎﻋﻲ ﺍﻧﺰﻟﻲ ﻟﻬﺬﺍ ﺍﻟﻤﻄﻌﻢ ﻭﺍﻃﻠﺒﻲ ﺍﻛﻞ ﻭﻻ ﺗﻜﻮﻣﻴﻦ ﻟﺤﺪ ﻣﺎ ﺍﺭﺟﻌﻠﺞ ﺍﻓﺘﻬﻤﺘﻲ ﺷﻬﺪ .. ﻟﻴﺶ ﻭﻳﻦ ﺭﺍﻳﺢ ﻋﻠﻲ .. ﺭﺍﻳﺢ ﺍﺳﻠﻢ ﺍﻟﺸﺎﺣﻨﻪ ﻟﻠﺸﺮﻛﻪ ﻭﺍﺳﺘﻠﻢ ﺗﻌﺒﻲ ﻻ ﺗﺘﺤﺮﻛﻴﻦ ﺍﺑﺪ ﻟﺤﺪ ﻣﺎ ﺍﺭﺟﻊ ﺻﺎﺭ ﻣﻌﻠﻮﻡ ﺷﻬﺪ .. ﻋﻮﻭﻭﻟﻢ ﺳﻴﺪﻱ ﻭﺍﺧﺬﺗﻠﻪ ﺗﺤﻴﻪ ﻭ ﻧﺰﻟﺖ ﻭﺩﺧﻠﺖ ﻟﻠﻤﻄﻌﻢ ﺍﺑﺎﻭﻉ ﺁﻣـ ⅇℳℳ ـﻢ ﺍﺧﺎﻑ ﺍﺩﺧﻞ ﻭﺣﺪﻱ ﺭﺟﻌﺖ ﺑﺎﻭﻋﺖ ﻋﻠﻴﻪ ﺍﺑﺘﻌﺪ ﺑﺸﺎﺣﻨﺘﻪ ﻳﻠﻪ ﻻﺯﻡ ﺍﺗﻘﻮﻩ ﻭﺍﻋﺘﻤﺪ ﻋﻠﻪ ﻧﻔﺴﻲ ﺩﺧﻠﺖ ﺍﻟﻤﻄﻌﻢ ﻭﻛﻌﺪﺕ ﻭﺍﺣﺲ ﺍﻟﻌﻴﻮﻥ ﺗﺮﻳﺪ ﺗﻔﺘﺮﺳﻨﻲ ﻻﻥ ﻭﺣﺪﻱ ﺍﺧﺬﺕ ﻣﻮﺑﺎﻳﻠﻲ ﻭﺳﻮﻳﺖ ﻧﻔﺴﻲ ﺍﺗﻜﻠﻢ ﺍﺗﺼﺎﻝ ( ﻫﺎ ﺍﺑﻮ ﻋﺒﺪﻟﻠﻪ ﺟﺎﻱ ﻳﻠﻪ ﻣﻮ ﻣﺘﺖ ﺟﻮﻉ ﻣﺘﺎﻧﻴﺘﻚ ﺑﺎﻟﻤﻄﻌﻢ ﺣﺒﻴﺒﻲ ) ﺍﺗﻌﻤﺪﺕ ﺍﻭﺿﺢ ﺻﻮﺗﻲ ﻟﺤﺘﻪ ﺍﻭﺻﻞ ﻓﻜﺮﻩ ﺍﻧﻮ ﺩﺍ ﺍﻧﺘﻀﺮ ﺍﺣﺪ 😔 ﺍﺟﻪ ﺍﻟﻜﺮﺳﻮﻥ ﺭﺍﺩ ﻃﻠﺒﻲ ﻃﻠﺒﺖ ﺻﺎﺝ ﻟﺤﻢ ﻭﻗﻮﻃﻴﺔ ﺑﻴﺒﺴﻲ ﺭﺍﺡ ﺟﺎﺑﻠﻲ ﺍﻟﻄﻠﺐ ﻭﺍﺟﻪ … ﻓﺘﺤﺖ ﻣﻮﺑﺎﻳﻠﻲ ﺭﺣﺖ ﻟﻠﻮﺍﻱ ﻓﺎﻱ ﻟﻜﻴﺖ ﺷﺒﻜﺔ ﺍﻻﻧﺘﺮﻧﺖ ﻣﺎﻝ ﺍﻟﻤﻄﻌﻢ ﺑﺪﻭﻥ ﺑﺎﺳﻮﻭﺭﺩ ﻛﻨﻜﺖ ﻭﻛﻤﺖ ﺍﺗﺼﻔﺢ ﻣﺮ ﺗﻘﺮﻳﺒﺎ ﺳﺎﻋﻪ ﻭﻋﻠﻲ ﻟﺴﻪ ﻣﺎ ﺍﺟﻪ ﺭﺟﻌﺖ ﻃﻠﺒﺖ ﻋﺼﻴﺮ ﻛﻮﻛﺘﻴﻞ ﻭﻛﻌﺪﺕ ﺍﺭﺍﺳﻞ ﺻﺪﻳﻘﺎﺗﻲ ﺻﺎﺭ ﺷﻜﺪ ﻣﺎ ﺣﺎﺟﻴﻪ ﻭﻳﺎﻫﻦ ﻣﻦ ﻗﺒﻞ ﻭﻓﺎﺓ ﺑﺎﺑﺎ ﺧﻄﻴﻪ ﻛﺎﻣﻦ ﻳﻌﺰﻧﻲ ﻭﻳﻮﺍﺳﻨﻲ ﻭﻛﺎﻟﻦ ﺷﻬﺪ ﺍﺭﺟﻌﻲ ﻟﻠﻜﻠﻴﻪ ﻛﺘﻠﻬﻦ ﺍﺗﺰﻭﺟﺖ ﺑﻌﺪ ﻣﺎ ﺍﻛﺪﺭ ﺍﺗﻔﺎﺟﺌﻦ ﻻﻥ ﻛﻠﺖ ﺍﺯﻭﺟﺖ ﻛﺘﻠﻬﻦ ﺍﺿﻄﺮﻳﺖ ﺩﺍ ﺍﺣﺠﻲ ﻭﺍﺟﻪ ﻋﻠﻲ ﻋﻠﻲ .. ﻫﺎ ﺍﺗٲﺧﺮﺕ ﺷﻬﺪ .. ﻻ ﻋﺎﺩﻱ ﺍﺻﻼ ﻣﻨﺪﻣﺠﻪ ﺑﺎﻟﻤﻮﺑﺎﻳﻞ ﻋﻠﻲ .. ﺍﺗﻐﺪﻳﺘﻲ ﺷﻬﺪ .. ﺍﻱ ﻃﻠﺒﺖ ﺻﺎﺝ ﻟﺤﻢ ﻭﺑﻴﺒﺴﻲ ﻭﻫﺴﻪ ﻃﻠﺒﺖ ﻛﻮﺗﻴﻞ ﻋﻠﻲ .. ﻋﺎﻓﻴﺎﺕ .. ﺍﺳﺘﻠﻤﺖ ﺧﻮﺵ ﺍﺟﺮ ﻫﻠﻤﺮﻩ ﻣﻠﻴﻮﻥ ﺩﻳﻨﺎﺭ ﺷﻬﺪ .. ﺍﺑﺘﺴﻤﺘﻠﻪ ﺗﺼﺮﻓﻬﻦ ﺑﺎﻟﻬﻨﺎ ﺍﻟﻠﻪ ﻳﺮﺯﻗﻚ ﻋﻠﻲ .. ﺍﺑﺘﺴﻤﺖ ﺷﻜﺮﺍ .. ﻃﻠﺒﺖ ﺍﻛﻞ ﺍﻛﻠﺖ ﺑﺴﺮﻋﻪ ﻭﻛﻤﺖ ﻛﺘﻠﻬﺎ ﻳﻠﻪ ﺧﻞ ﻧﺮﻭﺡالعضوة: 522131 , 5 years ago
ﺷﻬﺪ .. ﺑﻴﺘﻚ ﻗﺮﻳﺐ ﻣﻨﺎ ﻋﻠﻲ .. ﻣﺴﺎﻓﺔ ﻧﺺ ﺳﺎﻋﻪ ﻟﻴﺶ ﺷﻬﺪ .. ﻫﻴﺞ ﺩﺍ ﺍﻛﻮﻝ ﻋﻠﻲ .. ﻫﻤﻤﻢ ﺗﺤﺘﺎﺟﻴﻦ ﺷﻲ ﻗﺒﻞ ﻟﻨﺮﻭﺡ ﺷﻬﺪ .. ﻣﺜﻞ ﺷﻨﻮ ﻋﻠﻲ .. ﻣﺎ ﺍﻋﺮﻑ ﺧﺎﻑ ﺑﻨﻔﺴﺞ ﺷﻲ ﺷﻬﺪ .. ﻻ ﻻ ﺗﺴﻠﻢ ﻣﺘﻘﺼﺮ ﻋﻠﻲ .. ﻳﻠﻪ ﺍﺧﺬﺗﻬﺎ ﻭﺭﺣﺖ ﻟﻠﺒﻴﺖ ﺩﺧﻠﺖ ﺑﺎﻭﻋﺖ 😳 ﻋﻮﻭﻭﻉ ﺍﻟﺒﻴﺖ ﺧﻴﺴﻪ 😷 ﻣﻴﻨﻄﺐ ﻓﺸﻠﺖ ﻣﻨﻬﺎ ﺷﻜﺪ ﻋﻴﺐ ﺍﻧﻮﺏ ﺍﻧﻲ ﻣﻦ ﺭﺍﺣﺖ ﻣﺮﺗﻲ ﺻﺎﺭ ﺷﻬﺮ ﺍﻛﻞ ﻭﻣﺎ ﺍﻏﺴﻞ ﻣﻮﺍﻋﻴﻦ ﺑﺎﻗﻴﺎﺕ ﻣﺘﻜﻮﻣﺎﺕ ﻋﻠﺴﻨﻚ ﻛﺘﻠﻬﺎ ﺍﻋﺬﺭﻳﻨﻲ ﺗﺮﻩ ﻣﺎ ﻣﻨﻀﻒ ﺗﻌﺮﻓﻴﻦ ﺍﻟﻤﺮﻩ ﺯﻋﻼﻧﻪ ﺻﺎﺭ ﺷﻬﺮ ﻭﺍﻧﻲ ﺭﺟﺎﻝ ﻣﺎ ﺍﺩﺑﺮ ﺍﻣﻮﺭ ﺍﻟﺒﻴﺖ ﺷﻬﺪ .. ﻫﻬﻪ ﻟﺘﻬﺘﻢ ﻋﺎﺩﻱ ﻫﺴﻪ ﺍﻧﻀﻔﻬﺎ ﻋﻠﻲ .. ﻻ ﻻ ﺷﺘﻨﻀﻔﻴﻦ ﺍﻧﻲ ﻫﺴﻪ ﺍﺩﺯ ﻋﻠﻪ ﺧﺪﺍﻣﻪ ﻋﺪﻧﺎ ﺑﺎﻟﻔﺮﻉ ﺗﺸﺘﻐﻞ ﺑﺎﻟﺒﻴﻮﺕ ﺗﺠﻲ ﺗﻨﻀﻔﻪ ﺍﺭﺗﺎﺣﻲ ﺷﻬﺪ .. ﻋﻠﻲ ﻫﺎﻱ ﻣﻦ ﺍﻭﻟﻬﺎ ﺩﺗﺤﺴﺴﻨﻲ ﺍﻧﻲ ﻏﺮﻳﺒﻪ ﻋﻠﻲ .. ﻻ ﻭﺍﻟﻠﻪ ﻣﻮ ﻗﺼﺪﻱ ﻫﻴﺞ ﺑﺲ ﻣﺎ ﺍﺭﻳﺪ ﺍﺗﻌﺒﻴﻦ ﺑﻴﻬﻦ . ﺷﻬﺪ .. ﻭﻣﻨﻮ ﻛﺎﻟﻚ ﺍﻧﻲ ﺗﻌﺒﺎﻧﻪ ﺭﻭﺡ ﺍﺭﺗﺎﺡ ﻭ ﻣﻌﻠﻴﻚ ﺍﻧﻲ ﻋﻠﻴﻪ ﺍﻟﺒﺎﻗﻲ ﻋﻠﻲ .. ﺍﻭﻙ ﺷﻬﺪ ﻟﻌﺪ ﺍﺧﺬﻱ ﺭﺍﺣﺘﺞ ﺑﺎﻟﺒﻴﺖ ﺍﻧﻲ ﺑﺲ ﺍﺭﻭﺡ ﺍﺷﻮﻑ ﺍﻫﻠﻲ ﻭﺍﺭﺟﻊ ﺧﻄﻴﻪ ﻫﺴﻪ ﺍﻟﻜﻪ ﺍﻣﻲ ﻃﺎﻙ ﻛﻠﺒﻬﺎ ﻋﻠﻴﻪ ﺷﻬﺪ .. ﺍﺧﺬ ﺭﺍﺣﺘﻚ .. ﺭﺍﺡ ﺑﺎﻭﻋﺖ ﻟﻠﺒﻴﺖ ﺣﻠﻮ ﻭﺻﻐﻴﺮ ﻭﺑﻨﺎﺋﻪ ﻣﺮﺗﺐ ﺑﺲ ﺍﺑﺪ ﻣﻤﻌﺘﻨﻲ ﺑﻴﻪ ﺍﻭﻝ ﺷــّـّ ❓ ـّـّﻲ ﺑﺪﻳﺖ ﺑﺎﻟﻤﻄﺒﺦ ﺧﻠﻴﺖ ﺍﻟﻬﻴﺘﻔﻮﻥ ﺑٲﺫﻧﻲ ﻋﻠﻪ ﺍﻏﻨﻴﺔ ﺷﻴﺮﻳﻦ ( ﺣﺒﻴﺘﻮ ﺑﻴﻨﻲ ﻭﺑﻴﻦ ﻧﻔﺴﻲ ﻭﻣٲﻟﺘﻠﻮﺵ ﻋﻞ ﺍﻟﻠﻲ ﺑﻨﻔﺴﻲ ﻣﺎ ﺍﻋﺮﻓﺶ ﺍﻳﻴﻴﻪ ﺑﻴﺤﺼﻠﻲ ﻟﻤﺎ ﺑﺸﻮﻑ ﻋﻨﻴﻪ ) ﺍﺑﺘﺪﻳﺖ ﺍﻏﺴﻞ ﺑﺎﻟﻤﻮﺍﻋﻴﻦ ﻛﻤﻠﺘﻬﻦ ﻧﺸﻔﺘﻬﻦ ﻭﺻﻔﻄﺘﻬﻦ ﺑﻤﻜﺎﻧﻬﻦ ﻏﺴﻠﺖ ﺍﻟﻤﻄﺒﺦ ﻭﺍﻟﺴﻴﺮﺍﻣﻴﻚ ﻣﺎﻟﺘﻪ ﻛﻠﻪ ﺩﻫﻦ ﻛﻤﻠﺖ ﺑﺨﻼﻝ ﻧﺺ ﺳﺎﻋﻪ ﺍﺗﻮﺟﻬﺖ ﻟﻐﺮﻓﺘﻪ ﻓﻮﻙ ﻓﺘﺤﺖ ﺍﻟﺸﺒﺎﺑﻴﻚ ﻃﻠﻌﺖ ﻛﻞ ﻣﻼﺑﺴﻪ ﺍﻟﻮﺻﺨﻪ ﺧﻠﻴﺘﻬﺎ ﺑﺴﻠﻪ ﻭﺻﻔﻄﺖ ﺍﻟﺒﺎﻗﻴﺎﺕ ﺣﺘﻪ ﻣﻼﺑﺲ ﻣﺮﺗﻪ ﺟﺎﻧﺖ ﻫﻮﺳﻪ ﺻﻔﻄﺘﻬﻦ ﺑﺨﺎﻧﺘﻪ ﻭﻏﻴﺮﺕ ﺷﺮﺷﻒ ﺍﻟﺴﺮﻳﺮ ﻭﺷﻠﺖ ﺍﻟﺰﻭﻟﻴﻪ ﻭﻣﺴﺤﺖ ﺍﻟﻜﺎﺷﻲ ﺑﺪﻳﺘﻮﻝ ﻭﻣﻌﻄﺮ ﺍﺭﺿﻴﺎﺕ ﺻﺎﺭﺕ ﺭﻳﺤﺔ ﺍﻟﻐﺮﻓﻪ ﻣﻨﻌﺸﻪ ﻃﻠﻌﺖ ﻣﺴﺤﺖ ﺍﻟﻤﻤﺮ ﻣﺎﻝ ﺍﻟﺪﺭﺝ ﻭﺍﺧﺬﺕ ﺳﻠﺔ ﺍﻟﻬﺪﻭﻡ ﻭﻧﺰﻟﺖ ﺣﻄﻴﺘﻬﻦ ﺑﺎﻟﻐﺴﺎﻟﻪ ﻭﺗﺮﺳﺘﻬﺎ ﻣﻲ ﻭﺗﺎﻳﺖ ﻭﺷﻐﻠﺘﻬﺎ ﻭﻃﻠﻌﺖ ﺭﺣﺖ ﻟﻠﺼﺎﻟﻪ ﻃﻠﻌﺖ ﺍﻟﺰﻭﺍﻟﻲ ﺟﺮﻳﺖ ﺍﻟﺘﺨﻢ ﻣﺴﺤﺖ ﺍﻟﻮﺭﺍﻩ ﻭﺭﺟﻌﺘﻬﻦ ﻛﻤﻠﺖ ﻣﺴﺤﺖ ﺍﻟﻜﺎﺷﻲ ﺑﺪﻳﺘﻮﻝ ﻭﻣﻌﻄﺮ ﺍﻧﻮﺏ ﺭﺣﺖ ﻟﻠﻤﻴﺰ ﻭﺍﻟﺘﻠﻔﺰﻳﻮﻥ ﻭﺍﻟﺘﺨﻢ ﺑﻘﻤﺎﺵ ﻧﻀﻴﻒ ﻣﺴﺤﺘﻬﻦ ﺻﺎﺭﺕ ﺍﻟﺼﺎﻟﻪ ﺗﻠﻤﻊ ﻭﻏﻴﺮﺕ ﺩﻳﻜﻮﺭ ﺍﻟﺘﺨﻢ ﻭﺍﻟﺘﻠﻔﺰﻳﻮﻥ ﺣﻮﻟﺘﻪ ﺻﺎﺭ ﺍﺭﺗﺐ ﺳﻤﻌﺖ ﺍﻟﻐﺴﺎﻟﻪ ﺻﻔﺮﺕ ﺭﺣﺘﻠﻬﺎ ﻃﻠﻌﺖ ﺍﻟﻬﺪﻭﻡ ﺷﻠﺘﻬﻦ ﺷﻄﻔﺘﻬﻦ ﻭﺧﻠﻴﺘﻬﻦ ﺑﺎﻟﻨﺸﺎﻓﻪ ﻋﻠﻪ ﻣﺎ ﻫﻨﻪ ﺑﺎﻟﺘﻨﺸﻴﻒ ﻏﺴﻠﺖ ﺍﻟﻤﻐﺴﻠﻪالعضوة: 522131 , 5 years ago
ﻭﺍﻟﺤﻤﺎﻡ ﺑﻤﺎﺩﻩ ﺍﺳﻤﻬﺎ ﻓﻼﺵ ﻗﺎﺻﺮ ﻣﺎﻝ ﺣﻤﺎﻣﺎﺕ ﺻﺎﺭ ﺍﺑﻴﺾ ﺑﻌﺪ ﻣﺎ ﺟﺎﻧﺖ ﺍﻟﻜﺎﻉ ﻭﺍﻟﺤﻮﺽ ﻟﻮﻧﻪ ﺑﻨﻲ ﻣﻦ ﻛﺪ ﺍﻟﻮﺻﺦ ﺍﺧﺬﺕ ﺍﻟﺴﻠﻪ ﻭﻣﺴﺤﺖ ﺍﻟﻤﻤﺮ ﻭﺳﺪﻳﺖ ﺍﻟﺒﺎﺏ ﻋﻠﻤﻮﺩ ﺗﻨﺸﻒ ﺍﻟﻜﺎﻋﻴﻪ ﺍﺧﺬﺕ ﺍﻟﻬﺪﻭﻡ ﺍﺷﺮﻫﺎ ﺑﺮﺍ ﺭﺩﺕ ﺍﻏﺴﻞ ﺍﻟﻔﺮﺍﺷﺎﺕ ﻣﺎﻛﻮ ﻣﺎ ﺍﻧﺪﻟﻴﺖ ﺍﻟﺼﻮﻧﺪﻩ ﺻﻔﻄﺘﻬﻦ ﻭﺧﻠﻴﺘﻬﻦ ﻭﺭﻩ ﺍﻟﺒﻴﺖ ﻭﻏﺴﻠﺖ ﺍﻟﻄﺮﻣﻪ ﺑﺴﻄﻞ ﺍﻧﻜﻞ ﻣﻲ ﻭﺍﺷﻤﺮ ﻭﺍﻣﺴﺢ ﻟﺤﺪ ﻣﺎ ﻛﻤﻠﺖ ﻛﻮﻟﺸﻲ ﺑﺴﺎﻋﺘﻴﻦ ﺍﺧﺬﺕ ﻫﺪﻭﻡ ﻭﺩﺧﻠﺖ ﻟﻠﺤﻤﺎﻡ ﺍﺳﺒﺢ ﻋﻠﻲ .. ﺭﺣﺖ ﻻﻫﻠﻲ ﺍﺳﺘﻘﺒﻠﻮﻧﻲ ﺧﻄﻴﻪ ﺍﻣﻲ ﺭﺍﺩﺕ ﺗﺒﺠﻲ ﻣﻦ ﺷﺎﻓﺘﻨﻲ ﻋﺒﺎﻟﻚ ﻣﻔﺎﺭﻛﻬﺎ ﺳﻨﻴﻦ ﻭﻻ ﺟﻨﻬﺎ ﺍﺳﺒﻮﻉ ﺑﻘﻴﺖ ﺍﺳﻮﻟﻒ ﻭﻳﺎﻫﻢ ﺍﻧﻮﺏ ﺍﻣﻲ ﺟﺎﺑﺖ ﺳﻴﺮﺓ ﻣﻴﻌﺎﺩ ﺍﻻﻡ .. ﺷﻨﻮ ﻳﻤﻪ ﻣﺎ ﻧﺎﻭﻱ ﺗﺮﺟﻊ ﻣﺮﻳﺘﻚ ﻋﻠﻲ .. ﺍﻫﻮﻭﻭﻭﻭ ﻳﻮﻡ ﺭﺟﻌﻨﻪ ﻟﻬﺴﺎﻟﻔﻪ .. ﻻ ﻣﺎ ﻧﺎﻭﻱ ﺍﺭﺟﻊ ﺍﻻﻡ .. ﻳﻤﻪ ﻣﺎ ﻳﺼﻴﺮ ﻟﺨﺎﻃﺮ ﺍﺑﻨﻚ ﺧﻄﻴﻪ ﺷﻨﻮ ﺫﻧﺒﻪ ﻋﻠﻲ .. ﺫﻧﺒﻪ ﻋﻨﺪﻩ ﺍﻡ ﺭﻋﻨﻪ ﺍﻻﻡ .. ﻳﻤﻪ ﺍﺫﺍ ﻫﻴﻪ ﺍﻟﺮﻋﻨﻪ ﺧﻠﻴﻚ ﺍﻧﺘﻪ ﺍﻟﻔﻄﻦ ﻭﺍﺳﺘﺮ ﻋﻠﻪ ﺑﻴﺘﻚ ﻭﻻ ﺗﻬﺠﻤﻪ ﻭﻟﻴﺪﻱ ﻋﻠﻲ .. ﺍﻫﻮﻭﻭ ﻳﺎ ﻳﻤﻪ ﻛﻞ ﻣﺎ ﺍﺟﻲ ﻳﻤﺞ ﻻﺯﻡ ﺗﺴﻤﻤﻴﻨﻲ ﺑﻬﻄﺎﺭﻱ ﻣﺎ ﺍﺭﻳﺪﻫﺎ ﻫﻴﻪ ﻛﻮﻩ ﻣﺎ ﺗﻨﺤﺐ ﺷﺎﻳﻔﻪ ﺭﻭﺣﻬﺎ ﺷﻮﻑ ﺟﺎﻧﺖ ﻋﻨﺪﻱ ﺍﻟﺴﻴﻒ ﻣﺎ ﻳﻜﺺ ﺧﺸﻤﻬﺎ ﻭﺗﺪﻟﻞ ﻋﻠﻴﻪ ﺍﺩﻟﻞ ﻭﻣﻦ ﺗﺮﻭﺡ ﺯﻋﻼﻧﻪ ﻭﻣﺎ ﺍﻛﻠﺒﻬﺎ ﺗﺒﻘﻪ ﺗﺘﻮﺳﻞ ﺑﺎﻟﺮﺍﻳﺢ ﻭﺍﻟﺠﺎﻱ ﻓﻲ ﺳﺒﻴﻞ ﺗﺮﺟﻊ ﺍﺫﺍ ﻫﻴﻪ ﻫﻠﻜﺪ ﺧﺎﻳﻔﻪ ﻋﻠﻪ ﺑﻴﺘﻬﺎ ﺷﻜﻮ ﺗﻬﺠﻤﻪ ﻭﺗﻄﻠﻊ ﻳﻄﺒﻬﻢ ﻣﺮﺽ ﺷﻴﺠﻲ ﻣﻦ ﺍﻳﺪﻫﺎ ﺍﻟﻠﻪ ﻳﺰﻳﺪﻫﺎ ﺍﻻﻡ .. ﺑﺲ ﻳﺎﻳﻤﻪ … ﻋﻠﻲ .. ﻻ ﺑﺲ ﻭﻻ ﺣﺲ ﺍﻛﻮﻡ ﺍﺭﻭﺡ ﺍﺷﺮﻓﻠﻲ ﺍﻧﺘﻲ ﺍﻟﻀﺎﻫﺮ ﻳﻤﻪ ﻣﺎ ﺭﺍﺡ ﺗﺠﻮﺯﻳﻦ ﻣﻦ ﻫﻠﺴﺎﻟﻔﻪ ﺳﻠﻤﺖ ﻋﻠﻴﻬﻢ ﻭﻃﻠﻌﺖ ﺭﺣﺖ ﻟﻠﺒﻴﺖ ﺩﻣﻲ ﻓﺎﻳﺮﻩ ﻣﻦ ﻭﺭﻩ ﻣﻴﻌﺎﺩ ﺍﻟﻜﻠﺒﻪ ﺍﻟﻠﻪ ﻳﺨﻠﺼﻨﻲ ﻣﻨﻬﺎ ﺑﺠﺎﻩ ﺍﻟﺤﺴﻴﻦ ﻟﻌﺒﺎﻧﻪ ﺭﻭﺣﻲ ﻣﻨﻬﺎ ﺑﺲ ﺍﻟﻜﺎﺳﺮ ﺿﻬﺮﻱ ﻋﻠﻴﻬﺎ ﺍﺑﻨﻲ ﻭﺍﻻ ﺍﻧﻲ ﻣﻦ ﺯﻣﺎﻥ ﻣﻄﻠﻜﻬﺎ ﺩﺧﻠﺖ ﻛﺮﺍﺝ ﺍﻟﺒﻴﺖ ﻣﻐﺴﻮﻝ ﻭﻳﻠﻤﻊ ﻳﻤﻜﻦ ﺻﺎﺭ ﺳﻨﻪ ﻣﺎ ﺷﺎﻳﻔﻪ ﺑﻬﻠﻨﻀﺎﻓﻪ ﻓﺘﺤﺖ ﺑﺎﺏ ﺍﻟﺒﻴﺖ ﻭﺩﺧﻠﺖ ﻭﺭﻳﺤﺖ ﺍﻟﻌﻄﺮ ﻃﻜﺖ ﺑﺨﺸﻤﻲ ﺍﺑﺎﻭﻉ ﺍﻟﺒﻴﺖ ﻳﻠﻬﺚ ﻭﺷﺎﻳﻠﻪ ﺍﻟﺰﻭﺍﻟﻲ ﻭﺍﻟﻜﺎﺷﻲ ﻳﻠﻤﻊ ﺗﻜﻮﻝ ﻣﺮﻣﺮ ﻣﻌﻘﻮﻟﻪ ﻫﺬﺍ ﺑﻴﺘﻲ ﻻ ﻻ ﻣﺎ ﺍﺻﺪﻙ 😕 ﻗﺒﻞ ﺷﻮﻳﻪ ﻋﻔﺘﻪ ﺯﺑﺎﻟﻪ ﻫﺴﻪ ﺍﻟﻜﺎﻩ ﻳﻠﻤﻊالعضوة: 522131 , 5 years ago
ﺻﻌﺪﺕ ﻟﻠﻐﺮﻓﻪ ﺍﺑﺎﻭﻉ ﻟﻠﻐﺮﻓﻪ ﻣﻦ ﻛﺪ ﻣﺎ ﺭﺭﻳﺤﺘﻬﺎ ﻃﻴﺒﻪ ﻭﺑﺎﺭﺩﻩ ﻭﻣﻨﻌﺸﻪ ﺑﺪﻙ ﺑﺲ ﺗﻨﺎﻡ ﺑﻴﻬﺎ ﻭﺗﺮﺗﺎﺡ ﻓﺘﺤﺖ ﺍﻟﻜﻨﺘﻮﺭ ﻫﻠﻠﻪ ﻣﻼﺑﺲ ﻛﻠﻬﺎ ﻣﺼﻔﻄﻪ ﻭﻟﻜﻢ ﻣﺎ ﻣﺘﻌﻠﻢ ﻋﻠﻪ ﻫﻨﻀﺎﻓﻪ ﺭﺍﺡ ﺍﻣﻮﺕ ﻣﻦ ﺍﻟﺼﺪﻣﻪ 😥 ﻣﺪﺭﻱ ﻣﻦ ﺍﻟﻔﺮﺣﻪ 😐 ﻧﺰﻟﺖ ﺳﻤﻌﺖ ﺻﻮﺕ ﻣﻦ ﺍﻟﺤﻤﺎﻡ ﺩﺍ ﺍﺩﻙ ﺍﻟﺒﺎﺏ ﺍﻧﻔﺘﺤﺖ … ﻳﺘﺒﻊ .