ﻗﺼﻪ ﻭﺍﻗﻌﻴﻪ ﺣﻘﻴﻘﻴﻪ ﻣﻤﺰﻭﺟﻪ ﺑﺎﻟﺨﻴﺎﻝ ﻟﻔﺘﺎﺓ ﻋﺮﺍﻗﻴﻪ ﺗﻌﺎﻧﻲ ﺍﺧﻮﺍﻧﻬﺎ ﺍﻟﻤﺪﻣﻨﻴﻦ ﻟﺘﺘﻌﺮﺽ ﻟﻤﺤﺎﻭﻟﺔ ﺍﻏﺘﺼﺎﺏ ﻓﺘﻨﻬﺰﻡ ﻭﻣﻦ ﺛﻢ ﺗﺒﺪٲ ﺣﻜﺎﻳﻪ ﺍﺧﺮﻯ ﻣﻊ ﺍﻟﺤﺐ ...
ﻛﻨﺖ ﺍﺟﻬﻞ ﻣﻌﻨﻰ ﺍﻟﻘﻮﻩ ﻛﻨﺖ ﺍﻋﺘﻘﺪﻫﺎ ﻣﺮﺍﺩﻑ ﻟﻜﻠﻤﺔ ﻻ ﻣﺒﺎﻻﺓ ﻭﻋﺪﻡ ﺍﻻﻫﺘﻤﺎﻡ ﻟﻠٲﻣﻮﺭ ﻟﻜﻦ ﺍﺩﺭﻛﺖ ﻓﻲ ﻣﺎ ﺑﻌﺪ ﺍﻥ ﺍﻟﻘﻮﺓ ﺗﻜﻤﻦ ﻓﻲ ﺍﻟﻘﻠﺐ ﻣﻬﻤﻬﺎ ﺗﻬﺸﻢ ﻻ ﻳﺰﺍﻝ ﻳﻌﻄﻲ …
ﺳﻮﻑ ﺍﻗﺺ ﻟﻜﻢ ﺣﻜﺎﻳﺔ ﻓﺘﺎﺓ ﻋﺎﻧﺖ ﻣﺎ ﻟﻢ ﻳﻌﺎﻧﻴﻪ ﺍﺣﺪ ﻛﺘﻤﺖ ﻛﻞ ﺫﻟﻚ ﻓﻲ ﻗﻠﺒﻬﺎ ﻭﻓﻲ ﻳﻮﻡ ﻗﺮﺭﺕ ﺍﻥ ﺗﻨﻬﺰﻡ ﻣﻦ ﻭﺍﻗﻌﻬﺎ ﻟﺘﻠﺘﻘﻲ ﻣﺎ ﻟﻢ ﺗﺘﻮﻗﻊ ﺍﻥ ﺗﻠﺘﻘﻴﻪ ..
ﻣﻦ ﺭﺧﺼﺖ ﺍﻟﻜﺎﺗﺒﻪ ﺯﻳﮩﺰﺅُ ﺍﻋﺮﻓﻜﻢ ﻋﻦ ﻧﻔﺴﻲ ﺍﻧﻲ ﺷﻬﺪ ﻋﻤﺮﻱ 20 ﺳﻨﻪ ﺍﻭﻝ ﺳﻨﻪ ﻛﻠﻴﺔ ﻋﻠﻮﻡ ﺣﺎﺳﺒﺎﺕ ﻣﻮﺍﺻﻔﺎﺗﻲ ﺣﻨﻄﻴﻪ ﺷﻌﺮﻱ ﺍﺳﻮﺩ ﻋﻴﻮﻧﻲ ﻧﺮﺟﺴﻴﻪ ﺟﺴﻤﻲ ﻣﺘﻨﺎﺳﻖ ﻃﻮﻟﻲ 154 ﺳﻢ ﻭﻭﺯﻧﻲ 50 ﻙ
ﺟﻨﺖ ﻋﺎﻳﺸﻪ ﺍﺟﻤﻞ ﺣﻴﺎﺓ ﻭﻳﻪ ﻣﺎﻣﺎ ﻭﺑﺎﺑﺎ ﺟﺎﻧﻮ ﻳﺨﺎﻓﻮﻥ ﻋﻠﻴﻪ ﻣﻦ ﺍﻟﻬﻮﺍ ﺍﻣﻲ ﺍﺩﺍﺭﻳﻨﻲ ﻣﺜﻞ ﺍﻟﻤﻲ ﺑﺎﻟﺼﻴﻨﻴﻪ ﻟﺪﺭﺟﺔ ﺍﻧﻲ ﻣﺎ ﺍﻋﺮﻑ ﺍﻃﺒﺦ ﻭﻻ ﺍﻧﻀﻒ ﻭﻻ ﻛﻮﻟﺸﻲ ﻣﺘﻌﻠﻤﻪ ﻣﻦ ﺷﻐﻞ ﺍﻟﺒﻴﺖ ﻣﻦ ﻛﺪ ﻣﺎ ﻫﻴﻪ ﺷﺎﻳﻠﻪ ﻣﺴﺆﻟﻴﺘﻲ ﻭﻣﻤﺨﻠﻴﺘﻨﻲ ﺍﺗﻌﺐ ﻭﻳﺎﻫﺎ
ﺑﺎﺑﺎ ﻛﻞ ﺣﻴﺎﺗﻲ ﺍﻧﻲ ﺑﻨﺘﻪ ﺍﻟﻮﺣﻴﺪﻩ ﻋﻠﻰ 3 ﺍﺧﻮﺍﻥ ﺳﻼﻡ ﻭﻫﻤﺎﻡ ﻭﺣﺴﺎﻡ ﺍﺧﻮﺗﻲ ﺍﺣﺒﻬﻢ ﻛﻮﻟﺶ ﻫﻤﻪ ﺭﻭﺣﻲ ﻣﻦ ﺍﻟﺪﻧﻴﺎ ﺑﺲ ﻣﺸﻜﻠﺘﻬﻢ ﻭﺣﺪﻩ ﻭﻳﺎ ﺭﺏ ﻳﺒﻄﻠﻮﻫﺎ ﻭﻳﻨﺼﻠﺤﻮﻥ
ﻭﻫﻲ ﺍﻟﻤﺨﺪﺭﺍﺕ 💊 ﺍﺧﻮﺗﻲ ﻳﺘﻌﺎﻃﻮﻥ ﻭﻳﺘﻌﺎﻣﻠﻮﻥ ﺑﺎﻟﻤﺨﺪﺭﺍﺕ ﻳﻌﻨﻲ ﻳﺒﻴﻌﻮﻥ ﻣﺨﺪﺭﺍﺕ ﻋﻠﻰ ﺍﻟﺸﺒﺎﺏ ﻭﺍﻟﺒﻨﺎﺕ ﺍﻟﻲ ﻫﻤﻪ ﺿﺤﻴﺔ ﺍﻟﻤﺠﺘﻤﻊ
ﺑﺎﺑﺎ ﻣﻦ ﻋﺮﻑ ﺑٲﺧﻮﺗﻲ ﺣﻴﻞ ﺍﺗٲﺫﻩ ﻭﻧﻬﺮﻫﻢ ﻭﺍﺗﻌﺎﺭﻙ ﻭﻳﺎﻫﻢ ﺑﺲ ﻫﻤﻪ ﺟﺎﻧﻮ ﻣﺪﻣﻨﻴﻦ ﻣﻴﻜﺪﺭﻭﻥ ﺍﻻ ﻳﺘﻌﺎﻃﻮﻥ ﻣﺎﺩﻩ ﺍﺳﻤﻬﺎ ( ﻛﺮﺳﺘﺎﻝ )
ﻣﻦ ﺩﻭﻧﻬﺎ ﻳﻨﺠﻨﻮﻥ ﻭﻳﺼﻴﺮﻭﻥ ﻣﺠﺮﺩ ﺍﻧﺴﺎﻥ ﻣﺤﻄﻢ ﻭﻳﺒﻘﻮﻥ ﻳﺼﺮﺧﻮﻥ ﻣﻦ ﺍﻟﻮﺟﻊ ﺍﻻ ﻳﺎﺧﺬﻭﻫﺎ ﻳﻠﻪ ﻳﻬﺪﻭﻥ ﺑﺲ ﻟﻤﺎ ﻳﺎﺧﺬﻭﻫﺎ ﻳﺘﺤﻮﻟﻮﻥ ﻏﻴﺮ ﺑﺸﺮ ﻣﺎ ﻳﺤﻤﻠﻮﻥ ﺍﻱ ﺻﻔﻪ ﻣﻦ ﺻﻔﺎﺕ ﺍﻻﻧﺴﺎﻧﻴﻪ
ﺗﻔﻘﺪﻫﻢ ﻛﻞ ﻗﻴﻤﻬﻢ ﻭﺍﺧﻼﻗﻬﻢ ﻳﺼﻴﺮﻭﻥ ﺗﺤﺖ ﺗٲﺛﻴﺮ ﺍﻗﻮﻯ ﺑﻜﺜﻴﻴﻴﻴﺮ ﻣﻦ ﺗٲﺛﻴﺮ ﺍﻟﻤﺸﺮﻭﺏ ﻟﻜﻦ ﺗﺤﺴﻪ ﺍﻧﻮ ﻣﻮ ﺷﺎﺭﺏ ﺑﺲ ﺑﻐﻴﺮ ﻋﺎﻟﻢ ﻭﺗﺼﺮﻓﺎﺗﻪ ﺍﺑﺪ ﻣﺘﻮﺣﻲ ﺍﻧﻮ ﺍﻧﺴﺎﻥ ﻋﺎﺩﻱ
ﻫﺬﻱ ﻫﻲ ﺍﻟﻤﺨﺪﺭﺍﺕ ﺗﺤﻮﻝ ﺍﻻﻧﺴﺎﻥ ﺍﻟﻰ ﺷﻴﻄﺎﻥ ﺑﺪﻭﻥ ﻭﻋﻲ
ﺍﺑﻮﻳﻪ ﻣﻦ ﺍﺗﻌﺎﺭﻙ ﻭﻳﺎﻫﻢ ﺑﻘﻰ ﺍﻳﺎﻡ ﺣﺎﻟﺘﻪ ﺗﺪﻫﻮﺭ ﻭﺍﻧﻲ ﻭﺍﻣﻲ ﻣﺤﺘﺎﺭﻳﻦ ﺑﻴﻪ
ﺷﻬﺪ .. ﻣﺎﻣﺎ ﻳﻌﻨﻲ ﺷﻠﻮﻥ ﻧﺒﻘﻰ ﻧﺒﺎﻭﻉ ﻟﺒﺎﺑﺎ ﻭﻫﻮﻩ ﻫﻴﺞ ﺣﺎﻟﺘﻪ ﻻﺯﻡ ﻧﺴﻮﻳﻠﻪ ﺷﻲ
ﺍﻻﻡ .. ﻳﺎ ﻳﻤﻪ ﺷﺴﻮﻱ ﺷﺒﻴﺪﻱ ﺭﺣﻨﺎ ﻟﻠﺪﻛﺘﻮﺭ ﻭﻳﻜﻮﻝ ﻋﻨﺪﻩ ﺳﻮﻓﺎﻥ ﺑﺮﻛﺒﺘﻪ ﻭﺩﻧﻨﻄﻴﻪ ﺍﻟﻌﻼﺝ ﺑﺲ ﻣﺪﻳﺼﻴﺮ ﺯﻳﻦ
ﺷﻬﺪ .. ﻣﺎﻣﺎ ﺧﻞ ﻧﻌﻮﻑ ﺍﻟﺪﻛﺘﻮﺭ ﺍﻻﺧﺘﺼﺎﺹ ﺧﻞ ﻧﺎﺧﺬﻩ ﺑﺎﺟﺮ ﻟﻠﻤﺴﺘﺸﻔﻰ ﻳﺴﻮﻭﻟﻪ ﺗﺤﻠﻴﻼﺕ ﻋﺎﻣﻪ ﺧﻨﺸﻮﻑ ﺷﻨﻮ ﻣﻮﺿﻮﻋﻪ ﺑﻠﻜﺖ ﻧﻮﻛﻊ ﻋﻠﻪ ﻋﻠﺘﻪ
🌼
ﺍﻻﻡ .. ﺍﻧﺸﺎﻟﻠﻪ ﻳﻮﻡ ﻫﻮﻩ ﻫﻢ ﻫﻴﺞ ﺑﺎﺟﺮ ﻣﻦ ﺍﻟﺼﺒﺢ ﻧﺎﺧﺬﻩ ﺍﻧﻲ ﻭﻳﺎﺝ
ﺷﻬﺪ .. ﺑﻌﺪ ﻣﺎ ﺍﻫﺘﻤﻴﺖ ﺍﺑﺎﺑﺎ ﻭﺭﺩﺕ ﺍﺳﺎﻋﺪ ﻣﺎﻣﺎ ﻛﺎﻟﺖ ﺭﻭﺣﻲ ﺍﺭﺗﺎﺣﻲ ﺑﻨﺘﻲ ﺍﻧﻲ ﺍﻛﻤﻞ ﺍﻟﺒﺎﻗﻲ
ﺭﺣﺖ ﺍﻗﺮﻩ ﺍﺗﺬﻛﺮﺕ ﺧﻄﻴﺒﻲ ﺍﻟﺴﺎﺑﻖ ﺍﻟﻠﻲ ﻓﺴﺨﻨﺎ ﺍﻟﺨﻄﻮﺑﻪ ﺑﻌﺪ ﻣﺎ ﺍﺗٲﻛﺪﺕ ﺍﻧﻮ ﻣﻮ ﻛﻔﻮ ﻳﺼﻴﺮﻟﻲ ﺯﻭﺝ ﺟﻨﺖ ﺧﻼﻝ ﻓﺘﺮﺓ ﺍﻟﺨﻄﻮﺑﻪ ﺍﺣﺒﻪ ﺣﻴﻴﻴﻞ ﻭﻫﻮﻩ ﻫﻢ ﺟﺎﻥ ﻳﺤﺒﻨﻲ ﺑﺲ ﻋﺼﺒﻲ ﺑﺸﻜﻞ ﺷﺴﻮﻱ ﻣﻴﻌﺠﺒﻪ
ﻭﺍﻣﻪ ﺍﺗﻤﺸﻲ ﺑﺴﻬﻮﻟﻪ ﻳﻌﻨﻲ ﺷﺘﻜﻮﻟﻪ ﺍﻣﻪ ﻳﻜﻮﻟﻬﺎ ﺣﺎﻇﺮ ﺟﺎﻧﺖ ﻣﺘﺤﺒﻨﻲ ﻻﻥ ﻫﻴﻪ ﺟﺎﻧﺖ ﺭﺍﻳﺪﺗﻠﻪ ﺑﻨﺖ ﺍﺧﺘﻬﺎ ﻭﻫﻮﻩ ﺍﺧﺬﻧﻲ ﻻﻥ ﻳﺤﺒﻨﻲ ﻭﺍﺗﻘﺪﻡ ﻟﺨﻄﻮﺑﺘﻲ
ﺭﻏﻢ ﻋﺪﻡ ﻣﻮﺍﻓﻘﺖ ﺍﻣﻪ ﻫﺬﺍ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻋﺼﺎ ﺍﻣﻪ ﻋﻠﻴﻪ ﻭﻫﻴﻪ ﺑﻘﺖ ﺣﺎﻗﺪﻩ ﻋﻠﻴﻪ ﺍﺫﺍ ﺳﻤﻌﺘﻪ ﻓﺪ ﻳﻮﻡ ﻳﺤﺠﻲ ﻭﻳﺎﻱ ﻻﺯﻡ ﺗﺴﻮﻳﻠﻪ ﻣﺸﻜﻠﻪ ﻋﻠﻤﻮﺩ ﻳﻨﻬﻲ ﺍﺗﺼﺎﻟﻪ ﻭﻳﺎﻱ
ﺟﻨﺖ ﺍﺿﻮﺝ ﻛﻮﻟﺶ ﻟﻤﺎ ﻳﺴﻤﻊ ﻛﻼﻣﻬﺎ ﺻﺢ ﺍﻣﻪ ﺑﺲ ﻻﺯﻡ ﻳﻌﺮﻑ ﻳﺘﺼﺮﻑ ﻭﻳﺎﻳﻪ ﻣﻮ ﺍﻣﻪ ﺗﻤﺸﻲ ﺍﺗﻜﻠﻪ ﻟﺘﺨﺎﺑﺮﻫﺎ ﺑﻘﻪ ﻣﻴﺨﺎﺑﺮﻧﻲ ﺧﺎﻑ ﺍﻣﻪ ﺗﺤﺠﻲ
ﺍﺗﻜﻮﻟﻪ ﻟﺘﻄﻠﻊ ﻭﻳﺎﻫﺎ ﻣﻴﻄﻠﻊ ﻳﺨﺎﻑ ﺗﺰﻋﻞ ﻓﻨﻬﻴﺖ ﺍﻟﺨﻄﺒﻪ ﻻﻥ ﺗﻌﺒﺖ ﻫﺎﻱ ﺩﺗﺘﺼﺮﻑ ﻫﻴﺞ ﻭﺍﻧﻲ ﺑﻌﺪﻧﻲ ﺍﺑﻴﺖ ﺍﻫﻠﻲ ﺷﻠﻮﻥ ﻟﻮ ﺻﺮﺕ ﻋﺪﻫﻢ ﻭﺍﻧﻲ ﺍﻛﺮﻩ ﺍﻝ ﺟﺎﻝ ﺍﻟﻠﻲ ﺍﺷﻮﻓﻪ ﻣﺴﻴﺮ ﻣﻮ ﻣﺨﻴﺮ ﻭﻳﺘﺼﺮﻑ ﻣﻦ ﺭﺍﺳﻪ
ﺑﺲ ﺭﻏﻢ ﻫﺬﺍ ﺟﻨﺖ ﻫﻮﺍﻳﻪ ﺍﺣﺒﻪ ﻭﻣﺘﻌﻠﻘﻪ ﺑﻴﻪ ﺟﺒﺮﺕ ﻧﻔﺴﻲ ﻋﻠﻪ ﺗﺮﻛﻪ ﻛﻞ ﻳﻮﻡ ﺟﻨﺖ ﺍﺑﺠﻲ ﻋﻠﻴﻪ ﺑﺪﻭﻥ ﻋﻠﻢ ﺍﻱ ﺍﺣﺪ ﻋﻠﻤﻮﺩ ﻻ ﺍﺑﻴﻦ ﺍﻥ ﺍﻧﻲ ﺍﺭﻳﺪﻩ
ﺑﺲ ﺍﺗﻤﻨﻰ ﺍﻧﺴﺎﻩ ﻧﻤﺖ ﻛﻠﻌﺎﺩﻩ ﺩﻣﻮﻋﻲ ﺑﻌﻴﻨﻲ ﻛﻌﺪﺕ ﺍﻟﺼﺒﺢ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﺳﻮﻳﺖ ﺷﻌﺮﻱ ﺿﻔﻴﺮﻩ ﺻﻔﺢ
ﺣﻄﻴﺖ ﻛﺮﻳﻢ bb ﻭﺭﺳﻤﺖ ﺣﺎﺟﺒﻲ ﺗﺎﺗﻮ ﺧﻔﻴﻒ ﻭﺣﻄﻴﺖ ﺣﻤﺮﻩ ﻭﺭﺩﻱ ﻣﺎﺕ ﺑﻨﺎﺗﻲ ﻭﻛﺤﻞ ﻭﻣﺴﻜﺎﺭﻩ ﻣﻜﺜﻔﻪ ﺗﺒﺮﺯ ﻋﻴﻮﻧﻲ
ﻭﻟﺒﺴﺖ ﺟﻴﻨﺰ ﻛﻮﺑﻮﻱ ﻭﻗﻤﻴﺺ ﺍﺑﻴﺾ ﻭﺟﻨﻄﻪ ﻛﻮﺑﻮﻱ ﺑﺮﺳﻤﺔ ﺑﺎﺭﺑﻲ ﻭ ﻧﺰﻟﺖ ﻛﺘﻠﻬﺎ ﻫﺎ ﻣﺎﻣﺎ ﺟﺎﻫﺰﻩ
ﺍﻻﻡ .. ﺍﻱ ﻳﻮﻡ ﻳﻠﻪ ﺍﺧﺬﻱ ﻫﺬﻱ ﺍﻟﺠﻨﻄﻪ ﻣﺎﻟﺖ ﻟﻠﺴﻴﺎﺭﻩ ﻭﺳﺎﻋﺪﻳﻨﻲ ﻧﻤﺸﻲ ﺍﺑﻮﺝ ﻧﺼﻌﺪﻩ ﺑﻠﺴﻴﺎﺭﻩ ﺍﺧﺬﻧﻪ ﺑﺎﺑﺎ ﻭﻛﻌﺪﺗﻪ ﺑﺎﻟﺼﺪﺭ ﻣﺎﻝ ﺍﻟﺴﻴﺎﺭﻩ ﻭﻣﺎﻣﺎ ﺗﺴﻮﻕ
ﻭﻛﻌﺪﺕ ﻭﺭﻩ ﻓﺘﺤﺖ ﻧﺖ ﺑﺎﻟﺴﻴﺎﺭﻩ ﺍﺧﺬﺗﻠﻲ ﻓﺮﻩ ﺳﺮﻳﻌﻪ ﺑﺎﻻﻧﺴﺘﻜﺮﺍﻡ ﻭﺳﺪﻳﺘﻪ ﻫﻴﺞ ﻓﻘﻂ ﺍﺧﻠﺺ ﺍﻟﻮﻗﺖ ﺍﻟﻠﻲ ﺑﺎﻟﺴﻴﺎﺭﻩ ﺍﺣﺴﻦ ﻣﺎ ﺍﻛﻌﺪ ﺍﺻﻔﻦ ﻋﻠﺸﺎﺭﻉ
ﻭﺻﻠﻨﺎ ﻟﻠﻤﺴﺘﺸﻔﻰ ﺻﻔﻴﻨﺎ ﺍﻟﺴﻴﺎﺭﻩ ﻭﺭﺣﻨﺎ ﺍﻧﻲ ﻭﻣﺎﻣﺎ ﻧﻤّﺸﻲ ﺍﺑﻮﻳﻪ ﻭﺻﻠﻨﺎ ﻓﺤﺼﻮﻩ ﻛﺎﻟﻮ ﻻﺯﻡ ﻧﺴﻮﻳﻠﻪ ﺍﺷﻌﻪ ﺭﻧﻴﻦ ﻭﻣﻔﺮﺍﺱ
ﺍﻫﻮﻭﻭﻭﻭ ﻫﺎﻱ ﺷﻴﻔﻀﻬﺎ ﺳﻮﻳﻨﺎﻫﺎ ﻭﺍﻧﻄﻴﻨﻪ ﻓﻠﻮﺱ ﻋﻠﻤﻮﺩ ﺗﻄﻠﻊ ﺍﻻﺷﻌﻪ ﺑﻨﻔﺲ ﺍﻟﻴﻮﻡ ﺍﺧﺬﻧﺎﻫﺎ ﻣﻦ ﺑﻌﺪ ﻭﻗﺖ 5 ﺳﺎﻋﺎﺕ ﻣﺮﻥ ﻛﻮﻩ
ﺭﺣﻨﻪ ﻟﻠﺪﻛﺘﻮﺭ ﺷﻮﻓﻨﺎﻩ ﺍﻟﻨﺘﻴﺠﻪ ﺑﺲ ﺷﻔﺖ ﺍﻟﺪﻛﺘﻮﺭ ﺩﺍﻳﺦ ﻭﻳﺒﺎﻭﻉ ﻛﺎﻝ ﻣﻦ ﺷﻮﻛﺖ ﺻﺎﺭ ﻋﻨﺪﻩ ﻫﻠﺤﺎﻟﻪ ﻛﻠﻨﺎﻟﻪ ﺻﺎﺭﻟﻪ ﺷﻬﺮ
ﻛﺎﻝ ﻣﺘٲﺧﺮﻳﻦ ﻛﻮﻟﺶ ﺍﻟﻮﺍﻟﺪ ﻋﻨﺪﻩ ﻭﺭﻡ ﺑﺎﻟﺪﻣﺎﻍ ﻭﻻﺯﻡ ﺑٲﻗﺮﺏ ﻭﻗﺖ ﻧﺴﻮﻱ ﺍﻟﻌﻤﻠﻴﻪ ﻭﻧﺴﺘٲﺻﻠﻪ
ﺍﺗﺨﺒﻠﻨﺎ ﺍﻧﻲ ﻭﺍﻣﻲ ﻭﻛﻤﻨﺎ ﻧﺒﺠﻲ ﺑﺎﻭﻋﺖ ﻟﻠﺪﻛﺘﻮﺭ ﻭﻛﺘﻠﻪ ﻧﻜﺪﺭ ﻧﺴﻔﺮﻩ ﻧﺴﻮﻳﻠﻪ ﺍﻟﻌﻤﻠﻴﻪ ﺑﺮﺍ ﺧﺎﺭﺝ ﺍﻟﻌﺮﺍﻕ
ﻛﺎﻝ ﻻ ﻣﺎ ﻋﻨﺪﻩ ﻭﻗﺖ ﻻﺯﻡ ﻧﺴﺘٲﺻﻞ ﺍﻟﻮﺭﻡ ﺑٲﺳﺮﻉ ﻭﻗﺖ ﻭﺣﺪﺩ ﻣﻮﻋﺪ ﺍﻟﻌﻤﻠﻴﻪ ﺑﻌﺪ ﻳﻮﻣﻴﻦ ﺭﺟﻌﻨﺎ ﺍﻧﻲ ﻭﺍﻣﻲ ﻫﻠﻜﺎﻧﻴﻦ ﻣﻦ ﺍﻟﺘﻌﺐ ﻭﺍﻟﺒﺠﻲ
ﺍﻟﻤﻦ ﻧﺸﺘﻜﻲ ﺍﺣﻨﻪ ﻣﺎ ﻋﺪﻧﻪ ﻋﻼﻗﻪ ﻗﻮﻳﻪ ﺑﻌﻤﺎﻣﻲ ﻭﺧﻮﺍﻟﻲ ﻣﺎ ﻋﺪﻧﺎ ﻏﻴﺮ ﺑﺲ ﺧﺎﻝ ﻭﺍﺣﺪ ﻭﻃﻠﻊ ﺗﻬﺮﻳﺐ ﻻﻟﻤﺎﻧﻴﺎ
ﻭﺍﺧﻮﺗﻲ ﺣﺎﻟﺘﻬﻢ ﺗﻠﻌﺐ ﺍﻟﻨﻔﺲ ﻭﻻ ﺗﺤﺴﻴﻬﻢ ﻫﻤﻪ ﺣﺘﻪ ﻭﻻ ﺗﻜﺪﺭ ﺗﻌﺘﻤﺪ ﻋﻠﻴﻬﻢ ﺑﺤﻤﻞ ﻣﺴﺆﻟﻴﺔ ﺍﺑﻮﻳﻪ
ﺍﻣﻲ ﻛﺎﻣﺖ ﺗﺘﻌﺎﺭﻙ ﻭﻳﺎﻫﻢ ﻭﺗﻜﻠﻬﻢ ﺍﻟﻤﻦ ﺧﻠﻔﺘﻜﻢ ﻏﻴﺮ ﺗﻌﻴﻨﻮﻥ ﺍﺑﻮﻛﻢ ﻋﻮﻓﻮ . ﻫﻠﺴﻢ ﻭﺍﻟﻠﻪ ﺧﺒﻠﻜﻢ
ﻛﺎﻣﺖ ﺗﺎﺧﺬ ﻣﻨﻬﻢ ﺍﻟﺤﺒﻮﺏ ﻳﺘﻬﺴﺘﺮﻭﻥ ﻭ ﻳﺘﺨﺒﻠﻮﻥ ﻋﻠﻴﻨﻪ ﺣﺘﻪ ﻳﻬﺪﻭﻥ ﻋﻠﻴﻨﻪ ﺍﻧﻲ ﻭﺍﻣﻲ ﺑﺎﻟﺴﺠﻴﻨﻪ ﻟﺤﺪ ﻣﺘﻨﻄﻴﻬﻢ ﺍﻟﺤﺒﻮﺏ
ﺑﻘﻴﺖ ﺍﻧﻲ ﻭﺍﻣﻲ ﺣﺎﻳﺮﻳﻦ ﻋﻠﻪ ﻓﻠﻮﺱ ﺍﻟﻌﻤﻠﻴﻪ 3 ﻣﻼﻳﻴﻦ ﻣﻨﻴﻦ ﻧﺠﻴﺒﻬﻦ ﺟﺎﻥ ﺍﺑﻮﻳﻪ ﻳﺸﺘﻐﻞ ﻣﻮﺿﻒ ﺑﺎﻟﺒﻨﻚ ﻭﺭﺍﺗﺒﻪ ﺍﻟﺤﻤﺪﻟﻠﻪ ﻋﺎﻳﺸﻴﻦ ﻣﻨﻪ ﺑﻲ
ﺑﻌﺪ ﻣﺎ ﻛﻌﺪ ﻭﺗﻤﺮﺽ ﺍﻧﻘﻄﻊ ﻣﺎ ﺑﻘﻰ ﻛﺪﺍﻣﻨﻪ ﻏﻴﺮ ﺍﻧﺒﻴﻊ ﺍﻟﺴﻴﺎﺭﻩ ﺑﻌﻨﺎﻫﺎ ﺏ 19 ﻣﻠﻴﻮﻥ ﻭ ﺳﻮﻳﻨﺎ ﺍﻟﻌﻤﻠﻴﻪ …
ﻳﺘﺒﻊ
رئيكم بالجزء في إضافة تعليق
العضوة: 522131 , 5 years ago
ﻃﻮﻟﺖ ﺍﻟﻌﻤﻠﻴﻪ 6 ﺳﺎﻋﺎﺕ ﻭﺍﺧﻴﺮﺍ ﻃﻠﻌﻮﻩ ﺑﻌﺪ ﻣﺎ ﻫﻠﻜﻨﺎ ﺍﻧﻲ ﻭﻣﺎﻣﺎ ﻣﻦ ﺍﻟﺒﺠﻲ ﻭﺟﺎﻥ ﻭﻳﺎﻧﻪ ﻋﻤﺎﻣﻲ ﺑﺲ ﺗﻜﻮﻝ ﺧﻄﺎﺭ ﻭﻻ ﻳﻤﻬﻢ ﺍﻟﺴﺎﻟﻔﻪ ﺑﻘﻴﻨﻪ ﺍﻧﻲ ﻭﻣﺎﻣﺎ ﻧﺘﺮﺍﻭﺩ ﻋﻠﻴﻪ ﺑﺎﻟﻤﺴﺘﺸﻔﻰ ﻳﻮﻥ ﻫﻴﻪ ﺗﺒﻘﻰ ﻭﻳﻮﻡ ﺍﻧﻲ ﻟﺤﺪ ﻣﻤﺮ 10 ﺍﻳﺎﻡ ﻃﻠﻌﻨﺎﻩ ﺻﺎﺭ ﺷﻮﻱ ﺍﺣﺴﻦ ﺍﺧﺬﻭ ﻋﻴﻨﻪ ﻟﻠﻮﺭﻡ ﻃﻠﻊ ﺧﺒﻴﺚ ﻳﻌﻨﻲ ﺳﺮﻃﺎﻥ ﺑﺲ ﻛﺎﻟﻮ ﺍﺳﺘٲﺻﻠﻨﺎﻩ ﻭﺻﺎﺭ ﺯﻳﻦ ﻓﺮﺣﻨﻪ ﻭﺭﺟﻌﺖ ﺣﻴﺎﺗﻨﻪ ﻃﺒﻴﻌﻴﻪ ﻟﺸﻬﺮ ﻭﺭﺟﻌﺖ ﺍﺩﺍﻭﻡ ﺑﺎﻟﻜﻠﻴﻪ ﻭﺍﺧﺬﺕ ﺍﻟﺪﺭﻭﺱ ﺍﻟﻔﺎﺗﺘﻨﻲ ﻣﺮ ﺷﻬﺮ ﻭﺑﺎﺑﺎ ﺭﺟﻊ ﻳﺬﺑﻞ ﻭﻳﺸﻜﻲ ﻣﻦ ﺍﻟﻢ ﺑﺮﺍﺳﻪ ﺭﺟﻌﻨﺎ ﺍﺧﺬﻧﺎﻩ ﻟﻠﻤﺴﺘﺸﻔﻰ ﻃﻠﻊ ﻋﻨﺪﻩ ﺍﻟﻮﺭﻡ ﻣﻨﺘﺸﺮ ﺑﻜﻞ ﺍﻧﺤﺎﺀ ﺩﻣﺎﻏﻪ ﻭﻻﺯﻡ ﻧﻨﻄﻴﻪ ﺍﻟﻌﻼﺝ ﺍﻟﻜﻴﻤﻴﺎﻭﻱ ﺍﺗﺨﺒﻠﻨﺎ ﻛﻠﻨﺎﻟﻪ ﻣﻮ ﺳﻮﻳﻨﻪ ﺍﻟﻌﻤﻠﻴﻪ ﻭﻧﺠﺤﺖ ﻛﺎﻝ ﻻ ﻫﻮﻩ ﺧﺒﻴﺚ ﻳﺨﺘﻔﻲ ﻳﻮﻡ ﻭﺑﺎﺟﺮ ﺗﻠﻜﻴﻪ ﻣﻨﺘﺸﺮ ﺑﻜﻞ ﻣﻜﺎﻥ ﺑﻘﻴﻨﻪ ﻧﺒﺠﻲ ﻭﺍﻧﺪﻙ ﻭﻧﻠﻄﻢ ﻭﻣﺘﺒﻬﺬﻟﻴﻦ ﻭﻳﻪ ﺑﺎﺑﺎ ﺑﺎﻟﻤﺴﺘﺸﻔﻰ ﻭﺍﺧﻮﺗﻲ ﻭﻻ ﻳﻤﻬﻢ ﻣﻠﺘﻬﻴﻦ ﺑﺎﻟﻤﺨﺪﺭﺍﺕ ﻣﺎﻟﺘﻬﻢ ﻋﻮﺩ ﻭﻫﻮﻩ ﻫﺬﺍ ﺍﻟﻴﺨﻠﻒ ﺍﻟﻮﻟﺪ ﻭﻣﻴﺮﻳﺪ ﺍﻟﺒﻨﻴﻪ ﺗﺎﻟﻲ ﺍﻧﻲ ﺍﻟﻨﻔﻌﺘﻪ ﺍﻛﺜﺮ ﻣﻦ ﻭﻟﺪﻩ ﺍﻟﻤﺎ ﺩﺭﻭ ﻋﻨﻪ ﻣﺮ ﻋﻠﻪ ﺑﺎﺑﺎ ﺍﺳﺒﻮﻋﻴﻦ ﺑﺎﻟﻤﺴﺘﺸﻔﻰ ﺍﺟﺎﻧﻪ ﺍﺑﻼﻍ ﺗﻢ ﺍﻟﻘﺒﺾ ﻋﻠﻪ ﻫﻤﺎﻡ ﺍﺧﻮﻳﻪ ﺍﻟﻮﺳﻄﺎﻧﻲ ﺑﺘﻬﻤﺔ ﺗﻌﺎﻃﻲ ﻭﺑﻴﻊ ﺍﻟﻤﺨﺪﺭﺍﺕ ﻟﻠﺸﺒﺎﺏ ﺍﻟﻘﺎﺻﺮﻳﻦ ﺍﺗﺨﺒﻠﺖ ﺍﻣﻲ ﻭﺍﺑﻮﻳﻪ ﻋﺮﻑ ﺑﺎﻟﻤﻮﺿﻮﻉ ﻭﺍﻧﺘﻜﺴﺖ ﺣﺎﻟﺘﻪ ﻛﻮﻟﺶ ﺑﻘﻴﻨﺎ ﻋﻠﻪ ﻫﺬﺍ ﺍﻟﺤﺎﻝ ﻣﺘﺎﻧﻴﻦ ﺣﻜﻢ ﺍﻟﻤﺤﻜﻤﻪ ﺑٲﺧﻮﻳﻪ ﻃﻠﻊ ﻋﻠﻴﻪ ﺣﻜﻢ 10 ﺍﺳﻨﻴﻦ ﺳﺠﻦ ﺍﻣﻲ ﻓﻘﺪﺕ ﺑﻘﺖ ﺗﺼﺮﺥ ﺍﺑﻮﻳﻪ ﻣﻦ ﺳﻤﻊ ﻫﻴﺞ ﻛﺎﻝ ﺷﺒﻴﻬﺎ ﺍﻣﺞ ﻛﺘﻠﻪ ﻣﺎ ﺑﻴﻬﺎ ﺷﻲ ﺑﻘﻰ ﻳﺼﻴﺢ ﺍﻻ ﻳﻌﺮﻑ ﻛﺘﻠﻪ ﻫﻤﺎﻡ ﺍﻧﺤﻜﻢ 10 ﺳﻨﻮﺍﺕ ﺳﺠﻦ ﺧﻄﻴﻪ ﻛﺎﻡ ﻳﺒﺠﻲ ﻭﻳﻜﻮﻝ ﺍﻣﺪﺍﻧﻲ ﻣﻦ ﺧﻠﻔﺖ ﺍﻟﻮﻟﺪ ﻟﻮ ﺍﻟﻠﻪ ﻣﻨﻄﻴﻨﻲ ﺧﻠﻔﺘﻲ ﻛﻠﻬﺎ ﺑﻨﺎﺕ ﻭﻻ ﻫﻠﻌﺎﺭ ﺍﻟﺠﺎﺑﻮﻟﻴﺎﻩ ﻣﺘﺤﻤﻞ ﺍﻟﺼﺪﻣﻪ ﺛﺎﻧﻲ ﻳﻮﻡ ﻛﻌﺪﻧﻪ ﻟﻜﻴﻨﺎﻩ ﻣﻴﺖ ﺑﺎﻟﻤﺴﺘﺸﻔﻰ ﺑﻘﻴﺖ ﺍﻋﻴﻂ ﻭﺍﺻﻴﺢ ﻭﻟﻚ ﺑﺎﺑﺎ ﻛﻮﻡ ﻟﻴﺶ ﺍﺗﺨﻠﻴﻨﺎ ﻣﻨﻮ ﺍﻟﻨﺎ ﺍﻧﻲ ﻭﻣﺎﻣﺎ ﺑﺎﺑﺎ ﻋﻔﻴﻪ ﻟﺘﻌﻮﻓﻨﻪ ﺑﻘﻴﺖ ﺍﺩﻙ ﻋﻠﻪ ﺻﺪﺭ ﺑﺎﺑﺎ ﻟﺤﺪ ﻣﺎ ﺍﻏﻤﻰ ﻋﻠﻴﻪ ﺍﻧﻮﺏ ﺻﺤﻴﺖ ﺭﺣﻨﺎ ﺳﻮﻳﻨﺎ ﺍﻟﺪﻓﻦ ﻣﺎﻟﺘﻪ ﻭﺷﻔﺘﻬﻢ ﺷﻠﻮﻥ ﻧﺰﻟﻮ ﺑﺎﺑﺎ ﻟﻠﻜﺒﺮ ﺑﻘﻴﺖ ﺍﺻﺮﺥ ﺑﻼ ﻭﻋﻲ ﺍﻣﻲ ﺍﻧﺘﻬﺖ ﻋﻠﻴﻪ ﻻﻥ ﻫﻤﻪ ﺟﺎﻧﻮ ﻣﺎﺧﺬﻳﻦ ﻋﻦ ﺣﺐ ﻛﻞ ﺳﺎﻉ ﺗﺘﺨﺮﺑﻂ ﻭﺗﻮﻛﻊ ﺷﻜﻞ ﻭﻳﺎﻫﺎ ﺳﻜﺮ ﺑﺴﺮﻋﻪ ﻧﻘﻠﻨﺎﻫﺎ ﻟﻠﻤﺴﺘﺸﻔﻰالعضوة: 522131 , 5 years ago
ﻛﺎﻝ ﺍﻟﺴﻜﺮ 400 ﻭﺍﻟﻀﻐﻂ 19 ﻻﺯﻡ ﺍﺑﺪ ﻣﺘﻨﻔﻌﻞ ﺑﻘﻴﺖ ﻛﺎﺗﻤﻪ ﺍﻟﺼﺮﺧﻪ ﺑﻜﻠﺒﻲ ﻻ ﺍﻛﺪﺭ ﺍﺑﺠﻲ ﻋﻠﻪ ﺑﺎﺑﺎ ﻭﻻ ﻋﻠﻪ ﺍﻣﻲ ﻭﻻ ﻋﻠﻪ ﺣﺎﻟﺘﻲ ﺑﺪﻭﻥ ﺍﻫﻠﻲ ﺗﺮﻛﺖ ﺍﻟﻜﻠﻴﻪ ﻭﻛﻌﺪﺕ ﺍﻫﺘﻢ ﺍﺑﻤﺎﻣﺎ ﻣﺮ ﻋﻠﻪ ﻭﻓﺎﺓ ﺑﺎﺑﺎ 20 ﻳﻮﻡ ﻭﺍﻣﻲ ﺍﺑﺪ ﻣﺎ ﺻﺤﺖ ﻳﻮﻣﻴﻪ ﺑﺎﻟﻤﺴﺘﺸﻔﻰ ﻛﻤﺖ ﺍﻧﺎﻡ ﻭﻳﺎﻫﺎ ﺑﻐﺮﻓﺘﻬﺎ ﺍﺣﻀﻨﻬﺎ ﻟﻠﺼﺒﺢ ﻭﺍﻭﺍﺳﻲ ﺑﻴﻬﺎ ﻭﺍﺑﺠﻲ ﺑﺪﻭﻥ ﺻﻮﺕ ﻋﻠﻪ ﺻﺪﺭﻫﺎ ﺟﻨﺖ ﻧﺎﻳﻤﻪ ﻭﻣﺮﺕ ﻣﺎﻣﺎ ﺑﺎﻟﺤﻠﻢ ﻛﺎﻟﺘﻠﻲ ﺷﻬﻮﺩﻩ ﻣﺎﻣﺎ ﺍﻧﻲ ﺗﻌﺒﺖ ﺑﺪﻭﻥ ﺍﺑﻮﺝ ﻭﻣﺎ ﺍﻛﺪﺭ ﺍﺻﺒﺮ ﻻﺯﻡ ﺍﺭﻭﺣﻠﻪ ﺩﻳﺮﻱ ﺑﺎﻟﺞ ﻋﻠﻪ ﻧﻔﺴﺞ ﻣﺎﻣﺎ ﻣﻊ ﺍﻟﺴﻼﻣﻪ ﻭﻣﺸﺖ ﻭﺍﺧﺘﻔﺖ ﺭﺩﺕ ﺍﺻﻴﺢ ﺑﺎﻟﺤﻠﻢ ﺍﻟﺼﻮﺕ ﻣﻜﺘﻮﻡ ﺍﺧﺘﻨﻜﺖ ﺑﺲ ﺍﺭﻳﺪ ﺍﻛﻌﺪ ﻣﺎ ﺍﻛﺪﺭ ﺍﻟﻰ ﺍﻥ ﺫﻛﺮﺕ ﺍﻟﻠﻪ ﻓﺰﻳﺖ ﻭﺍﻳﺪﻱ ﻋﻠﻪ ﻛﻠﺒﻲ ﻭﺍﺗﻨﻔﺲ ﻗﻮﻱ ﻭﺍﻟﻌﺮﻙ ﻳﺼﺐ . ﺭﻛﻀﺖ ﻟﻠﻀﻮﻩ ﻓﺘﺤﺘﻪ ﻭﺭﺟﻌﺖ ﺍﻟﻤﺎﻣﺎ ﺍﺻﺤﻲ ﺑﻴﻬﺎ ﻟﺰﻣﺖ ﺟﺴﻤﻬﺎ ﺑﺎﺭﺩ ﺛﻠﺞ ﺑﻘﻴﺖ ﺍﺻﻴﺢ ﺍﺻﺤﻲ ﺑﻴﻬﺎ ﻭﻟﺞ ﻣﺎﻣﺎ ﺍﻛﻌﺪﻱ ﻭﺍﻟﻠﻪ ﻣﺎ ﺍﺗﺤﻤﻞ ﻓﺮﺍﻛﻢ ﻓﺪ ﺷﻬﺮ ﺍﻧﺘﻲ ﻭﺑﺎﺑﺎ ﻭﻟﺞ ﻣﺎﻣﺎ ﺍﻟﻤﻦ ﺗﻌﻮﻓﻴﻨﻲ ﻟﺨﻮﺗﻲ ﻭﻟﺞ ﺩﻛﻌﺪﻱ ﺍﺧﺬﻳﻨﻲ ﻭﻳﺎﺝ ﺍﻛﻌﺪﻱ ﺣﺮﺍﻡ ﻋﻠﻴﻜﻢ ﻭﺍﻟﻠﻪ ﻭﺍﻟﻠﻪ ﺣﺮﺍﻡ ﺍﻟﻠﻲ ﺩﺗﺴﻮﻩ ﺑﻴﻪ ﺣﺮﺭﺭﺭﺭﺭﺭﺍﻡ ﻭﻟﺞ ﻣﺎﻣﺎ ﺍﻟﻠﻪ ﻋﻠﻴﺞ ﺍﻛﻌﺪﻱ ﻟﺘﻌﻮﻓﻴﻨﻲ ﻣﺎﻣﺎ ﻭﺍﻟﻠﻪ ﺍﺿﻴﻊ ﺑﻌﺪﻛﻢ ﻭﻟﻚ ﺑﺎﺑﺎ ﻭﻟﺞ ﻣﺎﻣﺎ ﻓﻘﺪﺕ ﺍﻟﺘﻤﻮ ﺍﻟﺠﻴﺮﺍﻥ ﻭﻓﺼﻠﻮﻧﻲ ﻋﻦ ﺍﻣﻲ ﻓﻘﺪﺕ ﺑﻘﻴﺖ 4 ﺍﻳﺎﻡ ﺍﻧﻲ ﻣﺎ ﺻﺎﺣﻴﻪ ﻣﻦ ﺍﻟﺼﺪﻣﻪ ﺣﺘﻪ ﻣﺎ ﺍﺑﺠﻲ ﺗﻔﺮﻗﻮ ﺍﻟﻨﺎﺱ ﺑﻌﺪ ﺍﻟﻌﺰﺍﺀ ﻭﺑﻘﻴﺖ ﻭﺣﺪﻱ ﺑﺎﻟﺒﻴﺖ ﺑﺲ ﺍﺧﻮﺗﻲ ﻭﻳﺎﻱ ﺑﺲ ﻣﻤﻬﺘﻤﻴﻦ ﻟﺤﺎﻟﺘﻲ ﻛﻮﻟﺶ ﺍﻧﺘﻬﻴﺖ ﻭﻻ ﺟﻨﻲ ﺫﻳﺞ ﺷﻬﺪ ﺍﻟﻠﻲ ﺍﻟﻀﺤﻜﻪ ﻣﺘﻔﺎﺭﻙ ﻋﻴﻮﻧﻬﺎ ﺑﺸﻬﺮ ﻭﺍﺣﺪ ﺗﻴﺘﻤﺖ ﺑﻘﻴﺖ ﺍﺑﺠﻲ ﻟﻴﻞ ﻧﻬﺎﺭ ﻋﻠﻴﻬﻢ ﻣﺮ ﺷﻬﺮ ﻋﻠﻪ ﻫﻠﺤﺎﻟﻪ ﻛﻤﺖ ﺍﺷﻮﻑ ﺍﺧﻮﺗﻲ ﻛﺎﻣﻮ ﻳﺠﻴﺒﻮﻥ ﺍﺻﺪﻗﺎﺋﻬﻢ ﺑﺎﻟﺒﻴﺖ ﻭﻳﺸﺮﺑﻮﻥ ﻭﻳﺤﺸﺸﻮﻥ ﻛﻤﺖ ﺍﺧﺎﻑ ﻣﻨﻬﻢ ﺣﻴﻴﻴﻞ ﺍﺑﻘﻪ ﺑﻐﺮﻓﺘﻲ ﻗﺎﻓﻠﻪ ﻋﻠﻴﻪ ﺍﻟﺒﺎﺏ ﻟﻠﺼﺒﺢ ﺍﻧﺪﻛﺖ ﺍﻟﺒﺎﺏ ﺣﻴﻞ ﻛﻤﺰﺕ ﻛﻠﺖ ﻣﻨﻮ ﻛﺎﻝ ﺳﻼﻡ .. ﺗﻌﺎﻟﻲ ﺍﻛﻌﺪﻱ ﺧﺎﺗﻮﻥ ﺷﻠﻮﻥ ﻧﻤﻮﺕ ﺟﻮﻉ ﺷﻬﺪ .. ﺃﻳٌـ YES. ـﮧٌَ ﻃﺎﻟﻌﻪ ﻓﺘﺤﺖ ﺍﻟﺒﺎﺏ ﻭﺑﻘﻪ ﻳﺼﻴﺢ ﻓﺘﺤﺖ ﺍﻟﺜﻼﺟﻪ ﻛﻮﻟﺸﻲ ﻣﺎ ﺑﻴﻬﺎ ﻛﺘﻠﻬﺎ ﻣﺎ ﻋﺪﻧﻪ ﻣﺴﻮﺍﻙ ﻛﺎﻝ ﺳﻼﻡ .. ﺍﻃﻠﻌﻴﻦ ﺍﺗﺠﻴﺒﻴﻦ ﻣﺴﻮﺍﻙ ﺷﻬﺪ .. ﺯﻳﻦ ﺍﻧﻄﻴﻨﻲ ﻓﻠﻮﺱ ﺍﺗﺴﻮﻙ ﺳﻼﻡ .. ﺩﺑﺮﻱ ﻧﻔﺴﺞ ﻣﻌﻠﻴﻪ ﺍﻟﻴﻮﻡ ﺍﻟﻴﻮﻡ ﺍﺫﺍ ﻣﺴﻮﻳﺘﻲ ﻏﺪﺍ ﺍﺩﻓﻨﺞ ﻭﻳﻪ ﺍﻣﻲ ﻭﺍﺑﻮﻱالعضوة: 522131 , 5 years ago
ﺷﻬﺪ .. ﻋﺴﺎﻧﻲ ﻣﺪﻓﻮﻧﻪ ﻭﻳﺎﻫﻢ ﻭﻻ ﻫﻠﻌﻴﺸﻪ ﺍﻟﺴﻮﺩﻩ ﺿﺮﺑﻨﻲ ﺭﺍﺷﺪﻱ ﻭﻛﺎﻝ ﺳﻼﻡ .. ﻳﺎ ﻭﻳﻠﺞ ﻟﻮ ﻣﺎ ﺟﺒﺘﻲ ﻧﺴﻮﺍﻙ ﻭﺳﻮﻳﺘﻲ ﺍﻛﻞ ﻭﺍﻟﻠﻪ ﺍﻧﻬﻴﺞ ﺷﻬﺪ .. ﺑﻘﺖ ﺑﺲ ﺩﻣﻮﻋﻲ ﺑﻌﻴﻨﻲ ﻣﻨﻴﻦ ﺍﺟﻴﺐ ﺍﺧﺬﺕ ﻣﺤﺒﺲ ﺫﻫﺐ ﻣﻦ ﺫﻫﺐ ﺍﻣﻲ ﺍﻟﻠﻲ ﺑﻘﺘﻠﻴﺎﻩ ﺑﻌﺘﻪ ﻭﺭﺣﺖ ﺍﺷﺘﺮﻳﺖ ﻣﺴﻮﺍﻙ ﻣﺎﻝ ﺍﺳﺒﻮﻉ ﺭﺟﻌﺖ ﺳﻮﻳﺘﻠﻬﻢ ﻏﺪﺍ ﻃﻠﻊ ﻧﺎﻗﺼﻪ ﻣﻠﺢ ﻟﺰﻣﻨﻲ ﺳﻼﻡ ﻧﻬﺎﻧﻲ ﻛﺘﻞ ﻟﺤﺪ ﻣﻤﻠﺤﺖ ﺍﻻﻛﻞ ﻭﺭﺟﻌﺖ ﺻﺒﻴﺘﻠﻪ ﻫﻮﻩ ﻭﺣﺴﺎﻡ ﺑﺲ ﺣﺴﺎﻡ ﺟﺎﻥ ﺍﺣﺴﻦ ﻣﻦ ﻋﻨﺪﻩ ﻣﺎ ﻳﻀﺮﺑﻨﻲ ﻛﻤﺖ ﺑﺲ ﺍﺧﺪﻡ ﺑﻴﻬﻢ ﻭﻫﻤﻪ ﭼﻦ ﻋﺪﻫﻢ ﺧﺪﺍﻣﻪ ﻣﻮ ﺍﺧﺖ ﻭﺍﻧﻲ ﺍﻟﻮﺣﻴﺪﻩ ﻋﺪﻫﻢ ﺑﻘﺖ ﺍﻻﻳﺎﻡ ﻛﻮﻩ ﺗﻤﺸﻲ ﻭﺍﻧﻲ ﻛﻞ ﺍﺳﺒﻮﻉ ﺑﺎﻳﻌﻪ ﺣﺎﺟﻪ ﻣﻦ ﺍﻟﺬﻫﺐ ﻣﺎﻝ ﻣﺎﻣﺎ ﻭﺍﺷﺘﺮﻳﻠﻬﻢ ﺳﻢ ﻭﻳﺎﺧﺬﻭﻥ ﺍﻟﺒﺎﻗﻲ ﻣﻨﻲ ﻳﺸﺘﺮﻭﻥ ﻣﺨﺪﺭﺍﺕ ﺑﻘﻴﺖ ﺑﺲ ﺍﺑﺠﻲ ﻟﻴﺶ ﻣﺎﻣﺎ ﻋﻔﺘﻴﻨﻲ ﻭﺣﺪﻱ ﻛﻞ ﻫﻤﺞ ﺍﺑﻮﻱ ﻣﺎ ﻛﻠﺘﻲ ﻣﻦ ﺍﺭﻭﺡ ﺷﻴﺼﻴﺮ ﺑﺸﻬﺪ ﻣﺎ ﺍﺟﻴﺖ ﻋﻠﻪ ﺑﺎﻟﺞ ﻣﻮ ﺣﺮﺍﻡ ﻋﻠﻴﻜﻢ ﺍﻧﻲ ﻫﻴﺞ ﻳﺼﻴﺮ ﺑﻴﻪ ﺍﻟﻤﻌﻮﺩ ﻋﻠﺪﻻﻝ ﺻﻌﺐ ﻳﺘﺤﻤﻞ ﺍﻟﻀﻴﻢ ﺟﻨﺖ ﻣﻠﻜﻪ ﺑﺠﺎﻝ ﺍﺑﻮﻳﻪ ﻭﺍﻣﻲ ﻭﻃﻠﺒﺎﺗﻲ ﺍﻭﺍﻣﺮ ﻭﻣﺎ ﻓﺪ ﻳﻮﻡ ﺑﻌﻤﺮﻱ ﺍﺣﺪ ﻣﻨﻬﻢ ﻣﺪ ﺍﻳﺪﻩ ﻋﻠﻴﻪ ﺣﺘﻪ ﺍﺧﻮﺗﻲ ﻟﻤﺎ ﻳﺼﻴﺤﻮﻥ ﻋﻠﻴﻪ ﺍﺑﻮﻳﻪ ﻳﻠﺰﻣﻬﻢ ﻳﻠﻌﺐ ﺑﻴﻬﻢ ﻃﻮﺑﻪ ﻭﻳﺸﺮﺩﻫﻢ ﺑﺎﻟﺸﺎﺭﻉ ﻫﺴــۣۙـۣۛـ ❀ ـٰٰﻬﮧ ﻛﺎﻣﻮ ﻳﻜﺘﻠﻮﻧﻲ ﻭﻻ ﺟﻨﻲ ﺍﺧﺘﻬﻢ ﻭﻣﻜﺴﻮﺭﻩ ﺭﺑﻲ ﺑﻘﺖ ﻳﻤﻚ ﺍﺧﺬ ﺍﻣﺎﻧﺘﻚ ﻭﺧﻠﺼﻨﻲ ﺗﻌﺒﺖ ﻭﺍﻟﻠﻪ … ﻳﺘﺒﻊ 🌺العضوة: 522131 , 5 years ago
ﺍﺟﻪ ﻣﺮﻩ ﺳﻼﻡ ﻛﺎﻝ ﺍﺭﻳﺪ ﻏﺪﺍ ﻛﺘﻠﻪ ﻣﺎ ﻋﺪﻧﺎ ﻣﺴﻮﺍﻙ ﻭﺫﻫﺐ ﻣﺎﻣﺎ ﺧﻠﺺ ﻛﻠﻪ ﺍﺧﺬﺗﻮﻩ ﺳﻼﻡ .. ﺗﺤﺠﻴﻦ ﻫﻴﺞ ﺍﻟﻴﻮﻡ ﺍﻻ ﺍﻣﻮﺗﺞ ﺿﺮﺑﻨﻲ ﻧﻬﺎﻧﻲ ﻣﻦ ﺍﻟﻀﺮﺏ ﻭﻃﺮﺩﻧﻲ ﺑﺎﻟﺸﺎﺭﻉ ﻭﻛﺎﻝ ﺍﺫﺍ ﻣﺘﺠﻴﺒﻴﻦ ﺍﻛﻞ ﺍﺫﺑﺤﺞ ﺷﻬﺪ .. ﻋﺎﺩ ﺑﺲ ﺍﻟﺒﺲ ﻋﺒﺎﻳﻪ ﻛﺎﻝ ﻓﻮﺗﻲ ﺑﺴﺎﻉ ﺗﻠﺒﺴﻴﻦ ﻭﺍﻃﻠﻌﻴﻦ ﻟﺒﺴﺖ ﻋﺒﺎﻳﻪ ﻣﻦ ﺍﻣﻲ ﻭﻟﺒﺴﺖ ﺣﺠﺎﺏ ﻣﻨﻬﺎ ﻻﻥ ﺍﻧﻲ ﻣﻮ ﻣﺤﺠﺒﻪ ﻭﻣﺎ ﻋﻨﺪﻱ ﺣﺠﺎﺑﺎﺕ ﺳﻮﻳﺖ ﺍﻟﺤﺠﺎﺏ ﺍﻻﺳﻮﺩ ﻋﻠﻪ ﺷﻜﻞ ﺑﻮﺷﻴﻪ ﻭﻟﺒﺴﺘﻬﺎ ﻭﺭﺣﺖ ﻟﻨﺺ ﺍﻟﺸﺎﺭﻉ ﺍﻣﺪ ﺍﻳﺪﻱ ﻭﺍﺷﺤﺪ ﻭﺍﺩﻣﻮﻋﻲ ﺑﻌﻴﻨﻲ ﻭﻣﺎ ﺍﺣﺠﻲ ﺍﺑﺪ ﺍﺧﺎﻑ ﻳﺴﻤﻌﻮﻥ ﺻﻮﺗﻲ ﻭﻳﻄﻤﻌﻮﻥ ﺑﻴﻪ ﺑﻘﻴﺖ 4 ﺳﺎﻋﺎﺕ ﺍﺟﺪﻱ ﺑﺎﻟﺸﺎﺭﻉ ﻭﻋﻴﻮﻧﻲ ﻭﺭﻣﻦ ﻣﻦ ﺍﻟﺒﺠﻲ ﻫﺬﺍ ﺣﺎﻟﻲ ﺑﻌﺪ ﻛـ ♥ ـﻞَ ﻫﻠﺪﻻﻝ ﻟﻴﺶ ﺭﺑﻲ ﻳﺼﻴﺮ ﺑﻴﻪ ﻫﻴﺞ ﻳﺎ ﻣﻘﻠﺐ ﺍﻻﺣﻮﺍﻝ ﻣﻦ ﺣﺎﻝ ﺍﻟﻰ ﺣﺎﻝ ﻟﻴﺶ ﻫﻴﺞ ﺭَﺑّـ ❤ ـﻲٌ ﺷﺴﻮﻳﺖ ﺑﺎﻭﻋﺖ ﺍﻟﺒﻨﺎﺕ ﺑﺎﻟﺴﻴﺎﺭﻩ ﻋﺮﻓﺘﻪ ﺧﻄﻲ ﻣﺎﻝ ﻛﻠﻴﻪ ﺑﻘﻴﺖ ﺍﺑﺠﻲ ﺑﺎﻟﺰﺍﻳﺪ ﺫﻳﺞ ﺍﻟﺴﻨﻪ ﺟﺎﻧﺖ ﺍﻟﻔﺮﺣﻪ ﻣﺎ ﻭﺍﺳﻌﺘﻨﻲ ﻣﻦ ﻟﻤﺎ ﻧﺠﺤﺖ ﻭﺍﺗﺨﺮﺟﺖ ﻣﻦ ﺍﻟﺴﺎﺩﺱ ﻭﻓﺮﺣﺖ ﺍﻣﻲ ﻭﺍﺑﻮﻳﻪ ﻟﻤﺎ ﺍﺧﺬﻭﻧﻲ ﻻﺭﺑﻴﻞ ﺍﺗﻮﻧﺲ ﻭﺍﻧﺴﻪ ﺗﻌﺐ ﺍﻟﺪﺭﺍﺳﻪ ﻣﺎ ﺑﻘﻮ ﺷﻲ ﺑﻨﻔﺴﻲ ﻣﺎ ﺍﺷﺘﺮﻭﻩ ﻭﻫﺴﻪ ﺍﻧﻲ ﺑﺎﻟﺸﺎﺭﻉ ﺍﺟﺪﻱ ﻣﻦ ﺍﻟﺮﺍﻳﺢ ﻭﺍﻟﺠﺎﻱ ﺟﻤﻌﺖ ﻣﺒﻠﻎ 13 ﺍﻟﻒ ﺍﺧﺬﺗﻬﻦ ﺍﺗﺴﻮﻛﺖ ﻭﺭﺟﻌﺖ ﻟﻠﺒﻴﺖ ﻟﻜﻴﺖ ﺍﺧﻮﻳﻪ ﻧﺎﻳﻢ ﺳﻮﻳﺖ ﺍﻻﻛﻞ ﻭﻧﻀﻔﺖ ﺍﻟﺒﻴﺖ ﻭﻏﺴﻠﺖ ﺍﻫﺪﻭﻣﻬﻢ ﻛﻌﺪ ﻭﻟﺰﻣﻨﻲ ﻣﻦ ﺷﻌﺮﻱ ﻭ ﻛﺎﻝ ﺟﺒﺘﻲ ﺍﻛﻞ ﻛﺘﻠﻪ ﺃﻳٌـ YES. ـﮧ ﻭﻃﺒﺨﺖ ﻫﺴﻪ ﺍﺻﺒﻠﻚ ﻛﺎﻝ ﻋﻔﻴﻪ ﻫﻴﺞ ﺍﺭﻳﺪﺝ ﺷﺎﻃﺮﻩ ﻣﻮ ﻓﺎﻫﻴﻪ ﻭﻣﺴﻔﻄﻪ ﺑﺎﻟﺒﻴﺖ ﻳﻮﻡ ﻭﺭﻩ ﻳﻮﻡ ﻳﻤﺮ ﺑﺼﻌﻮﺑﻪ ﻭﻳﺎﻫﻢ ﻛﻤﺖ ﺍﺣﺲ ﻧﻔﺴﻲ ﺧﺪﺍﻣﻪ ﻋﺪﻫﻢ ﻣﺎ ﺍﻟﻲ ﺍﻱ ﻗﻴﻤﻪ ﻭﺧﺎﻳﻔﻪ ﻛﻮﻟﺶ ﻻﻥ ﺍﺧﻮﻱ ﺑﻠﻴﻞ ﻟﻤﺎ ﻳﺠﻴﺐ ﺍﺻﺪﻗﺎﺋﻪ ﻭﻳﺸﺮﺑﻮﻥ ﻭﻳﺤﺸﺸﻮﻥ ﻳﺘﺮﺳﻮﻥ ﺍﻟﺪﻧﻴﺎ ﺻﻴﺎﺡ ﻭﺿﺤﻚ ﻫﺴﺘﻴﺮﻱ ﻣﺎﻝ ﺳﻜﺮﺍﻧﻴﻦ ﻭﺍﻧﻲ ﺑﻨﻴﻪ ﻭﺣﺪﻱ ﻭﻳﺎﻫﻢ ﺑﺎﻟﺒﻴﺖ ﻓﺎﻗﻔﻞ ﺍﻟﻐﺮﻓﻪ ﻋﻠﻴﻪ ﺍﺑﺪ ﻭﻣﺎ ﺍﻃﻠﻊ ﻟﺤﺪ ﺍﻟﺼﺒﺢ ﻟﻤﺎ ﺍﺗٲﻛﺪ ﻛﻠﻬﻢ ﺭﺍﺣﻮالعضوة: 522131 , 5 years ago
ﻓﺪ ﻣَـﺮّﮪٌ ﺟﻨﺖ ﻧﺎﻳﻤﻪ ﻭﻛﻌﺪﺕ ﻋﻠﻪ ﺍﻟﻢ ﺍﺑﻄﻨﻲ ﺣﻴﻴﻴﻴﻞ ﻭﺟﻌﻨﻲ ﺭﺩﺕ ﺍﺭﻭﺡ ﻟﻠﺤﻤﺎﻡ ﺑﺲ ﺍﺧﺎﻑ ﺍﺗﺼﻨﺘﺖ ﻋﻠﺒﺎﺏ ﻣﺎﻛﻮ ﺍﻱ ﺻﻮﺕ ﻳﺎﺭﺑﻲ ﺍﻃﻠﻊ ﻟﻮ ﻻ ﺍﺧﺎﻑ ﺍﺗﺼﺎﺩﻡ ﻭﻳﻪ ﻭﺍﺣﺪ ﻣﻨﻬﻢ ﺑﺲ ﺍﻟﻮﺟﻊ ﻣﻮﺗﻨﻲ ﻓﺘﺤﺖ ﺍﻟﺒﺎﺏ ﻭﺭﻛﻀﺖ ﻟﻠﺤﻤﺎﻡ ﺩﺧﻠﺖ ﻏﺴﻠﺖ ﻛﻤﻠﺖ ﻓﺘﺤﺖ ﺍﻟﺒﺎﺏ ﺩﺍ ﺍﻃﻠﻊ ﻭﺻﻠﺖ ﺍﻟﺒﺎﺏ ﻏﺮﻓﺘﻲ ﻭﺟﺎﻥ ﻭﺍﺣﺪ ﻳﺼﻴﺮ ﻛﺪﺍﻣﻲ ﺷﻜﻠﻪ ﻳﺨﻮﻑ ﻭﺳﻤﻴﻦ ﻭﺿﺨﻢ ﻭﻣﺒﻴﻦ ﺳﻜﺮﺍﻥ ﻛﺎﻝ ﻫﺬﺍ ﺍﻟﺤﻠﻮ ﻣﻮﺟﻮﺩ ﻭﻳﺎﻧﻪ ﺑﺎﻟﺒﻴﺖ ﻭﺍﺣﻨﻪ ﻧﺎﻳﻤﻴﻦ ﻣﺤﺮﻭﻣﻴﻦ ﻣﻊ ﺍﻻﺳﻒ ﻛﺘﻠﻪ ﺭﺟﺎﺀﺍ ﻭﺧﺮ ﺗﺮﻩ ﻭﺍﻟﻠﻪ ﺍﺻﻴﺢ ﺍﺧﻮﺍﻧﻲ ﻭﺍﻟﻤﻬﻢ ﻋﻠﻴﻚ ﺿﺤﻚ ﺑﺼﻮﺕ ﻋﺎﻟﻲ ﻭﺟﺮ ﺍﻳﺪﻱ ﻛﺎﻝ ﺗﺮﺩﻳﻦ ﺍﻧﺎﻡ ﻭﻳﺎﺝ ﻛﺪﺍﻣﻬﻢ ﺗﺮﻩ ﻣﺎ ﻋﻨﺪﻱ ﻣﺎﻧﻊ ﻭﻳﻀﺤﻚ ﺑﺼﻮﺕ ﻋﺎﻟﻲ ﺍﺑﺎﻭﻉ ﺍﺧﻮﺍﻧﻲ ﺭﻏﻢ ﺿﺤﻜﻪ ﺍﻟﻌﺎﻟﻲ ﻭﺻﻮﺗﻪ ﻭﻫﻤﻪ ﻣﺜﻞ ﺍﻟﻤﻴﺘﻴﻦ ﻣﺤﺎﺳﻴﻦ ﻋﻠﻪ ﺷﻲ ﻣﻦ ﻛﺜﺮ ﺍﻟﻤﺸﺮﻭﺏ ﺍﻟﻠﻲ ﺷﺮﺑﻮﻩ ﻣﻦ ﻛﺎﻝ ﺍﻧﺎﻡ ﻭﻳﺎﺝ ﻭﺗﺠﺎﻭﺯ ﺿﺮﺑﺘﻪ ﻭﺭﻛﻀﺖ ﻟﻠﻐﺮﻓﻪ ﻫﻮﻩ ﺭﻛﺾ ﻭﺭﺍﻳﻪ ﺍﻧﻲ ﺍﺩﻓﻊ ﺑﺎﻟﺒﺎﺏ ﻭﻫﻮﻩ ﻳﺪﻓﻊ ﺍﺭﻳﺪ ﺍﺳﺪﻩ ﻣﺎﻛﻮ ﺣﻴﻞ ﻗﻮﻱ . ﺍﺧﺮ ﺷﻲ ﺩﻓﻊ ﺍﻟﺒﺎﺏ ﻋﻠﻴﻪ ﻭﻟﺰﻣﻨﻲ ﺑﻘﻮﻩ ﺍﺣﺎﻭﻝ ﺍﺑﺘﻌﺪ ﻋﻨﻪ ﻣﺎﻛﻮ ﺍﺑﺎﻭﻉ ﺍﺭﻳﺪ ﺷﻲ ﺍﺩﺍﻓﻊ ﺑﻴﻪ ﻋﻦ ﺭﻭﺣﻲ ﻣﺎﻛﻮ ﺍﺑﺪ ﮨـ bⓐṣ ـﺲ ﻗﻠﻢ ﺣﺒﺮ ﻛﺪﺍﻣﻲ ﺑﺎﻟﻜﺎﻉ ﺟﺮﻳﺘﻪ ﻭﺿﺮﺑﺘﻪ ﺑﻌﻴﻨﻪ ﻛﺎﻣﺖ ﺗﺠﺮﻱ ﺩﻡ ﻛﻤﺰ ﻭﺧﻠﻪ ﺍﻳﺪﻩ ﻋﻠﻪ ﻋﻴﻨﻪ ﻭﺍﻧﻲ ﺟﺮﻳﺖ ﺭﻭﺣﻲ ﻣﻦ ﻋﻨﺪﻩ ﺑﺴﺮﻋﻪ ﻭﺭﻛﻀﺖ ﺣﺴﻴﺘﻪ ﻛﺎﻡ ﻳﺮﻛﺾ ﻭﺭﺍﻳﻪ ﻣﻦ ﻛﺪ ﺍﻟﺨﻮﻑ ﺍﺣﺲ ﺭﻭﺣﻲ ﺻﺎﺭﺕ ﺭﻳﺸﻪ ﻭﻃﺎﻳﺮﻩ ﺑﺲ ﺍﺭﻳﺪ ﺍﺧﻠﺺ ﻧﻔﺴﻲ ﺍﺭﻛﺾ ﺑﻜﻞ ﻗﻮﺗﻲ ﻓﺘﺤﺖ ﺍﻟﺒﺎﺏ ﻣﺎﻝ ﺍﻟﺒﻴﺖ ﻭﻃﻠﻌﺖ ﻣﻨﻪ ﻭﺭﻛﻀﺖ ﻟﻠﺸﺎﺭﻉ ﺍﺭﻛﺾ ﻭﺍﺑﺎﻭﻋﻪ ﻳﺮﻛﺾ ﻭﺭﺍﻳﻪ ﻭﻻﺯﻡ ﻋﻴﻨﻪ ﺩﺧﻠﺖ ﺑﻔﺮﻉ ﺍﺿﻠﻢ ﻭﺍﺗﺨﺘﻞ ﻫﻮﻩ ﻳﺪﻭﺭ ﻋﻠﻴﻪ ﺍﻧﻲ ﻟﺒﺪﺕ ﺟﻮﻩ ﺳﻴﺎﺝ ﻣﺎﻝ ﺑﻴﺖ ﻣﻀﻠﻢ ﻭﻫﻮﻩ ﻳﺪﻭﺭ ﻃﻠﻊ ﺍﻟﻔﺮﻉ ﺍﻧﻲ ﺭﺣﺖ ﻣﻦ ﺍﻟﺠﻪ ﺍﻟﺜﺎﻧﻴﻪ ﻣﻦ ﺍﻟﻔﺮﻉ ﺍﺭﻛﺾ ﺑﻜﻞ ﻗﻮﺗﻲ ﺑﻘﻴﺖ ﺑﺎﻟﻨﺺ ﺳﺎﻋﻪ ﺍﺭﻛﺾ ﻳﻤﻜﻦ ﻃﻠﻌﺖ ﺍﻟﻤﻨﻄﻘﻪ ﻣﺎﻟﺘﻨﻪ ﻛﻠﻬﺎ ﺑﺲ ﺍﺑﺪ ﻣﺎﻛﻮ ﻧﺎﺱ ﺑﺲ ﺍﻫﻞ ﺍﻟﺴﻴﻄﺮﺍﺕ ﻭﺍﺗﺨﺘﻞ ﻣﻨﻬﻢ ﺍﺧﺮ ﺷﻲ ﻃﻠﻌﺖ ﻋﻠﻪ ﺷﺎﺭﻉ ﻋﺎﻡ ﻛﻠﻪ ﺷﺎﺣﻨﺎﺕ ﻭﺣﺪﻩ ﻭﺭﻩ ﺍﻟﺦ ﺑﺎﻭﻋﺖ ﺷﺎﺣﻨﻪ ﺟﺒﻴﺮﻩ ﻣﺴﻜﻔﻪ ﺑﻘﻤﺎﺵ ﺻﻌﺪﺕ ﻭﻃﻔﺮﺕ ﺑﻴﻬﺎ ﺟﺎﻧﺖ ﺑﻴﻬﺎ ﻛﺎﺭﺗﻮﻧﺎﺕ ﻣﺎﻝ ﺣﻠﻮﻳﺎﺕ ﻭﺑﻀﺎﺋﻊ ﺷﻔﺘﻠﻲ ﻣﻜﺎﻥ ﺑﻴﻦ ﺍﻟﻜﺎﺭﺗﻮﻧﺎﺕ ﻭﺧﺘﻠﺖ ﺑﻴﻬﺎ ﺑﻘﻴﺖ ﺍﺑﺠﻲ ﻭﻛﻞ ﺷﻮﻱ ﺍﺭﻓﻊ ﺭﺍﺳﻲ ﺍﺑﺎﻭﻉ ﺧﺎﻑ ﺍﺟﻪ ﺑﺲ ﻣﺎﻛﻮ ﺍﺑﺎﻭﻉ ﻧﻔﺴﻲ ﺍﻧﻲ ﺑﺎﻟﺒﻴﺠﺎﻣﻪ ﻭﺍﻟﺘﻴﺸﻴﺮﺕ ﻳﺎﺭﺑﻲ ﺷﻬﻠﻔﻀﻴﺤﻪ ﻭﺷﻬﻠﻤﺼﻴﺒﻪ ﺷﻠﻮﻥ ﺭﺍﺡ ﺍﺧﻠﺺالعضوة: 522131 , 5 years ago
ﻛﻤﺖ ﺍﺑﺠﻲ ﻭﺍﺣﺠﻲ ﻋﻠﻪ ﻣﺎﻣﺎ ﻭﺑﺎﺑﺎ ﺍﻟﻌﺎﻓﻮﻧﻲ ﺑﻬﻠﻮﺿﻊ ﺍﻧﻲ ﺗﺎﻟﻴﺘﻲ ﻫﻴﺞ ﻟﻴﺶ ﺭﺑﻲ ﻟﻴﺶ ﻭﻳﻦ ﺍﺭﻭﺡ ﻫﺴﻪ ﻭﻳﻦ ﺍﻧﻄﻲ ﻭﺟﻬﻲ ﻻ ﻋﻨﺪﻱ ﻋﻤﺎﻡ ﺑﻴﻬﻢ ﺧﻴﺮ ﻭﺍﺭﻭﺣﻠﻬﻢ ﻭﻻ ﻋﻨﺪﻱ ﺧﻮﺍﻝ ﻛﻤﺖ ﺍﺑﺠﻲ ﺍﻟﻰ ﺍﻥ ﺗﻌﺒﺖ ﻭﻧﻤﺖ ﺍﺑﺪ ﺑﻌﺪ ﻣﺎ ﺣﺴﻴﺖ ﻋﻠﻪ ﺭﻭﺣﻲ ﻣﻦ ﺍﻟﺘﻌﺐ ﺯﻳﮩﺰﺅُ .. ﻫﺎ ﻋﻠﻲ ﻛﻤﻠﺖ ﺍﻛﻞ ﻟﻮ ﺑﻌﺪ 😒 ﻋﻠﻲ .. ﻟﻴﺶ ﺷﺮﺍﻳﺪﻩ ﻣﻨﻲ ☹ ﺯﻳﮩﺰﺅُ .. ﻣﺤﻀﺮﺗﻠﻚ ﻣﺼﻴﺒﻪ 😋 ﻋﻠﻲ .. ﻻ ﻳﺎ ﺍﻟﻠﻪ ﻫﻮﻩ ﺍﻧﻲ ﻋﺎﻳﺰ ﻣﺼﺎﻳﺐ 😠 ﺯﻳﮩﺰﺅُ .. ﺩﻛﻤﻞ ﺍﺑﻮ ﻛﺮﺵ ﻭﻋﺮﻑ ﻋﻦ ﻧﻔﺴﻚ 😒 ﺧﻞ ﺍﻟﻤﺘﺎﺑﻌﻴﻦ ﻳﺘﻌﺮﻓﻮﻥ ﻋﻠﻴﻚ 😊 ﻋﻠﻲ .. ﻳﺎ ﻣﺘﺎﺑﻌﻴﻦ ﻭﻟﺞ ﻭﻳﻦ ﻧﺎﻭﻳﻪ ﺍﺩﺧﻠﻴﻨﻲ ﺑﻴﺎ ﻣﺼﻴﺒﻪ ﻭﻟﺞ 😳 ﺯﻳﻨﺐ ﺍﻧﺘﻲ ﻛﺘﺎﺑﺎﺗﺞ ﻛﻠﻬﺎ ﺑﻼﻭﻱ ﻭﺍﻧﻲ ﺭﺟﺎﻝ ﻣﻮ ﺑﺘﺎﻉ ﻣﺸﺎﻛﻞ ﻓﻜﻲ ﻣﻨﻲ 😪 ﺯﻳﮩﺰﺅُ .. ﺗﻌﺮﻑ ﻧﻔﺴﻚ ﻟﻮ ﺍﺧﻠﻲ ﺍﻟﻄﺎﻭﻩ 🍳 ﺗﺸﻮﻑ ﺷﻐﻠﻬﺎ ﻭﻳﺎﻙ 😒😠 ﻋﻠﻲ .. ﺍﻣﺮﻧﻪ ﻟﻠﻪ ﻋﻤﻲ ﺭﺍﺡ ﺍﻧﻌﺮﻑ ﺑﻌﺪ ﺍﻟﻜﺎﺗﺒﻪ ﻭﺍﻣﺮﺕ ﻧﻜﺪﺭ ﻧﻜﻮﻝ ❌ ﻟّـٍْـ ŃØ ـٍْـﺎّ ❌ 😑 ﻣﺮﺣﺐ ﺍﻧـّ 'ℳέ' ـّﻲٌ ﺍﺳﻤﻲ ﻋﻠﻲ ﻋﻤﺮﻱ 32 ﺳﻨﻪ ﺧﺮﻳﺞ ﻣﻌﻬﺪ ﺍﺩﺍﺭﻩ ﻭﺍﻗﺘﺼﺎﺩ ﻭﻻﻥ ﻣﺎﻛﻮ ﺗﻌﻴﻴﻨﺎﺕ ﻛﻤﺖ ﺍﺷﺘﻐﻞ ﺑﺎﻟﻜﻤﺎﺭﻙ ﻭﺍﻃﻠﻊ ﺑﺸﺤﻨﺎﺕ ﺑﻀﺎﺋﻊ ﺑﺮ ﻟﻤﺨﺘﻠﻒ ﺍﻟﺪﻭﻝ ﻣﺘﺰﻭﺝ ﻭﻋﻨﺪﻱ ﻃﻔﻞ ﻭﺍﺣﺪ ﺑﺲ ﺣﻴﺎﺗﻲ ﻣﺎ ﻣﺴﺘﻘﺮﻩ ﻭﻳﻪ ﺯﻭﺟﺘﻲ ﻭﻧﺎﻭﻱ ﻫﻠﻴﻮﻣﻴﻦ ﺍﻃﻠﻜﻬﺎ ﺑﺲ ﺍﺭﺟﻊ ﻣﻦ ﻫﻠﺸﺤﻨﻪ ﺟﻨﺖ ﻃﺎﻟﻊ ﻟﺘﺮﻛﻴﺎ ﺑﺮ ﻭﻋﻠﻪ ﻃﺮﻳﻖ ﺩﻳﺎﻟﻰ ﻭﻛﻒ ﻣﺸﻲ ﺍﻟﺸﺎﺣﻨﺎﺕ ﻟﻞ 5 ﺍﻟﺼﺒﺢ ﻳﻠﻪ ﺗﻤﺸﻲ ﻓﺎﻧﻲ ﻋﻔﺘﻬﺎ ﻭﺭﺣﺖ ﻟﻤﻄﻌﻢ ﻗﺮﻳﺐ ﺍﺗﻌﺸﻴﺖ ﻭﺩﺧﻠﺖ ﺣﻤﺎﻡ ﺳﺒﺤﺖ ﺑﺎﻟﻤﻄﻌﻢ 😁 ﻭﺍﻧﻮﺏ ﺭﺣﺖ ﻛﺎﻓﻴﻪ ﺍﺧﺬﺗﻠﻲ ﻧﺮﻛﻴﻠﻪ ﻭﺟﺎﻧﺖ ﺑﺎﺩﻳﻪ ﻣﺒﺎﺭﺍﺓ ﺭﻳﺎﻝ ﻣﺪﺭﻳﺪ ﻓﺮﻳﻘﻲ ﺍﻟﻤﻔﻀﻞ 😎 ﻭﻳﻪ ﺍﻟﻴﻮﻓﺎﻧﺘﺲ ﺍﻟﺴﺎﻋﻪ 1 ﺑﻠﻴﻞ ﻭﺍﻟﻠﻌﺒﻪ ﺣﺎﻣﻴﻪ ﻭﺍﻟﻜﻮﻓﻲ ﻛﻠﻪ ﻣﻠﻴﺎﻥ ﻭﺍﻟﺼﺮﺍﺥ ﻛﺎﻳﻢ ﻭﺍﻧﻲ ﻣﻨﺪﻣﺞ ﻭﻳﻪ ﺍﻟﻤﺒﺎﺭﺍﺓ ﻭﻣﺤﺘﺮﻛﻪ ﺍﻋﺼﺎﺑﻲ ﺑﺲ ﺍﻟﺤﻤﺪﻟﻠﻪ ﻭﺍﺧﻴﺮﺍ ﻓﺎﺯﻭ ﺍﺭﺗﺎﺣﻴﻴﻴﻴﻴﺖ 😌 ﺭﺣﺖ ﻟﻠﺸﺎﺣﻨﻪ ﻣﺎﻟﺘﻲ ﺑﻌﺪ ﺳﺎﻋﺘﻴﻦ ﻭﻳﻔﻚ ﺍﻟﺤﻀﺮ ﻭﺍﻣﺸﻲ .. ﻳﺘﺒﻊ ﻩ̷̷َـَْـُﺬﺁ ﻋﻠﻲ 😍👇العضوة: 522131 , 5 years ago
ﺍﺧﺬﺕ ﺟﻜﺎﺭﻩ ﻭﺭﺛﺖ ﺗﻤﺪﺩﺕ ﺑﺎﻟﺴﻴﺎﺭﻩ ﻭﻓﺘﺤﺖ ﻓﻴﺲ ﻭﻛﻤﺖ ﺍﺷﺎﺭﻙ ﻭﺍﻧﺸﺮ ﻋﻞ ﺍﻟﻤﺒﺎﺭﺍﺓ ﺍﻟﻠﻲ ﺻﺎﺭﺕ ﻭﻧﺤﻠﻞ ﻭﺍﻟﺒﺮﺷﻠﻮﻧﻴﻴﻦ ﺍﻟﻤﻀﻐﻮﻃﻴﻦ ﻳﺼﻴﺤﻮﻥ ﺍﻟﺤﻜﻢ ﻓﻮﺯﻛﻢ 😒 ﻭﺍﻧﻲ ﻣﺤﺘﺮﻙ ﺩﻣﻲ ﻭﺍﺗﻌﺎﺭﻙ ﻭﺍﺣﻠﻞ ﺑﻠﻌﺒﻪ ﺗﻜﻮﻝ ﺍﺑﻮﻱ ﺍﻟﻔﺎﻳﺰ 😢 ﻟﻠﺨﻤﺴﻪ ﻣﺸﺖ ﺍﻟﺴﻴﺎﺭﺍﺕ ﻣﺸﻴﺖ ﺑﻘﻴﺖ ﻟﻞ 9 ﺍﻟﺼﺒﺢ ﻭﺻﻠﺖ ﺣﺪﻭﺩ ﺗﺮﻛﻴﺎ ﺑﻌﺪ ﺍﻟﻤﻌﺎﻣﻼﺕ ﻭﺍﻟﻬﻮﺳﻪ ﻣﺎﻝ ﺍﻟﺤﺪﻭﺩ ﻛﻤﻠﺖ ﻭﺩﺧﻠﺖ ﺗﺮﻛﻴﺎ ﺑﺤﻮﺍﻟﻲ ﺍﻟﺴﺎﻋﻪ 11 . ﻛﻤﺖ ﺍﻣﺸﻲ ﻭﺍﻟﺠﻮ ﺑﺎﺭﺩ ﺣﻠﻮ ﻭﺭﻩ ﺳﺎﻋﻪ ﺣﺴﻴﺖ ﺍﻛﻮ ﻃﻜﻄﻜﻪ ﺑﺎﻟﻜﺎﺭﺗﻮﻧﺎﺕ ﻭﻛﻔﺖ ﺍﻟﺴﻴﺎﺭﻩ ﺑﺎﻭﻋﺖ ﻣﺎﻛﻮ ﺷﻲ ﻛﻤﻠﺖ ﻣﺸﻲ ﻟﺸﻮﻳﻪ ﻭﻫﻢ ﺣﺴﻴﺖ ﺑﻄﻜﻄﻜﻪ ﻭﻛﻔﺖ ﺍﻟﺴﻴﺎﺭﻩ ﻭﻧﺰﻟﺖ ﺻﻌﺪﺕ ﻓﻮﻙ ﺍﻟﺸﺎﺣﻨﻪ ﺍﻛﻠﺐ ﺑﺎﻟﺒﻀﺎﻋﻪ ﻭﺍﻟﻜﺎﻟﻚ ﺑﻨﻴﻪ ﻣﻜﻠﺒﻪ ﺍﻟﻜﺎﺭﺗﻮﻧﺎﺕ ﻭﺧﺎﺗﺒﻪ ﺑﻴﻨﻬﻦ ﻭﻧﺎﻳﻤﻪ ﻫﺮﻋﺖ ﻫﺎﻱ ﺷﻠﻮﻥ ﺍﺟﺖ ﻫﻨﺎ ﻗﺒﻞ ﺷﻮﻳﻪ ﻓﺘﺸﻮﻩ ﺍﻟﺸﺎﺣﻨﻪ ﺑﺎﻟﺤﺪﻭﺩ ﺍﻟﺘﺮﻛﻴﻪ ﻭﻣﺤﺪ ﻛﺎﻝ ﺍﻛﻮ ﺷﺨﺺ ﻭﻳﺎﻱ ﺯﻳﻦ ﻫﺎﻱ ﺷﻮﻛﺖ ﺻﻌﺪﺕ ﻭﺍﻧﻲ ﺍﺑﺪ ﻣﺎ ﻭﻛﻔﺖ ﺑﺘﺮﻛﻴﺎ ﺣﺘﻪ ﺗﺼﻌﺪ ﻣﻌﻘﻮﻟﻪ ﺻﺎﻋﺪﻩ ﺑﺎﻟﺤﺪﻭﺩ ﻭﺻﺤﺖ ﺑﻴﻬﺎ ﻫﻴﻴﻴﻲ ﻛﻌﺪﻱ ﻣﻨﻮ ﺍﻧﺘﻲ ﻛﻤﺰﺕ ﻭﺍﺗﻐﻄﻲ ﺑﻨﻔﺴﻬﺎ ﻭﺗﻜﻮﻟﻲ ﺍﻧﺘﻪ ﻣﻨﻮ ﺷﻬﺪ .. ﺑﻌﺪ ﻣﺎ ﻧﻤﺖ ﺍﺑﺪ ﻣﺎ ﺣﺴﻴﺖ ﻋﻠﻪ ﻧﻔﺴﻲ ﻣﻦ ﺍﻟﺘﻌﺐ ﻭﺍﻧﻲ ﻧﺎﻳﻤﻪ ﺑﻴﻦ ﺍﻟﻜﺎﺭﺗﻮﻧﺎﺕ ﻛﻠﺶ ﺑﺎﻟٲﺧﻴﺮ ﻭﺧﺎﺗﻠﻪ ﺑﻮﺳﻄﻬﻦ ﺣﺘﻪ ﻣﺤﺪ ﻳﺸﻮﻓﻨﻲ ﻣﺎ ﻛﻌﺪﺕ ﻏﻴﺮ ﻋﻠﻪ ﺻﻮﺕ ﺭﺟﺎﻝ ﻛﻤﺰﺕ ﻭﺍﺑﺎﻭﻉ ﺍﻟﻨﻔﺴﻲ ﺑﺎﻟﺘﻴﺸﻴﺮﺕ ﻛﺪﺍﻣﻪ ﻛﻤﺖ ﺍﻏﻄﻲ ﺑﺮﻭﺣﻲ ﻭﻛﺘﻠﻪ ﻣﻨﻮ ﺍﻧﺘﻪ ﻋﻠﻲ .. ﻻ ﻭﺍﻧﻮﺏ ﺗﺤﺠﻲ ﻋﺮﺍﻗﻲ 😦 ﻭﻟﺞ ﺷﻮﻛﺖ ﺻﻌﺪﺗﻲ ﻭﺷﻠﻮﻭﻥ 😯 ﺷﻬﺪ .. ﻡ ﻡ ﻡ ﻣﺎ ﻣﺎ ﺍﻋﺮﻑ ﺍﻟﺒﺎﺭﺣﻪ ﺑﻠﻴﻞ ﺻﻌﺪﺕ ﻋﻠﻲ .. ﺍﻟﺒﺎﺭﺣﻪ 😰 ﻫﺎﻱ ﺷﻠﻮﻥ ﻭﺭﻃﻪ ﻳﺮﺑﻲ ﺷﺠﺎﺑﺞ ﻫﻨﺎ ﺍﻧﺰﻟﻲ ﺑﺴﺮﻋﻪ ﺑﺴﺮﻋﻪ 😠 ﻧﺘﺮﺕ ﺑﻴﻬﺎ ﺷﻬﺪ .. ﺧﻔﺖ ﻣﻨﻪ ﻟﻤﺎ ﺻﺎﺡ ﺑﻴﻪ ﻛﻤﺰﺕ ﻧﺰﻟﺖ ﺑﺴﺮﻋﻪ ﻛﺘﻠﻪ ﺍﻧﻲ ﻭﻳﻦ ﻋﻠﻲ .. ﺍﺣﻨﻪ ﻋﻠﻪ ﺣﺪﻭﺩ ﺗﺮﻛﻴﺎ ﺷﻬﺪ .. ﺷﻠﻮﻭﻭﻭﻭﻥ 😳😳😳 ﺷﺠﺎﺑﻨﻲ ﺍﻟﺘﺮﻛﻴﺎ 😦 ﺍﻧﻲ ﻣﻦ ﺍﺩﻳﺎﻟﻰ ﻋﻠﻲ .. ﺻﻌﺪﺗﻲ ﻟﻤﺎ ﻭﻛﻔﺖ ﺑﻠﻴﻞ ﺑﻄﺮﻳﻖ ﺍﺩﻳﺎﻟﻰ ﻣﻮ ﺷﻬﺪ .. ﻣﺎ ﺍﻋﺮﻑ ﻳﻤﻜﻦ ﻋﻔﻴﻪ ﻭﺍﻟﻠﻪ ﺍﺧﺎﻑ ﺭﺟﻌﻨﻲالعضوة: 522131 , 5 years ago
ﻋﻠﻲ .. ﻻ ﻭﺍﻟﻠﻪ ﺭﺟﻌﻨﻲ ﻻ ﻭﺍﻧﻮﺏ ﺩﺍﺧﻠﻪ ﺍﻟﺤﺪﻭﺩ ﻭﺑﺪﻭﻥ ﺟﻮﺍﺯ ﻫﺴﻪ ﻳﻌﺘﺒﺮﻭﺝ ﺟﺎﻳﻪ ﺗﻬﺮﻳﺐ ﻭﻳﻜﻤﺸﻮﺝ ﺍﺭﻭﺡ ﺍﺗﻮﺭﻁ ﺑﻴﺞ ﻋﻠﻪ ﺍﺑﻮ ﺍﻧﻲ ﺍﻫﺮﺏ ﻧﺎﺱ ﻭﻟﻲ ﻣﻨﻲ ﻳﺎﺑﻪ ﻭﻟﻲ ﺷﻬﺪ .. ﻟﺘﻐﻠﻂ ﺍﺧﻮﻳﻪ ﻭﺑﻌﺪﻳﻦ ﻣﻤﻠﺰﻭﻡ ﺗﺴﺎﻋﺪﻧﻲ ﺗﺮﻩ ﺍﻟﺨﻠﻘﻨﻲ ﻣﺎ ﻳﻨﺴﺎﻧﻲ ﻫﻪ ﻭﺍﻟﻠﻪ ﻳﺎ ﺍﻟﻠﻪ ﻫﻢ ﻣﻌﺘﺒﺮ ﻧﻔﺴﻚ ﻋﺮﺍﻗﻲ ﻭﺷﺎﻳﻞ ﻏﻴﺮﺕ ﺑﻠﺪﻧﺎ ﻋﻠﻲ .. ﻻ ﻭﺍﻟﻠﻪ ﺍﻧﻲ ﺍﻟﻤﻮﻋﺮﺍﻗﻲ ﻣﻮ ﻫﻪ .. ﻋﻼﺳﺎﺱ ﺍﻧﺘﻲ ﺍﻟﻠﻲ ﺗﻤﺜﻠﻴﻦ ﺍﻟﻌﺮﺍﻗﻴﺎﺕ ﻭﻳﻦ ﻋﺪﻧﻪ ﻣﺮﻩ ﻣﺼﻠﺨﻪ ﺗﻄﻠﻊ ﺑﺎﻟﺸﺮﺭﻉ ﺗﺎﻟﻲ ﺍﻟﻠﻴﻞ ﻭﺗﻜﻤﺰ ﻋﻠﺴﻴﺎﺭﺍﺕ ﻳﺎﺍﺍﺍﺍﺍ ﻋﺮﺍﻗﻴﻪ ﻳﺎﺍﺍﺍ ﺍﺻﻴﻠﻪ ﺷﻬﺪ .. ﺷﻜﺮﺍ ﻋﻼﻫﺎﻧﻪ ﻣﻘﺼﺮﺕ ﺩﻣﻮﻋﻲ ﺑﻘﻦ ﻳﻨﺰﻟﻦ ﻣﻨﻲ ﺑﺪﻭﻥ ﻭﻋﻲ ﻋﻔﺘﻪ ﻭﻛﻤﺖ ﺍﻣﺸﻲ ﻭﺍﺗﻐﻄﻰ ﺑﺮﻭﺣﻲ ﺣﺘﻪ ﻧﻌﺎﻝ ﻣﻼﺑﺴﻪ ﻭﻳﻦ ﺍﺭﻭﺡ ﺍﻧﻮﺏ ﺩﻭﻟﻪ ﻏﺮﻳﺒﻪ ﻳﺎﺭﺏ ﺩﺧﻴﻠﻚ ﻻ ﺗﺘﺮﻛﻨﻲ ﺍﺑﺘﻌﺪﺕ ﻋﻨﻪ ﻣﺘﺮﺍﺕ ﻭﺻﺎﺡ ﻋﻠﻴﻪ ﻋﻠﻲ .. ﺭﻏﻢ ﺍﺣﺴﻬﺎ ﻣﺼﻴﺒﻪ ﻭﺍﺑﺘﻠﻲ ﺑﻴﻬﺎ ﺑﺲ ﻏﻴﺮﺗﻲ ﻣﺎ ﺗﺴﻤﺤﻠﻲ ﺍﺗﺮﻙ ﺑﻨﺖ ﺑﻠﺪﻱ ﺗﺎﻳﻬﺎ ﺑﺸﻮﺍﺭﻉ ﻏﺮﻳﺒﻪ ﺑﻐﺾ ﺍﻟﻨﻀﺮ ﻋﻦ ﻫﻴﻪ ﻣﻨﻮ ﺍﻭ ﺷﻨﻮ ﻭﻣﻨﻴﻦ ﺻﺤﺖ ﻋﻠﻴﻪ ﻳﺒﻨﺖ ﺍﻟﻨﺎﺱ ﺗﻌﺎﻟﻲ ﻓﻬﻤﻴﻨﻲ ﺳﺎﻟﻔﺘﺞ ﻭﻳﻦ ﺭﺍﻳﺤﻪ ﺣﺘﻪ ﺣﺬﺍﺀ ﻣﻼﺑﺴﻪ ﺩﺗﻌﺎﻱ ﻳﺎ ﺧﻮﻳﻪ ﺗﻌﺎﻱ ﺷﻠﻮﻥ ﻭﺭﻃﻪ ﻳﺮﺑﻲ ﺷﻬﺪ .. ﻣﺎ ﺭﺩﻳﺖ ﻋﻠﻴﻪ ﺑﻘﻴﺖ ﺍﻣﺸﻲ ﻭﺍﺑﺠﻲ ﻋﻠﻲ .. ﺍﺻﻴﺢ ﻋﻠﻴﻬﺎ ﻣﺎ ﺗﺮﺩ ﻭﻳﻄﺒﺞ ﻃﻮﺏ ﻭﻓﻮﻛﺎﻫﺎ ﻫﻴﻪ ﺍﻡ ﺍﻟﺮﺍﻫﻲ ﺧﻞ ﺍﺭﻭﺡ ﺷﻌﻠﻴﻪ ﺑﻴﻬﺎ ﺍﺫﺍ ﻫﻴﻪ ﻣﻤﻬﺘﻤﻪ ﻟﺮﻭﺣﻬﺎ 😪 ﺭﺩﺕ ﺍﺻﻌﺪ ﺑﺲ ﻣﺎ ﺍﻛﺪﺭ ﻭﺍﺟﺒﻲ ﻛﺮﺟﻞ ﻻﺯﻡ ﺍﺳﺎﻋﺪﻫﺎ ﺣﺘﻪ ﻟﻮ ﺍﻭﺻﻠﻬﺎ ﻻﻱ ﻣﻜﺎﻥ ﺍﺍﻣﻦ ﺑﻴﻬﺎ ﻋﻠﻴﻬﺎ ﻭﺍﺭﻭﺡ ﺭﻛﻀﺖ ﻭﺭﺍﻫﺎ ﻭﻟﺰﻣﺘﻬﺎ ﻣﻦ ﺍﻳﺪﻫﺎ … ﻳﺘﺒﻊالعضوة: 522131 , 5 years ago
ﻋﻠﻲ .. ﺭﻏﻢ ﺍﺣﺴﻬﺎ ﻣﺼﻴﺒﻪ ﻭﺍﺑﺘﻠﻲ ﺑﻴﻬﺎ ﺑﺲ ﻏﻴﺮﺗﻲ ﻣﺎ ﺗﺴﻤﺤﻠﻲ ﺍﺗﺮﻙ ﺑﻨﺖ ﺑﻠﺪﻱ ﺗﺎﻳﻬﺎ ﺑﺸﻮﺍﺭﻉ ﻏﺮﻳﺒﻪ ﺑﻐﺾ ﺍﻟﻨﻀﺮ ﻋﻦ ﻫﻴﻪ ﻣﻨﻮ ﺍﻭ ﺷﻨﻮ ﻭﻣﻨﻴﻦ ﺻﺤﺖ ﻋﻠﻴﻪ ﻳﺒﻨﺖ ﺍﻟﻨﺎﺱ ﺗﻌﺎﻟﻲ ﻓﻬﻤﻴﻨﻲ ﺳﺎﻟﻔﺘﺞ ﻭﻳﻦ ﺭﺍﻳﺤﻪ ﺷﻬﺪ .. ﻣﺎ ﺭﺩﻳﺖ ﻋﻠﻴﻪ ﺑﻘﻴﺖ ﺍﻣﺸﻲ ﻭﺍﺑﺠﻲ ﻋﻠﻲ .. ﺍﺻﻴﺢ ﻋﻠﻴﻬﺎ ﻣﺎ ﺗﺮﺩ ﻭﻳﻄﺒﺞ ﻃﻮﺏ ﻭﻓﻮﻛﺎﻫﺎ ﻫﻴﻪ ﺍﻡ ﺍﻟﺮﺍﻫﻲ ﺧﻞ ﺍﺭﻭﺡ ﺷﻌﻠﻴﻪ ﺑﻴﻬﺎ ﺍﺫﺍ ﻫﻴﻪ ﻣﻤﻬﺘﻤﻪ ﻟﺮﻭﺣﻬﺎ ﺭﺩﺕ ﺍﺻﻌﺪ ﺑﺲ ﻣﺎ ﺍﻛﺪﺭ ﻭﺍﺟﺒﻲ ﻛﺮﺟﻞ ﻻﺯﻡ ﺍﺳﺎﻋﺪﻫﺎ ﺣﺘﻪ ﻟﻮ ﺍﻭﺻﻠﻬﺎ ﻻﻱ ﻣﻜﺎﻥ ﺍﺍﻣﻦ ﺑﻴﻬﺎ ﻋﻠﻴﻬﺎ ﻭﺍﺭﻭﺡ ﺭﻛﻀﺖ ﻭﺭﺍﻫﺎ ﻭﻟﺰﻣﺘﻬﺎ ﻣﻦ ﺍﻳﺪﻫﺎ ﺟﺮﻳﺘﻬﺎ ﻭﻛﻔﺖ ﻛﺘﻠﻪ ﺧﻮﻳﻪ ﻭﻳﻦ ﺭﺍﻳﺤﻪ ﻫﻨﺎ ﺑﻠﺪ ﻏﺮﻳﺐ ﻭﻫﺎﻱ ﺣﺪﻭﺩ ﻳﻌﻨﻲ ﻣﺎ ﺭﺍﺡ ﺗﻠﻜﻴﻦ ﻧﺎﺱ ﻟﻮ ﺗﻤﻮﺗﻴﻦ ﻟﺤﺪ ﻣﺎ ﺗﻮﺻﻠﻴﻦ ﺍﻟﻘﺮﻳﻪ ﻋﻼﻗﻞ ﻭﺍﺍﺫﺍ ﻟﺰﻣﻮﺝ ﺣﺮﺱ ﺣﺪﻭﺩ ﺗﺮﻛﻴﺎ ﻣﺎ ﻳﺮﺣﻤﻮﺝ ﻭﺍﻧﺘﻲ ﺑﻨﻴﻪ ﻭﺗﻮﻛﻌﻴﻦ ﺑٲﺩﻳﻬﻢ ﺷﻬﺪ .. ﺑﺎﻭﻋﺘﻠﻪ ﻭ ﺩﻣﻮﻋﻲ ﺑﻌﻴﻨﻲ ﻭﻛﺘﻠﻪ ﺯﻳﻦ ﻋﻔﻴﻪ ﻭﻳﻦ ﺍﺭﻭﺡ ﺩﻟﻴﻨﻲ ﺷﻠﻮﻥ ﺍﺭﺟﻊ ﻋﻠﻲ .. ﻣﺪﻛﺪﺭﻳﻦ ﻭﺣﺪﺝ ﺗﻌﺎﻟﻲ ﺍﺻﻌﺪﻱ ﻭﻳﺎﻱ ﻧﺰﻋﺖ ﺟﺎﻛﻴﺘﻲ ﻭﻛﺘﻠﻬﺎ ﺍﺳﺘﺮﻱ ﻧﻔﺴﺞ ﻭﺍﺻﻌﺪﻱ ﺧﻞ ﺍﻧﺸﻮﻑ ﺍﻟﻠﻪ ﺷﻠﻮﻥ ﻳﺪﺑﺮﻫﺎ ﺟﺮﻳﺘﻬﺎ ﻣﻦ ﺍﻳﺪﻫﺎ ﻭﻣﺸﻴﺘﻬﺎ ﻭﺻﻠﺘﻬﺎ ﻟﻠﺒﺎﺏ ﻣﺎﻝ ﺍﻟﺸﺎﺣﻨﻪ ﻭﻛﺘﻠﻬﺎ ﺍﺻﻌﺪﻱ ﺑﺎﻭﻋﺘﻬﺎ ﻫﻴﻪ ﻗﺰﻣﻪ ﺷﻴﻮﺻﻠﻬﺎ ﻟﻠﺒﺎﺏ ﺣﻴﻴﻴﻞ ﻋﺎﻟﻴﻪ ﺳﺎﻋﺪﺗﻬﺎ ﻭﺷﻠﺘﻬﺎ ﺗﻮﺻﻞ ﻟﻠﺒﺎﻳﻪ ﻣﺎﻝ ﺍﻟﺒﺎﺏ ﻓﺘﺤﺘﻪ ﻭﺩﺧﻠﺖ ﻛﻌﺪﺕ ﺳﺪﻳﺖ ﺍﻟﺒﺎﺏ ﻭﺭﺣﺖ ﺻﻌﺪﺕ ﻣﺸﻴﺖ ﻛﺘﻠﻬﺎ ﺷﻠﻮﻥ ﺷﺼﻌﺪﺗﻲ ﺑﺎﻟﺸﺎﺣﻨﻪ ﺷﻬﺪ .. ﺍﺿﻄﺮﻳﺖ ﻣﺎ ﻟﻜﻴﺖ ﻏﻴﺮ ﻣﻜﺎﻥ ﻭﻧﻤﺖ ﻭﻣﺎ ﺣﺴﻴﺖ ﻟﻤﺎ ﻣﺸﺖ ﻋﻠﻲ .. ﻛﻞ ﻫﻠﻄﺮﻳﻖ ﻭﺍﻟﺼﻌﺪﻩ ﻭﺍﻟﻨﺰﻟﻪ ﻭﻣﺎ ﺣﺴﻴﺘﻲ ﺍﺩﺭﻱ ﻣﻴﺘﻪ ﺷﻬﺪ .. ﻣﺎ ﺍﻋﺮﻑ ﻣﺎ ﺣﺴﻴﺖ ﻋﻠﻲ .. ﺯﻳﻦ ﻟﻴﺶ ﺍﺿﻄﺮﻳﺘﻲ ﺷﻨﻮ ﻣﺎ ﻋﻨﺪﺝ ﺍﻫﻞ ﺍﻣﺞ ﺍﺑﻮﺝ ﻭﻳﻦ ﻟﻤﺎ ﻃﻠﻌﺘﻲ ﺑﻨﺺ ﺍﻟﻠﻴﻞ ﺷﻬﺪ .. ﻣﻦ ﻛﺎﻝ ﻫﻴﺞ ﺑﻘﻴﺖ ﺍﺧﺘﻨﻜﺖ ﺑﻌﺒﺮﺗﻲ ﻭﻛﻠﺘﻬﺎ ﺑﻀﻌﻒ .. ﻣﺎ ﻋﻨﺪﻱ ﺍﻡ ﻭﺍﺏ ﻣﻴﺘﻴﻦ ﻋﻠﻲ .. ﻻ ﺍﻟﻪ ﺍﻻ ﺍﻟﻠﻪ ﺯﻳﻦ ﺍﺧﻮﻩ ﻋﻤﺎﻡ ﻣﺎﻛﻮ ﺷﻬﺪ .. ﺑﻘﻴﺖ ﺍﺑﺠﻲ ﺑﺤﺮﻛﻪ ﻭﻣﺎ ﻛﺪﺭﺕ ﺍﺟﺎﻭﺏ ﻋﻠﻲ .. ﺷﻔﺘﻬﺎ ﻣﺘٲﺫﻳﻪ ﺣﻴﻴﻴﻞ ﺧﻄﻴﻪ ﻛﺴﺮﺕ ﺧﺎﻃﺮﻱ ﻣﺎ ﺭﺩﺕ ﺍﺿﻐﻂ ﻋﻠﻴﻬﺎ ﻛﺘﻠﻬﺎ ﺍﺭﺗﺎﺣﻲ ﻭﺑﻌﺪﻳﻦ ﻧﺤﺠﻲ ﺑﺎﻋﻲ ﻫﺬﺍ ﺍﻛﻮ ﻛﺸﻦ ﻣﺜﻞ ﺍﻟﺴﺮﻳﺮ ﻭﺭﺍﻧﺎ ﻛﻤﺰﻱ ﺗﻤﺪﺩﻱ ﻋﻠﻴﻪ ﻭﻟﻮ ﺷﻔﻨﺎ ﻣﺠﻤﻮﻋﻪ ﻋﺴﻜﺮﻳﻪ ﺍﻓﺘﺤﻲ ﺍﻟﻜﺸﻦ ﻭﺍﺧﺘﻠﻲ ﺟﻮﺍﻫﺎ ﻋﻠﻤﻮﺩ ﻟﺤﺪ ﻳﺸﻮﻓﺞ ﺧﻞ ﻧﺸﻮﻑ ﺷﻠﻮﻥ ﺍﻧﺪﺑﺮﻫﺎ ﻟﺤﺪ ﻣﺎ ﺍﺳﻠﻢ ﺍﻟﺒﻀﺎﻋﻪ ﺷﻬﺪ .. ﺍﻭﻙ ﻛﻤﺰﺕ ﺗﻤﺪﺩﺕ ﻭﻧﻤﺖ ﻭﺩﻣﻮﻋﻲ ﺑﻌﺪﻫﻦ ﻳﺠﺮﻥ ﻳﺎ ﺭﺑﻲ ﻭﻳﻦ ﺭﺍﺡ ﺍﺭﻭﺡ ﻻ ﺑﻴﻪ ﺍﺭﺟﻊ ﻻﺧﻮﺗﻲ ﻭﻻ ﺑﻴﻪ ﺍﺑﻘﻰ ﻫﻨﺎ ﻳﺎﺭﺏ ﺳﺎﻋﺪﻧﻲ ﺑﻘﺖ ﺍﻟﺴﻴﺎﺭﻩ ﺗﻤﺸﻲ ﻭﺍﻧﻲ ﻏﻔﻴﺖ ﻟﺸﻮﻱ ﺻﺤﻴﺖ ﺑﺎﻭﻋﺖ ﻣﺎﻛﻮ ﺍﻟﻮﻟﺪ ﻭﻳﻦ ﺭﺍﺡ ﻩ̷̷َـَْـُﺬﺁ ﻳﺎ ﺍﻟﻠﻪ ﺑﻘﻴﺖ ﻛﺎﻋﺪﻩ ﻭﻣﻨﺘﻀﺮﻩ ﺷﻔﺘﻪ ﺍﺟﻪالعضوة: 522131 , 5 years ago
ﻭﺟﺎﻳﺐ ﻭﻳﺎﻩ ﺍﻛﻞ ﺳﻨﺪﻭﻳﺸﺎﺕ ﺷﺎﻭﺭﻣﺎ ﻭﻣﺸﺮﻭﺑﺎﺕ ﻏﺎﺯﻳﻪ ﺍﻧﻄﺎﻧﻲ ﺍﻟﺴﻨﺪﻭﻳﺸﻪ ﻭﻛﺎﻝ ﺍﻛﻴﺪ ﺟﻮﻋﺎﻧﻪ ﺍﻛﻠﻲ ﺍﺑﺘﺴﻤﺘﻠﻪ ﻭﻛﺘﻠﻪ ﺃﻳٌـ YES. ـﮧٌَ ﺷﻜﺮﺍ ﺑﻘﻴﺖ ﺍﻛﻞ ﻭﺑﺎﻭﻋﺖ ﺍﻛﻮ ﻣﺤﻼﺕ ﺑﺴﻴﻄﻪ ﻭﻗﻠﻴﻠﻪ ﻭﺍﻟﻤﻨﻄﻘﻪ ﺷﻠﻮﻥ ﺍﻟﺮﻳﻒ . ﺑﺎﻭﻋﺖ ﺣﺠﺎﺑﺎﺕ ﺍﺭﻳﺪ ﺍﺗﺤﺠﺐ ﺑﻌﺪ ﺍﻧﻲ ﺑﻨﻴﻪ ﻭﺣﻴﺪﻩ ﻭﺍﺫﺍ ﺍﺑﻘﻪ ﻫﻴﺞ ﻣﻔﺮﻋﻪ ﺍﺻﻴﺮ ﺻﻴﺪﻩ ﺳﻬﻠﻪ ﻟﻠﻌﺎﻟﻢ ﻛﺘﻠﻪ ﻋﻔﻴﻪ ﺍﺷﺘﺮﻳﻠﻲ ﺣﺠﺎﺏ ﺑﺎﻭﻋﻠﻲ ﻭﻋﻘﺪ ﺣﺎﺟﺒﻪ ﻭﻛﺎﻝ ﻋﻠﻲ .. ﺍﻧﺘﻲ ﻣﺤﺠﺒﻪ ﺷﻬﺪ .. ﻫﺎ ﺃﻳٌـ YES. ـﮧٌَ ﻣﺤﺠﺒﻪ ﻋﻠﻲ .. ﺯﻳﻦ ﺍﺫﺍ ﻣﺤﺠﺒﻪ ﺷﻠﻮﻥ ﻃﺎﻟﻌﻪ ﺑﻬﻴﺞ ﻣﻨﻀﺮ ﺑﻨﺺ ﺍﻟﻠﻴﻞ ﺷﻬﺪ .. ﺩﻧﻜﺖ ﻭﻛﺘﻠﻪ ﻛﺘﻠﻚ ﺍﺿﻄﺮﻳﺖ 😔 ﻋﻠﻲ .. ﺻﺎﺭ ﻋﻨﺪﻱ ﻓﻀﻮﻝ ﻗﻮﻱ ﺇًٍْٓ؏ـــًٍِﺮﻑٰٰٰ ﻗﺼﺘﺞ ﺷﻨﻮ ﻭﻟﻴﺶ ﺍﺿﻄﺮﻳﺘﻲ ﺷﻬﺪ .. ﻣﺎ ﺍﻋﺮﻑ ﺷﻜﻮﻟﻚ ﻭﺷﻠﻮﻥ ﺍﺣﺠﻲ ﺑﺲ ﺻﺪﻙ ﺍﻧﻲ ﻣﻮ ﻣﻦ ﺍﻟﺒﻨﺎﺕ ﺍﻟﻠﻲ ﺗﻌﺮﻓﻬﻦ ﻋﻠﻲ .. ﻫﻬﻬﻬﻪ ﺍﻟﻠﻲ ﺍﻋﺮﻓﻬﻦ ﻟﻴﺶ ﺷﻌﺮﻓﺞ ﺑﺎﻟﻠﻲ ﺍﻋﺮﻓﻬﻦ ﺷﻠﻮﻧﻬﻦ ﺷﻬﺪ .. ﻻ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺍﻧﻲ ﺑﻨﺖ ﻧﺎﺱ ﻭﻋﺎﺋﻠﻪ ﻣﺤﺎﻓﻀﻪ ﺑﺲ ﺍﻟﺪﻧﻴﺎ ﺟﺎﺭﺕ ﻋﻠﻪ ﺭﺍﺳﻲ ﻭﺧﻠﺘﻨﻲ ﺷﺮﻳﺪﻩ ﺑﺎﻟﺸﻮﺍﺭﻉ ﻋﻠﻲ .. ﺍﻱ ﺳﻮﻟﻔﻴﻠﻲ ﺷﻨﻮ ﺍﻟﺠﺎﺭﺗﻪ ﺍﻟﺪﻧﻴﻪ ﻋﻠﻪ ﺭﺍﺳﺞ ﺷﻬﺪ .. ﺑﻘﻴﺖ ﺳﺎﻛﺘﻪ ﺍﺧﺎﻑ ﺍﺣﺠﻴﻠﻪ ﻭﻫﻢ ﻳﺸﻮﻓﻨﻲ ﻣﺎ ﺍﻟﻲ ﺍﺣﺪ ﻭﻳﻄﻤﻊ ﺑﻴﻪ ﺍﻛﺜﺮ .. ﺭﺟﺎﻝ ﻏﺮﻳﺐ ﻣﺎ ﺍﻛﺪﺭ ﺍﺍﻣﻦ ﺑﻴﻪ … ﺍﻭﻭﻭﻑ ﻳﺎﺭﺑﻲ ﻫﻮﻩ ﺍﻟﻐﺮﻳﺐ ﺣﻤﺎﻧﻲ ﻭﺍﺧﻮﺗﻲ ﺍﻟﻠﻲ ﻋﺎﻓﻮﻧﻲ ﻭﻣﺎ ﺩﺭﻭ ﻋﻨﻲ .… ﺑﻘﻴﺖ ﺣﺎﻳﺮﻩ ﺍﺣﺠﻲ ﻟﻮ ﻻ ﻋﻠﻲ .. ﺷﻔﺘﻬﺎ ﺧﺎﻳﻔﻪ ﺗﺤﺠﻲ ﻛﺘﻠﻬﺎ ﺧﻮﻳﻪ ﺍﻟﺞ ﻣﻨﻲ ﺍﻻﻣﺎﻥ ﻭﻋﺪ ﻋﻠﻪ ﻫﻠﺸﺎﺭﺏ ﺍﺭﺟﻌﺞ ﻻﻫﻠﺞ ﺳﺎﻟﻤﻪ ﻭﺣﻖ ﺗﺮﺍﺏ ﺍﺧﻮﻱ ﺍﻟﺸﻬﻴﺪ ﺷﻬﺪ .. ﻣﻦ ﺷﻔﺘﻪ ﺣﺠﻪ ﻫﻴﺞ ﻣﺎ ﺍﻋﺮﻑ ﺷﻠﻮﻥ ﺣﺴﻴﺖ ﻛﻠﺒﻲ ﺍﺭﺗﺎﺣﻠﻪ ﻭﺍﻣﻨﺖ ﺑﻴﻪ ﻛﺘﻠﻪ ﺑﺎﻭﻉ ﺍﻧﻲ ﺟﻨﺖ ﻗﺒﻞ 5 ﺍﺷﻬﺮ ﻋﺎﻳﺸﻪ ﻭﻳﻪ ﻣﺎﻣﺎ ﻭﺑﺎﺑﺎ ﻭﻣﺪﻟﻠﻪ ﻭﺍﻛﻮﻝ ﻟﻠﺪﻧﻴﺎ ﺭﺩﻱ ﻣﺎ ﺣﺪﺍ ﺍﺩﻱ ﺑﺲ ﻟﻤﺎ ﺗﻤﺮﺽ ﺍﺑﻮﻳﻪ ﺍﻧﻜﺴﺮ ﺷﻲ ﺑﺪﺍﺧﻠﻲ ﻭﻟﻤﺎ ﺍﺧﻮﻳﻪ ﺍﻧﺴﺠﻦ ﺍﺑﻮﻳﻪ ﺍﻧﺘﻜﺴﺖ ﺣﺎﻟﺘﻪ ﺑﺎﻟﺰﺍﻳﺪ ﻋﻠﻲ .. ﺍﺧﻮﺝ ﺍﻧﺴﺠﻦ … ﻟﻴﺶ ﺷﻬﺪ .. ﺳﻜﺘﺖ ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ ﻭﻫﻮﻩ ﻛﺎﻋﺪ ﻭﻣﻨﺘﺠﻲ ﻋﻠﻜﺸﻦ ﻭﻣﺨﻠﻲ ﺍﺍﻳﺪﻩ ﻋﻠﻪ ﺭﺍﺳﻪ ﻭﻳﺒﺎﻭﻋﻨﻲ ﻋﻠﻲ .. ﻛﺘﻠﺞ ﺧﻮﻳﻪ ﺍﻣﻨﻲ ﻭﺍﻟﻠﻪ ﻛﻞ ﺍﻟﻠﻲ ﺭﺍﺡ ﺍﺳﻤﻌﻪ ﻫﻨﺎ ﺍﺷﻤﺮﻩ ﺑﻬﻠﻬﻴﻤﻪ ﻭﺍﻣﺸﻲ ﻣﺎ ﺭﺍﺡ ﺍﻟﺰﻡ ﻋﻠﻴﺞ ﺷﻲ ﻭﺍﻟﻠﻪ ﺑﺲ ﺍﺭﻳﺪ ﺍﻋﺮﻑ ﺳﺎﻟﻔﺘﺞ ﺷﻨﻮ ﺷﻬﺪ .. ﺑﺎﻭﻉ ﺍﺧﻮﺍﻧﻲ ﻣﺪﻣﻨﻴﻦ ﻣﺨﺪﺭﺍﺕ ﻭﻳﺘﻌﺎﻣﻠﻮﻥ ﺑﻴﻬﺎ ﻭﻳﺒﻴﻌﻮﻥ ﻭﺍﺑﻮﻳﻪ ﻣﻦ ﻛﺪ ﻣﺎ ﺗﻌﺐ ﻭﻫﻮﻩ ﻳﺘﻌﺎﺭﻙ ﻭﻳﺎﻫﻢ ﺗﻤﺮﺽ ﻭﺑﻌﺪﻳﻦ ﻃﻠﻊ ﻋﻨﺪﻩ ﻭﺭﻡ ﺑﺎﻟﺪﻣﺎﻍ ﺳﻮﻳﻨﺎﻟﻪ ﺍﻟﻌﻤﻠﻴﻪ ﻭﻣﺎ ﻓﺎﺩﺗﺖ ﻣﻦ ﺍﺧﻮﻳﻪ ﺍﻧﻜﻤﺶ ﺑﺘﻬﻤﺔ ﻣﻌﺎﻣﻞ ﻣﺨﺪﺭﺍﺕ ﻭﺍﻧﺤﻜﻢ 10 ﺍﺳﻨﻴﻦالعضوة: 522131 , 5 years ago
ﺍﺑﻮﻳﻪ ﻣﺘﺤﻤﻞ ﻭﻣﺎﺕ ﻋﻠﻲ .. ﺍﻟﻰ ﺭﺣﻤﺔ ﺍﻟﻠﻪ ﺍﻟﻌﻮﺽ ﺑﻠﻠﻪ ﺧﻴﺘﻲ ﻛﻤﻠﻲ ﺷﻬﺪ .. ﺍﻧﻜﺴﺮﺕ ﺣﻴﻞ ﺑﻮﻓﺎﺓ ﺑﺎﺑﺎ ﻭﺳﺠﻦ ﺍﺧﻮﻳﻪ ﻭﺍﻣﻲ ﻫﻢ ﺣﻴﻴﻴﻴﻞ ﺍﺗٲﺫﺕ ﻋﻠﻴﻬﻢ ﺷﻜﻞ ﻭﻳﺎﻫﺎ ﺳﻜﺮ ﻭﺿﻐﻂ ﻣﺎ ﻣﺮ ﻋﻠﻪ ﻭﻓﺎﺓ ﺑﺎﺑﺎ 20 ﻳﻮﻡ ﻭﻟﻜﻴﺘﻬﺎ ﻣﻴﺘﻪ ﻭﻫﻴﻪ ﻧﺎﻳﻤﻪ ﻳﻤﻲ ﻓﻘﺪﺕ ﻛﻠﺸﻲ ﺑﻠﺤﻀﻪ ﺍﺗﻤﻨﻴﺖ ﺍﻣﻮﺕ ﻭﻳﺎﻫﻢ ﺑﺲ ﺍﻟﻠﻪ ﻣﻜﺎﺗﺒﻠﻲ ﺍﻻ ﺍﻋﻴﺶ ﻫﻠﺤﻴﺎﺓ ﺍﻟﻤﺮﻩ ﻋﻠﻲ .. ﺍﻟﻠﻪ ﻳﻜﻮﻥ ﺑﻌﻮﻧﺞ ﻭﻳﺴﺎﻋﺪﺝ ﻭﺍﺧﻮﺗﺞ ﺍﻟﺒﺎﻗﻴﻦ ﻣﺎ ﺍﻧﻌﺪﻟﻮ ﺑﻌﺪ ﻭﻓﺎﺓ ﺍﻫﻠﻬﻢ . ﺷﻬﺪ .. ﻳﺎ ﻧﻌﺪﻟﻮ .. ﺑﺎﻟﻌﻜﺲ ﻛﺎﻣﻮ ﻳﻀﺮﺑﻮﻧﻲ ﻭﻳﻄﺮﺩﻭﻧﻲ ﺍﺷﺘﻐﻞ ﻭﺍﺟﻴﺒﻠﻬﻢ ﺍﻛﻞ ﻋﻠﻲ .. ﺍﻟﻠﻪ ﻻ ﻳﻮﻑ … ﺷﻬﺪ .. ﻗﺎﻃﻌﺘﻪ .. ﻻ ﻋﻔﻴﻪ ﻻ ﺗﺪﻋﻲ ﻋﻠﻴﻬﻢ ﻭﺍﻟﻠﻪ ﻫﻤﻪ ﻣﺠﺎﻧﻮ ﻫﻴﺞ ﺑﺲ ﺍﻟﻤﺨﺪﺭﺍﺕ ﻏﻴﺮﺗﻬﻢ ﺧﻠﺘﻬﻢ ﻏﻴﺮ ﺍﻟﺒﺸﺮ ﻋﻠﻲ .. ﻓﻌﻼ ﺍﻟﻤﺨﺪﺭﺍﺕ ﺍﺩﻣﺮ ﺍﻻﻧﺴﺎﻥ .. ﺍﻟﻠﻪ ﻳﻬﺪﻳﻬﻢ ﺍﻧﺸﺎﻟﻠﻪ ﺯﻳﻦ ﺷﺸﺘﻐﻠﺘﻲ ﺷﻬﺪ .. ﺷﺸﺘﻐﻞ ﻛﻤﺖ ﺍﺧﺬ ﻣﻦ ﺫﻫﺐ ﻣﺎﻣﺎ ﻳﻮﻣﻴﻪ ﻭﺍﺑﻴﻊ ﻭﺍﺷﺘﺮﻱ ﻣﺴﻮﺍﻙ ﻟﺤﺪ ﻣﺎ ﺧﻠﺺ ﻛﻠﻪ ﻫﻢ ﺭﺟﻌﻮ ﻃﺮﺩﻭﻧﻲ ﻫﻨﺎ ﺍﺿﻄﺮﻳﺖ … . ﺳﻜﺘﺖ ﻣﺎ ﻛﺪﺭ ﺍﻛﻤﻞ ﺍﺧﺘﻨﻜﺖ ﺑﻌﺒﺮﺗﻲ ﻭﺩﻣﻮﻋﻲ ﻳﺠﺮﻥ ﻋﻠﻲ .. ﺍﺿﻄﺮﻳﺘﻲ ﺗﺒﻴﻌﻴﻦ ﺭﻭﺡ ﺷﻬﺪ .. ﻻ ﻃﺒﻌﺎ ﺍﻟﺸﺮﻑ ﻏﺎﻟﻲ ﻭﻫﻮﻩ ﺍﻟﻠﻲ ﻭﺻﻠﻨﻲ ﺍﻟﻬﺪﺭﺟﻪ ﻋﻠﻲ .. ﻟﻌﺪ ﺷﺴﻮﻳﺘﻲ ﺷﻬﺪ .. ﺍﺿﻄﺮﻳﺖ ﺍﻟﺒﺲ ﺑﻮﺷﻴﻪ ﻭﺍﺷﺤﺪ ﻋﻠﻲ .. ﺍﺳﺘﻐﻔﺮ ﺍﻟﻠﻪ ﺭﺑﻲ ﺷﻬﻠﺒﺸﺮ ﺫﻭﻝ ﻛﻤﻠﻲ ﺧﻮﻳﻪ ﻛﻤﻠﻲ ﺷﻬﺪ .. ﺍﺧﻮﺍﻧﻲ ﻛﺎﻣﻮ ﻳﺠﻴﺒﻮﻥ ﺍﺻﺪﻗﺎﺋﻬﻢ ﺑﺎﻟﺒﻴﺖ ﺟﻨﺖ ﺍﺧﺎﻑ ﺍﻓﺘﺢ ﺍﻟﺒﺎﺏ ﻭﺍﻟﺒﺎﺭﺣﻪ ﺍﺿﻄﺮﻳﺖ ﺍﻃﻠﻊ ﻟﻠﺤﻤﺎﻡ ﺑﻄﻨﻲ ﻭﺟﻌﺘﻨﻲ ﻭﺟﺎﻥ ﻳﻠﺰﻣﻨﻲ ﻭﺍﺣﺪ ﻣﻦ ﺍﺻﺪﻗﺎﺀ ﺍﺧﻮﻳﻪ ﻭﺷﻬﻜﺖ ﺍﺑﺠﻲ ﻋﻠﻲ .. ﻋﻠﻲ ﻭﺷﺴﻮﺍﻟﺞ ﺍﻋﺘﺪﻩ ﻋﻠﻴﺞ ﺷﻬﺪ .. ﻻ ﺿﺮﺑﺘﻪ ﺑﻘﻠﻢ ﺑﻌﻴﻨﻪ ﻭﺷﺮﺩﺕ ﻭﺧﺘﻠﺖ ﺑﺸﺎﺣﻨﺘﻚ ﻫﻨﺎ ﺧﻠﻴﺖ ﺍﺩﻳﻪ ﻋﻠﻪ ﻋﻴﻮﻧﻲ ﻭﺑﻘﻴﺖ ﺍﺑﺠﻲ ﻗﻮﻱ ﺍﻟﻠﻪ ﻟﻮ ﻳﻤﻮﺗﻨﻲ ﺟﺎﻥ ﺭﺣﻤﻨﻲ ﻭﺍﻟﻠﻪ ﺗﻌﺒﺖ ﻭﺍﺑﺠﻲ ﻋﻠﻲ .. ﻻ ﺍﻟﻪ ﺍﻻ ﺍﻟﻠﻪ ﺍﺭﺗﺎﺣﻲ ﺍﺭﺗﺎﺣﻲ ﺧﻮﻳﻪ ﺍﻟﻠﻪ ﻳﻜﻮﻥ ﺑﻌﻮﻧﺞ … ﺍﺧﺬﺕ ﻧﻔﺲ ﻭﻧﺰﻟﺖ ﻣﻦ ﺍﻟﺸﺎﺣﻨﻪ ﻭﺭﺛﺖ ﺟﻜﺎﺭﻩ ﻳﺎﺭﺏ ﺍﻛﻮ ﻫﻴﺞ ﻋﻴﺸﻪ ﺻﻌﺒﻪ ﺍﺑﻨﻴﺔ ﺩﻻﻝ ﺑﻴﻮﻡ ﻭﻟﻴﻠﻪ ﺗﺘﺤﻮﻝ ﺷﺮﻳﺪﻩ ﺑﺎﻟﺸﻮﺍﺭﻉ ﺣﻴﻴﻞ ﺍﻧﻘﻬﺮﺕ ﺭﺣﺖ ﺍﺷﺘﺮﻳﺘﻠﻬﺎ ﺷﺎﻝ ﻭﺭﺟﻌﺖ ﺍﻧﻄﻴﺘﻪ ﺍﻟﻬﺎ ﻭﻛﺘﻠﻬﺎ ﻣﺤﺘﺎﺟﻪ ﺷــّـّ ❓ ـّـّﻲ ﺑﻌﺪ ﻗﺒﻞ ﻣﺎ ﺍﺣﺮﻙ ﺍﻟﺸﺤﻨﻪ ﺷﻬﺪ .. ﻻ ﻻ ﻣﺘﻘﺼﺮ ﺷﻠﺖ ﺍﻟﺸﺎﻝ ﻭﻟﻔﻴﺖ ﺷﻌﺮﻱ ﺑﺲ ﻣﺎ ﺍﻋﺮﻑ ﺍﻟﺒﺴﻪ 😁 ﻟﻔﻴﺘﻪ ﺷﻠﻮﻥ ﻣﺠﺎﻥ ﻣﺸﻪ ﻫﻮﻩ ﺑﻘﻴﺖ ﻣﺘﻤﺪﺩﻩ ﺑﺎﻟﻜﺸﻦ ﺍﻟﻮﺭﻩ ﻣﺜﻞ ﺍﻟﺴﺮﻳﺮ ﺍﺧﺘﻨﻜﺖ ﻛﺘﻠﻪ ﻋﺎﺩﻱ ﺍﻛﻠﺐ ﻳﻤﻚ ﻋﻠﻲ .. ﻟﻴﺶ ﺍﺗﻀﺎﻳﻘﺘﻲ ﻫﻨﺎﻙ ﺷﻬﺪ .. ﻻ ﺑﺲ ﺍﺧﺘﻨﻜﺖ ﺍﺭﻳﺪ ﺍﻛﻌﺪ ﻳﻢ ﺍﻟﺸﺒﺎﻙ ﺍﺷﺘﻢ ﻫﻮﺍ ﻋﻠﻲ .. ﻳﻠﻪ ﻛﻤﺰﻱ ﺍﻧﻄﻴﺘﻬﺎ ﺍﻳﺪﻱ ﻭﺳﺎﻋﺪﺗﻬﺎ ﻭﺣﻮﻟﺖ ﻳﻤﻲ ﺑﺎﻟﺼﺪﺭ ﻛﻌﺪﺕ ﺍﺑﺎﻭﻋﻠﻬﺎ ﺷﻠﻮﻥ ﺍﻃﻠﻊ ﺭﺍﺳﻬﺎ ﻣﻦ ﺍﻟﺸﺒﺎﻙ ﻭﺷﻌﺮﻫﺎ ﻳﻄﻴﺮالعضوة: 522131 , 5 years ago
ﺑﻴﻬﺎ ﺣﺮﻛﺎﺕ ﻃﻔﻮﻟﻴﻪ ﺭﻏﻢ ﺍﻟﻤﻬﺎ ﺍﺑﺘﺴﻤﺖ ﺣﺒﻴﺖ ﺍﻻﻃﻔﻬﺎ ﺑﺎﻭﻋﺘﻠﻬﺎ ﺻﻔﺢ ﻛﺘﻠﻬﺎ ﻣﺘٲﻛﺪﻩ ﺍﻧﺘﻲ ﻣﺤﺠﺒﻪ ﺷﻬﺪ .. ﻋﺰﺯﻩ 😳 ﻫﻴﺞ ﺑﺴﺎﻉ ﺑﻴﻦ ﻋﻠﻴﻪ ﺣﺠﻴﺖ ﺑﺪﺍﺧﻠﻲ ﻛﺘﻠﻪ ﻟﻴﺶ ﻋﻠﻲ .. ﻋﺪﻧﺎ ﺍﻟﻤﺤﺠﺒﻪ ﻣﺎ ﺍﻃﻠﻊ ﺷﻌﺮﻩ ﻣﻨﻬﺎ ﺑﺲ ﺍﻧﺘﻲ ﻣﺎ ﺷﺎﻟﻠﻪ ﺩﻃﻴﺮﻳﻪ ﺑﺎﻟﻬﻮﺍ 😂 ﺷﻬﺪ .. ﻫﻬﻬﻬﻪ ﺻﺮﺍﺣﻪ ﺍﻱ ﻣﻮ ﻣﺤﺠﺒﻪ ﺑﺲ ﺗﺤﺠﺒﺖ ﻟﻤﺎ ﻣﺎﺗﻮ ﺍﻫﻠﻲ ﻻﻥ ﻛﻤﺖ ﺍﺧﺎﻑ ﺍﺻﻴﺮ ﺻﻴﺪﻩ ﺳﻬﻠﻪ ﻻﻱ ﺑﺸﺮ ﻓﺴﺘﺮﺕ ﻧﻔﺴﻲ ﻋﻠﻲ .. ﺍﺣﺴﻦ ﺍﺣﻠﻪ ﺷﻲ ﻟﻠﺒﻨﻴﻪ ﺍﻟﺴﺘﺮ ﻟﻮ ﺗﺴﺘﺮﺕ ﻣﺤﺪ ﻳﺪﻧﺎﻟﻬﺎ ﻭﻟﻮ ﻓﺎﺗﺖ ﻛﻠﻬﺎ ﺗﻔﺘﺤﻠﻬﺎ ﻃﺮﻳﻖ ﻣﺜﻞ ﺍﻟﻤﻠﻜﻪ ﺑﺲ ﺍﻟﻤﻔﺮﻋﻪ ﺍﻟﻨﺎﺱ ﻣﺘﺨﺎﻑ ﺗﺘﺤﺮﺵ ﺑﻴﻬﺎ ﻻﻥ ﻫﻴﻪ ﺩﺗﻈﻬﺮ ﻣﻼﻣﺤﻬﺎ ﻛﺪﺍﻣﻬﻢ ﻟﺤﺘﻪ ﺗﻌﺠﺒﻬﻢ ﺷﻬﺪ .. ﻣﻮ ﻫﻴﺞ ﻫﻴﻪ ﻛﻠﻤﻦ ﻭﻗﻨﺎﻋﺘﻪ ﺑﺲ ﺍﻟﺴﺘﺮ ﺍﻓﻀﻞ .. ﻟﻔﻴﺖ ﺣﺠﺎﺑﻲ ﻋﺪﻝ ﻭﺑﻘﻴﺖ ﻣﻨﺘﺠﻴﻪ ﻋﻠﺸﺒﺎﻙ … ﻟﺸﻮﻱ ﺷﻔﻨﻪ ﻣﻔﺮﺯﻩ ﻋﺴﻜﺮﻳﻪ ﻫﻮﻩ ﺍﻧﺼﺮﻉ ﻋﻠﻲ .. ﻛﻮﻣﻲ ﻛﻮﻣﻲ ﻛﻮﻣﻲ ﺍﻛﻤﺰﻱ ﺍﺑﺴﺎﻉ ﺟﻮﻩ ﺍﻟﻜﺸﻦ ﻭﻻ ﺍﻃﻠﻌﻴﻦ ﺻﻮﺕ ﺷﻬﺪ .. ﻃﻔﺮﺕ ﻋﻠﻜﺸﻦ ﻭﻧﺰﻟﺖ ﺟﻮﺍﻫﺎ ﻭﻛﺘﻤﺖ ﺍﺻﻮﺍﺗﻲ ﺳﻤﻌﺘﻪ ﻳﺮﻃﻦ ﻭﻳﺎﻫﻢ ﺍﻧﻜﻠﻴﺰﻱ ﺑﻘﻮ ﻳﻔﺘﺸﻮﻥ ﺍﻟﺸﺎﺣﻨﻪ ﺳﻤﻌﺘﻬﻢ ﺻﻌﺪﻭ ﺷﺎﻓﻮ ﺍﻟﺒﻀﺎﻋﻪ ﻟﻬﻨﺎﻙ ﺧﻠﺼﻮ ﻭﺧﻠﻮﻩ ﻳﻤﺸﻲ ﺣﺮﻙ ﺍﻟﺴﻴﺎﺭﻩ ﻭﺍﻧﻲ ﺧﺎﻟﺴﻪ ﻛﺎﻝ ﺍﻃﻠﻌﻲ ﺍﺑﺘﻌﺪﻧﻪ ﺷﻬﺪ .. ﺍﻋﺘﺬﺭ ﻭﺍﻟﻠﻪ ﻭﺭﻃﺘﻚ ﻭﻳﺎﻳﻪ ﻋﻠﻲ .. ﻻ ﻣﺼﺎﺭ ﺷﻲ … ﺍﻫﻢ ﺷﻲ ﻧﻮﺻﻞ ﻟﻠﻌﺮﺍﻕ ﺳﺎﻟﻤﻴﻦ ﻭﻣﻴﻜﻤﺸﻮﻧﻪ .. ﺑﺪﺍﺧﻠﻲ ﺍﻛﻮﻝ ﻭﻳﻦ ﺣﻮﺩﻳﻬﺎ ﻻ ﻋﺪﻫﺎ ﺍﻫﻞ ﻭﻻ ﻋﻤﺎﻡ ﺭﺟﻌﺖ ﻟﻠﻌﺮﺍﻕ ﻭﺗﺎﻟﻲ ﺷﻠﻮﻥ ﺍﺷﻤﺮﻫﺎ ﺑﺪﺍﺭﻩ ﺍﻟﻤﺴﻨﻴﻦ ﺯﺣﻤﻪ ﺧﻄﻴﻪ … ﺷﻠﻮﻥ ﺍﺧﺬﻫﺎ ﻭﻳﺎﻱ ﻟﻠﺒﻴﺖ .. ﻏﻴﺮ ﺍﻣﻲ ﺗﻜﻠﺐ ﺍﻟﺪﻧﻴﺎ ﻋﻠﻪ ﺭﺍﺳﻲ ﺍﺟﻴﺒﻠﻲ ﻣﺮﻩ ﻏﺮﻳﺒﻪ ﻭﺍﻛﻌﺪﻫﺎ ﻭﻳﺎﻱ ﺑﻮﻳﻪ ﺍﻻ ﻣﺎ ﺭﺍﻳﺪ ﺭﻭﺣﻲ ﺑﺎﻭﻋﺖ ﺷﻔﺖ ﻣﺤﻼﺕ ﻣﺎﻝ ﻣﻼﺑﺲ ﺑﻌﻴﺪﻩ ﺷﻮﻱ ﻭﻛﻔﺖ ﺍﻟﺴﻴﺎﺭﻩ ﻭﻧﺰﻟﺖ ﺍﺧﺬﺗﻠﻬﺎ ﻣﻼﺑﺲ ﺑﻨﻄﺮﻭﻥ ﻭﻗﻤﻴﺺ ﻃﻮﻳﻞ ﻭﺣﺬﺍﺀ ﻭﺭﺟﻌﺖ ﻟﻠﺸﺎﺣﻨﻪ ﻟﻜﻴﺘﻬﺎ ﻧﺎﻳﻤﻪ ﻛﻤﻠﺖ ﺳﻴﺎﻗﻪ ﻟﺸﻮﻱ ﻛﻌﺪﺕ ﻛﺘﻠﻬﺎ ﻫﺬﻱ ﺍﻟﻌﻼﻛﻪ ﺍﻟﺞ ﺍﺧﺬﻳﻬﺎ ﻭﺍﻧﻲ ﺍﺑﺎﻭﻋﻬﺎ ﺑﺎﻟﻤﺮﺍﻳﻪ ﺍﻻﻣﺎﻣﻴﻪ ﻛﺎﻟﺖ ﺷﻬﺪ .. ﺷﻨﻮ ﻫﺬﻱ .. ﺑﺎﻭﻋﺖ ﻣﻼﺑﺲ ﺑﻨﻄﺮﻭﻥ ﺛﻠﺠﻲ ﻭﻗﻤﻴﺺ ﺍﺳﻮﺩ ﻣﻘﻔﻞ ﻧﺴﺎﺋﻲ ﺣﻠﻮ ﻣﺮﺗﺐ ﻭﺣﺬﺍﺀ ﺍﺳﻮﺩ ﻧﺎﺯﻙ ﻛﺘﻠﻪ ﺷﻜﺮﺍ ﻋﻠﻲ .. ﺍﻟﻌﻔﻮ … ﻫﺴﻪ ﻧﻨﺰﻝ ﻣﻄﻌﻢ ﺍﺩﺧﻠﻲ ﺍﻟﺤﻤﺎﻡ ﻭﺑﺪﻟﻲ ﺷﻬﺪ .. ﻻ ﻻ ﻋﻔﻴﻪ ﺷﻠﻮﻥ ﺍﻧﺰﻝ ﺑﻬﻠﻤﻼﺑﺲ ﻭﻧﺪﺧﻞ ﻣﻄﻌﻢ ﻋﻴﺐ ﻫﻨﺎ ﺍﺑﺪﻝ ﻣﻦ ﺗﻨﺰﻝ ﺍﻧﺘﻪ ﻋﻠﻲ .. ﺑﺮﺍﺣﺘﺞ ﻭﺻﻠﺖ ﺍﻟﻤﻄﻌﻢ ﻧﺰﻟﺖ ﻛﺘﻠﻬﺎ ﺍﺗﺎﻧﻴﺞ ﻳﻢ ﺍﻟﺮﺻﻴﻒ ﺷﻬﺪ .. ﻧﺰﻝ .. ﺑﺪﻟﺖ ﺑﺴﺮﻋﻪ ﻭﻛﻤﺰﺕ ﺍﺭﻳﺪ ﺍﻧﺰﻝ ﺑﺲ ﺍﻟﺸﺎﺣﻨﻪ ﺣﻴﻞ ﻋﺎﻟﻴﻪ ﺗﺨﻮﻑ ﺑﻘﻴﺖ ﺍﺟﻴﺐ ﺭﺟﻠﻲ ﻣﻨﺎ ﻭﺍﺭﻳﺪ ﺍﻧﺰﻝ ﻣﻨﺎالعضوة: 522131 , 5 years ago
ﻭﺧﺎﻳﻔﻪ ﻣﺎ ﺍﺣﺲ ﺍﻻ ﻫﻮﻩ ﻟﺰﻣﻨﻲ ﻭﻧﺰﻟﻨﻲ ﻋﻠﻪ ﻛﻴﻔﻪ ﺍﺳﺘﻘﺮﻳﺖ ﻋﻠﻜﺎﻉ ﻋﺪﻟﺖ ﻣﻼﺑﺴﻲ ﻭﺭﻓﻌﺖ ﻋﻴﻨﻲ ﺑﻌﻴﻨﻪ ﻭﺍﺑﺘﺴﻤﺖ ﻭﻛﺘﻠﻪ ﺷﻜﺮﺍ ﻋﻠﻲ .. ﺍﺑﺘﺴﻤﺘﻠﻬﺎ ﻫﻬﻪ ﻳﻠﻪ ﺧﻞ ﻧﺪﺧﻞ ﻣﺸﺖ ﻛﺪﺍﻣﻲ ﻛﺘﻠﻬﺎ ﺑﺎﻟﻌﺎﻓﻴﻪ ﻋﻠﻪ ﻗﻴﺎﺳﺞ ﺑﺎﻟﻀﺒﻂ ﺷﻬﺪ .. ﺍﻱ ﻗﻴﺎﺳﻲ ﻣﺸﻜﻮﺭ ﻭﺍﻟﻠﻪ ﺗﻌﺒﺘﻚ ﻫﻮﺍﻳﻪ ﻋﻠﻲ .. ﺗﺮﻩ ﺷﻜﺮﺗﻴﻨﻲ ﻫﻮﺍﻱ ﻛﺎﻓﻲ ﻣﺮﻩ ﻭﺣﺪﻩ ﺷﻨﻮ ﻫﻠﺘﺒﺬﻳﺮ 😪 ﺷﻬﺪ .. ﻻ ﻳﺎ ﺍﻟﻠﻪ ﺑﺲ ﻻ ﻛﺮﻳﺒﻚ ﺍﺑﻮ ﻓﻠﻴﺲ 😂 ﻋﻠﻲ .. ﻫﻬﻬﻬﻬﻬﻪ ﺍﺧﻮﻱ ﺷﻚ ﺍﻟﻤﻨﺸﺎﺭ 😌 ﺷﻬﺪ .. ﻻ ﺧﺮﺑﺖ ﻣﻌﻨﺎﻫﺎ ﺭﺍﺡ ﺗﺸﺮﺑﻨﺎ ﻣﻲ ﻭﻧﻄﻠﻊ ﻣﻦ ﺍﻟﻤﻄﻌﻢ 😐 ﻋﻠﻲ .. ﻻ ﺷﻨﻮ ﻫﻠﺘﺒﺬﻳﺮ ﻫﺬﺍ ﺍﻟﻤﻲ ﺟﺎﻳﺒﻪ ﻭﻳﺎﻱ ﺩﻧﻄﺐ ﺑﺲ ﻧﺒﺎﻭﻉ ﻭﻧﻄﻠﻊ ﺧﺎﻑ ﺗﻜﻮﻟﻴﻦ ﺩﺧﻠﻨﺎ ﺗﺮﻛﻴﺎ ﻭﻣﺎ ﺗﻮﻧﺴﻨﺎ 😜 ﺷﻬﺪ … ﻫﻬﻬﻬﻬﻪ ﻋﻠﻲ .. ﻫﻬﻬﻪ ﻳﻠﻪ ﺩﻓﻮﺗﻲ ... ﺩﺧﻠﻨﺎ ﻃﻠﺒﺖ ﺍﻛﻞ ﻭﻛﻌﺪﻧﺎ ﻧﺎﻛﻞ ﺍﻧﻲ ﻭﻳﺎﻫﺎ ﺍﺑﺎﻭﻋﻠﻬﺎ ﺷﻠﻮﻥ ﺣﻠﻮﻩ ﻭﻧﺎﺯﻛﻪ ﻭﺑﺮﻳﺌﻪ ﺭﻏﻢ ﺍﻟﻤﻬﺎ ﻋﻠﻪ ﻧﻴﺎﺗﻬﺎ ﺗﻀﺤﻚ ﻭﺗﺤﺸﺶ ﺑﺲ ﺍﻭﻭﻭﻭﻑ ﺣﺎﻳﺮ ﻭﻳﻦ ﺍﻭﺩﻳﻬﺎ … ﺑﺎﻭﻋﺖ ﻣﺘﺎﻛﻞ ﻛﺘﻠﻬﺎ .… ﻳﺘﺒﻊ 🌺العضوة: 522131 , 5 years ago
ﻋﻠﻲ .. ﻛﺎﻋﺪ ﻧﺎﻛﻞ ﻭﺍﺑﺎﻭﻋﻠﻬﺎ ﻣﺘﺎﻛﻞ ﻛﺘﻠﻬﺎ ﺷﻨﻮ ﺍﻻﻛﻞ ﻣﻄﻴﺐ ﺷﻬﺪ .. ﻫﺎ ﺍﺍﺍﺍ ﻻ ﻃﻴﺐ ﻋﻠﻲ .. ﻻ ﻭﺍﻟﻠﻪ ﻣﻌﺠﺒﺞ ﻛﻮﻟﻲ ﺷﺘﺮﺩﻳﻦ ﺍﻧﺰﻟﺞ ﻏﻴﺮﻩ ﺷﻬﺪ .. ﻣﻴﺤﺘﺎﺝ ﻋﻠﻲ .. ﻻ ﺍﺗﻌﺒﻴﻨﻲ ﻭﻛﻮﻟﻴﻠﻲ ﻋﺠﺒﺞ ﻟﻮ ﻻ ﺷﻬﺪ .. ﺻﺮﺍﺣﻪ ﺑﻴﻪ ﻃﻌﻢ ﻟﻬﺎﻧﻪ ﻭﺍﻧﻲ ﺍﺗﺨﺒﻞ ﻣﻦ ﺍﻟﻠﻬﺎﻧﻪ ﻋﻠﻲ .. ﻫﻬﻬﻬﻪ ﺗﺮﺩﻳﻦ ﺷﺎﻭﺭﻣﺎ ﺷﻬﺪ .. ﺑﺮﺍﺣﺘﻚ ﻋﻠﻲ .. ﻟﺤﻢ ﻟﻮ ﺩﺟﺎﺝ ﺷﻬﺪ .. ﺑﻜﻴﻔﻚ ﻋﻠﻲ .. ﻫﻮﻩ ﺍﻧﻲ ﺷﻜﻮﻝ ﺗﻜﻮﻟﻴﻠﻲ ﺑﻜﻴﻔﻚ ﻭﺑﺮﺍﺣﺘﻚ ﺟﺎ ﻋﻠﻴﻤﻦ ﺳﺎﺋﻠﺞ ﺧﻮ ﺍﻧﻲ ﺍﻃﻠﺐ ﺑﺪﻭﻥ ﻣﺎ ﺍﻛﻠﺞ ﺷﻬﺪ .. ﻫﻬﻬﻪ ﺩﺟﺎﺝ ﻋﻠﻲ .. ﻳﺎ ﺻﻠﻮﺍﺕ ﻋﻠﻰ ﻣﺤﻤﺪ ﻣﻦ ﻧﻄﻘﺘﻴﻬﺎ ﺩﺯﻳﺖ ﺍﻟﻬﺎ ﺷﺎﻭﺭﻣﺎ ﻭﻛﺎﻣﺖ ﺗﺎﻛﻞ ﺍﺑﺎﻭﻋﻬﺎ ﺷﻠﻮﻥ ﺗﺎﻛﻞ ﺑﻨﺰﺍﻛﻪ ﺑﻘﻴﺖ ﺻﺎﻓﻦ ﺑﻴﻬﺎ ﺍﻧﺘﺒﻬﺘﻠﻲ ﺷﻬﺪ .. ﻛﻌﺪﺕ ﺍﻛﻞ ﺍﺣﺐ ﺍﻟﻜﺺ ﺧﺎﺻﻪ ﺍﺫﺍ ﺩﺟﺎﺝ ﺑﺲ ﺷﻠﺖ ﻋﻴﻨﻲ ﻟﻜﻴﺘﻪ ﻳﺒﺎﻭﻋﻨﻲ ﺧﺠﻠﺖ 😶 ﻛﺘﻠﻪ ﺷﺒﻴﻚ 😐 ﻋﻠﻲ .. ﻫﻬﻬﻪ ﻣﺎﻛﻮ ﺷﻲ ﻛﻤﻠﻲ ﻛﻤﻠﻲ ﺑﻘﺖ ﺗﻜﻤﻞ ﺍﻧﻮﺏ ﺍﺗﺬﻛﺮﺕ ﺍﻧﻲ ﻟﺴﻪ ﻣﺎ ﻋﺮﻓﺖ ﺍﺳﻤﻬﺎ ﺷﻬﻠﻐﺒﺎﺀ ﺿﺮﺑﺖ ﻋﻠﻪ ﺭﺍﺳﻲ ﻭﻛﺘﻠﻪ ﺻﺪﻭﻙ ﺷﺴﻤﺞ ﺷﻬﺪ .. ﻫﻬﻬﻬﻪ ﺍﺳﻤﻲ ﺷﻬﺪ ﻭﺍﻧﺘﻪ ﻋﻠﻲ .. ﺍﺳﻤﻲ ﻋﻠﻲ ﺗﺪﺭﻳﻦ ﻧﺴﻴﺖ ﺍﺳٲﻟﺞ ﻋﻠﻪ ﺍﺳﻤﺞ ﻃﻮﻝ ﻫﻠﻴﻮﻡ ﻭﺍﻟﻠﻪ ﺩﺍﻳﺦ ﺍﻧﻪ ﺧﺮﺭﺭﺏ ﺷﻬﺪ .. ﻭﺍﻧﻲ ﺍﻛﺜﺮ ﻣﻨﻚ ﻳﻠﻪ ﻋﺎﺩﻱ ﻣﻮ ﻣﻬﻢ ﻛﻤﻠﺖ ﺩﺧﻠﺖ ﻟﻠﺤﻤﺎﻡ ﻭﻃﻠﻌﺖ ﻟﻜﻴﺖ ﻛﺎﻋﺪ ﻭﺩﺍﻓﻊ ﺍﻟﺤﺴﺎﺏ ﻛﺎﻝ ﻋﻠﻲ .. ﻛﻤﻠﺘﻲ ﺷﻬﺪ .. ﺍﻱ ﻋﻠﻲ .. ﻳﻠﻪ ﻟﻌﺪ ﺧﻞ ﻧﺮﻭﺡ ﺍﺧﺬﺗﻬﺎ ﺭﺩﺕ ﺍﻋﺒﺮ ﺍﻟﺸﺎﺭﻉ ﻟﺰﻣﺖ ﺍﻳﺪﻫﺎ ﻭﻣﺸﻴﺖ .. ﻟﻠﺤﻀﻪ ﺣﺴﻴﺖ ﻧﻔﺴﻲ ﻣﺴﺆﻝ ﻋﻨﻬﺎ ﻭﻻﺯﻡ ﺍﻋﺘﻨﻲ ﺑﻴﻬﺎ ﻭﺍﺧﺎﻑ ﻋﻠﻴﻬﺎ ﻭﺻﻠﻨﺎ ﻟﻠﺴﻴﺎﺭﻩ ﺻﻌﺪﺕ ﻭﻛﺘﻠﻬﺎ ﺍﻧﻄﻴﻨﻲ ﺍﻳﺪﺝ ﺻﻌﺪﺗﻬﺎ ﻭﺻﺎﺭﺕ ﻗﺮﻳﺒﻪ ﻣﻨﻲ ﺍﺗﻠﺨﺒﻄﺖ ﻭﺍﺣﺲ ﺣﺮﺍﺭﺗﻲ ﺻﻌﺪﺕ ﻛﺘﻠﻬﺎ ﺍﺭﺗﺎﺣﻲ ﻧﺎﻣﻲ ﺷﻬﺪ .. ﻻ ﺗﻌﺒﺖ ﻣﻦ ﺍﻟﻨﻮﻡ ﺧﻠﻴﻨﻲ ﻛﺎﻋﺪﻩ ﻋﻠﻲ .. ﺍﻫﺎ ﺑﺮﺍﺣﺘﺞ ﺷﻬﺪ .. ﻣﻦ ﻟﺰﻣﻨﻲ ﻣﻦ ﺍﻳﺪﻱ ﻭﻋﺒﺮﻧﻲ ﺍﻟﺸﺎﺭﻉ ﺷﻲ ﺑﺪﺍﺧﻞ ﻓﺮﺡ ﺍﻃﻤٲﻧﻴﺖ ﻟﻠﺤﻀﻪ ﺣﺴﻴﺖ ﺍﻟﻲ ﺳﻨﺪ ﺍﻛﻮ ﺷﻲ ﺑﻬﻠﺪﻧﻴﺎ ﻳﺤﻤﻴﻨﻲ ﺣﺘﻪ ﻟﻮ ﻳﻮﻣﻴﻦ ﺑﺎﻭﻋﺖ ﻋﻴﻮﻧﻪ ﻛﻤﺖ ﺍﺷﻮﻑ ﺑﻴﻬﻦ ﺧﻮﻑ ﻋﻠﻴﻪ ﻛﻌﺪﺕ ﻳﻤﻪ ﺟﺎﻥ ﺍﻟﻬﻮﺍ ﺑﺎﺭﺩ ﻛﻮﻟﺶ ﺑﺎﻭﻋﺖ ﺍﻟﻔﻮﻥ ﻣﺎﻟﺘﻪ ﻛﺘﻠﻪ ﻋﺎﺩﻱ ﺍﻟﻌﺐ ﺑﻴﻪ ﻋﻠﻲ .. ﺍﻱ ﻛﺪﺍﻣﺞ ﺑﻴﻪ ﺍﻟﻌﺎﺏ ﻛﻮﻣﻪ ﺍﻟﻌﺒﻲ … ﺍ ﺧﺬﺗﻪ ﻭﻛﺎﻣﺖ ﺗﻠﻌﺐ ﺍﺧﺮ ﺷﻲ ﺷﻔﺖ ﺍﻟﻤﻮﺑﺎﻳﻞ ﻭﻛﻊ ﻣﻦ ﺍﻳﺪﻫﺎ ﺍﺑﺎﻭﻋﻬﺎ ﻧﺎﻳﻤﻪ ﺿﺤﻜﺖ ﻫﻬﻬﻪ … ﻭﻛﻔﺖ ﺍﻟﺴﻴﺎﺭﻩ ﺷﻮﻳﻪ ﻋﺪﻟﺖ ﻧﻮﻣﺘﻬﺎ ﻭﺟﺮﻳﺖ ﺍﻟﻐﻄﻪ ﻭﻏﻄﻴﺘﻬﺎ ﺍﺑﺎﻭﻋﻠﻬﺎ ﻭﺍﺑﺘﺴﻢ ﺣﻠﻴﻮﻩ ﺭﺑﻲ ﻳﺴﺘﺮ ﻋﻠﻴﻬﺎ ﺍﻭﻭﻭﻑ ﻻ ﺍﻛﺪﺭ ﺍﺧﺬﻫﺎ ﻭﻻ ﺍﻛﺪﺭ ﺍﺑﻘﻴﻬﺎ ﺯﻳﻦ ﻭﻳﻦ ﺍﻭﺩﻳﻬﺎالعضوة: 522131 , 5 years ago
ﻳﻠﻪ ﺭﺑﻚ ﻳﺤﻠﻬﺎ ﺧﻞ ﺍﺧﻠﺺ ﻫﺴﻪ ﻣﻦ ﺍﻟﺒﻀﺎﻋﻪ ﻭﺍﻟﻠﻪ ﻛﺮﻳﻢ .. ﺣﺴﻴﺖ ﻧﻔﺴﻲ ﺛﻘﻠﺖ ﻋﻴﻮﻧﻲ ﻧﻌﺴﺖ ﻭﺍﻟﺠﻮ ﺑﺎﺭﺩ ﻭﺻﺎﺭ ﺍﻟﻠﻴﻞ ﺻﻔﻴﺖ ﺑﻜﺮﺍﺝ ﺷﺎﺣﻨﺎﺕ ﻭﻧﻤﺖ . ﺷﻬﺪ .. ﻛﻌﺪﺕ ﻫﺎﻱ ﻭﻳﻦ ﻧﺎﻳﻤﻪ ﻛﻤﺖ ﺑﺎﻭﻋﺖ ﺍﻟﻐﻄﺎ ﻣﻐﻄﻴﻨﻲ ﺑﻴﻪ ﺩﺭﺕ ﻭﺟﻬﻲ ﻋﻠﻴﻪ ﻟﻜﻴﺘﻪ ﻧﺎﻳﻢ ﻛﻌﺪﻩ ﻋﻞ ﻛﺮﺳﻲ ﻣﺎﻟﺘﻪ ﻭﻣﻜﺮﻓﺺ ﻧﻔﺴﻪ ﻣﻦ ﺍﻟﺒﺮﺩ ﺷﻠﺖ ﺍﻟﻐﻄﺎ ﻭﻏﻄﻴﺘﻪ ﻭﻧﺰﻟﺖ ﻋﻠﻜﻴﻒ ﻣﻦ ﺍﻟﺴﻴﺎﺭﻩ ﺭﺣﺖ ﻟﻠﺤﻤﺎﻣﺎﺕ ﻣﻮﺟﻮﺩﻩ ﺑﺎﻟﻜﺮﺍﺝ ﻏﺴﻠﺖ ﻭﻛﻤﻠﺖ ﺑﺲ ﻃﻮﻟﺖ ﺑﺎﻟﺤﻤﺎﻡ ﺩﺍ ﺍﻃﻠﻊ ﻭﺍﻧﺼﺪﻡ ﺑﻌﻠﻲ .. ﻋﻠﻲ .. ﻛﻌﺪﺕ ﻣﻦ ﺍﻟﻨﻮﻡ ﺍﻟﺪﻧﻴﺎ ﺍﻟﻔﺠﺮ ﺑﺎﻭﻋﺖ ﺍﻟﻐﻄﺎ ﻋﻠﻪ ﺟﺴﻤﻲ ﺩﺭﺕ ﻭﺟﻬﻲ ﻋﻠﻴﻬﺎ ﺑﺲ ﻫﻴﻪ ﻣﺎﻛﻮ ﻛﻤﺰﺕ ﺑﺴﺎﻉ ﻭ ﺷﻤﺮﺕ ﺍﻟﻐﻄﺎ ﻭ ﻧﺰﻟﺖ ﺍﺩﻭﺭ ﻋﻠﻴﻬﺎ ﺍﺑﺎﻭﻉ ﺑﻴﻦ ﺍﻟﺴﻴﺎﺭﺍﺕ ﻣﺎﻛﻮ ﻃﻠﻌﺖ ﺑﺮﺍ ﺍﻟﻜﺮﺍﺝ ﺍﻟﺸﺎﺭﻉ ﻓﺎﺭﻍ ﻣﺎ ﺑﻴﻪ ﺻﻮﺕ ﺍﺳﺘﻐﻔﺮ ﺍﻟﻠﻪ ﻳﺎ ﺭﺑﻲ ﻫﺎﻱ ﻭﻳﻦ ﺭﺍﺣﺖ ﺷﻠﻮﻥ ﻫﻴﺞ ﺗﻨﻬﺰﻡ ﻟﻮ ﻟﺰﻣﻬﺎ ﻭﺍﺣﺪ ﻭﺷﺎﻓﻬﺎ ﻭﺣﺪﻫﺎ ﻣﺮﺍﺡ ﻳﺮﺣﻤﻬﺎ ﺑﻘﻪ ﻛﻠﺒﻲ ﻃﺎﻳﺮ ﻋﻠﻴﻬﺎ ﻭﺍﻧﻲ ﺍﺩﻭﺭﻫﺎ ﺍﺧﺮ ﺷﻲ ﻛﻠﺖ ﺧﻞ ﺍﺷﻮﻓﻬﺎ ﺑﺎﻟﺤﻤﺎﻣﺎﺕ ﻣﺎﻝ ﺍﻟﻜﺮﺍﺝ ﺭﺟﻌﺖ ﺭﻛﺾ ﺩﺍ ﺍﻓﺘﺢ ﺍﻟﺒﺎﺏ ﺻﺎﺭﺕ ﺑﻮﺟﻬﻲ ﺻﺤﺖ ﺑﻴﻬﺎ ﻣﻦ ﺍﻟﻠﻪ ﻳﻠﻌﻦ ﺑﻠﻴﺴﺞ ﻭﻳﻦ ﺭﺣﺘﻲ ﺑﺼﻮﺕ ﻋﺎﻟﻲ ﺷﻬﺪ .. ﺧﻔﺖ ﻣﻦ ﺻﺎﺡ ﺑﻴﻪ ﻛﺘﻠﻪ ﺑﺲ ﻧﺰﻟﺖ ﻟﻠﺤﻤﺎﻡ ﻭﺍﻟﻠﻪ ﻭﺑﺠﻴﺖ ﻋﻠﻲ .. ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﻭﺍﻟﻠﻪ ﻣﻮ ﻗﺼﺪﻱ ﺍﺑﺠﻴﺞ ﺑﺲ ﺻﺎﺭﻟﻲ ﺳﺎﻋﻪ ﺍﺩﻭﺭﺝ ﻋﺒﺎﻟﻲ ﺭﺣﺘﻲ ﻟﻮ ﺗﻬﺘﻲ ﺷﻬﺪ .. ﺧﻔﺖ ﻋﻠﻴﻪ ﺑﺎﻭﻋﺘﻠﻪ ﻭﺩﻣﻮﻋﻲ ﺑﻌﻴﻨﻲ ﻋﻠﻲ .. ﻻ ﻋﻠﻪ ﺍﻣﻲ ﺩﻣﺸﻲ ﺍﻣﺸﻲ ﺭﺍﺡ ﻛﻠﺒﻲ ﺧﺮﻩ ﺑﺒﻠﻴﺴﺞ ﻣﺸﻴﺘﻬﺎ ﻟﻠﺴﻴﺎﺭﻩ ﺻﻌﺪﺗﻬﺎ ﻭﺻﻌﺪﺕ ﺑﺎﻭﻋﺘﻠﻬﺎ ﺗﺒﺎﻭﻉ ﺑﻮﺟﻬﻲ ﻛﺘﻠﻬﺎ ﺷﺒﻴﺞ ﺷﻬﺪ .. ﺻﺎﺭ ﻫﻮﺍﻱ ﻣﺸﺎﻳﻔﻪ ﺍﺣﺪ ﻳﺨﺎﻑ ﻋﻠﻴﻪ ﻟﻮ ﻳﺤﺠﻲ ﻭﻳﺎﻳﻪ ﺑﻬﻠﻌﺼﺒﻴﻪ ﻟﻤﺼﻠﺤﺘﻲ ﻋﻠﻲ .. ﺑﺎﻋﻲ ﺷﻬﺪ ﺍﻧﺘﻲ ﺑﺤﻤﺎﻳﺘﻲ ﻭﻣﺴﺆﻟﻴﺘﻲ ﻣﻨﺎ ﻟﻤﺎ ﺍﺭﺟﻌﺞ ﻟﺒﻴﺘﺞ ﺳﺎﻟﻤﻪ ﺷﻬﺪ .. ﻣﺘﻘﺼﺮ ﺷﻜﺮﺍ ﻋﻠﻲ .. ﻻ ﻫﺬﺍ ﻭﺍﺟﺒﻲ .. ﺻﻔﻨﺖ ﻋﻠﻪ ﺭﻭﺣﻲ ﺻﺪﻭﻙ ﺷﺒﻴﻪ ﺷﺒﻴﺖ ﻧﺎﺭ ﻣﻦ ﻟﻤﺎ ﻣﺎ ﻟﻜﻴﺘﻬﺎ ﺣﺮﻛﺖ ﺍﻟﺸﺎﺣﻨﻪ ﻭﻣﺸﻴﺖ ﻛﺎﻣﺖ ﺍﻟﺪﻧﻴﺎ ﺗﻤﻄﺮ ﻭﻫﻴﻪ ﻛﻞ ﺳﺎﻋﻪ ﺍﻃﻠﻊ ﺭﺍﺳﻬﺎ ﻣﻦ ﺍﻟﺠﺎﻡ ﻭﺗﺴﺘﻨﺸﻖ ﺍﻟﻤﻄﺮ ﻛﺘﻠﻬﺎ ﺳﺪﻱ ﺍﻟﺸﺒﺎﻙ ﺍﻟﻤﻄﺮ ﻗﻮﻱ ﻻ ﺗﺘﻤﺮﺿﻴﻦ ﺷﻬﺪ .. ﻻ ﺑﻠﻌﻜﺲ ﺣﻠﻮ ﺍﻟﺠﻮ ﻭﺍﻃﻠﻊ ﺭﺍﺳﻲ ﻣﻦ ﺍﻟﺸﺒﺎﻙ ﻭﺍﺻﻴﺢ ﻳﺎﻫﻮﻭﻭﻭﻭﻭ ﻋﻠﻲ .. ﻫﻬﻬﻬﻪ ﺧﺒﺎﻝ ﻭﺍﻟﻠﻪ ﺧﺒﺎﻝ ﻭﺍﺿﺤﻚ ﻭﺍﻫﺰ ﺑﺮﺍﺳﻲ ﺷﻬﺪ .. ﻋﻼﻭﻱ ﻭﻛﻒ ﺍﻟﺴﻴﺎﺭﻩ ﺧﻞ ﻧﻨﺰﻝ ﺑﺎﻟﻤﻄﺮ ﻋﻠﻲ .. ﻻ ﻻ ﺍﻧﺘﻲ ﺗﺨﺒﻠﺘﻲ ﺭﺳﻤﻲ