العضوة: 651837 , 6 years ago

بسم الله ابداي بحوايحك ٢ لباس تاعك بيجامة او روبة وبما انو البرد زيدي فيزو ريحيات، بابوش، ملابس داخلية سفلية ٣او ٤ قطع لانو ممكن يخرج دم تحتاجي تبدلي ٢ قطع فوق فوط (لبوند) منشفة بوندانة لشعرك صاك توالات (صابون، معجون اسنان شيتة سواك كحل احمر شفاه...) كمينو، البنوتة ديريهم مع بعض من فوق في الكابة باه كي يزيدوك يروحو يجيبوهم يلقاوهم قدامهم ٢قمايط حزام زاورة بوني تريكو ان شاء الله نكون فدتك واذا تفكرت نزيد نحط وربي يسلكك على خير

العضوة: 651837 , 6 years ago

ولنجات والايكوش وستيك (مزيل العرق)

العضوة: 560329 , 6 years ago

من متى نجهز اغراض المستشفى من الثامن او بداية التاسع

العضوة: 659131 , 6 years ago

ربي يحفظك حنونة وباذن الله نتفكرك بالدعاء 😚😚

العضوة: 659131 , 6 years ago

من الافضل يكون كلشي واجد فالسابع وحقيبة الولادة في الثامن احسن

العضوة: 570143 , 6 years ago

انا عمري 16سنة وأول حمل ليا لو سمحتي تدعيلك انا راني فالشهر السابع دعيلي ربي يسهلي

العضوة: 645114 , 6 years ago

ضفي اليها سوسات وبيبرون وعلبة فيها تمر للاكل بعد الولادة وتحنيك المولود، وقارورة ماء ، ونصيييييييحة خذي معاك حفاظات الكبار استخدميهم انت في مكان ليبوند باش ماتظليش رايحة جاية للمرحاض ، والبرد ثمة والميكروبات. وانا الحق ندي معايا تحاميل سباسفون خشية الوجع الي يأتي بعد الولادة (الأم) وندي علبة حليب صناعي لاحتمال عدم نزول الحليب في الثدي واذا جاع راح يبقي غير يبكي ويتعبك رب يسهل علي وعليكم

العضوة: 659131 , 6 years ago

شكرا حبيبتي يعطيك الصحة ايه شريتهم الحفاظات الكبار يهنو

العضوة: 659131 , 6 years ago

اووووو اصغر حامل هههههه وانا مخلوعة كيفاش عمري 19 وبالحمل .ربي يسهلك اختي وتوفيه في احسن حال 😚😚

العضوة: 660312 , 6 years ago

سلام حبيبتي إن شاء الله ربي يرزقك وقفة ساهلة

العضوة: 310096 , 6 years ago

@user-659131 انا في عمري 20 و عندي طفلة في عمرها 8 اشهر ... وقفة ساهلة انشاء الله ختي

العضوة: 659131 , 6 years ago

ان شاء الله حبيبة

العضوة: 310096 , 6 years ago

@user-659131 @Martah 😍🇩🇿 بنسبة لحوايج بيبي ادي زوج تبديلات و ديري كل تبديلة فساشي وحدها باش تكون واجدة ديري فكل ساشي تريكو تبو و تريكو دومي مونش و قغونوياغ و تقاشير و شاشية و ليكوش اشري بامبيز احسن ماركة بنتي ملي زادت نديرهملها و ديري فكابة كوفيرطة للبيبي و سوسات و بيبرو ديري فيه ماء زمزم الا كان متوفر و لانجات و قماطة و دي معاك شوي تمر مور زيادة اما بنسبة ليك نتي ادي بيجامة مع بينوار تعها و سليبات و فيزو و روبة البسيها كي تروحي تزيدي كي تولدي باش تبدلي و تلبسي بيجامة و بينوار و ادي باكي ليبوند كبار و وحدة ليكوش كبار اشري وحدة برك البسيها نهار لول برك يكون دم بزاف انا شريت ربعة دارلي لحب منهم ماشي ملاح بزاف و أدي دراوات و غلاف مخدة راكي علابالك سبيطارات تاوعنا و ادي ريحة شابة ادي شويا ماكياج كحل انا فلحق ديتو و حاجة مدرتهاش من خلعة و أشري شميعات سباسفون تسحقيهم مور زيادة يجيك سطر ديريهم و اشري كومبراس و دارماكول باش تعقمي مكان خياطة و ربي يسهلك

العضوة: 659131 , 6 years ago

ان شاء الله اختي يعيشك 😘من وين نتي

العضوة: 310096 , 6 years ago

@user-659131 بلا مزية حنونة 😙😙انا من وهران و نتي