هاد البوست عشان اوثق ذكرياتي بالحمل ... من شو اعاني هالفترة وكيف الحمل معي وهيك شغلات باقي يومين او تلاتة وبفوت بالخامس ان شاء الله ولسا للاسف مابعرف شو جنس الجنين وموعدي بعد ست ايام وان شاء الله رح اعرف. احيانا احس بثقل فظيع وكأني حامل بالتاسع، هاد غير حاجتي للحمام مستحيل اصبر دقيقة. طبعا الغثيان تبع الشهور الاولى وقف من زماان وهلا رجعت شهيتي عالاكل عادية ... باكل كلشي ماعدا الاشياء اللي كرهتها من بداية حملي مثل الاندومي والشاورما بطلت احبها كتير اكثر شي خايفة منو هو زيادة الوزن لان بحملي الاول زاد وزني فوق العشرين كيلو وصرت مثل الدائرة المتحركة خصوصاً اني قصيرة بعرف انو في كتير طرق ممكن انو اساعد نفسي عشان مايزيد وزني بس النفس امارة بالسوء ولما اشوف الاكل ما امسك نفسي رغم انو شهيتي عالاكل عادية مو زايدة عكس حملي الاول انفتحت شهيتي عالاكل جدااااا لدرجة زدت 4 كيلو بسرعة البرق ااه ولاحظت انو وجهي صار يطلع فيه حبوب بزيادة!! وماني ذاكرة انو في حملي الاول طلعلي حبوب يعني كانت بشرتي عادية! الحمدلله ❤️😁