صبايا انا من حوامل 7ديسمبر يوم الاثنين رحت مركز صحي اطمن ع الجنين بالسونار وفحصتني داخلي قالت الدكتوره 1سانتي التوسع طبيعي للي بالتاسع يوم السبت رحت مركز صحي فيه قريبتي خلت الدكتوره تفحصني قالت التوسع 4سانتي وعملت تحريض رجعت ع بيتي وبدات تغيرات ع جنين الحركة والضغط لتحت وتعب وشد رجلي واوجاع ونزلت سداده الرحم على دفعتين وانا متوتره جهزت اغراضي وقلت لزوجي خلص بدي اروح اولد لان انا مابولد غير بطلق صناعي اخذت اغراضي ورتبت اموري ورحت ع المستشفى اخدتني القابله تفحصني عشان تتاكد من التوسع دخلت غرفه فيها وحده ثانيه ماخذه تحميله وبتتوجع وتصرخ انا شفتها متت خوف صرت بدي اهرب بس قلت خلص الوجع لابد منه اجت القابله تفحصني داخلي فاجأتني ان التوسع 1سانتي وحكتلي ارجعي بيتك طبعا انا طرت فرح ماصدقت لبست فورا وطلعت اركض زوجي انصدم بيقول ليش طلعتي وجهك متغير مو متل مادخلتي كنتي صفرا لما دخلتي طلعتي حمرا حكيتله مافي ولاده 💃🏻💃🏻💃🏻طبعا الموضوع مرعب وانا بالاسبوع 38على حساب الدوره بس بالسونار بالاسبوع40 قالتلي الدكتوره بترجعي بعد اسبوع وبتشيكي عشان التوسع طبعا اولادي ياحرام زعلوا كانوا بدهم ارجع البيبي بحضني رجعتلهن البيبي لسا ببطني بس شو اعمل الخوف نشف عروقي بس هدا اللي صار معي يومين وانا ع اعصابي والنفسيه اساس كل شي