بدي احكي تجربتي مع حملي الثالث ولدت بتاريخ 7/12/2020 وكان باقيلي يومين وأخلص شهري بيوم الولادة تمشيت شي 20 دقيقة واكلت سبع تمرات ورجعت ع بيت ساويت الغدا وبعد الغدا رحت مشان اتحمم دهنت بطني واسفل ضهري ومنطقة العجان وصدري بزيت زيتون شي عشر دقايق وبعدما خلصت صار جماع والجماع كان أيضا بزيت الزيتون بعتذر ع شفافية وصارت الساعة 8 المساء وكنت قاعدة إجاني مغص اسفل بطني طلعت ع ساعة قلت بحسب وبعد عشر دقايق كمان إجاني مغص تاني قلت لزوجي شكلو اليوم رح يزيد نفر ع عيلة ضليت ساكتة لحتى 10 وكان المغص مستمر كل عشر دقايق وعم يقوى شربت حليب مع زنجبيل واكلت تمر كمان وضليت امشي بالغرفة عشيت ولادي ونيمتون وصار الساعة 1 حكيت مع امي قلتلها تعي وفعلا اجيت بس كان الطلق متباعد صارت 1 ونص وصار الطلق كل خمس دقايق او دقيقتين رحت ع مستشفى قالو ولادة بسرعة ع غرفة التوليد😂 انصدمت هون قالت بس يجي الطلق شدي لتحت ماضل كتير وفعلا نص ساعة وكنت ولدانة ولله الحمد ما كان عندي شق عجان وهلا بنتي حبيبتي بحضني نصيحتي الكم لا تستعجلون ع مشفى خدي وقتك بالبيت احسن من المشفى اسفة طولت عليكم بس كانت ولادتي سهلة جدا الحمد لله