الحمد لله انا بكريه و ولدت اليوم الظهر على الساعه 11 بعد ما طلعت روحي يومين اطلق وقف الرحم عند خمسه سانتي وافتحو ماي الجنين عشان يتوسع اكثر وزاد علي الوجع ومانزل راسه ولاتوسع الى ان بين في التخطيط انه نبض الجنين بدا يقل وانا تعبت مو قادره اتنفس حولوني قيصريه قبل لا يختنق البيبي والحمد لله ولدت قيصريه بدون ما احس بنقطة الم تخدير كامل لدرجه لما صحيت بعدها بساعتين يقول لي الدكتور الحمد لله على السلامه قلت له الحمد لله على ايش شنو صاير ( ما كنت ادري اني ولدت خلاص) الدكتور خاف ان مخي ضرب من البنج😂 صار يسألني عن اسمي و اسم المستشفى جاوبته صح قال ايه الحمد لله على السلامه ولدتي انا من الصدمه وخرت اللحاف عن بطني اشوف صدق ولدت راح بطني قلت وين ولدي ابي اشوفه قال في الحضان تعب شوي بعد الطلق ونزول النبض ف حطينها على الاكسجين والحمد لله صحته زينه وطبيعيه ربي تمم لنا على خير ورزقني ب ولد سميته على جده (خليفة) صدق من شفته بصحه وعافيه قلت يفداه يومين عذاب اللهم لك الحمد والشكر 💙 من حوامل اغسطس اخر دوره كانت 23/8 عقبالكم يا حوامل يفرح قلبكم بمواليدكم ويخفف عنكم اوجاعكم الله يسل عليكم يارب💐