الحمد لله الذي بنعمته تتم الصالحات .. الحمد لله ربي أكرمني وأقر عيني برؤية ابني اخر دورة الي ب 1/4/2017 من حوامل ابريل قصة ولادتي .. طبعا انا كنت مهددة بالولادة المبكرة من الشهر التامن بسبب تسريب بمي البيبي .. واخدت ابر رئة والحمد لله وضعي استقر وضليت تحت مراقبة دكتورتي لحتى دخلت اول يوم بالأسبوع 40 وحددتلي الدكتورة بشكل فوري طلق صناعي طبعا بالبداية رفضت انا وزوجي على اد ما سمعت عذاب والم الطلق الصناعي .. الدكتورة خبرتنا ازا اهملنا الموضوع وادى لوفاة الطفل على مسؤوليتنا ولله الحمد وافقنى.. رجعت ع البيت ساعة جهزت وضعي واخدت شنتاية البيبي ورجعت ع المستشفى .. دخلت الساعة 1 بالليل يوم الأحد عطتني كبداية حبة للتحريض واستلي عنق الرحم كان فاتح 1 سانتي فقط وعملتلي تخطيط لابني وكان الوضع تمام.. وطلعت ع غرفتي بالمستشفى حتى الساعة 4 ونص ع صلاة الفجر من يوم الاثنين كنت عم بستنى التحريض ياخد مفعولو.. الساعة 4 ونص عملت فحص داخلي والوضع متل ماهو وماكنت حاسة بطلق وحطوني ع جهاز التخطيط وبين معي طلق خفيف .. عملتلي الدكتورة ع الساعة 5 فحص نسائي وهي عم تعمل طقت مية البيبي كاملة بايدا وطلعت المي لونا أخضر وكان الوضع خطر ع ابني وحولوني قيصرية فورا .. الحمد لله ماتعزبت بالطلق الصناعي وبعدين تحولت للعملية بس كتير خفت من العملية بالبداية كوني بكرية وحسيت اني حموت والحمد لله ربي هونا علي وع الساعة 6 الصبح يوم الاثنين 1/1/2018 سمعت صرخة ابني هو وطالع من بطني .. وكل شي هان لمى شفت ابني ولله الحمد وعقبالكن يا حوامل ربي يتمملكن ع خير ❤