#الحامل - الحامل بيكون عندها خمول وتعب و كل ساعة بحال..قدًروا هاد وما تحسسوها انها مقصرة طول الوقت. - مش مستنية حد يعلًق على وزنها. - مزاجها متقلًب، غصب عنها. - ما حدا يستهتر بتعبها... قال عز و جل " وهناً على وهن ".. - عارفة ان انفها كبران.. مش محتاجة تعليقك اللطيف! - عارفة ان وجها و جسمها منفًخ..احتفظي بالمعلومة العسل وبلا التعليق. - الحامل خصوصاً لأول مرة بتفرح بكل لحظة بطنها بتكبر فيها و لو نتوفة...خليها تفرح براحتها. - بتزعل كتير لو حدا لقاها بتاكل و علًق على اكلها او كميته.. - جملة " ولااااو ما عرفتك و انتي حامل " ليش هي تحولت لكائن فضائي؟! - بتكون حساسة كتير.. هاد شغل هرمونات مش ذنبها. - فرحانة بالبيبي زي ما كنتي مستنية بنتك او ابنك بلهفة فما تضيعي فرحتها بإنه اللي جاي سواد و سهر و بهدلة!! - مستنية كلام ايجابي مش كلام يرعبها. - "و ليش وجهك اصفر " ...اطمني عليها من غير ما ترعبيها. - الولادة بالنسبة الها بعبع، ياريت تهديها و اطمنيها. مش كل كلامك معاها عن كوارث الولادات و مصايب تشًيب.. - في مرحلة اختيار " اسم البيبي" اهم شي في حياتها هي غريزة أمومة تختار اسمه بعد ما تعبت فيه... - ما حدا يعطيها محاضرة عن الولادة الطبيعية أو القيصرية .. هاد قرار دكتور و قرارها.. - الحامل مش مستنية حدا يقولها كيف راح ينزل وزنك بعد الولادة..كل حمل وإلو ظروفه.. الاطفال نعمة و رزق و مهما تعبنا معاهم هم بضلو زينة الحياة الدنيا.. - و اخيراً القاعدة الذهبية " عندك كلمة حلوة كترً خيرك.. ما عندك بلاها تعليقاتك. ✋