شلونكم بنات .. الي صار وياي اليوم شي اشبه بلحلم ساعه 1 قبل سبع ساعات ولدت ابني يمان الحمدلله كانت ولادتي سهله بفضل الله ولو انحسبت ع شهر الثامن لان اني اخر دورة كانت 3 مايو وبعد ثلاثه ايام ادخل شهر التاسع بس ربي كاتب اولد بهذا اليوم والحمدلله ابني صحته زينه واني من شفته نسيت كل اوجاعي كانت ولادتي شويه مؤلمه بس الحمدلله وجع ساعه نسيته وراح ولدت طبيعي كنت مقررة قيصيري بس مالحقت وللعلم ماضهرت عندي علامات طلق ابد فجأ بعد العشاء كنت متسطحه وماعندي اي الم ماحسيت اله دم نزل عندي بس كان هواي مو قليل رحت ع المستشفى طلع توسع 2 اصبع ضربت ابره ماطولت ربع ساعه وصارت ولادة .. ربي يسهل عليكم مثل ماتسهلت ولادتي بحق رب العز والجلاله