صحيت ساعة ٦ الصباح جان عندي طلق خفيف بس جان منتظم وظليت هيج لين العصر سرت ع دكتورة كالتلي الرحم فاتح ١ فنجر رديت البيت شربت زيت خروع ورديت من العياده لين البيت سرت امشي وجنت اكل تمر وعسل لين الليل الساعه ٩ زاد عندي الالم اتصلت بدكتورتي اجت وياي للبيت فحصتني كالت بعد مفتوح ١ ونص فنجر وصبرت والالم يزيد هواي كلت خلص اروح المشفى رحت وجان رحم فاتح ٢ ونص فنجر وصبرت لين ع ساعه ٦ الفجر يوم الاربعاء صار ٣ فنجر وجان يزيد الالم م اوصف لكم شكد تعب والم صدك الولاده كلش صعبه وصبرت لين ساعه ٧ صار ٤ وساعه ٨ ونص جنت احس شي يريد يطلع مني كالت دكتوره خلص هسه صار ولاد وهسه تبدا سالفه جديده زحمه كلش صعبه وجنت م اعرف بعدني اول طفل الي تعبت بس الحمدلله هانت وولدت بسلامة اني وابني وللبنات الي يسالون شلون ولدتي بسرعه بصراحه اول شي بامر الله كله وتانيا جنت امشي هواي من طبيت شهر تاسع امشي يوميا ساعه لو ساعه ونص ويجون طريق طويل لين تحسين تعب وتقلصات تردين وهيج وجنت اشرب مرتين باليوم عسل وزيت زيتون واكل تمر هواي والحمدلله ربي سهل ربي يتممم لكم على خيررر ويسهل لكم🖤🖤🖤😍