العضوة: 871176 , 5 years ago

العفو ❤ الله يخفف عنك و يقومك بالسلامة انتي و البيبي

العضوة: 809377 , 5 years ago

الوزن عندك الحمدلله نظامي طبعاً السونار بيعطي تقريباً 200 غ زيادة عن الوزن الطبيعي و الفحص الداخلي ما كتير بوجع اذا استرخيتي انا اليوم عملتو وما كان مزعج ابداً بس ليش بتولدي تحريض وطلق صناعي يعني مابيجيكي طلق ولا طلقك بارد ؟

العضوة: 838555 , 5 years ago

اي انا اولادي التلاتة ولدتون وزنون كيلين و٧٠٠ بولد اصطناعي لأنو مابحس بشي بس تقلصات بروح عالمشفي فاتح الرحم ٣ سانتي وفوق بس بابني الاول أول يوم بالأسبوع ٣٧ نزلت عليي المي كلها دغري دخلوني ولادة بس ولله ياهيفين أنا بخاف بضل بفكر بساعة الولادة الله ييسرها خاصة أنا لحالي هون مالي أهل وحماتي مرة كبيرة الله يفرجها

العضوة: 809377 , 5 years ago

@user-871176 الله يهونها علينا يارب والله هالشهرين بالاخير متعبين كتيييير والوحدة مابتصدق تولد وتشوف البيبي اليوم عم قلو لجوزي عن الي كانت منزلة موضوع انها بدها تدخل خشبة طويلة من تحت كرمال تنزل مية الراس وتولد بالسابع😫 قالت وقتها انها مو قادرة تتحمل الحمل اكتر من هيك عم قلو لجوزي هلا عم اعرف شعورها 😅

العضوة: 871176 , 5 years ago

عن جد في وحدة بدها تعمل هيك ههههه شو خلت للتاسع هههه هو سبحان الله تياسير انا ها الحمل الحمدلله ما تعبني نهائي لا اولو ولا آخرو الله يبعتلنا ولادة سهلة اجمعين يارب

العضوة: 838555 , 5 years ago

الحمدلله الله يكملها معك وتتيسر ولادتك كمان متل الحمل يارب وتقومي بالسلامة انتي والببوبو اديش انتي حامل بأي شهر

العضوة: 809377 , 5 years ago

@user-838555 مافي وحدة مابتخاف من الولادة ومابتفكر فيها انا من كثر التفكير بالولادة والقيصرية والتعب عم بنسى حتى فكر بالطفل وكيف راح يكون شكلو وكيف راح لعبو كل التفكير صاير بالتعب الي نحن فيه 😢 انا امي هون بعيدة عني بس عشر دقايق بالسيارة اول امبارح اجت نامت عندي طبخت ورتبتلي البيت و راحت وبعد كم يوم قال بدها تجي تعملي كبة وسمبوسك وتفرزلي ياهون 😋 بس انا والله مابسخى فيها مابدي غلبها معي

العضوة: 809377 , 5 years ago

@user-871176 اي والله من جد ومن كل عقلها عم تقول بتفوت خشبة طويلة وبتثقب الكيس كرمال تنزل المي انا مجرد التفكير بالموضوع ركبي صار يوجعوني😅 قلتلها بلكي ضربتي الخشبة بالجنين وصارلو شي لك بلكي قتلتيه صارت تتهجم علي وعلى كل الصبايا وقال نحن مو حاسين فيها 🤷‍♀️

العضوة: 838555 , 5 years ago

الله يخليلك ياها ويطول بعمرها يارب

العضوة: 63576 , 5 years ago

@user-809377 الله يقومك بالسلامة اختي بس مابيصير كل شي تقرأيه بالبرنامج تروحي تحكيه لجوزك مع احترامي الشديد الك

العضوة: 809377 , 5 years ago

@user-63576 عزيزتي الله يسلمك ويجزيكي خير لاوالله يا اختي انا من النوع الي ما بحكي شي من تفاصيل النسوان لاهون بالتطبيق ولا من العيلة ولا بشكل عام لجوزي وحتى موبايلي مابيفتح غير على بصمة عيوني و زوجي ما بيعرف شو فيو تطبيقات ولا شي وحتى المرا الي حكيت عنها انحذف موضوعها بس انو من شوي كنت كتير تعبانة وحكيت هيك بشكل عام قلت من فترة في وحدة حكت بدها تعمل هالشي كرمال تولد بسرعة قلت هلا عم حس بمعاناتها وما بيعرف هو حتى من وين سمعت ولا سأل

العضوة: 809377 , 5 years ago

@user-838555 الله يحفظك ويجمعك بامك عن قريب 🙏🏻 انتي ساكنة بالاردن ماهيك ؟

العضوة: 745837 , 5 years ago

السلام عليكم بنات مين مسجلة في الجوب سانتر تجاوبني . انا هلا فالشهر الثامن بس ما عطوني ولا شيء للبيبي رغم اني في الشهر الثالث عملت طلب ورسلت الأوراق يلي طلبو مني

العضوة: 809377 , 5 years ago

@user-745837 اهلا عزيزتي انا بصراحة زوجي بيشتغل من اربع سنين ونحن مو مسجلين عند الجوب سنتر بس قدمت على جمعية بتعطي مصاري لمستلزمات البيبي وكنت بالشهر السابع وبعد فترة حولولي لحسابي البنكي 2000 يورو

العضوة: 745837 , 5 years ago

@user-809377 تأخرو كثير ما اشتريت شي مهم غير الملابس من غير AWo عطوني 400€