ﺷﺎﺏ ﻳﺘﻠﺒﺲ ﺑﺎﻟﺠﻦ ﻭﻳﻜﻮﻥ ﻟﻪ ﻗﺮﻳﻦ ﻭﻳﺴﺎﻋﺪﻩ ﺗﺎﺭﻩ ﻭﻳﺆﺫﻳﻪ ﺗﺎﺭﻩ
ﻭﻳﺘﻌﺮﻑ ﻋﻠﻰ ﺑﻨﺖ ﻣﻦ ﺑﻠﺪ ﺍﺧﺮ ﻭﺑﻨﻔﺲ ﺣﺎﻟﺘﻪ ﻓﻠﻨﻌﺮﻑ ﺗﻔﺎﺻﻴﻞ ﺍﻟﻘﺼﺔ
ﺍﻟﻘﺼﺔ ﺣﻘﻴﻘﻴﺔ
ﺍﻟﺤﻴﺎﺓ ﻫﻲ ﺟﺴﺮ ﻃﻮﻳﻞ ﻳﻤﺮ ﺑﻪ ﺍﻻﻧﺴﺎﻥ ﻭﻣﻨﻬﻢ ﻣﻦ ﻳﺘﻌﺜﺮ ﻭﻳﻘﻊ ﺑﺒﻌﺾ ﺍﻻﻣﻮﺭ ﺍﻟﺴﻴﺌﺔ ﻭﻣﻨﻬﻢ ﻣﻦ ﻳﻌﺒﺮﻩ ﺑﺴﻌﺎﺩﺓ ﻭﺣﻴﺎﺓ ﺟﻤﻴﻠﺔ،
ﻫﻜﺬﺍ ﻫﻲ ﺍﻟﺪﻧﻴﺎ ﻧﻮﻟﺪ ﻭﻧﻤﻨﺢ ﺍﻟﺤﻴﺎﺓ ﻟﻢ ﻳﻜﻦ ﻟﺪﻳﻨﺎ ﺍﻱ ﺧﻴﺎﺭ ﺍﺧﺮ ﻏﻴﺮ ﺍﻻﺳﺘﺴﻼﻡ ﻟﻤﺎ ﻳﺪﻭﺭ ﺣﻮﻟﻨﺎ
ﻟﻢ ﻧﺨﺘﺎﺭ ﺍﺑﺎﺋﻨﺎ ﻭﻻ ﺍﻣﻬﺎﺗﻨﺎ ﻭﻻﺍﺳﻤﺎﻭﻧﺎ ﻛﻞ ﻣﺎﻋﻠﻴﻨﺎ ﺍﻟﺘﻌﻠﻢ ﻣﻦ ﺍﻫﻠﻨﺎ ﻋﺎﺩﺍﺗﻬﻢ ﻭﺗﻘﺎﻟﻴﺪﻫﻢ ﻭﻻ ﻧﺪﺭﻱ ﻓﻲ ﺍﻱ ﻣﺤﻄﺔ ﺗﺘﻮﻗﻒ ﺍﻭ ﻧﻨﺘﻈﺮ ﺍﻗﺪﺍﺭﻧﺎ ﻣﻜﺘﻮﺑﺔ ﺍﻋﻤﺎﺭﻧﺎ ﻣﺤﺴﻮﺑﺔ ﺍﺭﺯﺍﻗﻨﺎ ﺑﻴﺪ ﺍﻟﺨﺎﻟﻖ ﻭﻟﻼﻧﺴﺎﻥ ﺣﻖ ﺍﻻﺧﺘﻴﺎﺭ ﺑﻴﻦ ﻃﺮﻳﻖ ﺍﻟﺨﻴﺮ ﻭﻃﺮﻳﻖ ﺍﻟﺸﺮ
**************************
ﻣﺮﺣﺒﺎ : ﺍﻧﺎ ﻓﻬﺪ ﺣﺒﻴﺖ ﺍﺳﺮﺩﻟﻜﻢ ﻗﺼﺘﻲ ﻭﺍﺗﻤﻨﻰ ﺗﻌﺠﺒﻜﻢ ﻻﻥ ﺍﻻﺣﺪﺍﺙ ﺍﻟﻲ ﺷﻔﺘﻬﺎ ﻻ ﺗﺼﺪﻕ ﺍﺣﺪﺍﺙ ﻏﺮﻳﺒﻪ ﻣﻦ ﺍﻟﻌﺎﻟﻢ ﺍﻻﺧﺮ ﻭﻟﻜﻦ ﺣﺼﻠﺖ ﻟﻲ ﺑﺎﻟﺒﺪﺍﻳﺔ ﻛﻨﺖ ﺍﺗﻮﻗﻊ ﺍﻟﻮﺿﻊ ﻃﺒﻴﻌﻲ ﻭﺍﻟﻲ ﺟﺎﻱ ﻳﺤﺼﻞ ﻟﻲ ﻣﻤﻜﻦ ﻛﻞ ﺷﺨﺺ ﻳﻤﺮ ﺑﻲ ﻟﻜﻦ ﺑﻤﺮﻭﺭ ﺍﻟﻮﻗﺖ ﻓﻬﻤﺖ ﺍﻥ ﺣﺎﻟﺘﻲ ﺗﺨﺘﻠﻒ ﻭﺍﻟﻲ ﺟﺎﻱ ﻳﺤﺼﻞ ﺷﺊ ﻣﻤﻜﻦ ﺍﻛﻮ ﺍﺷﺨﺎﺹ ﻣﺎﻳﺼﺪﻗﻮﻧﻪ ﻭﻟﻜﻦ ﻫﺬﻩ ﻫﻲ ﺍﻟﺤﻘﻴﻘﺔ
ﻓﻬﺪ .... ﺍﻋﻴﺶ ﻣﻊ ﻋﺎﺋﻠﺘﻲ ﺍﻟﻤﺘﻜﻮﻧﻪ ﻣﻦ ﺍﺑﻲ ﻭﺍﻣﻲ ﻭﺯﻭﺟﺔ ﺍﺑﻲ ﻭﺍﺧﻮﺍﻧﻲ ﺍﻻﻭﻻﺩ ﻋﺪﺩﻫﻢ ﺧﻤﺴﺔ ﻭﺍﻟﺒﻨﺎﺕ ﺳﺘﻪ
ﻭﻟﺪﺕ ﻓﻲ ﺳﻨﻪ 1991 ﻓﻲ ﻫﺬﻩ ﺍﻟﺴﻨﻪ ﻛﺎﻥ ﺍﻟﻌﺮﺍﻕ ﻳﺨﻮﺽ ﺣﺮﺏ ﻟﺬﻟﻚ ﻭﺍﻟﺪﻱ ﻣﻜﺎﻥ ﻣﻮﺟﻮﺩ ﻭﺇﻧﻤﺎ ﻛﺎﻥ ﺑﺎﻟﺠﻴﺶ ﻓﻲ ﺍﻟﺒﺼﺮﻩ
ﻧﺤﻦ ﻣﻦ ﺳﻜﻨﻪ ﺍﻟﺮﻣﺎﺩﻱ
ﻓﻲ ﻳﻮﻡ ﻭﻻﺩﺗﻲ
ﺍﻡ ﺍﺳﻌﺪ ﻭﺍﻟﺪﺗﻲ ﺭﺍﺟﻌﺖ ﻟﻠﻤﺸﻔﻰ ﻟﻠﻮﻻﺩﻩ ﻭﻭﻟﺪﺕ ﻭﻟﻜﻦ ﻛﻨﺖ ﻣﻴﺖ
ﺍﺳﻌﺪ .. ﻳﻮﻡ ﺍﻟﻌﻮﺽ ﻋﻠﻰ ﺍﻟﻠﻪ
ﺍﻡ ﻓﻬﺪ .. ﺷﻨﻮ ﻗﺼﺪﻙ ﺍﺑﻨﻲ ﻭﻳﻦ ﺍﻟﻮﻟﺪ ﻣﻮ ﺟﺒﺖ ﻭﻟﺪ ﺑﺲ ﻣﺎ ﺳﻤﻌﺖ ﺻﻮﺗﻪ
ﺍﺳﻌﺪ .. ﻳﻤﻪ ﺍﻧﻄﺎﺝ ﻋﻤﺮﻩ
ﻧﺰﻟﺖ ﺩﻣﻮﻉ ﺍﻣﻲ ﻭﺣﺎﻭﻟﺖ ﺍﺗﺼﻞ ﺑﻮﺍﻟﺪﻱ ﻭﺣﺼﻠﺘﻪ ﻻﻥ ﺍﻻﺗﺼﺎﻝ ﺑﺬﺍﻙ ﺍﻟﻮﻗﺖ ﻛﺎﻥ ﺻﻌﺐ
ﺍﺑﻮ ﺍﺳﻌﺪ ... ﻃﻤﻨﻲ ﺍﺑﻨﻲ ﺍﻣﻚ ﺟﺎﺑﺖ
ﺍﺳﻌﺪ ﻳﺎﺑﺔ ﺍﻟﻌﻮﺽ ﻋﻠﻰ ﺍﻟﻠﻪ ﺍﻟﻄﻔﻞ ﺗﻮﻓﻰ
ﺍﺑﻮ ﺍﺳﻌﺪ ... ﺍﻟﻠﻪ ﻳﺮﺣﻤﻪ ﻭﻳﻌﻮﺿﻨﺎ ﺍﺑﻨﻲ ﺍﺧﺬﻩ ﻟﺠﺪﺗﻚ ﺧﻠﻲ ﺗﺤﻈﺮﻩ ﻭﺗﺴﺒﺤﺔ ﺣﺘﻰ ﻳﺪﻓﻨﻮ
ﺍﺳﻌﺪ ... ﺍﺧﺬﺕ ﺗﺼﺮﻳﺢ ﻣﻦ ﺍﻟﻤﺸﻔﻰ ﻭﻭﺍﻟﺪﺗﻲ ﻭﺩﻣﻮﻋﻬﻪ ﻋﻠﻰ ﺧﺪﻫﻪ ﻭﺭﺟﻌﺖ ﻟﻠﺒﻴﺖ
ﺍﺳﺘﻘﺒﻠﺘﻨﻪ ﺟﺪﺗﻲ ﺗﻘﺮﻳﺒﺎ ﺍﺳﺘﻐﺮﻕ ﺍﻟﻮﻗﺖ ﺛﻼﺙ ﺳﺎﻋﺎﺕ
ﺍﻟﺠﺪﻩ ... ﺗﻌﺎﻝ ﺳﻌﺪ ﺃﻣﺴﻚ ﺍﻟﻄﻔﻞ
ﺳﻌﺪ ... ﺟﺪﻩ ﺷﺘﺴﻮﻳﻦ
ﺃﺷﻌﻞ ﻧﺎﺭ
ﺳﻌﺪ ﺍﻟﻤﻦ ﺍﻟﻨﺎﺭ
ﺍﻟﺠﺪﻩ ﺍﻧﺖ ﺑﺎﻭﻉ ﻭﺷﻮﻑ
ﺍﻟﺠﺪﻩ ﺧﻠﺖ ﺍﻟﻤﻨﺪﻳﻞ ﻋﺎﻟﺪﺧﺎﻥ ﻭﺻﺎﺭ ﺑﻲ ﺩﺧﺎﻥ ﻭﺧﻠﺘﻪ ﻋﻠﻰ ﺃﻧﻒ ﺍﻟﻄﻔﻞ
ﻋﻄﺲ ﺍﻟﻄﻔﻞ ﻭﺍﺧﺬ ﻧﻔﺲ ﻭﺻﺮﺥ
ﺍﻟﻠﻬﻢ ﺻَﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﺍﻟﺠﺪﻩ ﺷﻮﻓﻮ ﺭﺟﻊ ﺗﻨﻔﺲ ﻳﻤﻜﻦ ﻛﺎﻥ ﻣﺨﻨﻮﻙ
ﺍﺳﻌﺪ ﻋﺎﺷﺖ ﺍﻳﺪﺝ ﺟﺪﻩ ﺍﻧﺖ ﺍﺣﺴﻦ ﻣﻦ ﺍﻟﺪﻛﺎﺗﺮﻩ ﺑﺎﻟﻤﺸﻔﻰ
ﺍﻟﺠﺪﻩ ... ﻳﻤﻪ ﻗﺒﻞ ﻣﺠﺎﻥ ﺍﻛﻮ ﺩﻛﺎﺗﺮﻩ ﻭﺟﺒﻨﻪ ﻭﺧﻠﻔﻨﻪ ﻭﻛﺒﺮﻧﺎ ﻭﻟﺪﻧﻪ ﻭﺑﻨﺎﺗﻨﻪ
ﺍﻡ ﺍﺳﻌﺪ .. ﺣﻴﺎﺝ ﺟﺪﻩ ﺣﻴﻴﺘﻲ ﺍﺑﻨﻲ ﻣﺎﺿﺎﻉ ﺗﻌﺒﻲ ﺍﻧﺖ ﺳﻤﻲ ﺟﺪﻩ ﺳﺘﺨﺘﺎﺭﻳﻦ ﺍﺳﻢ
ﺍﻟﺠﺪﻩ ﺳﻤﻲ ﻓﻬﺪ .. ﺭﺑﻲ ﻳﻄﺮﺡ ﺑﻲ ﺍﻟﺒﺮﻛﻪ
ﻋﻤﺖ ﺍﻟﻔﺮﺣﺔ ﺑﺎﻟﺒﻴﺖ ﺑﻌﺪ ﻫﻪ ﺭﺟﻊ ﻭﺍﻟﺪﻱ ﻣﻦ ﺍﻟﺒﺼﺮﻩ ﻭﻛﺎﻥ ﺍﻟﻜﻞ ﻣﻬﺘﻢ ﺑﻲ ﻭﺻﺮﺕ ﺍﻟﻤﺪﻟﻞ ﺑﺎﻟﻌﺎﺋﻠﺔ
ﻓﻬﺪ ... ﺍﻣﻲ ﻛﺎﻧﺖ ﻓﻘﻴﺮﻩ ﻣﻦ ﺍﻫﻞ ﺍﻟﻠﻪ ﻟﻜﻦ ﺯﻭﺟﺔ ﺍﺑﻲ ﺗﺨﺘﻠﻒ ﺑﺘﺼﺮﻓﺎﺗﻬﺎ ﺑﻨﻈﺮﺍﺗﻬﺎ ﺍﻟﻲ
ﻟﻜﻦ ﻭﺍﻟﺪﻱ ﻭﻭﺍﻟﺪﺗﻲ ﻳﺤﺒﻮﻧﻲ ﻭﻣﺪﻟﻠﻴﻨﻲ
ﻣﺮﺕ ﺳﻨﻴﻦ ﻭﺻﺎﺭ ﻋﻤﺮﻱ 8 ﺳﻨﻪ
ﺑﻬﺬﻩ ﺍﻟﻤﺮﺣﻠﻪ ﺍﻟﻌﻤﺮﻳﺔ ﺻﺮﺕ ﺍﻓﻬﻢ ﻣﺎﻳﺪﻭﺭ ﺣﻮﻟﻴﻨﻲ ﻭﺑﺪﻳﺖ ﺍﻋﺮﻑ ﺍﻟﻲ ﻳﺤﺒﻨﻲ ﻭﺍﻟﻲ ﻣﻴﺤﺒﻨﻲ ﻣﻦ ﺧﻼﻝ ﺗﺼﺮﻓﺎﺗﻬﻢ ﻭﻛﻮﻧﻲ ﻟﺴﺔ ﻃﻔﻞ
ﺯﻭﺟﺔ ﺍﺑﻮﻱ ﻛﺎﻧﺖ ﻗﺎﺳﻴﺔ ﺟﺪﺍ ﻭﻳﺎﻱ ﻭﺗﻈﺮﺑﻨﻲ ﻋﻠﻰ ﺍﻱ ﺳﺒﺐ ﺍﻭ ﺑﺪﻭﻥ ﺳﺒﺐ
ﺑﻌﺾ ﺍﻻﺣﻴﺎﻥ ﺗﻜﻮﻥ ﺍﻟﻤﺸﻜﻠﻪ ﻣﻦ ﺍﻃﻔﺎﻟﻬﺎ ﺍﻭ ﺍﺧﻮﺍﻧﻲ ﻭﻟﻜﻦ ﻫﻲ ﺗﺼﺐ ﻏﻀﺒﻬﺎ ﻋﻠﻲ ﻭﺗﺎﺫﻳﻨﻲ
ﺗﻌﻮﺩﺕ ﻋﻠﻰ ﺍﻟﻀﺮﺏ ﻳﻮﻣﻴﺎ ﺑﺴﺒﺐ ﻭﺑﺪﻭﻥ ﺳﺒﺐ ﻭﺗﻬﺪﺩﻧﺎ ﺍﺫﺍ ﺣﺠﻴﺖ ﻻﺑﻮﻱ ﺍﻧﻬﺎ ﺗﻘﺘﻠﻨﻲ
ﻭﺍﻧﻲ ﻛﻨﺖ ﻃﻔﻞ ﻻﺣﻮﻝ ﻭﻻ ﻗﻮﻩ ﻭﻣﻦ ﺻﺪﻙ ﺍﺧﺎﻑ ﻣﻨﻬﻪ ﻭﻣﺼﺪﻙ ﺍﻥ ﻫﻲ ﻣﻤﻜﻦ ﺗﻘﺘﻠﻨﻲ ﻭﺗﻈﺮﺑﻨﻲ ﻭﻇﺮﺑﻬﻪ ﻗﺎﺳﻲ ﻟﺪﺭﺟﺔ ﻣﺎﺗﻌﻮﻓﻨﻲ ﻟﺤﺪ ﻣﺎ ﻳﻐﻤﻰ ﻋﻠﻲ ﻭﻛﺄﻧﻬﺎ ﺟﺎﻱ ﺗﻨﺘﻘﻢ ﻣﻨﻲ
ﺣﻠﻴﻤﺔ .. ﺷﻜﺪ ﺍﻛﺮﻩ ﻫﺬﺍ ﺍﻟﻮﻟﺪ ﻓﻬﺪ ﻣﺎ ﺃﺣﺒﺔ ﻭﻫﻮ ﺳﺒﺐ ﻛﻞ ﺧﺮﺑﻄﺔ ﺑﺎﻟﺒﻴﺖ
ﺍﻧﻮﺏ ﺍﺑﻮ ﻳﺤﺒﻪ ﺷﻮﻛﺖ ﺍﺧﻠﺺ ﻣﻨﻪ
ﻓﻬﺪ ﻣﺮﺍﺕ ﺍﺳﺎﻝ ﻧﻔﺴﻲ ﻟﻴﺶ ﺣﻠﻴﻤﺔ ﺗﻜﺮﻫﻨﻲ
ﻣﻦ ﺗﺸﻮﻓﻨﻲ ﺗﺘﺤﻮﻝ ﻧﻈﺮﺗﻬﻪ ﻟﻠﻐﻀﺐ ﻭﺗﺮﻳﺪ ﺣﺠﻪ ﺣﺘﻰ ﺗﻀﺮﺑﻨﻲ
ﺑﻬﺎﻟﻤﺮﺣﻠﻪ ﻓﻬﻤﺖ ﺷﻲ ﻭﺍﺣﺪ ... ﺯﻭﺟﺔ ﺍﺑﻮﻱ ﺗﺮﻳﺪ ﺗﻨﺘﻬﺰ ﺍﻟﻔﺮﺻﺔ ﺣﺘﻰ ﺗﺎﺫﻳﻨﻲ ﻭﺃﻧﻬﺎ ﺣﺎﻗﺪﻩ ﻋﻠﻲ ﻭﺍﻧﻲ ﻣﺎﺑﻴﺪﻱ ﺷﻲ ﻭﻻ ﺍﻛﺪﺭ ﺃﺩﺍﻓﻊ ﻋﻦ ﻧﻔﺴﻲ ﺣﺘﻰ ﺍﻣﻲ ﻛﺎﻧﺖ ﺗﺴﻜﺖ ﻣﻦ ﺗﺸﻮﻓﻬﻪ ﺗﻈﺮﺑﻨﻲ ﻭﺗﺨﺎﻑ ﺗﺤﺠﻲ ﻭﻳﺎﻫﺎ ﻭﻣﺎ ﺍﻋﺮﻑ ﻟﻴﺶ
ﻣﺘﻜﺪﺭ ﺗﺤﺠﻲ ﻭﻳﺎﻫﺎ ﻭﺍﻧﻲ ﻧﻔﺲ ﺍﻟﺸﻲ ﻛﻮﻧﻲ ﻟﺴﻪ ﻃﻔﻞ ﺷﺎﻛﺪﺭ ﺍﺳﻮﻱ
ﻣﺮﺕ ﺳﻨﺘﻴﻦ ﻭﺻﺎﺭ ﻋﻤﺮﻱ 10 ﺳﻨﻮﺍﺕ
ﻫﻮﺍﻳﺘﻲ ﻛﺮﺓ ﺍﻟﻘﺪﻡ .. ﻛﻞ ﻳﻮﻡ ﺍﻃﻠﻊ ﺍﻟﻌﺐ ﻃﻮﺑﺔ ﻣﻊ ﺍﺻﺪﻗﺎﺋﻲ ﺑﺎﻟﻤﻨﻄﻘﺔ ﻭﻣﺴﻮﻳﻦ ﻓﺮﻕ ﻭﻣﺴﺎﺑﻘﺎﺕ ﻭﺩﻭﺭﻱ
ﻣﺘﻌﻪ ﺍﻟﺸﺒﺎﺏ ﻭﺳﺤﺐ ﻃﺎﻗﺘﻬﻢ ﺑﺎﻟﺮﻳﺎﺿﺔ ﻭﻛﺮﺓ ﺍﻟﻘﺪﻡ ﻟﻌﺒﺔ ﻣﺴﻠﻴﺔ ﻟﻜﻞ ﻭﻟﺪ ﻣﻦ ﻋﻤﺮ ﻋﺸﺮ ﺳﻨﻮﺍﺕ ﻓﻤﺎ ﻓﻮﻕ
ﺟﻴﺮﺍﻧﻪ ﺍﻟﺒﻴﺖ ﺍﻟﻲ ﺑﺼﻔﻨﻪ .. ﺍﺑﻨﻬﻢ ﻣﺮﺑﻲ ﻛﻠﺐ ﺍﺳﻮﺩ ﺣﺠﻤﻚ ﻛﺒﻴﺮ ﺟﺪﺍ
ﺍﻧﻲ ﻣﻦ ﻃﻔﻮﻟﺘﻲ ﺍﺧﺎﻑ ﻣﻦ ﺍﻟﻜﻠﺐ ﻭﻫﺬﺍ ﺍﻟﻜﻠﺐ ﺷﺮﺱ ﻭﺣﺠﻤﻪ ﻛﺒﻴﺮ
*********************
ﻓﻬﺪ ﻛﻨﺖ ﺟﺎﻟﺲ ﺍﺗﻔﺮﺝ ﺗﻠﻔﺰﻳﻮﻥ ﻭﻳﺎﻱ ﺍﺧﻮﻱ ﻣﻦ ﺍﺑﻮﻱ ﺧﺎﻟﺪ
ﺍﻟﻜﻬﺮﺑﺎﺀ ﺗﻬﺒﻂ ﻭﺗﺮﺗﻔﻊ ﻭﺍﺧﺘﻔﺖ ﺍﻟﺼﻮﺭﻩ
ﺧﺎﻟﺪ ﻋﻔﻴﺔ ﻓﻬﺪ ﺷﻮﻑ ﺍﺷﺒﻲ ﺍﻟﺘﻠﻔﺰﻳﻮﻥ
ﺍﻧﻲ ﻛﻤﺖ ﺍﺻﻠﺢ ﺑﻲ ﻋﺒﺎﻟﻲ ﺷﻐﻠﺔ ﻣﻤﻜﻦ ﺗﻨﺼﻠﺢ ﺍﺷﻮ ﻋﻄﻞ ﺍﻛﺜﺮ ﻭﺍﻟﺘﻠﻔﺰﻳﻮﻥ ﻃﻔﻰ
ﺯﻭﺟﺔ ﺍﺑﻮﻱ ﺳﻤﻌﺖ ﻭﻋﺎﻃﺖ ﻋﻠﻲ
ﻭﻛﺎﻟﻤﻌﺘﺎﺩ ﻛﻨﺖ ﺍﻧﻲ ﺍﻟﺴﺒﺐ ﺍﻟﻲ ﻻﺯﻡ ﺍﺧﺬ ﺍﻟﻌﻘﻮﺑﺔ ﻭﺑﺪﻭﻥ ﻣﺎ ﺗﺴﺘﻔﺴﺮ
ﺍﻟﻮﻗﺖ ﻛﺎﻥ ﺍﻟﻌﺼﺮ ﻣﺴﺎﺀﺍ
ﻗﺮﺭﺕ ﺍﻃﻠﻊ ﻣﻦ ﺍﻟﺒﻴﺖ ﺍﻟﻌﺐ ﻃﻮﺑﺔ ﻭﻳﺔ ﺍﺻﺪﻗﺎﺋﻲ ﻭﻫﻢ ﺍﻧﻬﺰﻡ ﻣﻦ ﺯﻭﺟﺔ ﺍﺑﻮﻱ
ﻃﻠﻌﺖ ﻭﺍﻟﺘﻬﻴﺖ ﻭﻧﺴﻴﺖ ﺍﻟﻤﺸﻜﻠﻪ ﻭﺑﻘﻴﺖ ﺍﻟﻌﺐ ﻟﺤﺪ ﻣﺎ ﺻﺎﺭﺕ ﺍﻟﺪﻧﻴﺎ ﻣﻐﺮﺏ
ﻛﻞ ﺍﻟﻮﻟﺪ ﺭﺟﻌﻮﺍ ﻟﺒﻴﻮﺗﻬﻢ ﻭﺍﻧﻲ ﺑﻌﺪ ﻣﺎﻋﻨﺪﻱ ﻣﻜﺎﻥ ﺍﺭﻭﺣﻠﻪ ﻏﻴﺮ ﺑﻴﺘﻨﺎ ﺑﻠﻜﻲ ﻧﺴﺖ ﺣﻠﻴﻤﺔ ﻭﻣﺎﺗﻀﺮﺑﻨﻲ
ﺭﺟﻌﺖ ﻟﻠﺒﻴﺖ ﻭﺍﻧﻲ ﺍﻣﺸﻲ ﻋﻠﻰ ﺃﻃﺮﺍﻑ ﺃﺻﺎﺑﻌﻲ ﺑﻠﻜﻲ ﺍﺩﺧﻞ ﻭﺑﺪﻭﻥ ﻣﺎﺗﺤﺲ ﺑﻲ ﻭﺍﺧﻠﺺ ﻣﻦ ﻋﻘﻮﺑﺖ ﺣﻠﻴﻤﺔ
ﺩﺧﻠﺖ ﻭﺗﻠﻜﺘﻨﻲ ﺍﺧﺘﻲ
ﺳﺮﺍﺏ ... ﻭﻟﻚ ﻓﻬﺪ ﺣﻠﻴﻤﺔ ﻣﺘﺤﻠﻔﺔ ﺑﻴﻚ ﻭﺍﻟﻴﻮﻡ ﺗﻤﻮﺗﻚ ﻟﺤﻚ ﺍﻧﻬﺰﻡ
ﻓﻬﺪ .. ﺍﺭﻳﺪ ﺍﺩﺧﻞ ﺑﺎﻟﺒﻴﺖ ﻭﻳﻦ ﺍﻧﻬﺰﻡ
ﺳﺮﺍﺏ .. ﻣﻦ ﺍﻟﻌﺼﺮ ﺗﻔﺘﺮ ﻭﻋﻴﻨﻬﻪ ﻋﺎﻟﺒﺎﺏ ﺗﻨﺘﻈﺮﻙ ﻭﻣﺤﻈﺮﺗﻠﻚ ﺍﻟﺼﻮﻧﺪﻩ ﺍﻟﻴﻮﻡ ﺗﺰﻟﻎ ﺟﻠﺪﻙ ﻣﺎﺗﺮﺣﻤﻚ
ﻓﻬﺪ .. ﻟﻴﺶ ﻣﻮ ﺍﻧﻲ ﺧﺮﺑﺖ ﺍﻟﺘﻠﻔﺰﻳﻮﻥ ﻫﻮ ﻣﻦ ﺍﻟﻜﻬﺮﺑﺎﺀ ﺧﺮﺏ
**********************
ﺳﻤﻌﺖ ﺻﻮﺕ ﺣﻠﻴﻤﺔ ﻭﺍﻧﻲ ﺭﻛﻀﺖ ﺑﺪﻭﻥ ﻣﺎ ﺍﻗﺮﺭ ﻭﻳﻦ ﺍﻧﻬﺰﻡ ﺻﺎﺭ ﻛﺪﺍﻣﻲ ﺑﻴﺖ ﺟﻮﺍﺭﻳﻨﻪ ﻭﺭﻛﺾ ﺩﺧﻠﺖ ﻟﺒﻴﺘﻬﻢ ﺣﺘﻰ ﻳﺤﻤﻮﻧﻲ ﻣﻦ ﺣﻠﻴﻤﺔ ﻭﺍﻟﺼﻮﻧﺪﻩ ﻣﺎﻟﺘﻬﻪ
ﻋﺒﺮﺕ ﺍﻟﺴﻴﺎﺝ ﻭﺩﺧﻠﺖ ﻭﺻﺎﺭ ﺑﻮﺟﻬﻲ ﺍﻟﻜﻠﺐ ﺍﻻﺳﻮﺩ ﺍﻧﺸﻠﺖ ﺭﺟﻠﻲ ﻓﺘﺤﺖ ﻋﻴﻮﻧﻲ ﻭﺍﻧﻲ ﻣﺮﻋﻮﺏ ﻭﻛﻠﺒﻲ ﻧﺒﻀﺎﺗﻪ ﺳﺮﻳﻌﻪ ﺍﺣﺴﻪ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﻫﺠﻢ ﻋﻠﻲ ﺍﻟﻜﻠﺐ ﻫﺬﺍ ﻛﻞ ﺍﻟﻲ ﺍﺗﺬﻛﺮﻩ ﻭﺁﺧﺮ ﻣﻨﻈﺮ ﺷﻔﺘﻪ
ﻓﻘﺪﺕ ﺍﻟﻮﻋﻲ ﻣﺎ ﺍﻋﺮﻑ ﺷﻨﻮ ﺍﻟﻲ ﺻﺎﺭ ﻛﻨﺖ ﻭﺣﺪﻱ ﻻﻥ ﺑﻴﺖ ﺟﻮﺍﺭﻳﻨﻪ ﻃﺎﻟﻌﻴﻦ ﺑﺬﺍﻙ ﺍﻟﻴﻮﻡ
ﻭﻋﺎﻳﻔﻴﻦ ﺍﻟﻜﻠﺐ ﻣﺎ ﻣﺮﺑﻮﻁ ﻭﺩﺧﻮﻟﻲ ﻟﺒﻴﺘﻬﻢ ﺑﻬﻜﺬﺍ ﻃﺮﻳﻘﺔ ﺧﻠﺖ ﺍﻟﻜﻠﺐ ﻳﺘﻬﺠﻢ ﻋﻠﻲ ...
ﺑﻌﺪ ﻣﺮﻭﺭ ﻧﺼﻒ ﺳﺎﻋﻪ ﺻﺤﻴﺖ ﻭﺍﻧﺎ ﻣﺘﻤﺪﺩ ﻭﻛﺄﻧﻲ ﺑﻤﻜﺎﻥ ﺍﺧﺮ ﻣﻈﻠﻢ ﻭﺃﺣﺲ ﺭﻃﻮﺑﻪ ﺑﻮﺟﻬﻲ ﻭﺟﺴﻤﻲ ﻟﻤﺎ ﺑﺎﻭﻋﺖ ... ﺟﺴﻤﻲ ﻣﻐﻄﻰ ﺑﺎﻟﺪﻡ ﺗﻮﻗﻌﺖ ﺍﻧﻲ ﻣﺠﺮﻭﺡ ﻻﻥ ﻧﺴﻴﺖ ﺍﻟﻜﻠﺐ ﻭﻧﺴﻴﺖ ﺣﻠﻴﻤﺔ ﻭﻛﺄﻧﻲ ﺑﺤﻠﻢ ﺗﻠﻤﺴﺖ ﺟﺴﻤﻲ ﺍﺭﻳﺪ ﺍﺷﻮﻑ ﻫﺬﺍ ﺍﻟﺪﻡ ﻣﻨﻴﻦ ﻳﺠﺮﻱ ﻭﺟﻬﻲ ﻣﻐﻄﻰ ﺑﺎﻟﺪﻡ ﺟﺴﻤﻲ
ﻟﺤﻈﺎﺕ ﺭﻋﺐ ﻭﺧﻮﻑ ﻋﺸﺘﻬﺎ ﺷﻜﺪ ﻣﺎ ﺍﻭﺻﻔﻠﻜﻢ ﺧﻮﻓﻲ ﻭﺍﻟﺮﻋﺐ ﺍﻟﻲ ﻣﺮ ﻋﻠﻲ ﺑﺬﻳﺞ ﺍﻟﻠﺤﻈﻪ ﻣﺎﻳﻮﻓﻲ ﺍﻟﻲ ﺣﺴﻴﺖ ﺑﻲ
ﺍﺳﺘﺠﻤﻌﺖ ﻗﻮﺗﻲ ﻭﻻﺯﻡ ﺍﻛﻮﻡ ﺍﺗﺤﺮﻙ ﺍﺭﺟﻊ ﻟﺒﻴﺘﻨﺎ ﺍﻳﺶ ﺍﻧﻲ ﻫﻨﺎ
ﻛﻤﺖ ﻭﻛﻔﺖ ﻋﻠﻰ ﺭﺟﻠﻲ ﻭﻫﻲ ﺗﺮﺟﻒ ﺣﺴﻴﺖ ﺑﺸﻌﻮﺭ ﻏﺮﻳﺐ ﻣﺎﻣﺮ ﻋﻠﻲ ﻭﻛﺎﻥ ﻗﻨﺒﻠﺔ ﺍﻧﻔﺠﺮﺕ ﺑﺼﺪﺭﻱ ... ﺃﺿﻼﻋﻲ ﺗﺮﻳﺪ ﺗﻄﻠﻊ ﻣﻦ ﺍﻟﻠﺤﻢ
ﻧﺎﺭ ﻣﺸﺘﻌﻠﻪ ﺑﺼﺪﺭﻱ ﻭﻣﺎ ﺍﻋﺮﻑ ﺷﻨﻮ ﺳﺒﺒﻪ
ﺟﺮﺟﺮﺕ ﻧﻔﺴﻲ ﻭﺷﻔﺖ ﺣﻨﻔﻴﺔ ﻣﺎﺀ ﻏﺴﻠﺖ ﻭﺟﻬﻲ ﻭﺟﺴﻤﻲ ﻣﻦ ﺍﻟﺪﻡ ﻭﺗﻤﺸﻴﺖ ﻟﺒﻴﺘﻨﺎ
ﺧﻄﻮﺍﺗﻲ ﻛﺎﻧﺖ ﺑﻄﻴﺌﺔ ﻭﻟﻜﻦ ﺍﻻﻧﺴﺎﻥ ﻣﻬﻤﺎ ﻳﻮﺍﺟﻪ ﻟﺪﻳﺔ ﺍﻟﻘﻮﻩ ﻟﻠﺨﺮﻭﺝ ﻣﻦ ﺍﻻﺯﻣﻪ
ﺩﺧﻠﺖ ﻟﺒﻴﺘﻨﺎ ﻭﺻﺎﺭﺕ ﺑﻮﺟﻬﻲ ﺣﻠﻴﻤﻪ ﻛﺎﻧﺖ ﻭﺃﻛﻔﺔ ﺑﺎﻟﺒﺎﺏ ﺗﻨﺘﻈﺮﻧﻲ ﻭﺑﻴﺪﻫﻪ ﺍﻟﺼﻮﻧﺪﻩ
ﻭﻛﺄﻧﻬﺎ ﺗﻨﺘﻈﺮ ﻫﺬﻩ ﺍﻟﻔﺮﺻﺔ ﻛﻲ ﺗﺼﺐ ﻏﻀﺒﻬﺎ ﻋﻠﻰ ﻋﺪﻭﻫﻪ ﻓﻬﺪ
ﻣﺎﻋﻨﺪﻱ ﻏﻴﺮ ﺍﺩﺧﻞ ﻭﺍﺳﺘﻘﺒﻞ ﺿﺮﺏ ﺣﻠﻴﻤﻪ ﺍﻟﻲ ﻣﺎﻋﻨﺪﻱ ﻣﻔﺮ ﻣﻨﻪ
ﺣﻠﻴﻤﻪ ﻭﻫﻲ ﻣﻐﻀﺒﺔ ... ﺗﻌﺎﻝ ﻳﻮﻟﻲ ﺗﻌﺎﻝ ﻭﻳﻦ ﺗﺮﻭﺡ ﺍﻟﻴﻮﻡ ﻣﻨﻲ
ﺍﺳﺘﻠﻤﺘﻨﻲ ﺿﺮﺏ ﺑﺎﻟﺼﻮﻧﺪﻩ ﻭﺧﻠﺖ ﺟﺴﻤﻲ ﺑﻲ ﺧﻄﻮﻁ ﺯﺭﻙ ﺍﺛﺮﻫﻪ ﺑﺠﺴﻤﻲ ﺗﻀﺮﺏ ﻭﺗﻀﺮﺏ ﺑﻜﻞ ﻗﻮﺗﻬﺎ ﻭﺑﻜﻞ ﻗﺴﺎﻭﻩ ﺑﺪﺍﺧﻠﻬﻪ ﻭﻛﺎﻥ ﺍﻟﻲ ﻣﻘﺎﺑﻴﻠﻬﻪ ﺣﻴﻮﺍﻥ ﻭﻟﻴﺲ ﻃﻔﻞ ﺑﻌﻤﺮ ﻋﺸﺮ ﺳﻨﻮﺍﺕ
ﺿﺮﺑﺘﻨﻲ ﻟﺤﺪ ﻣﺎ ﺍﻏﻤﻰ ﻋﻠﻲ ﻓﻘﺪﺕ ﻭﻛﻌﺖ ﻋﺎﻻﺭﺽ
************************
ﺍﻟﻴﻮﻡ ﺍﻟﺜﺎﻧﻲ ﺍﻟﺼﺒﺢ ﺳﻤﻌﺖ ﺻﻮﺕ ﺍﺑﻮﻱ ﻳﺼﻴﺢ ﻭﻳﻨﻜﻢ ﻟﺤﻜﻮﻧﻲ ﺣﻠﻴﻤﻪ ﺭﺍﺡ ﺗﻤﻮﺕ ﻣﺪﺭﻱ ﺍﺷﺒﻴﻬﺎ
ﻣﻦ ﺳﻤﻌﺖ ﺻﻮﺕ ﺍﺑﻮﻱ ﻳﺼﻴﺢ ﺻﺤﻴﺖ ﻣﻦ ﻧﻮﻣﻲ ﻟﻜﻴﺖ ﻧﻔﺴﻲ ﻧﺎﻳﻢ ﺑﺎﻟﻬﻮﻝ ﻭﺍﻣﻲ ﻣﻐﻄﻴﺘﻨﻲ ﻃﻔﺮﺕ ﻋﻠﻰ ﺻﻮﺕ ﺍﺑﻮﻱ
ﺭﺣﻨﺎ ﻟﻐﺮﻓﺔ ﺣﻠﻴﻤﺔ ﻛﻠﻨﺎ ﺍﻣﻲ ﺍﺧﻮﺍﻧﻲ ﺍﺧﻮﺍﺗﻲ
ﺩﺧﻠﺖ ﻟﻠﻐﺮﻓﺔ ﻭﺣﻠﻴﻤﻪ ﺟﺴﻤﻬﺎ ﻛﻮﻟﻪ ﺑﻘﻊ ﺍﺯﺭﻕ ﻭﺗﺼﺮﺥ ﻣﻦ ﺍﻻﻟﻢ ﺟﺴﻤﻬﺎ ﻛﻮﻟﻪ ﻳﻮﺟﻌﻬﺎ
ﻧﻔﺴﻬﺎ ﻳﺘﻜﻄﻊ
ﺍﻧﻲ ﺑﻴﻦ ﻣﺘﺸﻤﺖ ﺑﻴﻦ ﻓﺮﺣﺎﻥ ﺑﻴﻦ ﺧﻔﺖ ﻋﻠﻰ ﺧﻮﻑ ﺍﺑﻮﻱ ﻭﺍﻫﻠﻲ ﻋﻠﻴﻬﺎ ﺗﺒﺴﻤﺮﺕ ﺑﻤﻜﺎﻧﻲ ﺍﺑﺎﻭﻉ ﻋﻠﻰ ﺟﺴﻤﻲ ﻛﻮﻟﻪ ﺍﺛﺎﺭ ﺍﻟﻀﺮﺏ ﻣﺎﻟﺘﻬﻪ ﻋﻠﻰ ﺟﺴﻤﻲ
ﺷﻜﻮ ﺑﻴﻬﻪ ﺍﺫﺍ ﻳﺼﻴﺮ ﺑﻴﻬﻪ ﻣﺮﺽ ﻭﺗﺘﺎﺫﻯ ﻭﺗﺼﺮﺥ ﻭﺑﻴﻦ ﻣﺎ ﺍﺻﻔﻦ ﻳﺠﻔﻠﻨﻲ ﺻﻮﺗﻬﺎ ﻭﺻﺮﻳﺨﻬﻪ ﻳﻔﺰﺯﻧﻲ ﻳﺼﺤﻴﻨﻲ
ﺣﺴﻴﺖ ﺑﻮﻗﺘﻬﺎ ﺍﻥ ﺭﺏ ﺍﻟﻌﺎﻟﻤﻴﻦ ﺍﻧﺘﻘﻤﻠﻲ ﻣﻨﻬﻪ ﻭﺍﻟﻲ ﺻﺎﺭ ﺑﻴﻬﻪ ﺑﺴﺒﺐ ﺿﺮﺑﻬﺎ ﺍﻟﻘﺎﺳﻲ ﺍﻟﻲ
ﺍﺑﻮ ﺍﺳﻌﺪ ... ﺍﻡ ﺍﺳﻌﺪ ﻟﻔﻠﻔﻴﻬﻪ ﺑﺎﻟﻌﺒﺎﻳﺔ ﺧﻠﻲ ﺍﺷﻐﻞ ﺍﻟﺴﻴﺎﺭﻩ
ﺍﻡ ﺍﺳﻌﺪ ﺍﺷﺒﻴﺞ ﺧﻴﺔ ﻭﻳﻦ ﻳﻮﺟﻌﺞ
ﺣﻠﻴﻤﻪ ﻟﺞ ﺧﻴﺔ ﺭﺍﺡ ﺍﻣﻮﺕ ﻛﻮﻟﻲ ﻭﻳﻦ ﻣﺎﻳﻮﺟﻌﻨﻲ ﺧﻴﺔ ﺷﻮﻓﻲ ﻛﻞ ﺑﻘﻌﻪ ﺯﺭﻛﻪ ﺗﻄﻠﻊ ﺑﺠﺴﻤﻲ ﻣﺜﻞ ﺟﻮﻳﺔ ﺍﻟﻨﺎﺭ ﻟﺞ ﺍﻟﻢ ﻣﻮ ﻃﺒﻴﻌﻲ ... ﻳﺎﻳﻤﻪ ﻟﺤﻜﻮﻧﻲ ﺭﺍﺡ ﺍﻣﻮﺕ ﺷﻨﻮ ﻫﺎﻟﻤﺮﺽ ﺍﻟﻲ ﺻﺎﺭ ﺑﻲ ﻳﺎﺭﺑﻲ ﻋﻠﻰ ﻧﻮﻣﻪ ﺍﻟﻠﻴﻞ
ﺣﻤﻠﻨﺎﻫﺎ ﻟﻠﺴﻴﺎﺭﻩ ﻭﻫﻲ ﺗﺼﺮﺥ ﻭﺣﺘﻰ ﻣﻦ ﻧﻠﺰﻣﻬﻪ ﻧﺮﻳﺪ ﻧﺸﻴﻠﻬﺎ ﻟﻠﻤﺸﻔﻰ ﺗﺼﺮﺥ ﺧﻠﻴﻨﺎﻫﺎ ﺑﺒﻄﺎﻧﻴﺔ ﻭﺣﻤﻠﻨﺎ ﺍﻟﺒﻄﺎﻧﻴﻪ ﻭﺩﻳﻨﺎﻫﺎ ﻟﻠﻤﺸﻔﻰ
ﺩﺧﻠﺖ ﻋﺎﻟﻄﺒﻴﺐ ﺧﺤﻮﺻﺎﺕ ﻭﺗﺤﺎﻟﻴﻞ
ﻭﻫﻲ ﺗﺼﺮﺥ ﺻﻮﺗﻬﺎ ﺑﺎﻟﻤﺴﺘﺸﻔﻰ ﺍﻟﻜﻞ ﺗﺴﻤﻌﻬﻪ ﻣﻦ ﺷﺪﺓ ﺍﻟﻤﻬﻪ
ﺍﺑﻮ ﺍﺳﻌﺪ ... ﻫﺎ ﺩﻛﺘﻮﺭ ﻃﻤﻨﻲ
ﺍﻟﺪﻛﺘﻮﺭ .. ﺍﻟﺘﺤﺎﻟﻴﻞ ﺳﻠﻴﻤﻪ ﻭﻣﺎﻛﻮ ﺍﻱ ﻣﺮﺽ ﻋﻀﻮﻱ
ﺍﺑﻮ ﺍﺳﻌﺪ .. ﻭﺍﻟﺤﻞ ﺩﻛﺘﻮﺭ ﺍﺧﺎﻑ ﺗﻤﻮﺕ
ﺍﻟﻄﺒﻴﺐ .. ﺭﺍﺡ ﺍﺣﻮﻟﻬﺎ ﻟﻠﻤﺴﺘﺸﻔﻰ ﺍﻟﺘﺨﺼﺼﻲ ﺑﺎﻟﻤﺮﻛﺰ ﻫﻨﺎﻙ ﺍﻛﻮ ﺃﻃﺒﺎﺀ ﺍﺧﺼﺎﺋﻴﻴﻦ ﺍﺣﺘﻤﺎﻝ ﻳﺸﺨﺼﻮﻥ ﺣﺎﻟﺘﻬﺎ ﻻﻥ ﺍﻟﺒﻘﻊ ﺍﻟﺰﺭﻗﺎ ﺟﺎﻱ ﺗﻈﻬﺮ ﺑﻤﻨﻄﻘﺔ ﻭﺗﺨﺘﻔﻲ ﺑﻤﻨﻄﻘﺔ ﺣﻴﺮﺗﻨﻪ
ﺣﻮﻟﻮﻧﻪ ﺍﻟﻰ ﻣﺴﺘﺸﻔﻰ ﺛﺎﻧﻲ ﻭﻧﻔﺲ ﺍﻟﺸﻲ ﻓﺤﻮﺻﺎﺕ ﻭﺗﺤﺎﻟﻴﻞ ﻭﺃﻃﺒﺎﺀ ﺍﺟﺘﻤﻌﻮﺍ ﺍﺣﺘﺎﺭﻭ ﺑﻬﺬﺍ ﺍﻟﻤﺮﺽ ﺍﻟﻐﺮﻳﺐ
ﻭﺍﺣﻨﺎ ﻭﺍﻛﻔﻴﻦ ﺑﺮﻩ ﻧﻨﺘﻈﺮ
⭐
العضوة: 522131 , 5 years ago
ﺗﺨﺪﻣﻲ ﺑﺮﺟﻠﻴﺞ ﻭﺍﻳﺪﻳﺞ ﺍﺫﺍ ﺗﺰﻭﺟﺘﻲ ﺳﻨﺎﺀ ... ﻳﺎﺑﻪ ﺑﺲ ﺧﻠﻴﻨﻲ ﺍﻛﻤﻞ ﺍﻟﻤﺴﻠﺴﻞ ﻫﺬﻩ ﺍﻟﺤﻠﻘﺔ ﺍﻻﺧﻴﺮﻩ ﺍﺑﻮ ﺳﻨﺎﺀ ... ﻃﻔﻰ ﺍﻟﺘﻠﻔﺰﻳﻮﻥ ﻭﺳﻨﺎﺀ ﻛﺎﻣﺖ ﻭﻇﻠﺖ ﺗﻜﻔﺮ ﺑﺎﻟﻠﻪ ﻭﺩﺧﻠﺖ ﻟﻠﺤﻤﺎﻡ ﻭﻃﻠﻌﺖ ﻭﺍﻟﻜﻔﺮ ﺑﻠﺴﺎﻧﻬﻪ ﻭﺷﺎﻳﻠﻪ ﺑﺎﻳﺪﻫﻪ ﻣﺎﻱ ﺣﺎﺭ ( ﻓﺎﻳﺮ ) ﻓﺘﺤﺖ ﺑﺎﺏ ﺍﻟﺒﻴﺖ ﻭﻫﻲ ﺗﻜﻔﺮ ﻭﻛﺒﺖ ﺍﻟﻤﺎﻱ ﺍﻟﺤﺎﺭ ﻋﺎﻻﺭﺽ ﻭﺍﻟﺸﻴﻄﺎﻥ 👿 ﻛﺎﻥ ﻧﺎﻳﻢ ﻳﻢ ﺍﻟﺒﺎﺏ ﻭﺍﻟﻤﺎﻱ ﺍﻟﺤﺎﺭ ﺻﺎﺭ ﻋﻠﻴﺔ ... ﻓﺰ ﻣﻦ ﻧﻮﻣﺘﻪ ﻭﻛﺎﻡ ﻭﺩﺧﻞ ﺑﺠﺴﻤﻬﻪ ️☠ ﺑﻜﻞ ﻗﻮﺗﻪ ﺟﺴﻤﻬﻪ ﺍﻫﺘﺰ ﺑﺲ ﻫﻲ ﻣﺎ ﻓﻬﻤﺖ ﺑﻮﻗﺘﻬﻪ ... ﺍﻟﻤﻨﻈﺮ ﻛﺎﻥ ﻣﺮﻋﺐ ﺍﺷﺮﺗﻠﻪ ﻟﻤﺎﺭﺩ ﺧﻠﻲ ﻧﺮﺟﻊ ﻭﺭﺟﻌﺖ ﻟﻤﻜﺎﻧﻲ ﻓﻬﺪ ... ﻛﻠﻲ ﻣﺎﺭﺩ ﻫﺬﺍ ﻣﻦ ﻧﻮﻉ ﺍﻟﺸﻴﻄﺎﻥ ﻟﻴﺶ ﻣﺎﻃﻠﻊ ﻣﻦ ﺟﺴﻤﻬﺎ ﻣﺎﺭﺩ ... ﻟﻮ ﻳﺠﻴﺒﻮﻥ ﻛﻞ ﺍﻟﺴﺎﺩﻩ ﺑﺎﻟﻌﺎﻟﻢ ﻳﻘﺮﻭﻥ ﻋﻠﻴﻬﺎ ﻣﺎﻳﻄﻠﻊ ﻓﻬﺪ ... ﻭﺍﻟﺤﻞ ﻣﺎﻛﻮ ﻃﺮﻳﻘﺔ ﻧﺴﺎﻋﺪﻫﻪ ؟ ﻣﺎﺭﺩ .. ﻃﺮﻳﻘﺔ ﻭﺣﺪﻩ ﻣﻤﻜﻦ ﻫﻲ ﺗﺴﻮﻳﻬﻪ ﺑﻬﺎﻟﺤﺎﻟﻪ ﻳﻄﻠﻊ ﻓﻬﺪ ... ﺍﺣﺠﻴﻠﻲ ﺷﻤﻨﺘﻈﺮ ﻣﺎﺭﺩ .. ﻻﺯﻡ ﺳﻨﺎﺀ ﺑﻮﻗﺖ ﺍﻻﺫﺍﻥ ﺗﺼﻌﺪ ﻟﻤﻜﺎﻥ ﻋﺎﻟﻲ ﻭﺗﺄﺫﻥ ﺍﻻﺫﺍﻥ ﻛﺎﻣﻞ ﺑﻌﻠﻮ ﺻﻮﺗﻬﻪ ﻭﺗﻜﺮﺭﻫﻪ ﺑﻜﻞ ﻭﻗﺖ ﺍﺫﺍﻥ ﻭﻟﻤﺪﻩ ﺛﻼﺛﺔ ﺍﻳﺎﻡ ... ﻓﻲ ﻫﺬﻩ ﺍﻟﺤﺎﻟﻪ ﻳﻄﻠﻊ ﻣﻦ ﺟﺴﻤﻬﻪ ﻭﺗﺘﺨﻠﺺ ﻣﻨﻪ .... ﻭﺻﻠﺖ ﻟﻠﺒﻴﺖ ﻭﺍﻧﻲ ﺗﻌﺒﺎﻥ ﺟﺴﻤﻲ ﻛﻮﻟﻪ ﻳﻮﺟﻌﻨﻲ ﻣﻘﻬﻮﺭ ﺣﺰﻳﻦ ﺭﺣﺖ ﺍﺭﻳﺪ ﺍﻧﺎﻡ ﻣﺎ ﺍﻛﺪﺭ ﺑﻘﻴﺖ ﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ ﺍﺫﺍ ﺍﺣﺠﻲ ﻭﺍﻛﻮﻝ ﻻﻫﻠﻲ ﺍﻭ ﻻﻫﻠﻬﻪ ﺍﻭ ﺍﺣﺠﻲ ﻟﺴﻨﺎﺀ ... ﺭﺍﺡ ﻳﺴﺎﻟﻮﻧﻲ ﻭﺍﻧﺖ ﻣﻨﻴﻦ ﺟﺒﺖ ﻫﺎﻟﻤﻌﻠﻮﻣﺎﺕ ﻭﺭﺍﺡ ﻳﺤﻘﻘﻮﻥ ﻭﻳﺎﻱ ... ﺑﻘﻴﺖ ﺍﻓﻜﺮ ﻭﺃﻓﻜﺮ ﻟﺤﺪ ﻣﺎ ﻭﺻﻠﺖ ﻟﻨﺘﻴﺠﻪ ﺍﻥ ﻻﺯﻡ ﺍﺣﺘﻔﻆ ﻟﻠﻤﻌﻠﻮﻣﻪ ﺑﺪﺍﺧﻠﻲ ﻭﻣﺎ ﺍﺗﻜﻠﻢ ﺣﺘﻰ ﻻ ﺍﻋﺮﺽ ﻧﻔﺴﻲ ﻟﺘﺴﺎﺅﻻﺕ ﺍﻻﻫﻞ ... ﻟﺤﺪ ﻣﺎﻧﻤﺖ ﺍﻟﻴﻮﻡ ﺍﻟﺜﺎﻧﻲ ﺷﻔﺘﻬﺎ ﻭﻫﻲ ﻣﻦ ﺷﺎﻓﺘﻨﻲ ﺍﻧﻬﺰﻣﺖ ﻭﺧﺘﻠﺖ ﺑﺎﻟﻤﻄﺒﺦ ﻳﻤﻜﻦ ﺍﺫﺍ ﺃﻛﻠﻤﻬﺎ ﺣﺎﺗﺘﻌﺎﺭﻙ ﻭﻳﺎﻱ ﻭﺍﺣﺘﻤﺎﻝ ﻣﺎﺗﺼﺪﻛﻨﻲ ﺧﻠﻴﻨﻲ ﺳﺎﻛﺖ ﺍﺣﺴﻨﻠﻲ ﻃﻠﻌﺖ ﺍﻓﺘﺮ ﻋﺎﻟﻤﻄﺎﻋﻢ ﻋﺎﻟﻜﻮﻓﻲ ﺷﻮﺏ ﺍﺩﻭﺭ ﻋﻠﻰ ﺷﻐﻞ ﺑﺲ ﺣﺘﻰ ﺍﻃﻠﻊ ﻣﺼﺮﻓﻲ ﻣﻴﺼﻴﺮ ﺍﺑﻘﻰ ﻋﺎﻟﻪ ﻋﻠﻰ ﺍﺑﻮﻱ ﺣﺼﻠﺖ ﺷﻐﻞ ﺑﻜﻮﻓﻲ ﺷﻮﺏ ﺻﺤﻴﺢ ﺑﻌﻴﺪ ﺑﺲ ﻻﺯﻡ ﺍﺷﺘﻐﻞ ﺣﺘﻰ ﺍﻟﺮﺍﺗﺐ ﻗﻠﻴﻞ ﺍﻟﺪﻭﺍﻡ ﻣﻦ ﺍﻝ 9 ﺍﻟﺼﺒﺢ ﻟﻐﺎﻳﺔ 11 ﺑﺎﻟﻠﻴﻞ ﻭﺑﺎﻟﻴﻮﻡ 25 ﺍﻟﻒ .. ﻣﻀﻄﺮ ﺍﻗﺒﻞ ﺍﻱ ﻋﻤﻞ ﻭﺍﻱ ﺭﺍﺗﺐ ﻭﺍﻱ ﺩﻭﺍﻡ ﻻﻥ ﻭﻇﻌﻨﻪ ﻣﻴﺴﻤﺤﻠﻲ ﺍﺧﺘﺎﺭ ... ﺩﺍﻭﻣﺖ ﺑﺎﻟﻜﻮﻓﻲ ﺷﻮﺏ ﺍﻟﻌﻤﻞ ﺷﺎﻕ ﻣﺎﺑﻴﻦ ﺗﻨﻈﻴﻒ ﻭﺗﻘﺪﻳﻢ ﻭﺧﺪﻣﻪ ﺍﻟﺰﺑﺎﺋﻦ ﻣﺎﻛﻮ ﻣﺠﺎﻝ ﺍﺭﺗﺎﺡ ﺍﻻ ﺑﻌﺾ ﺍﻷﻭﻗﺎﺕ ﻳﺼﻴﺮ ﻋﻨﺪﻱ ﻓﺮﺍﻍ ﺍﻓﺘﺢ ﺍﻟﻨﺖ ﻭﺃﺗﻜﻠﻢ ﻣﻊ ﺣﺒﻴﺒﺘﻲ ﻧﺠﻮﺩ ﻻﻥ ﻛﻼﻣﻲ ﻣﻌﺎﻫﺎ ﻫﻮ ﺍﻟﻲ ﻳﺨﻔﻒ ﻋﻨﻲ ﻛﻞ ﻫﺬﺍ ﺍﻟﺘﻌﺐ ﻭﻛﻞ ﻫﺬﻩ ﺍﻟﻤﺸﻘﺔ ﺩﺍﻭﻣﺖ ﺑﺎﻟﻜﻮﻓﻲ ﺷﻮﺏ ﻭﺍﺷﺘﻐﻞ ﺑﻜﻞ ﻭﺍﻫﺲ ... ﺍﻟﻌﻤﻞ ﺷﺎﻕ ﻟﻜﻦ ﻫﻜﺬﺍ ﻫﻲ ﺍﻟﺤﻴﺎﺓ ﻻﺗﻌﻄﻴﻨﺎ ﻛﻞ ﻣﺎﻧﺮﻳﺪ ﺍﻭ ﻛﻞ ﻣﺎﻧﺤﻠﻢ ﺑﻪ ﺍﻫﻢ ﺷﻲ ﺍﻥ ﺍﻻﻧﺴﺎﻥ ﻳﻘﻨﻊ ﺑﻌﻤﻠﻪ ﻭﻳﺆﺩﻱ ﻭﺍﺟﺒﺎﺗﻪ ﺑﺎﺧﻼﺹالعضوة: 522131 , 5 years ago
ﻣﻦ ﺍﺑﺎﻭﻉ ﻋﺎﻟﺸﺒﺎﺏ ﻳﺠﻮﻥ ﻳﻜﻌﺪﻭﻥ ﻭﻳﺸﺮﺑﻮﻥ ﺍﻟﻨﺮﻛﻴﻠﻪ ﻭﻳﻘﻀﻮﻥ ﻭﻗﺘﻬﻢ ﺿﺤﻚ ﻭﺿﻴﺎﻉ ﻟﻠﻮﻗﺖ ﻭﺍﺳﻤﻊ ﺃﺣﺎﺩﻳﺜﻬﻢ ﺑﻌﻀﻬﺎ ﺗﺎﻓﻪ ﻭﺑﻌﻀﻬﺎ ﻟﺘﻤﺸﻴﺔ ﺍﻟﻮﻗﺖ ﻭﻛﺎﻧﻪ ﻣﺎﻋﺪﻫﻢ ﻣﻬﺎﻡ ﻭﻭﺍﺟﺒﺎﺕ ﻳﺄﺩﻭﻧﻬﺎ ﺑﺤﻴﺎﺗﻬﻢ ﻏﻴﺮ ﺗﻀﻴﻴﻊ ﺍﻟﻮﻗﺖ ﻭﺃﻧﻬﻢ ﺧﻠﻘﻮﺍ ﻹﺳﻌﺎﺩ ﺍﻫﻠﻬﻢ ﺑﻮﺟﻮﺩﻫﻢ ﻻ ﻳﺎ ﺍﺧﻲ ﺍﻧﺖ ﺧﻠﻘﺖ ﻟﺘﺆﺩﻱ ﺭﺳﺎﻟﻪ ﻭﻋﻠﻴﻚ ﻭﺍﺟﺒﺎﺕ ﻣﺜﻠﻤﺎ ﻟﻚ ﺣﻘﻮﻕ ﻭﻟﻜﻦ ﻟﻴﺲ ﻣﻦ ﺣﻘﻲ ﺍﺗﻜﻠﻢ ﻭﺃﻋﻄﻲ ﻧﺼﻴﺤﻪ ﻷﻧﻲ ﺗﺬﻛﺮﺕ ﻭﻇﻌﻲ ﻋﻨﺪﻣﺎ ﻛﻨﺖ ﺍﻗﻀﻲ ﻭﻗﺘﻲ ﺑﻬﻜﺬﺍ ﺍﻣﻮﺭ ... ﻻﺷﺊ ﻳﺪﻭﻡ ﺑﺎﺧﺘﻼﻃﻲ ﺑﺎﻟﺸﺒﺎﺏ ﺻﺮﺕ ﺍﻋﺮﻑ ﻣﻦ ﺧﻼﻝ ﻭﺟﻮﺩ ﻣﺎﺭﺩ ﺑﺤﻴﺎﺗﻲ ﺍﻓﻬﻢ ﻛﻞ ﺷﺨﺺ ﻭﺗﻔﻜﻴﺮﻩ ﻣﻦ ﺧﻼﻝ ﻧﻈﺮﻩ ﻭﺣﺪﻩ ﺻﺎﺭ ﻋﻨﺪﻱ ﻓﺮﺍﺳﻪ ﻣﺎﻧﻜﻮﻝ ﻋﻠﻢ ﺍﻟﻐﻴﺐ ﻭﺇﻧﻤﺎ ﺍﻓﻬﻢ ﻣﺎﻳﻔﻜﺮ ﺑﻲ ﺍﻟﺸﺨﺺ ﺍﻟﻤﻘﺎﺑﻞ ﻭﺍﻋﺮﻑ ﺷﺨﺼﻴﻪ ﺫﻟﻚ ﺍﻟﺸﺨﺺ ﻭﻣﺮﺍﺣﻞ ﺣﻴﺎﺗﻪ ﻛﻞ ﻫﺬﺍ ﺑﻤﺴﺎﻋﺪﻩ ﻣﺎﺭﺩ ﺑﻬﺬﻩ ﺍﻟﻤﻮﻫﺒﺔ ﻛﺪﺭﺕ ﺍﺗﻌﺎﻣﻞ ﻣﻊ ﺍﻟﻤﻘﺎﺑﻞ ﺑﻜﻞ ﺣﺬﺭ ﻻﻥ ﺍﻋﺮﻑ ﺍﻟﻤﻘﺎﺑﻴﻠﻲ ﻋﻠﻰ ﺷﻨﻮ ﻧﺎﻭﻱ ﻳﻮﻡ ﺍﻻﺭﺑﻌﺎﺀ ﻛﻨﺖ ﺗﻌﺒﺎﻥ ﻭﻣﺎ ﻃﻠﻌﺖ ﻟﻠﺸﻐﻞ ﺍﺑﻮ ﻓﻬﺪ ... ﺍﺑﻨﻲ ﺷﻮﻑ ﺍﻟﺴﻴﺎﺭﻩ ﻣﺎ ﺍﻋﺮﻑ ﺍﺷﺒﻴﻬﺎ ﺃﺭﻳﺪﻙ ﺗﺠﻴﻜﻬﺎ ﻓﻬﺪ ... ﺻﺎﺭ ﻳﺎﺑﻪ ﻓﺘﺤﺖ ﺍﻟﺒﻨﻴﺪ ﻃﻠﻌﺖ ﻛﻬﺮﺑﺎﺋﻴﺎﺕ ﺑﻴﻬﺎ ﻋﻄﻞ ﺳﺤﺒﺖ ﺳﻴﺎﺭ ﻛﻬﺮﺑﺎﺋﻲ ﻣﻦ ﻧﻘﻄﻪ ﺍﻟﻜﻬﺮﺑﺎﺀ ﻗﺒﻞ ﻣﺎ ﺃﻭﺻﻠﻪ ﺑﺎﻟﻜﻬﺮﺑﺎﺀ ﻟﻜﻦ ﻣﺎ ﻓﺘﺤﺘﻪ ﺍﻟﺘﻮﺻﻴﻞ ﺧﻠﻴﺘﻪ ﻃﺎﻓﻲ ﻟﺤﺪ ﻣﺎ ﺍﻛﻤﻞ ﺍﻟﺘﺼﻠﻴﺢ ﻭﺍﻧﻲ ﺟﺎﻱ ﺍﺷﺘﻐﻞ ﻭﺍﻧﻲ ﻣﺪﺧﻞ ﺭﺍﺳﻲ ﺑﺎﻟﻤﻜﻴﻨﻪ ﻭﻣﻨﻄﻲ ﻇﻬﺮﻱ ﻟﻨﻘﻄﻪ ﺍﻟﻜﻬﺮﺑﺎﺀ ﺍﻏﻤﻰ ﻋﻠﻴﻪ ﻭﺃﺛﻨﺎﺀ ﺍﻹﻏﻤﺎﺀ ﺷﻔﺖ ﺍﺧﻮﻱ ﺍﻟﺼﻐﻴﺮ ﻳﺪﺧﻞ ﺍﻟﺒﻠﻚ ﺑﺎﻟﻜﻬﺮﺑﺎﺀ ... ﻭﺻﺤﺖ ﻋﻠﻴﻪ ﺑﺼﻮﺕ ﻋﺎﻟﻲ ﺧﺎﻟﺪ ﺻﺤﻴﺖ ﻣﻦ ﺍﻹﻏﻤﺎﺀ ﻭﺍﺷﻮﻑ ﺍﺧﻮﻱ ﻻﺯﻡ ﺍﻟﺒﻠﻚ ﻭﻳﺮﻳﺪ ﻳﻔﻮﺗﻪ ﺑﻨﻘﻄﻪ ﺍﻟﻜﻬﺮﺑﺎﺀ ﺍﻟﻲ ﺻﺎﺡ ﻋﻠﻴﻪ ﻣﻮ ﺍﻧﻲ ﻭﺇﻧﻤﺎ ﻣﺎﺭﺩ ﺑﺲ ﻣﻦ ﺧﻼﻝ ﺟﺴﻤﻲ ﺍﺧﻮﻱ ﻣﻦ ﻗﻮﺓ ﺍﻟﺼﻮﺕ ﺗﺮﻙ ﺍﻟﻮﺍﻳﺮ ﺧﺎﻟﺪ ... ﺍﺷﺒﻴﻚ ؟ ﻓﻬﺪ .. ﺷﺪﺍﺗﺴﻮﻱ ﺧﺎﻟﺪ .. ﻋﺒﺎﻟﻲ ﺗﺮﻳﺪ ﻛﻬﺮﺑﺎﺀ ﻛﻠﺖ ﺍﺳﺎﻋﺪﻙ ﻓﻬﺪ ... ﺗﺪﺭﻱ ﻟﻮ ﻣﻔﻮﺗﻪ ﺑﺎﻟﻜﻬﺮﺑﺎﺀ ﻛﺎﻥ ﻣﺘﺖ ﻻﻥ ﻛﺎﻥ ﺑﺎﻳﺪﻱ ﺑﺲ ﺭﺑﻚ ﺳﺘﺮ ... ﺍﻟﺤﻤﺪ ﻟﻠﻪ ﻛﻤﻠﺖ ﺗﺼﻠﻴﺢ ﻛﻬﺮﺑﺎﺋﻴﺎﺕ ﺍﻟﺴﻴﺎﺭﻩ ﻭﺷﻐﻠﺘﻬﻪ ﻟﻠﻮﺍﻟﺪ ﺑﺲ ﺷﻨﻮ ﺍﻛﻠﺖ ﺭﺟﻔﻪ ﻭﺧﻮﻑ ﻭﻫﺒﻄﺔ ﺩﺧﻠﺖ ﻟﻠﺒﻴﺖ ﻭﻣﺎﺭﺩ ﺧﻼﻧﻲ ﺍﻓﻜﺮ ﺍﻥ ﻧﺠﻮﺩ ﻣﺮﻳﻀﺔ ﺍﻧﻘﺒﺾ ﻛﻠﺒﻲ ﺍﺣﺘﺮﺕ ﺩﺧﻠﺖ ﺟﻮﻩ ﺍﺷﻮ ﺍﻟﺒﻴﺖ ﻫﻮﺳﻪ ﺣﺘﻰ ﺧﺼﻮﺻﻴﺔ ﻣﺎﻛﻮ ﺑﺲ ﺍﺭﻳﺪ ﺍﺗﻮﺍﺻﻞ ﻭﻳﺎﻫﺎ ﻣﺎﺭﺩ ﻛﺎﻥ ﺭﺍﺿﻲ ﻋﻦ ﺣﺒﻲ ﻟﻨﺠﻮﺩ ﻭﻳﺸﺠﻌﻨﻲ ﻋﻠﻰ ﻋﻼﻗﺘﻨﺎ ﻓﻬﺪ ... ﺍﻟﻮ ﻧﺠﻮﺩ ﻭﻳﻨﺞ ﺟﺎﻭﺑﻴﻨﻲ ﺣﺒﻴﺒﺘﻲ ﻧﺠﻮﺩ .. ﻫﻼ ﻭﻏﻼ ﺍﺷﻠﻮﻧﻚ ﻳﺎﻝ ﻏﺎﻟﻲ ﻓﻬﺪ ... ﺍﻟﺤﻤﺪ ﻟﻠﻪ ﺑﺨﻴﺮ ﺍﻧﺖ ﺍﺷﻠﻮﻧﺞ ؟العضوة: 522131 , 5 years ago
ﻧﺠﻮﺩ .. ﺍﻧﻲ ﺗﻌﺒﺎﻧﻪ ﻋﻨﺪﻱ ﺍﻓﻼﻭﻧﺰﻩ ﻗﻮﻳﻪ ﻭﺟﺴﻤﻲ ﻛﻮﻟﻪ ﻳﻮﺟﻌﻨﻲ ﻓﻬﺪ ... ﺣﺒﻴﺒﻲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺍﺧﺬﻱ ﻋﻼﺝ ﻧﺠﻮﺩ ... ﺍﻥ ﺷﺎﺀ ﺍﻟﻠﻪ ﻓﻬﺪ ... ﺍﻛﻮﻟﺞ ﺍﻧﻲ ﻣﺸﺘﺎﻕ ﺷﻮﻛﺖ ﻧﻠﺘﻘﻲ ؟ ﻣﻮ ﺧﻠﺺ ﻛﻠﺒﻲ ﻧﺠﻮﺩ ... ﺷﻮﻑ ﻳﺎﻓﻬﺪ ﺍﻧﻲ ﻛﺘﻠﻚ ﻣﻤﻜﻦ ﺍﺭﻭﺍﺣﻨﺎ ﺗﻠﺘﻘﻲ ﺑﻤﺴﺎﻋﺪﻩ ﺍﻟﺠﻨﻲ ﺍﻟﻲ ﻋﻨﺪﻱ ﻭﻋﻨﺪﻙ ﺍﻧﺖ ﺍﻃﻠﺐ ﻣﻨﻪ ﻭﺷﻮﻑ ﺷﻴﻜﻮﻟﻚ ﺍﻧﺖ ﻧﻔﺬ ﻭﺍﻧﻲ ﻫﻢ ﺭﺍﺡ ﺍﻃﻠﺐ ﻣﻦ ﺍﻟﺠﻨﻲ ﻣﺎﻟﺘﻲ ﻓﻬﺪ ... ﻓﻌﻼ ﻃﻠﺒﺖ ﻣﻨﻪ ﻳﺨﻠﻴﻨﻲ ﺍﻟﺘﻘﻲ ﺑﻨﺠﻮﺩ ﻧﺠﻮﺩ ... ﻓﻬﺪ ﺍﻟﻴﻮﻡ ﺭﺍﺡ ﻧﻠﺘﻘﻲ ﺍﻧﻲ ﻭﻳﺎﻙ ﻭﺍﻧﺖ ﺷﻮﻑ ﻣﺎﺭﺩ ﺷﻴﻜﻮﻟﻚ ﺍﻧﺖ ﻭﺍﻓﻖ ﺣﺘﻰ ﻧﻠﺘﻘﻲ ﻓﻬﺪ ... ﺍﻧﺖ ﺗﺤﺠﻴﻦ ﺻﺪﻙ ﺣﺒﻴﺒﺘﻲ ﺍﻟﻴﻮﻡ ﺍﺷﻮﻓﺞ ﻭﺍﻟﺘﻘﻲ ﺑﻴﺞ ﻧﺠﻮﺩ ... ﺗﺮﻯ ﺍﻧﻲ ﻗﺎﺭﻳﺔ ﻛﺘﺐ ﻛﺜﻴﺮﻩ ﻋﻦ ﺍﻟﺠﻦ ﻭﺍﻋﺮﻑ ﻣﻤﻜﻦ ﻳﺨﻠﻮﻧﻪ ﻧﻠﺘﻘﻲ ﻭﺍﻟﻲ ﻋﻨﺪﻱ ﻛﺎﻝ ﺍﻟﻴﻮﻡ ﺣﺎﻳﺨﻠﻮﻧﻪ ﻧﻠﺘﻘﻲ ﻓﻬﺪ ... ﺗﻤﺎﻡ ﺍﻧﻲ ﺗﺤﺖ ﺍﻣﺮﺝ ﺣﻴﺎﺗﻮﻭﻭﻭﻭ **************************** ﻣﺎﺭﺩ ... ﺍﻟﻴﻮﻡ ﺃﺭﻳﺪﻙ ﺗﻨﺎﻡ ﺳﺎﻋﻪ ﺏ ( 1 ) ﺑﺎﻟﻠﻴﻞ ﻓﻬﺪ .. ﺑﺪﻭﻥ ﻣﺎ ﺃﻧﺎﻗﺸﻪ ﻭﺍﻓﻘﺖ ﻭﻧﻔﺬﺕ ﺗﻌﺸﻴﻨﺎ ﻭﻛﻤﻠﻨﺎ ﺭﺣﺖ ﻟﻠﻐﺮﻓﺔ ﺍﺭﻳﺪ ﺍﻧﺎﻡ ﺻﻌﺐ ﻣﺎ ﺍﻛﺪﺭ ﻛﻤﺖ ﻓﺘﺤﺖ ﺍﻟﺜﻼﺟﻪ ... ﺍﻱ ﺷﻔﺖ ﻟﺒﻦ ﺷﺮﺑﺖ ﻛﻼﺹ ﻟﺒﻦ .. ﺍﻧﻲ ﻣﻦ ﺍﻟﻨﻮﻉ ﺍﻟﻲ ﺑﺲ ﺍﺷﺮﺏ ﺍﻟﻠﺒﻦ ﺍﻧﺎﻡ ﺣﺘﻰ ﻟﻮ ﻫﻮﺳﻪ ﻭﺍﻟﺠﻮ ﺍﻟﻲ ﺣﻮﻟﻴﻨﻲ ﻣﻮ ﻣﺎﻝ ﻧﻮﻡ ﺑﺲ ﻫﺬﻩ ﻃﺒﻴﻌﺘﻲ ﻧﻤﺖ ﻭﺑﻌﺪﻫﻪ ... ﺷﻔﺖ ﻧﻔﺴﻲ ﺑﺤﺪﻳﻘﺔ ﺣﻠﻮﻩ ﻛﻮﻟﻬﻪ ﺧﻀﺎﺭ ﺍﻟﻠﻪ ﻫﺬﻳﺞ ﻧﺠﻮﺩ ﺟﺎﻳﺔ ﻋﻠﻲ ﺗﺘﻤﺸﻰ ﻛﻠﺒﻲ ﻓﺮﻓﺢ ﻣﻦ ﺷﻔﺘﻬﺎ ﺷﻨﻮ ﻫﺎﻟﻄﻮﻝ ﺷﻨﻮ ﻫﺎﻻﻧﺎﻗﺔ ﻓﺪﻭﻩ ﻟﻄﻮﻟﺞ ﻧﺠﻮﺩ ... ﺍﻟﺠﻨﻲ ﺍﻟﻲ ﻋﻨﺪﻱ ﻛﻠﻲ ﺍﻟﻴﻮﻡ ﻧﺎﻣﻲ ﺳﺎﻋﻪ ﺏ ( 1 ) ﺑﺎﻟﻠﻴﻞ ﻭﻧﻔﺬﺕ ﺍﻟﻲ ﻛﺎﻟﻪ ﻻﻥ ﺍﻋﺮﻑ ﺣﺎﻳﻮﺩﻳﻨﻲ ﺍﻟﺘﻘﻲ ﺑﻔﻬﺪ ﻭﻛﺎﻧﺖ ﻫﺬﻩ ﺍﻣﻨﻴﺘﻲ ... ﺑﻌﺪ ﻣﺎﻧﻤﺖ ﺣﺴﻴﺖ ﺍﻧﻲ ﺑﺤﺪﻳﻘﺔ ﺣﻠﻮﻩ ﺗﻤﺸﻴﺖ ﺍﺩﻭﺭ ﻋﻠﻰ ﺍﺣﺪ ﺑﻴﻬﺎ ﻭﺍﻧﻲ ﻛﻞ ﻫﺪﻓﻲ ﻭﺍﻣﻨﻴﺘﻲ ﺍﻟﺘﻘﻲ ﺑﻔﻬﺪ ﻭﺍﻧﻲ ﺍﻣﺸﻲ ﺷﻔﺖ ﺣﺒﻴﺒﻲ ﻭﺍﻛﻒ ﻭﻣﺒﺘﺴﻢ ... ﺍﻱ ﻫﺬﺍ ﻫﻮ ﺣﻴﺎﺗﻲ ﻫﺬﺍ ﻫﻮ ﺣﺒﻴﺒﻲ ﻭﺃﺧﻴﺮﺍ ﻧﻠﺘﻘﻲ ﻳﺎﺭﺏ ﺍﺫﺍ ﺣﻠﻢ ﺧﻠﻴﻨﻲ ﻧﺎﻳﻤﻪ ﻣﺎ ﺍﺭﻳﺪ ﺍﺻﺤﻰ ﻣﻨﻪ ﻧﺠﻮﺩ .. ﻭﺃﺧﻴﺮﺍ ﺍﻟﺘﻘﻴﻨﻪ ﻓﻬﺪ .. ﻣﻦ ﺷﻔﺖ ﻧﺠﻮﺩ ﻧﺴﻴﺖ ﻛﻮﻟﺸﻲ ﻭﺣﻈﻨﺘﻬﻪ ﻭﺑﺴﺘﻬﺎ ... ﻣﻌﻘﻮﻟﻪ ﺍﻧﺖ ﻛﺒﺎﻟﻲ ﻭﺑﻴﻦ ﺍﻳﺪﻱ .. ﻻ ﻻ ﻣﺎ ﺍﺻﺪﻙ ﻧﺠﻮﺩ .. ﻣﻮ ﻛﺘﻠﻚ ﺣﺎﻳﺠﻲ ﻳﻮﻡ ﻭﻧﻠﺘﻘﻲ ﻓﻬﺪ .. ﻧﺠﻮﺩ ﺧﻠﻲ ﻧﺒﻘﻰ ﻫﻨﺎ ﺑﻌﺎﻟﻤﻨﻪ ﻫﺬﺍ ﻣﺎ ﻧﺮﻳﺪ ﻧﺮﺟﻊ ﻟﺤﻴﺎﺗﻨﺎ ﻧﺠﻮﺩ .. ﻓﻬﺪ ﻫﺬﻩ ﺍﻟﻠﺤﻈﺎﺕ ﺍﻟﺤﻠﻮﻩ ﺧﻠﻲ ﻧﻌﻴﺸﻬﺎ ﺑﺪﻗﺘﻬﻪ ﻭﻻﺗﻔﻜﺮ ﺑﻜﺮﻩ ﺷﺮﺍﺡ ﻳﺼﻴﺮ ﻓﻬﺪ ... ﻧﺠﻮﺩ ﺍﻧﻄﻴﻨﻲ ﺍﻳﺪﺝ ﺍﺭﻳﺪ ﺍﻟﺰﻣﻬﻪ ... ﻟﺰﻣﺖ ﺍﻳﺪﻫﻪ ﻧﺎﻋﻤﻪ ﻣﺜﻞ ﺍﻟﺤﺮﻳﺮ ﺑﺴﺖ ﺍﻳﺪﻫﻪ ... ﺍﻟﻠﻪ ﻛﻠﺒﻲ ﺣﺎﻳﻮﻛﻒ ﻣﻦ ﺍﻟﺤﺐ ﻟﺞ ﺍﻧﻲ ﺍﺣﺒﺞ ﻭﺍﻣﻮﺕ ﻋﻠﻴﺞ ﻭﺍﺣﻨﺎ ﻻﺯﻡ ﻧﺘﺰﻭﺝ ﻧﺠﻮﺩ ... ﻓﻬﺪ ﺍﻧﻲ ﻫﻢ ﺍﺣﺒﻚ ﻭﺍﻣﻮﺕ ﻋﻠﻴﻚ ﺑﺲ ﺍﻧﺖ ﺗﻌﺮﻑ ﻗﺎﻧﻮﻥ ﺩﻭﻟﺘﻨﺎ ﻓﻬﺪ ... ﻻﺯﻡ ﺍﻛﻮ ﻃﺮﻳﻘﺔ ﻧﻜﺪﺭ ﺑﻴﻬﻪ ﻧﻜﻮﻥ ﻟﺒﻌﺾ ﻧﺠﻮﺩ ... ﻧﻔﻜﺮ ﻭﻻﺯﻡ ﻧﻠﻜﻲ ﺣﻞ ... ﻫﺎﻱ ﺍﺷﺒﻴﻚ ﺻﺎﻓﻦ ﺑﻮﺟﻬﻲ ﻭﻣﺒﺘﺴﻢالعضوة: 522131 , 5 years ago
ﻓﻬﺪ .. ﺗﺪﺭﻳﻦ ﻟﻤﺎ ﺍﻻﻧﺴﺎﻥ ﻳﺸﻮﻑ ﺍﻟﻘﻤﺮ ﻭﻳﺒﻘﻰ ﻳﺒﺎﻭﻉ ﻋﻠﻴﻪ ﻭﻛﺎﻧﻪ ﺷﺎﻳﻔﺔ ﻷﻭﻝ ﻣﺮﻩ ﻭﺗﻠﻜﻲ ﻣﺮﺍﺕ ﻛﺪﺍﻣﻪ ﻭﻣﻴﺸﻮﻓﻪ ﺍﻧﻲ ﻫﺴﻪ ﺷﺎﻳﻒ ﺍﻟﻘﻤﺮ ﻷﻭﻝ ﻣﺮﻩ ﺑﺤﻴﺎﺗﻲ ﺷﻌﺮﺝ ﺣﻠﻮ ﺳﺮﺡ ﺍﺭﻳﺪ ﺃﻟﺰﻣﻪ ﻛﺎﻣﺖ ﻣﻦ ﻳﻤﻲ ﺗﺮﻛﺾ ﻭﺗﻀﺤﻚ ﻣﺜﻞ ﺍﻟﻤﻼﻙ ﺭﻛﻀﺖ ﻭﺭﺍﻫﺎ ﻭﺑﻘﻴﻨﺎ ﻧﻀﺤﻚ ﻟﺤﺪ ﻣﺎ ﻟﺰﻣﺘﻬﻪ ﻭﺣﻈﻨﺘﻬﻪ ﻓﻬﺪ .. ﺍﻧﺖ ﻋﺸﻘﻲ ﻭﻏﺮﺍﻣﻲ ﻧﺠﻮﺩ ﺍﺣﻨﺎ ﻻﺯﻡ ﻧﻜﻮﻥ ﻟﺒﻌﺾ ﻧﺠﻮﺩ ... ﺗﺪﺭﻱ ﻓﻬﺪ ﺍﻟﻴﻮﻡ ﺍﺳﻌﺪ ﻳﻮﻡ ﺑﺤﻴﺎﺗﻲ ﻭﺍﺣﻠﻰ ﺣﻠﻢ ﺑﻌﻤﺮﻱ ﺍﻟﺤﻠﻢ ﺍﻟﻲ ﻳﺤﻘﻘﻠﻚ ﺃﻣﻨﻴﺘﻚ ﻣﺎ ﺍﺭﻳﺪ ﺍﺻﺤﻰ ﻣﻨﻪ ﺑﻘﻴﻨﺎ ﻧﺴﻮﻟﻒ ﻭﻧﺴﻮﻟﻒ ﻣﺮﻩ ﻧﻜﻌﺪ ﻭﻣﺮﻩ ﻧﻤﺸﻲ ﻣﺎﺣﺴﻴﻨﺎ ﺑﺎﻟﻮﻗﺖ ﻣﺮ ﻋﻠﻴﻨﺎ ﻛﺎﻧﺖ ﺍﺳﻌﺪ ﻟﺤﻈﺎﺕ ﺑﺤﻴﺎﺗﻲ ﻳﻮﻡ ﻟﻘﺎﺋﻲ ﺑﻨﺠﻮﺩ ﻣﺎﺭﺩ ... ﻓﻬﺪ ﺧﻠﺺ ﺍﻟﻮﻗﺖ ﻻﺯﻡ ﺗﻮﺩﻉ ﻧﺠﻮﺩ ﻓﻬﺪ ... ﺣﺒﻴﺒﺘﻲ ﻧﺠﻮﺩ .. ﺍﻋﺮﻑ ﻓﻬﺪ ﺣﺘﻰ ﺍﻟﻲ ﻋﻨﺪﻱ ﻛﺎﻟﻬﻪ ﻣﺎﻧﻜﻮﻝ ﻭﺩﺍﻋﺎ ﻓﻬﺪ .. ﻧﻜﻮﻝ ﺍﻟﻰ ﺍﻟﻠﻘﺎﺀ ﺭﺟﻌﺖ ﻟﻤﻜﺎﻧﻲ ﻭﺍﻧﻲ ﺍﺳﻌﺪ ﺍﻧﺴﺎﻥ ﺑﺎﻟﺪﻧﻴﺎ ﻧﺴﻴﺖ ﻛﻞ ﻫﻤﻮﻣﻲ ﻭﻛﻞ ﻣﺸﺎﻛﻠﻲ ﻟﻘﺎﺋﻲ ﻣﻊ ﻧﺠﻮﺩ ﻛﺎﻥ ﺷﻲ ﻣﺴﺘﺤﻴﻞ ﺍﻟﻴﻮﻡ ﺍﻟﺜﺎﻧﻲ ﻓﻬﺪ ... ﺍﻟﻮ ﻫﻠﻮ ﻧﺠﻮﺩ ﺣﺒﻴﺒﺘﻲ ﻧﺠﻮﺩ ... ﻫﻠﻮ ﺍﺷﻠﻮﻧﻚ ﻓﻬﺪ ... ﺍﻟﺒﺎﺭﺣﻪ ﺣﻠﻤﺖ ﺑﻴﺞ ﺍﺧﺬﻧﻲ ﻣﺎﺭﺩ ﻭﺍﻟﺘﻘﻴﺖ ﺑﻴﺞ ﻧﺠﻮﺩ ... ﺍﻋﺮﻑ ﺍﻧﻲ ﻫﻢ ﻛﻨﺖ ﻣﻌﺎﻙ ﺍﻟﺒﺎﺭﺣﻪ ﻛﻮﻟﻲ ﺷﻜﻨﺖ ﻻﺑﺴﻪ ؟ ﻓﻬﺪ .. ﻛﻨﺘﻲ ﻻﺑﺴﻪ ﻓﺴﺘﺎﻥ ﻭﺭﺩﻱ ﻓﺎﺗﺢ ﻭﺷﻌﺮﺝ ﻣﻔﺘﻮﺡ ﺍﺳﻮﺩ ﻭﻃﻮﻳﻞ ﻧﺠﻮﺩ .. ﻭﺍﻧﺖ ﻛﻨﺖ ﻻﺑﺲ ﻗﻤﻴﺺ ﺍﺑﻴﺾ ﻭﺑﻨﻄﺮﻭﻥ ﺍﺳﻮﺩ ﻓﻬﺪ ... ﺻﺤﻴﺢ ﻳﻌﻨﻲ ﻓﻌﻼ ﺍﺭﻭﺍﺣﻨﺎ ﺍﻟﺘﻘﺖ ﺗﺬﻛﺮﻳﻦ ﻣﻦ ﺣﻈﻨﺘﺞ ﻧﺠﻮﺩ ... ﻭﻣﻦ ﺑﺴﺖ ﺍﻳﺪﻱ ﻛﻠﺸﻲ ﺍﺗﺬﻛﺮ ﻟﻠﺤﻜﺎﻳﻪ ﺑﻘﻴﺔ .... يتبعالعضوة: 522131 , 5 years ago
ﻟﻠﺠﻦ ﻫﻴﺂﺕ ﻭﺃﺷﻜﺎﻝ ﺇﺫﺍ ﺭﺃﻳﻨﺎﻫﺎ ﻋﻠﻰ ﺣﻘﻴﻘﺘﻬﺎ ﻧُﻔﺘﻦ · ﺇﻥ ﺍﻟﺠﻦ ﻣﺨﻠﻮﻗﺎﺕ ﺧﻠﻘﻬﺎ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺑﻜﻴﻔﻴﺎﺕ ﻣﻌﻴﻨﺔ، ﻭﻫﻢ ﻣﻜﻠﻔﻮﻥ ﻛﻤﺎ ﺃﻥ ﺍﻹﻧﺴﺎﻥ ﻣﻜﻠﻒ · ﻳﻘﻮﻝ ﺗﻌﺎﻟﻰ : ( ﻭﻣﺎ ﺧﻠﻘﺖ ﺍﻟﺠﻦ ﻭﺍﻹﻧﺲ ﺇﻻ ﻟﻴﻌﺒﺪﻭﻥ ) ﺍﻟﺬﺍﺭﻳﺎﺕ 50: ، ﺇﺫﺍً ﺍﻟﻬﺪﻑ ﻭﺍﻟﻐﺎﻳﺔ ﻣﻦ ﺧﻠﻖ ﺍﻟﺠﻦ ﻫﻮ ﻋﺒﺎﺩﺓ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ، ﻟﻜﻦ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺧﻠﻘﻬﻢ ﺑﻜﻴﻔﻴﺎﺕ ﻣﻌﻴﻨﺔ ﻻ ﺗﺴﻤﺢ ﻟﻨﺎ ﺑﺮﺅﻳﺘﻬﻢ ﻓﻲ ﺻﻮﺭﺗﻬﻢ ﺍﻟﺤﻘﻴﻘﻴﺔ، ﺇﻻ ﺇﺫﺍ ﺗﺸﻜﻠﻮﺍ ﻋﻠﻰ ﻫﻴﺌﺔ ﺇﻧﺴﺎﻥ ﺃﻭ ﺣﻴﻮﺍﻥ، ﻭﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﻳﻘﻮﻝ : ( ﺇﻧﻪ ﻳﺮﺍﻛﻢ ﻫﻮ ﻭﻗﺒﻴﻠﻪ ﻣﻦ ﺣﻴﺚ ﻻ ﺗﺮﻭﻧﻬﻢ ) ﺍﻷﻋﺮﺍﻑ 72: ، ﻭﺍﻟﺤﻜﻤﺔ ﻣﻦ ﺫﻟﻚ ﺃﻥ ﻟﻠﺠﻦ ﻫﻴﺂﺕ ﻭﺃﺷﻜﺎﻝ ﺭﺑﻤﺎ ﺇﺫﺍ ﺭﺃﻳﻨﺎﻫﺎ ﻋﻠﻰ ﺣﻘﻴﻘﺘﻬﺎ ﻧُﻔﺘﻦ، ﻓﻘﺪ ﻳﻜﻮﻥ ﻟﻠﺠﻦ ﻛﻴﻔﻴﺔ ﻣﺨﻴﻔﺔ ﺗﺠﺒﺮﻧﺎ ﻋﻠﻰ ﺍﻻﻧﺼﻴﺎﻉ ﻟﻪ ﺧﻮﻓﺎً ﻣﻨﻪ، ﻭﻫﻢ ﻳﻌﻴﺸﻮﻥ ﺑﻴﻨﻨﺎ ﻣﻨﻬﻢ ﻣﺎ ﻫﻮ ﻋﻠﻰ ﺳﺒﻴﻞ ﺍﻟﻘﺮﻳﻦ ﻳﻌﻴﺶ ﻣﻊ ﺍﻹﻧﺴﺎﻥ ﻳﻮﺳﻮﺱ ﻟﻪ، ﻭﻣﻨﻬﻢ ﻣﻦ ﻳﻌﻴﺶ ﻓﻲ ﺍﻟﺼﺤﺎﺭﻯ ﻭﺍﻟﻜﻬﻮﻑ ﻭﺍﻟﺒﻴﻮﺕ، ﻭﻣﻨﻬﻢ ﻛﻤﺎ ﻭﺻﻔﻬﻢ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ : ( ﺍﻟﺠﻦ ﺛﻼﺛﺔ ﺃﺻﻨﺎﻑ ﻣﻨﻬﻢ ﺣﻴﺎﺕ ﻭﻋﻘﺎﺭﺏ، ﻭﻣﻨﻬﻢ ﻳﻄﻴﺮ ﻓﻲ ﺍﻟﻬﻮﺍﺀ، ﻭﻣﻨﻬﻢ ﻳﺤﻞ ﻭﻳﻈﻌﻦ ·( ﺇﺫﺍً ﺍﻟﺠﻦ ﻋﺎﻟﻢ ﻳﻌﻴﺶ ﻣﻊ ﺍﻹﻧﺴﺎﻥ ﻟﻌﺒﺎﺩﺓ ﺍﻟﻠﻪ، ﻭﻣﻦ ﻳﻜﻔﺮ ﻣﻨﻬﻢ ﻳﺴﻤَّﻰ ﺷﻴﻄﺎﻧﺎً، ﻓﺈﺫﺍ ﻋَﻈُﻢَ ﺃﻣﺮ ﻫﺬﺍ ﺍﻟﺸﻴﻄﺎﻥ ﻭﺍﻣﺘﻠﻚ ﻗﺪﺭﺍﺕ ﻛﺒﻴﺮﺓ ﻳﻄﻠﻖ ﻋﻠﻴﻪ ( ﻣﺎﺭﺩ ) ، ﺃﻣﺎ ﺇﺫﺍ ﺻﺎﺭﺕ ﻟﺪﻳﻪ ﺍﻟﻘﺪﺭﺓ ﻋﻠﻰ ﺣﻤﻞ ﺍﻷﺷﻴﺎﺀ ﺍﻟﺜﻘﻴﻠﺔ ﻭﺗﻐﻴﻴﺮ ﺑﻌﺾ ﺍﻷﻣﻮﺭ ﻳُﺴﻤَّﻰ ( ﻋﻔﺮﻳﺘﺎً ) ***************************** ﻓﻬﺪ ... ﺍﻧﺖ ﺗﻌﺮﻓﻴﻦ ﻧﺠﻮﺩ ﻣﺴﺘﻌﺪ ﺍﺳﻮﻱ ﺍﻱ ﺷﻲ ﺣﺘﻰ ﻧﺘﺰﻭﺝ ﻧﺠﻮﺩ ... ﻓﻬﺪ ﻣﻮ ﻋﺒﺎﻟﻚ ﻫﻤﺎ ﻳﺨﺪﻣﻮﻙ ﺑﺴﻬﻮﻟﻪ ﺩﻳﺮ ﺑﺎﻟﻚ ﻻﺗﻄﻠﺐ ﻣﻨﻪ ﻛﻮﻟﺸﻲ ﺗﺮﻯ ﺍﻧﻲ ﺍﻋﺮﻑ ﺑﻬﺬﻩ ﺍﻻﻣﻮﺭ ﻭﺍﻷﻓﻀﻞ ﻻﺗﺨﻄﻮ ﺍﻱ ﺧﻄﻮﻩ ﺑﺪﻭﻥ ﻣﺎﺗﺨﺒﺮﻧﻲ ... ﺍﺣﺬﺭ ﻳﺎﻓﻬﺪ ﺍﺣﺬﺭ ﺗﺮﻯ ﺗﻜﻠﻔﻚ ﺣﻴﺎﺗﻚ ﻓﻬﺪ ... ﻟﻬﺎﻟﺪﺭﺟﻪ ﺍﻛﻮ ﺧﻄﻮﺭﻩ ﻧﺠﻮﺩ ... ﺍﻱ ﻣﻮ ﻋﺒﺎﻟﻚ ﻫﺴﻪ ﺧﻠﻴﻨﺎ ﺑﺎﺣﻼﻣﻨﺎ ﻓﻬﺪ ... ﻧﺠﻮﺩ ﺍﻧﻲ ﺗﻌﺒﺖ ﻣﻦ ﻭﻇﻌﻲ ﻭﻗﺮﺭﺕ ﺍﻫﺎﺟﺮ ﻧﺠﻮﺩ ﻭﻳﻦ ﺗﺮﻳﺪ ﺗﺮﻭﺡ ﻫﻢ ﻋﺎﻟﺒﺤﺮ ﻭﺗﻐﺮﻙ ﻓﻬﺪ ... ﺗﻌﺒﺖ ﺣﻴﺎﺗﻨﻪ ﻋﺒﺎﺭﻩ ﻋﻦ ﺷﻐﻞ ﻭﺍﻟﻮﺍﺭﺩ ﻣﻴﻜﻮﻥ ﻣﺴﺘﻘﺒﻞ ﻧﺠﻮﺩ .. ﺍﻟﻠﻪ ﻛﺮﻳﻢ ﺍﻧﺖ ﺍﺷﺘﻐﻞ ﻭﺧﻠﻴﻬﺎ ﻋﻠﻰ ﺍﻟﻠﻪ ****************************** ﻛﻨﺖ ﻧﺎﻳﻢ ﻭﺗﻌﺒﺎﻥ ﻣﻦ ﺍﻟﺸﻐﻞ ﺑﺎﻟﻜﻮﻓﻲ ﺷﻮﺏ ﻣﺎﺭﺩ ... ﻓﻬﺪ ﻛﻮﻡ ﺍﻛﻌﺪ ﻓﻬﺪ ... ﺍﻫﻼ ﻣﺎﺭﺩ ﻣﺎﺭﺩ .. ﺍﻛﻌﺪ ﺧﻠﻲ ﺁﺧﺬﻙ ﺑﺮﺣﻠﻪ ﺍﺷﻮ ﺍﺷﻮﻓﻚ ﺗﻌﺒﺎﻥ ﻭﺿﺎﻳﺞ ﻓﻬﺪ ... ﺍﻱ ﺻﺤﻴﺢ ﺗﻌﺒﺎﻥ ﻭﻇﻌﻨﻪ ﻣﺨﺮﺑﻂ ﻟﺤﺪ ﺷﻮﻛﺖ ﻧﺒﻘﻰ ﻋﻠﻰ ﻫﺎﻟﺤﺎﻝ ؟ ﺗﺒﻬﺬﻟﻨﻪ ﻋﻔﻨﺎ ﺑﻴﻮﺗﻨﻪ ﻭﺣﻴﺎﺗﻨﻪ ﻛﻨﺎ ﻣﺴﺘﻘﺮﻳﻦ ﻭﺗﺎﻟﻴﺘﻬﻪ ﺍﺷﺘﻐﻞ ﻋﺎﻣﻞ ﻭﺑﺮﺍﺗﺐ ﻗﻠﻴﻞ ﻣﺎﺭﺩ ... ﺍﺻﻌﺪ ﻋﻠﻰ ﻇﻬﺮﻱ ﺭﺍﺡ ﺁﺧﺬﻙ ﻟﻤﻜﺎﻥ ﺗﻐﻴﺮ ﺟﻮ ﻓﻬﺪ ... ﺻﻌﺪﺕ ﻋﻠﻰ ﻇﻬﺮﻩ ﻭﻃﺎﺭ ﺑﻲ ﺩﺍﺋﻤﺎ ﻳﻄﻴﺮ ﻋﺎﻟﺒﺤﺮ (العضوة: 522131 , 5 years ago
ﻋﺎﻟﻤﺎﻱ ) . ﻭﺻﻠﻨﺎ ﻟﻤﻜﺎﻥ ﺑﻲ ﺻﺨﺮﻩ ﻧﺰﻟﻨﺎ ﻛﻌﺪﻧﻪ ﻋﺎﻟﺼﺨﺮﻩ ﻣﺎﺭﺩ ... ﺗﺸﻮﻑ ﻳﺎﻓﻬﺪ ﻫﺬﺍ ﻋﺎﻟﻤﻨﺎ ﻓﻬﺪ ... ﺍﻧﻲ ﺻﺎﻓﻦ ﻭﺑﺲ ﺍﺑﺎﻭﻉ ﺑﻌﻴﻮﻧﻲ ... ﺻﺨﺮﻩ ﻋﺎﻟﻴﺔ ﺑﻨﺺ ﺍﻟﺒﺤﺮ ﺣﺴﻴﺖ ﺑﺨﻮﻑ ﻭﺭﻫﺒﻪ ﻣﺎﺭﺩ ... ﻓﻬﺪ ﺍﻟﻴﻮﻡ ﺭﺍﺡ ﺁﺧﺬﻙ ﻟﻠﻘﺼﺮ ﻣﺎﻟﺘﻨﻪ ﻓﻬﺪ ... ﻳﻌﻨﻲ ﺗﻜﺪﺭ ﺗﺪﺧﻠﻨﻲ ﺑﻌﺎﻟﻤﻜﻢ ﻣﺎﺭﺩ .. ﺍﻱ ﺍﻛﺪﺭ ﺁﺧﺬﻙ ﺗﻌﺎﻝ ﺍﺻﻌﺪ ﺧﻠﻲ ﻧﺮﻭﺡ ﻭﺻﻠﻨﺎ ﻟﻠﻘﺼﺮ ﻋﺒﺎﺭﻩ ﻋﻦ ﻗﺼﺮ ﻓﺨﻢ ﻭﻛﺒﻴﺮ ﻧﺰﻟﻨﺎ ﻭﺍﻧﻲ ﺍﺑﺎﻭﻉ ﺫﻫﻠﺖ ﻣﻦ ﺍﻟﻤﻨﻈﺮ ﺷﻲ ﻛﺒﻴﺮ ﻭﻋﺠﻴﺐ ﺍﻟﻘﺼﺮ ﻣﻦ ﺫﻫﺐ ﻭﺃﺣﺠﺎﺭ ﻛﺮﻳﻤﻪ ﺍﻣﺎ ﺍﻟﻄﺮﻳﻖ ﺍﻟﻲ ﻣﺸﻴﻨﺎ ﺑﻲ ﺣﺘﻰ ﻧﺪﺧﻞ ﻟﻠﻘﺼﺮ ﻣﺎﺭﺩ ... ﺍﻧﺖ ﺷﺎﻳﻒ ﺍﻷﻟﻤﺎﺱ ﻳﺎﻓﻬﺪ ؟ ﻓﻬﺪ ... ﻻ ﺑﺲ ﺷﺎﻳﻔﺔ ﺑﺎﻟﺘﻠﻔﺰﻳﻮﻥ ﻣﺎﺭﺩ .. ﺑﺎﻭﻉ ﻫﺬﺍ ﺍﻟﻄﺮﻳﻖ ﺍﻟﻲ ﺟﺎﻱ ﻧﻤﺸﻲ ﺑﻲ ﻋﺎﻟﻤﺎﻱ ﺣﺘﻰ ﻧﺪﺧﻞ ﻟﻠﻘﺼﺮ ... ﻫﺬﺍ ﻛﻮﻟﻪ ﺍﻟﻤﺎﺱ ﺣﺠﺮ ﺍﻷﻟﻤﺎﺱ ﻏﺎﻟﻲ ﻋﺪﻛﻢ ﺑﺲ ﺍﺣﻨﺎ ﻣﺎﻳﺼﻌﺐ ﻋﻠﻴﻨﺎ ﻭﺻﻠﻨﺎ ﻟﻠﺒﻮﺍﺑﻪ ﻭﺩﺧﻠﻨﺎ ﺷﺊ ﻣﺬﻫﻞ ﻣﺸﺎﻳﻔﺔ ﻃﻮﻝ ﺣﻴﺎﺗﻲ ﺍﻟﺤﺪﻳﻘﺔ ﻣﻨﺴﻘﺔ ﺗﻨﺴﻴﻖ ﻭﺗﺮﺗﻴﺐ ﻭﻻ ﺍﻛﺒﺮ ﻣﻬﻨﺪﺱ ﻣﺴﻮﻳﻬﻪ ﺍﻟﻤﻜﺎﻥ ﻣﺰﺧﺮﻑ ﻏﻴﺮ ﺍﻷﺣﺠﺎﺭ ﺍﻟﻐﺎﻟﻴﺔ ﻛﻮﻟﻬﻪ ﻣﻨﺴﻘﻴﻦ ﺑﻴﻬﻪ ﻭﻣﺰﺧﺮﻓﻴﻦ ﺍﻟﻤﻨﻈﺮ ﺍﻟﺒﺎﺏ ﺍﻟﺪﺍﺧﻠﻲ ﻛﻮﻟﻪ ﺫﻫﺐ ﻭﺃﺣﺠﺎﺭ ﺟﻤﻴﻠﻪ ﺟﺪﺍ ﺩﺧﻠﻨﺎ ﻣﺪﺧﻞ ﺍﻟﻘﺼﺮ ﻋﺒﺎﺭﻩ ﻋﻦ ﻗﺎﻋﻪ ﺿﺨﻤﻪ ﻭﻣﻨﻬﻪ ﺗﺘﻮﺯﻉ ﺍﻷﻣﺎﻛﻦ ﻣﺎﺭﺩ .. ﺗﻌﺎﻝ ﺷﻮﻑ ﻫﺬﻩ ﺍﻟﻘﺎﻋﺎﺕ ﻓﻬﺪ ... ﻗﺎﻋﺎﺕ ﺿﺨﻤﻪ ﻛﻞ ﻗﺎﻋﻪ ﺍﻛﺒﺮ ﻣﻦ ﺍﻻﺧﺮﻯ ﻭﺍﻟﺜﺮﻳﺎﺕ ﺍﻟﻲ ﺑﻴﻬﻪ ﺿﺨﻤﻪ ﺍﻟﺸﺒﺎﺑﻴﻚ ﻣﻐﻠﻘﺔ ﺍﻻﺛﺎﺙ ﻣﺨﺘﻠﻒ ﻋﻦ ﺍﺛﺎﺛﻨﻪ ﻋﺎﻟﻤﻬﻢ ﻣﺨﺘﻠﻒ ﺑﻜﻮﻟﺸﻲ ﺍﻓﺘﺮﻳﻨﺎ ﺑﻜﻞ ﺍﻟﻘﺼﺮ ﻭﻻ ﺍﺣﺪ ﺍﻋﺘﺮﺽ ﻳﺒﺪﻭ ﺍﻥ ﻣﺎﺭﺩ ﻓﻌﻼ ﻋﻨﺪﻩ ﺇﻣﻜﺎﻧﻴﺔ ﻗﻮﻳﺔ ﻳﻜﺪﺭ ﻳﺪﺧﻞ ﻟﻬﻴﺞ ﻣﻜﺎﻥ ﺑﻌﺪ ﻣﺎﻛﻤﻠﻨﺎ ﻛﻞ ﺍﻟﻘﺼﺮ ﺻﺎﺭ ﺑﻮﺟﻬﻲ ﺑﺎﺏ ﻋﺮﺽ ﻣﺎ ﺍﻟﻪ ﻧﻬﺎﻳﻪ ﻭﺍﻟﻄﻮﻝ ﻛﺬﻟﻚ ﺿﺨﻢ ﺿﺨﻢ ﻭﺃﺣﺠﺎﺭ ﻭﺍﻟﻤﺎﺱ ﻋﺎﻟﺒﺎﺏ ﻓﻬﺪ ... ﺷﻨﻮ ﺧﻠﻒ ﻫﺬﺍ ﺍﻟﺒﺎﺏ ﻳﺎﻣﺎﺭﺩ ؟ ﻣﺎﺭﺩ ... ﻫﺬﺍ ﺑﺎﺏ ﺍﻟﻤﻠﻚ ﻣﻦ ﻳﻔﺘﺢ ﺍﻟﺒﺎﺏ ﺣﺎﺗﺸﻮﻑ ﺍﻟﻤﻠﻚ ﻛﺒﺎﻟﻚ ﻓﻬﺪ ... ﺍﻛﺪﺭ ﺍﺷﻮﻓﻪ ؟ ﻣﺎﺭﺩ ... ﺍﻱ ﺗﻜﺪﺭ ﺗﺸﻮﻓﻪ .. ﺑﺲ ﻣﻦ ﺗﺸﻮﻓﻪ ﺭﺍﺡ ﺗﻤﻮﺕ ﺑﺲ ﻳﻨﻔﺘﺢ ﻫﺬﺍ ﺍﻟﺒﺎﺏ ﻭﺗﺸﻮﻑ ﺍﻟﻤﻠﻚ ﺍﻧﺖ ﺗﻄﻠﻊ ﺭﻭﺣﻚ ﻭﺭﺍﺡ ﺗﻤﻮﺕ ﻓﻬﺪ ... ﻫﺎ ﻣﺎﺭﺩ ... ﻫﺎ ﺷﻜﻠﺖ ﺗﺮﻳﺪ ﺗﺸﻮﻓﻪ ﻓﻬﺪ ... ﻻ ﻻ ﻣﺎ ﺍﺭﻳﺪ ﺍﻣﻮﺕ ... ﺧﻠﻲ ﻧﺮﺟﻊ ﻃﻠﻌﻨﻲ ﻣﻦ ﻫﻨﺎ ﻣﺎﺭﺩ ... ﺍﺻﻌﺪ ﻋﻠﻰ ﻇﻬﺮﻱ ﺧﻠﻲ ﻧﺮﺟﻊ ﺻﻌﺪﺕ ﻋﻠﻰ ﻇﻬﺮﻩ ﻭﺃﺛﻨﺎﺀ ﺻﻌﻮﺩﻱ ﺧﺪﺵ ﺍﻳﺪﻱ ﻭﻇﻠﺖ ﺗﻨﺰﻑ ﺩﻡ ﻻﻥ ﺃﻇﺎﻓﺮﻩ ﻃﻮﺍﻝ ﺭﺟﻌﻨﺎ ﻋﺎﻟﺒﺤﺮ ﻏﺴﻠﺖ ﺍﻳﺪﻱ ﺑﺎﻟﺒﺤﺮ ﻣﻦ ﻏﺴﻠﺘﻬﻪ ﺍﻧﻘﻄﻊ ﺍﻟﺪﻡ ******************************* ﺍﻡ ﻓﻬﺪ ... ﻭﻟﻚ ﻛﻮﻡ ﻫﺎﻱ ﺷﻨﻮ ﺍﻟﺪﻡالعضوة: 522131 , 5 years ago
ﻓﻬﺪ ... ﻓﺰﻳﺖ ﻋﻠﻰ ﺻﻮﺕ ﺍﻣﻲ ﺑﺎﻭﻋﺖ ﺷﻔﺖ ﺍﻟﻤﺨﺪﻩ ﻭﺍﻳﺪﻱ ﻛﻮﻟﻬﻪ ﺩﻡ ﻫﺎ ﻳﻮﻡ ﻣﺎﻛﻮ ﺷﻲ ﻫﺎﻱ ﻣﻦ ﻛﻨﺖ ﻧﺎﻳﻢ ﻳﻤﻜﻦ ﺍﻧﺠﺮﺣﺖ ﺑﻔﺪ ﺷﻲ ﺣﺎﺩ ﻣﺎﺣﺴﻴﺖ ﻋﻠﻰ ﻧﻔﺴﻲ ﺍﻡ ﻓﻬﺪ .. ﻳﻤﻪ ﺷﻮﻑ ﺍﻳﺪﻙ ﻣﺠﺮﻭﺣﻪ ﺑﺸﻨﻮ ﺍﻧﺘﺒﻪ ﻓﻬﺪ ... ﻣﺎﻛﻮ ﺷﻲ ﻳﻮﻡ ﻻﺗﺨﺎﻓﻴﻦ ﻫﺴﻪ ﺍﺭﻭﺡ ﺍﻏﺴﻞ ﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻏﺴﻠﺖ ﺍﻟﺪﻡ ﺑﻘﻴﺖ ﺍﻓﻜﺮ ﻣﻌﻨﺎﻫﺎ ﻫﺬﺍ ﻣﻮ ﺣﻠﻢ ﻫﺬﻩ ﺣﻘﻴﻘﺔ ﺍﻧﻲ ﻛﻨﺖ ﻣﻌﺎﻩ ﻭﻫﺬﺍ ﺍﻟﺪﻡ ﺍﻛﺒﺮ ﺩﻟﻴﻞ ﺭﺣﺖ ﻋﺎﻟﻜﻮﻓﻲ ﻭﺩﺍﻭﻣﺖ ﻭﻧﺴﻴﺖ ﺍﻟﻤﻮﺿﻮﻉ ﺑﺎﻟﻜﻮﻓﻲ ﺳﻤﻌﺖ ﺍﻟﺸﺒﺎﺏ ﻳﺤﺠﻮﻥ ﻋﻠﻰ ﺑﺮﻧﺎﻣﺞ ﺍﺳﻤﻪ ﻛﻮﻛﻮ ﻓﺎﺩﺍ ﺑﻲ ﺗﻌﺎﺭﻑ ﻭﺑﺤﺚ ﻋﻦ ﺍﺻﺪﻗﺎﺀ ﺩﻭﺭﺕ ﺑﺎﻟﺒﺤﺚ ﺷﻔﺖ ﻛﺪﺍﻣﻲ ﺻﻔﺤﻪ ﺃﺭﺳﻠﺖ ﻃﻠﺐ ﺟﺘﻲ ﺍﻟﻤﻮﺍﻓﻘﺔ ﻋﻠﻰ ﻃﻠﺒﻲ ﻓﻬﺪ ... ﻫﻠﻮ ﻧﺴﻤﻪ ... ﺳﻼﻡ ﻓﻬﺪ .. ﻣﻨﻮ ﻭﻳﺎﻱ ﻧﺴﻤﻪ .. ﻋﻠﻤﻨﻲ ﻃﺮﻳﻘﺔ ﺍﻧﺘﺤﺮ ﺑﻴﻬﻪ ﻓﻬﺪ ... ﺧﻴﺮ ﺷﻜﻮ ﻳﺎﺳﺘﺎﺭ ﺍﺷﺒﻴﺞ ﺷﻨﻮ ﺍﻧﺘﺤﺎﺭ ﻟﻴﺶ ؟ ﻧﺴﻤﻪ ... ﺭﺍﺡ ﺍﺣﺠﻴﻠﻚ ... ﻻﻥ ﻣﺎﻋﻨﺪﻱ ﺍﺣﺪ ﺍﺣﺠﻴﻠﻪ ﻓﻬﺪ .. ﺍﺳﻤﻌﺞ ﻭﺭﺍﺡ ﺍﺣﺎﻭﻝ ﺍﺳﺎﻋﺪﺝ ﻧﺴﻤﻪ .. ﺍﻧﻲ ﻧﺴﻤﻪ ﺗﻮﻓﻰ ﺍﺑﻮﻱ ﻭﻋﻤﺮﻱ 12 ﺳﻨﻪ ﻭﺍﻣﻲ ﻋﺪﻫﻪ ﻛﻮﻡ ﺟﻬﺎﻝ ﺧﻄﺒﻮﻧﻲ ﻻﺑﻦ ﻋﻤﺘﻲ ﻭﺍﻣﻲ ﻣﺎﺻﺪﻛﺖ ﺗﺨﻠﺺ ﻣﻦ ﻣﺴﺆﻟﻴﺘﻲ ﺯﻭﺟﺘﻨﻲ ﻻﺑﻦ ﻋﻤﺘﻲ ﻭﻫﻲ ﺗﻌﺮﻑ ﻛﻠﺶ ﺯﻳﻦ ﻋﻤﺘﻲ ﻣﺎﺗﺤﺒﻬﻪ ﻭﺗﻄﻴﻖ ﺗﺴﻤﻊ ﺍﺳﻢ ﺍﻣﻲ ﻟﻜﻦ ﺍﻟﺰﻭﺍﺝ ﻫﻮ ﺍﻟﻲ ﻣﻤﻜﻦ ﻳﺨﻠﺼﻬﺎ ﻣﻦ ﺍﻛﻠﻲ ﻭﻟﺒﺴﻲ ﻭﺯﻭﺟﺘﻨﻲ ﻹﻳﻬﺎﺏ ... ﻗﺒﻠﺖ ﻭﻟﻮ ﻣﺤﺪ ﺍﺧﺬ ﺭﺍﻱ ﺍﻟﻤﻬﻢ ﻳﻠﻜﻮﻥ ﻭﺣﺪﻩ ﺗﻘﺒﻞ ﺑﻈﺮﻭﻓﻪ ﻛﻮﻧﻪ ﻳﺸﺘﻐﻞ ﻋﻤﺎﻟﻪ ﻭﻋﻠﻰ ﻛﺪ ﺍﻟﻌﻴﺸﻪ ﻭﻣﻌﻴﺶ ﺃﻣﻪ ﻓﻬﺪ ... ﻳﻌﻨﻲ ﺍﻧﺖ ﺗﺰﻭﺟﺘﻲ ﺑﺲ ﺑﺪﻭﻥ ﻗﻨﺎﻋﻪ ﻧﺴﻤﻪ ... ﻫﻮ ﺍﻧﻲ ﺷﺄﻓﺘﻬﻢ ﺣﺘﻰ ﺗﺼﻴﺮ ﻋﻨﺪﻱ ﻗﻨﺎﻋﻪ ﻃﻔﻠﻪ ﻣﺎ ﺍﻋﺮﻑ ﺣﺘﻰ ﺍﺣﺠﻲ ﻓﻬﺪ ... ﻛﻤﻠﻲ ﻧﺴﻤﻪ ... ﺑﻌﺪ ﺯﻭﺍﺟﻨﺎ ﺍﺳﺘﻠﻤﺘﻨﻲ ﻋﻤﺘﻲ ﺧﻠﺘﻨﻲ ﺧﺪﺍﻣﻪ ﻟﻜﺎﻓﺔ ﺍﻋﻤﺎﻝ ﺍﻟﻤﻨﺰﻝ ﻣﻦ ﺧﺒﺰ ﻭﻃﺒﺦ ﻭﺗﻨﻈﻴﻒ ﻭﻏﺴﻞ ﻣﻼﺑﺲ ﻭﺧﺪﻣﻪ ﺍﺧﻮﺍﻥ ﺯﻭﺟﻲ ﻭﺍﻧﻲ ﻗﺎﻧﻌﻪ ﻭﺳﺎﻛﺘﻪ ﻭﻻ ﻓﺪ ﻳﻮﻡ ﺍﻋﺘﺮﺿﺖ ﺣﺘﻰ ﺍﻫﻠﻲ ﺍﺫﺍ ﺍﺭﻳﺪ ﺍﺯﻭﺭﻫﻢ ﻳﻮﺩﻳﻨﻲ ﻛﻞ ﺷﻬﺮ ﻣﺮﻩ ﻭﺣﺪﻩ ﻭﻟﻤﺪﻩ ﺳﺎﻋﻪ ﺣﺘﻰ ﻣﺎ ﺍﻟﺤﻚ ﺍﺷﺒﻊ ﻣﻦ ﺍﻣﻲ ﻭﺍﺧﻮﺗﻲ ﻣﻦ ﻭﻟﺪﺕ ﺍﻭﻝ ﻃﻔﻞ ﺑﻨﺖ ﺳﻮﺗﻠﻪ ﻫﻮﺳﻪ ﻭﻛﻠﺴﻊ ﺗﺴﻤﻌﻨﻲ ﺍﻡ ﺍﻟﺒﻨﺎﺕ ﻭﻛﺎﻧﻲ ﺍﻧﻲ ﺍﻟﻲ ﺣﺪﺩﺕ ﻧﻮﻉ ﺍﻟﺠﻨﻴﻦ ﻓﻬﺪ ... ﻟﺤﻈﻪ ﺍﺧﺘﻲ ﺯﻭﺟﺞ ﻭﻳﻦ ﺑﻬﺬﺍ ﺍﻟﻈﻠﻢ ﻣﺎﻳﺸﻮﻑ ﺷﻜﺪ ﺿﻐﻮﻃﺎﺕ ﻋﻠﻴﺞالعضوة: 522131 , 5 years ago
ﻧﺴﻤﻪ ... ﺍﻱ ﺯﻭﺟﻲ ﺩﻭﺭﻩ ﻣﻮﺟﻮﺩ ﻳﻀﺮﺑﻨﻲ ﻭﻳﻬﻴﻨﻲ ﻓﻮﻙ ﻫﺬﺍ ﻛﻮﻟﻪ ﺍﺫﺍ ﻗﺼﺮﺕ ﺍﻭ ﺗﺎﺧﺮﺕ ﺑﺎﺩﺍﺀ ﺍﻱ ﻭﺍﺟﺐ ﻣﺮﺍﺕ ﻳﻀﺮﺑﻨﻲ ﺑﺪﻭﻥ ﻣﺎ ﺍﻋﺮﻑ ﺷﻨﻮ ﺍﻟﺴﺒﺐ ﻭﺷﻨﻮ ﺍﻟﺠﺮﻳﻤﻪ ﺍﻟﻲ ﺍﺭﺗﻜﺒﺘﻬﺎ ﻭﻛﻞ ﺍﻟﻀﺮﺏ ﻋﻠﻰ ﺭﺍﺳﻲ ﺑﻌﺪﻫﻪ ﺟﺒﺘﻠﻬﻢ ﺍﻟﻮﻟﺪ ﻭﻳﺎﺭﻳﺖ ﺍﻛﺘﻔﻮﺍ ... ﻏﻴﺮ ﺍﻟﻤﻔﺮﻭﺽ ﻳﺴﻜﺘﻮﻥ ﻻ ﺯﺍﺩﺕ ﻭﺯﺍﺩﺕ ﻋﻤﺘﻲ ﺗﺤﺮﺽ ﺑﺰﻭﺟﻲ ﻭﻫﻮ ﻳﻄﻴﻌﻬﺎ ﻃﺎﻋﻪ ﻋﻤﻴﺎﺀ ﺑﺪﻭﻥ ﻣﺎ ﻳﺴﺎﻟﻨﻲ ﺻﺪﻙ ﻛﻼﻣﻬﻪ ﻭﻻ ﺗﻠﻔﻴﻖ ﺍﻧﻲ ﺍﻛﺜﺮ ﺍﻧﺴﺎﻧﻪ ﺍﻧﻈﻠﻤﺖ ﺑﻬﺬﻩ ﺍﻟﺪﻧﻴﺎ ﺣﺎﻟﻴﺎ ﻋﻤﺮﻱ 20 ﺳﻨﻪ ﻛﻈﻴﺖ 6 ﺳﻨﻮﺍﺕ ﺑﻴﺖ ﻋﻤﺘﻲ ﻛﻮﻟﻬﻪ ﻇﻠﻢ ﻭﻗﻬﺮ ﻟﻬﻨﺎ ﻭﺑﻌﺪ ﻣﺎ ﺍﺗﺤﻤﻞ ﺍﻟﻤﻮﺕ ﺍﺭﺣﻢ ﻣﻦ ﺍﻟﻌﻴﺸﺔ ﺑﺪﻭﻥ ﻛﺮﺍﻣﻪ ﻓﻬﺪ ... ﺣﺎ ﺍﺳﺌﻠﺞ ﻛﻢ ﺳﻮﺍﻝ ﺍﺭﺟﻮ ﺗﺠﺎﻭﺑﻴﻨﻲ ﻭﺭﺍﺡ ﺍﺣﺎﻭﻝ ﺍﺳﺎﻋﺪﺝ ﻧﺴﻤﻪ ... ﺗﻌﻠﻤﻨﻲ ﺍﺷﻠﻮﻥ ﺍﻧﺘﺤﺮ ؟ ﻓﻬﺪ .. ﻻ ﺭﺍﺡ ﺍﺧﻠﻴﺞ ﺗﻌﻴﺸﻴﻦ ﺑﻜﺮﺍﻣﻪ ﻭﺳﻌﻴﺪﻩ ﻣﻊ ﺯﻭﺟﺞ ﻧﺴﻤﻪ ... ﺍﻧﺖ ﺟﺎﻱ ﺗﻀﺤﻚ ﻋﻠﻲ ﻟﻮ ﺗﺤﺠﻲ ﺻﺪﻙ ﻓﻬﺪ ... ﺯﻭﺟﺞ ﻳﺼﻠﻲ ؟ ﻳﺤﺐ ﺍﻃﻔﺎﻟﻪ ﻳﻠﻌﺐ ﻣﻌﺎﻫﻢ ؟ ﻧﺴﻤﻪ .. ﻣﺮﺍﺕ ﻳﺼﻠﻲ ﻭﻣﺮﺍﺕ ﻻ ﻭﺑﺎﻟﻨﺴﺒﻪ ﻟﻸﻃﻔﺎﻝ ﻳﺤﺒﻬﻢ ﺍﻱ ﺭﻭﺣﻪ ﻣﻦ ﺍﻟﺪﻧﻴﺎ ﺑﺲ ﺃﻣﻪ ﺗﺤﺮﺿﻪ ﻭﻣﻦ ﺗﺤﺠﻲ ﻋﻠﻲ ﻳﺘﻐﻴﺮ ﺑﺘﻌﺎﻣﻠﻪ ﻣﻌﺎﻱ ﻓﻬﺪ ... ﻣﺸﻜﻠﺘﺞ ﺳﻬﻠﻪ ﺑﺲ ﺍﺭﻳﺪ ﻣﻨﺞ ﺷﻐﻠﻪ ﺍﺭﻳﺪ ﺍﺗﺼﻞ ﺑﻴﺞ ﻭﻣﻦ ﺻﻮﺗﺞ ﺍﻋﺮﻑ ﺍﻟﻄﺮﻳﻘﺔ ﻟﻤﺴﺎﻋﺪﺗﺞ ﻧﺴﻤﻪ ... ﻫﺴﻪ ﻣﺎ ﺍﻛﺪﺭ ﻛﻠﻬﻢ ﻳﻤﻲ ﻓﻬﺪ ... ﺑﺎﻟﻠﻴﻞ ﻣﻦ ﻳﻨﺎﻣﻮﻥ ﺗﻜﺪﺭﻳﻦ ﺗﺘﺼﻠﻴﻦ ﻧﺴﻤﻪ ... ﺍﻱ ﺑﺎﻟﻠﻴﻞ ﺍﻛﺪﺭ ﻣﻦ ﻳﻨﺎﻣﻮﻥ ﺑﺎﻟﻠﻴﻞ ﺻﺎﺭﺕ ﺍﻟﺴﺎﻋﻪ ﺑﺎﻟﻮﺣﺪﻩ ﻟﻴﻼ ﺭﺍﺳﻠﺘﻨﻲ ﻧﺴﻤﻪ ﻧﺴﻤﻪ ... ﻫﻠﻮ ﻓﻬﺪ ﺍﻛﺪﺭ ﺍﺗﺼﻞ ؟ ﻓﻬﺪ ... ﺍﻱ ﺍﺗﺼﻠﻲ ﺧﺎﺑﺮﺗﻨﻲ ﻭﻛﻠﻤﺘﻬﻪ ﻓﻬﺪ ... ﺍﺣﺠﻴﻠﻲ ﻧﺴﻤﻪ ﻋﻦ ﺣﻴﺎﺗﺞ ﻭﻻ ﺗﺨﺠﻠﻴﻦ ﻣﻨﻲ ﺍﻋﺘﺒﺮﻳﻨﻲ ﻣﻌﺎﻟﺞ ﺭﻭﺣﺎﻧﻲ ﻧﺴﻤﻪ ... ﻟﻴﺶ ﺍﻧﺖ ﻣﻌﺎﻟﺞ ﺭﻭﺣﺎﻧﻲ ؟ ﻓﻬﺪ ... ﺗﻘﺮﻳﺒﺎ ﺍﻛﺪﺭ ﺍﺳﺎﻋﺪﺝ ﻧﺴﻤﻪ ... ﺍﻟﻮﺿﻊ ﻣﺜﻞ ﻣﺎ ﺣﺠﻴﺘﻠﻚ ﻳﺎ ﺍﺧﻲ ﺗﻌﺒﺖ ﺑﻌﺪ ﻣﺎﻋﻨﺪﻱ ﻃﺎﻗﺔ ﺍﺗﺤﻤﻞ ﻓﻬﺪ .. ﺯﻭﺟﺞ ﻋﻨﺪﻩ ﻋﻼﻗﺔ ﻣﻊ ﻧﺴﺎﺀ ؟ ﻧﺴﻤﻪ .. ﻻ ﺯﻭﺟﻲ ﻳﺤﺒﻨﻲ ﻭﻣﺎﻋﻨﺪﻩ ﻫﻴﺞ ﺳﻮﺍﻟﻒ ﺑﺲ ﺃﻣﻪ ﻫﻲ ﺍﻟﻲ ﺗﺤﺮﺿﺔ ﻓﻬﺪ .. ﻭﺷﻨﻮ ﺳﺮ ﺳﻴﻄﺮﺗﻬﺎ ﻋﻠﻴﻪ ؟ ﻧﺴﻤﻪ .. ﻣﺠﺎﻱ ﺍﻋﺮﻑ ﺍﻟﺴﺒﺐ ﻓﻬﺪ ... ﻣﻦ ﺧﻼﻝ ﺍﺗﺼﺎﻟﻲ ﻣﻊ ﻧﺴﻤﻪ ﻭﺃﺛﻨﺎﺀ ﻣﺎﻫﻲ ﺗﺤﺠﻲ ﻛﺪﺭﺕ ﺍﺩﺧﻞ ﺑﻌﺎﻟﻤﻬﺎ ﻭﺍﻋﺮﻑ ﺳﺒﺐ ﺗﻌﺎﺳﺘﻬﺎ ﻭﺳﺒﺐ ﺗﻌﺎﺳﺘﻬﺎ ﺍﺣﺪ ﻣﺴﻮﻳﻠﻬﺎ ﻋﻤﻞ ( ﺳﺤﺮ ) ﻓﻬﺪ ... ﻧﺴﻤﻪ ﺍﻧﺖ ﻭﻳﻦ ﺳﺎﻛﻨﻪ ؟ ﻧﺴﻤﻪ ... ﺑﺎﻟﺒﺼﺮﻩالعضوة: 522131 , 5 years ago
ﻓﻬﺪ .. ﺍﻭﻙ ﺍﻃﻠﺐ ﻣﻨﺞ ﺗﺮﺣﻴﻦ ﻟﺸﻴﺦ ﻣﻮﺛﻮﻕ ﻭﺻﺎﺩﻕ ﻭﻻﺯﻡ ﺗﻔﺮﻗﻴﻦ ﺑﻴﻦ ﺍﻟﺴﺎﺣﺮ ﻭﺑﻴﻦ ﺍﻟﺼﺎﺩﻕ ﻭﺍﻟﻲ ﻣﻤﻜﻦ ﻳﺴﺎﻋﺪﺝ ﺍﺭﻳﺪﺝ ﺗﺮﻭﺣﻴﻦ ﻟﺒﻴﺖ ﺍﻫﻠﺞ ﻭﺗﺎﺧﺬﻳﻦ ﺍﻣﺞ ﻭﻳﺎﺝ ﻧﺴﻤﻪ ... ﺍﺧﺎﻑ ﺍﻣﻲ ﺗﺮﻓﺾ ﻓﻬﺪ .. ﺗﻜﺪﺭﻳﻦ ﺗﻘﻨﻌﻴﻬﺎ ﻛﻮﻟﻴﻠﻬﺎ ﺷﻔﺖ ﻋﻤﻞ ﺑﺎﻟﻤﺨﺪﻩ ﻭﻫﻲ ﺣﺎﺗﺮﻭﺡ ﻭﻳﺎﺝ ﻧﺴﻤﻪ ... ﻣﻤﻜﻦ ﺗﺤﺠﻴﻠﻲ ﺷﻌﺮﻓﺖ ﻋﻦ ﻭﻇﻌﻲ ﻓﻬﺪ ... ﺍﻧﺖ ﺭﻭﺣﻲ ﻭﺑﻌﺪﻳﻦ ﻣﻦ ﺗﺮﺟﻌﻴﻦ ﺭﺍﺡ ﺍﻛﻮﻟﺞ ﺳﻤﻌﻴﻨﻲ ﺯﻳﻦ ... ﺍﺫﺍ ﺍﻟﺸﻴﺦ ﻃﻠﺐ ﻣﻨﺞ ﺩﺟﺎﺟﻪ ﺳﻮﺩﻩ ﺍﻭ ﻗﻄﻌﺔ ﻗﻤﺎﺵ ﺍﻭ ﺷﻲ ﺻﻌﺐ ﺗﺠﻴﺒﻲ ﺍﻟﻪ ﻣﻌﻨﺎﻫﺎ ﺗﺘﺮﻛﻲ ﻭﺗﻄﻠﻌﻴﻦ ﻻﻥ ﻫﺬﺍ ﺍﺳﻠﻮﺏ ﺍﻟﺴﺤﺮﻩ ﻭﺍﻟﺪﺟﺎﻟﻴﻦ ﻭﺍﻟﻤﺨﺎﺩﻋﻴﻦ ﺑﺎﺳﻢ ﺍﻟﺪﻳﻦ ﻧﺴﻤﻪ .. ﻻ ﺍﻛﻮ ﺷﻴﺦ ﻣﻌﺮﻭﻑ ﺍﺭﻭﺣﻠﻪ ﻓﻬﺪ .. ﺍﻭﻙ *********************العضوة: 522131 , 5 years ago
ﻧﺴﻤﻪ ﻗﻨﻌﺖ ﺯﻭﺟﻲ ﻳﻮﺩﻳﻨﻲ ﻟﺒﻴﺖ ﺍﻫﻠﻲ ﺑﺤﺠﻪ ﺍﻣﻲ ﻣﺮﻳﻀﺔ ﻭﻣﺤﺘﺎﺟﺘﻨﻲ ﺑﻌﺪ ﻣﺎ ﺍﺗﻔﻘﺖ ﻣﻊ ﺍﻣﻲ ﻭﻗﻨﻌﺖ ﺍﻣﻲ ﺗﺮﻭﺡ ﻭﻳﺎﻱ ﻭﺭﺣﺖ ﻟﻠﺸﻴﺦ ﻳﺎ ﺷﻴﺦ ﺍﻧﻲ ﺗﻌﺒﺎﻧﻪ ﺣﻴﺎﺗﻲ ﺟﺤﻴﻢ ﻭﺗﻌﻴﺴﻪ ﻭﻧﺼﺤﻮﻧﻲ ﺍﺟﻴﻠﻚ ﺍﻟﺸﻴﺦ .. ﺍﻛﻮ ﻋﻤﻞ ( ﺳﺤﺮ ) ﻋﻤﺘﺞ ﻣﺴﻮﻳﺘﻪ ﻟﺰﻭﺟﺞ ﻋﻤﻞ ﻣﺤﺒﻪ ﺣﺘﻰ ﻳﻜﻮﻥ ﻣﻄﻴﻊ ﺍﻟﻬﻪ ﻭﻳﺴﻤﻊ ﻛﻼﻣﻬﻪ ﻭﻳﻨﻔﺬ ﻛﻠﺸﻲ ﺗﻄﻠﺐ ﻣﻨﻪ ﻧﺴﻤﻪ ... ﻭﺍﻟﺤﻞ ﻳﺎﺷﻴﺦ ؟ ﺍﻟﺸﻴﺦ .. ﺍﻧﻲ ﺭﺍﺡ ﺍﻧﻄﻴﺞ ﺑﻄﻠﻪ ﻟﻠﺴﺤﺮ ﻭﻟﻜﻦ ﻣﻤﻜﻦ ﺗﺴﻮﻳﻠﺞ ﻏﻴﺮﻩ ﻭﻏﻴﺮﻩ ﻭﺗﺒﻘﻴﻦ ﺑﺪﻭﺍﻣﻪ ... ﺍﻧﺖ ﻻﺯﻡ ﺗﺤﺼﻨﻴﻦ ﻧﻔﺴﺞ ﺑﺎﻟﺼﻼﻩ ﻭﻗﺮﺍﺀﺓ ﺍﻟﻘﺮﺍﻥ ﻭﺍﻟﺬﻛﺮ ﻭﻋﻠﻴﻚ ﺑﺴﻮﺭﻩ ﺍﻟﺒﻘﺮﻩ ﺗﻘﺮﻳﻬﻪ ﺑﺎﻟﺒﻴﺖ ﻟﻮ ﺑﺎﻟﺸﻬﺮ ﻣﺮﻩ ﻣﻦ ﺗﺤﺼﻨﻴﻦ ﺑﻴﺘﺞ ﻭﻧﻔﺴﺞ ﻣﺎﺗﻤﺸﻲ ﻋﻠﻴﺞ ﺍﻱ ﺍﻋﻤﺎﻝ ﺷﻴﻄﺎﻧﻴﺔ ﻭﺇﻧﻤﺎ ﺗﻨﻘﻠﺐ ﻋﻠﻴﻬﺎ ﻭﺑﻌﺪ ﺍﻫﻢ ﺷﻲ ﺗﻘﺮﻳﻦ ( ﺍﻟﻜﺮﺳﻲ ) ﺑﻌﺪ ﻛﻞ ﺻﻼﻩ ﻧﺴﻤﻪ ... ﺍﺷﻜﺮﻙ ﺷﻴﺦ ﺭﺣﻢ ﺍﻟﻠﻪ ﻭﺍﻟﺪﻳﻚ ﺭﺟﻌﺖ ﻟﻠﺒﻴﺖ ﺍﻧﻲ ﻭﺍﻣﻲ ﻣﻘﻬﻮﺭﻳﻦ ﺍﺫﺍ ﻋﻤﺘﻲ ﻫﻴﺞ ﻇﻠﻤﺘﻨﻲ ﻭﺍﻧﻲ ﻳﺘﻴﻤﻪ ﻭﺑﻨﺖ ﺍﺧﻮﻫﻪ ﻭﺩﻣﻬﻪ ﻭﻟﺤﻤﻬﻪ ﺑﺲ ﺷﻜﻮﻝ ﺣﺴﺒﻲ ﺍﻟﻠﻪ ﻋﻠﻴﻬﺎ ﺍﺧﺬﺕ ﺍﻟﻌﻼﺝ ﻭﺍﺳﺘﺨﺪﻣﺘﻪ ﺑﺎﻟﺒﻴﺖ ﻣﺜﻞ ﻣﺎ ﻋﻠﻤﻨﻲ ﺍﻟﺸﻴﺦ ﻭﺑﻌﺪ ﺷﻬﺮ ﺗﻐﻴﺮﺕ ﺣﻴﺎﺗﻲ ﻭﺗﻐﻴﺮ ﻛﻠﺸﻲ ﻭﺭﺟﻊ ﺯﻭﺟﻲ ﻳﺤﺒﻨﻲ ﻭﻳﺤﺘﺮﻣﻨﻲ ﻭﺻﺮﺕ ﺍﻧﺴﺎﻧﻪ ﺍﻟﻲ ﻛﻴﺎﻧﻲ ﻭﺷﺨﺼﻴﺘﻲ ﻭﺯﻭﺟﻲ ﻳﻌﺎﻣﻠﻨﻲ ﻛﺰﻭﺟﻪ ﻭﺃﻡ ﺍﻃﻔﺎﻟﻪ ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻳﺎﺭﺑﻲ ﺍﻟﻲ ﻭﺟﻬﺘﻨﻲ ﻟﻄﺮﻳﻖ ﺍﻟﺼﺢ ﺑﻌﺪ ﻣﺎ ﺍﻳﺴﺖ ﻣﻦ ﺍﻟﺪﻧﻴﺎ ﻭﺻﺮﺕ ﺍﺣﺐ ﺍﻟﺤﻴﺎﺓ ﻭﺍﺣﺐ ﺍﻟﺪﻧﻴﺎ *************************** ﻓﻬﺪ ... ﺑﻌﺪ ﺷﻬﺮ ﻣﻦ ﺍﺗﺼﺎﻟﻲ ﺏ ﻧﺴﻤﻪ ﻓﺘﺤﺖ ﺍﻟﺘﻠﻔﻮﻥ ﻭﺷﻔﺖ ﻣﺴﺞ ﻣﻦ ﻧﺴﻤﻪ ﻓﻬﺪ ... ﻫﻠﻮ ﻧﺴﻤﻪ ﺍﺷﻠﻮﻧﺞ ﻧﺴﻤﻪ .. ﺍﺭﻳﺪ ﺍﺣﺠﻴﻠﻚ ﻋﺎﻟﻲ ﺻﺎﺭ ... ﺍﻧﻲ ﺭﺣﺖ ﻟﻠﺸﻴﺦ ﻭ ﻓﻬﺪ ... ﻭﺣﺠﻴﺘﻠﻬﻪ ﻛﻞ ﺍﻟﺤﺠﻲ ﺍﻟﻲ ﻛﺎﻟﻪ ﺍﻟﻬﻪ 🤔 ﻧﺴﻤﻪ ... ﺍﺷﻠﻮﻥ ﻋﺮﻓﺖ ﻫﺬﺍ ﻛﻼﻣﻪ ﻭﺍﺷﻠﻮﻥ ﻋﺮﻓﺖ ﺑﺎﻟﻌﻼﺝ ﺍﻟﻲ ﺍﻧﻄﺎﻧﻴﺎ ﻓﻬﺪ ... ﺍﻟﻤﻬﻢ ﺣﺎﻟﻴﺎ ﺍﺷﻠﻮﻧﺞ ﻧﺴﻤﻪ .. ﺣﺎﻟﻴﺎ ﺍﻟﺤﻤﺪ ﻟﻠﻪ ﺍﻟﻮﺿﻊ ﺗﻐﻴﺮ ﻭﺯﻭﺟﻲ ﺻﺎﺭ ﻳﺤﺒﻨﻲ ﻭﻳﻌﺎﻣﻠﻨﻲ ﺑﺎﺣﺘﺮﺍﻡ ،،،ﺍﻧﻲ ﺍﺷﻜﺮﻙ ﻓﻬﺪ ﺍﻧﺖ ﺳﺎﻋﺪﺗﻨﻲ ﻓﻬﺪ ... ﺍﻟﻤﻬﻢ ﺍﻧﺖ ﻫﺴﻪ ﻣﺮﺗﺎﺣﻪ .. ﺑﻌﺪ ﻣﺎﺗﺪﻭﺭﻳﻦ ﺗﻨﺘﺤﺮﻳﻦ ؟ ﻧﺴﻤﻪ .. ﻻ ﻻ ﺍﺷﻠﻮﻥ ﺍﻧﺘﺤﺮ ﻭﺟﻬﺎﻟﻲ ﻭﺑﻌﺪﻳﻦ ﺍﻟﻲ ﻳﻨﺘﺤﺮ ﻳﺮﻭﺡ ﻟﺠﻬﻨﻢ ﻓﻬﺪ ... ﺯﻳﻦ ﻋﺮﻓﺘﻴﻬﺎالعضوة: 522131 , 5 years ago
ﻧﺴﻤﻪ .. ﺍﺷﻜﺮﻙ ﻭﺍﺷﻜﺮ ﻣﺴﺎﻋﺪﺗﻚ ﻓﻬﺪ .. ﺑﺎﻟﺨﺪﻣﻪ ﻣﻊ ﺍﻟﺴﻼﻣﻪ ﻧﺴﻤﻪ ... ﻣﻊ ﺍﻟﺴﻼﻣﻪ ﻓﻬﺪ ﻣﻦ ﺫﺍﻙ ﺍﻟﻴﻮﻡ ﺑﻌﺪ ﻧﺴﻤﻪ ﻣﺎﺭﺍﺳﻠﺘﻨﻲ .. ﺍﻟﻤﻬﻢ ﺍﻧﻲ ﺳﺎﻋﺪﺗﻬﻪ *************************** ﻣﺎﺭﺩ ... ﻓﻬﺪ ﺍﻣﺸﻲ ﻭﻳﺎﻱ ﻧﺮﻭﺡ ﻋﺎﻟﺒﺤﺮ ﻧﻠﻌﺐ ﺳﻮﻳﻪ ﻓﻬﺪ .. ﻣﺎﺷﻲ ﺭﺣﻨﺎ ﻋﺎﻟﺒﺤﺮ ﻟﻌﺒﻨﻪ ﻭﺭﻛﻀﻨﺎ ﻭﺿﺤﻜﻨﺎ ﻣﺎﺭﺩ ... ﻓﻬﺪ ﺗﺮﻳﺪ ﺗﺼﻴﺮ ﻏﻨﻲ ؟ ﻓﻬﺪ ... ﺍﻱ ﻣﺎﺭﺩ ... ﺍﻧﻲ ﺍﻛﺪﺭ ﺃﺧﻠﻴﻚ ﺃﻏﻨﻰ ﺍﻧﺴﺎﻥ ﺑﺎﻟﻌﺎﻟﻢ ﺗﺮﻳﺪ ﺗﻤﺘﻠﻚ ﻛﻨﺰ ﻣﻦ ﺍﻟﺬﻫﺐ ؟ ﻓﻬﺪ ... ﻧﻌﻢ ﺍﻛﻴﺪ ﺍﺗﻤﻨﻰ ﺍﺻﻴﺮ ﻏﻨﻲ ﻭﺃﻣﻠﻚ ﺍﻟﺬﻫﺐ ﻭﺍﻟﻔﻠﻮﺱ ... يتبعالعضوة: 522131 , 5 years ago
ﺃﺳﺒﺎﺏ ﺍﻗﺘﺮﺍﻥ ﺍﻟﺸﻴﻄﺎﻥ ﺑﺎﻹﻧﺴﺎﻥ * ﻳﻘﺘﺮﻥ ﺍﻟﺸﻴﻄﺎﻥ ﺑﺎﻹﻧﺴﺎﻥ ﻷﺳﺒﺎﺏ ﻛﺜﻴﺮﺓ ﻓﻤﻨﻬﺎ : .1 ﺍﻻﻧﺘﻘﺎﻡ : ﻳﻘﺘﺮﻥ ﺍﻟﺸﻴﻄﺎﻥ ﺑﺎﻹﻧﺴﺎﻥ ﺣﺘﻰ ﻳﻨﺘﻘﻢ ﻣﻨﻪ ﻷﻧﻪ ﻳﻈﻦ ﺃﻥ ﺍﻹﻧﺴﻲ ﺁﺫﺍﻩ ﻣﺘﻌﻤﺪﺍ، ﻭﺗﻘﻮﻝ ﺍﻟﻌﻮﺍﻡ ﺇﻧﺴﺎﻥ ﺑﻪ ﺿﺮﺭ ﺃﻭ ﻣﻀﺮﻭﺭ ﻭﺍﻟﻤﻘﺼﻮﺩ ﺑﺬﻟﻚ ﺃﻥ ﺍﻹﻧﺴﻲ ﺁﺫﻯ ﺍﻟﺠﻨﻲ ﺑﺸﻜﻞ ﻣﻦ ﺍﻷﺷﻜﺎﻝ ﺍﻟﺘﺎﻟﻴﺔ ﺃﻭ ﻧﺤﻮﻫﺎ : × ﺑﺼﺐ ﺍﻟﻤﺎﺀ ﺍﻟﺤﺎﺭ ﻓﻲ ﺍﻟﺤﻤﺎﻣﺎﺕ ﺩﻭﻥ ﺃﻥ ﻳﺴﻢ ﺍﻟﻠﻪ . × ﺍﻟﺒﻮﻝ ﻓﻲ ﺍﻟﺸﻘﻮﻕ ﻭﻋﻠﻰ ﺑﻴﻮﺕ ﺍﻟﺤﺸﺮﺍﺕ . × ﺇﻳﺬﺍﺀ ﺍﻟﺤﻴﻮﺍﻧﺎﺕ ﻣﺜﻞ ﺍﻟﻜﻼﺏ ﻭﺍﻟﻘﻄﻂ . × ﻗﺘﻞ ﺍﻟﺤﻴﺎﺕ ﻭﺍﻟﺜﻌﺎﺑﻴﻦ ﻓﻲ ﺍﻟﻤﻨﺎﺯﻝ ﻣﻦ ﻏﻴﺮ ﺗﺤﺮﻳﺞ ﻋﻠﻴﻬﺎ . × ﺍﻟﺼﺮﺍﺥ ﻭﺍﻟﺒﻜﺎﺀ ﻭﺍﻟﻐﻨﺎﺀ ﻭﻗﺮﺍﺀﺓ ﺍﻟﻘﺮﺍﻥ ﻓﻲ ﺩﻭﺭﺍﺕ ﺍﻟﻤﻴﺎﻩ . × ﺍﻟﻘﻔﺰ ﺃﻭ ﺍﻟﺴﻘﻮﻁ ﻣﻦ ﻣﻜﺎﻥ ﻋﺎﻝ ﺑﺪﻭﻥ ﺃﻥ ﻳﺴﻤﻲ ﺍﻟﻠﻪ ﻓﻴﻜﻮﻥ ﺳﻘﻮﻃﻪ ﻋﻠﻰ ﻣﻜﺎﻥ ﻓﻴﻪ ﺟﻦ ﻧﺎﺋﻢ ﺃﻭ ﻏﺎﻓﻞ . × ﻳﺮﻣﻲ ﺣﺠﺮ ﻓﻲ ﺑﺌﺮ ﺃﻭ ﻓﻲ ﻓﻼﺓ ﺑﺪﻭﻥ ﺃﻥ ﻳﺴﻤﻲ ﺍﻟﻠﻪ ﻓﻴﺼﻴﺐ ﺑﻪ ﺍﻟﺠﻦ . × ﻗﺮﺍﺀﺓ ﻛﺘﺐ ﺍﻟﺴﺤﺮ ﻭﺗﺤﻀﻴﺮ ﺍﻟﺠﻦ . × ﺭﺵ ﺍﻟﻤﺒﻴﺪﺍﺕ ﺍﻟﺤﺸﺮﻳﺔ ﻋﻠﻰ ﺍﻟﺤﺸﺮﺍﺕ ﺑﻐﻴﺮ ﺗﺴﻤﻴﻪ . .2 ﺍﻧﺘﻘﺎﻡ ﻏﻴﺮ ﻣﺒﺎﺷﺮ : ﺇﺫﺍ ﻟﻢ ﻳﺴﺘﻄﻊ ﺍﻟﺸﻴﻄﺎﻥ ﺃﻥ ﻳﻨﺘﻘﻢ ﻣﻦ ﺷﺨﺺ ﻣﻌﻴﻦ ﺑﺴﺒﺐ ﻣﺤﺎﻓﻈﺔ ﺫﻟﻚ ﺍﻹﻧﺴﺎﻥ ﻋﻠﻰ ﺍﻷﺫﻛﺎﺭ ﻭﺍﻷﻭﺭﺍﺩ ﺍﻟﻴﻮﻣﻴﺔ ﺃﻭ ﻷﻱ ﺳﺒﺐ ﻣﻦ ﺍﻷﺳﺒﺎﺏ ، ﻓﺈﻥ ﺍﻟﺸﻴﻄﺎﻥ ﻳﺘﺴﻠﻂ ﻣﻦ ﺑﻌﺪ ﺇﺫﻥ ﺍﻟﻠﻪ ﺗﻌﺎﻟﻰ ﻋﻠﻰ ﺃﻋﺰ ﺃﻭ ﺃﻗﺮﺏ ﺍﻟﻨﺎﺱ ﺇﻟﻰ ﺫﻟﻚ ﺍﻹﻧﺴﺎﻥ، ﻛﺄﻥْ ﻳﻘﺘﺮﻥ ﺑﺎﻟﺰﻭﺟﺔ ﺍﻧﺘﻘﺎﻣﺎ ﻣﻦ ﺍﻟﺰﻭﺝ . .3 ﻇﻠﻢ ﺍﻟﺠﻦ ﻟﻺﻧﺲ : ﻭﺫﻟﻚ ﻏﺎﻟﺒﺎ ﻣﺎ ﻳﻜﻮﻥ ﺑﺴﺒﺐ ﻏﻔﻠﺔ ﺍﻹﻧﺴﺎﻥ ﻋﻦ ﺫﻛﺮ ﺍﻟﻠﻪ ، ﻳﻘﻮﻝ ﺍﻟﻠﻪ ﺗﻌﺎﻟﻰ : } ﻭَﻣَﻦ ﻳَﻌْﺶُ ﻋَﻦ ﺫِﻛْﺮِ ﺍﻟﺮّﺣْﻤَﻦِ ﻧُﻘَﻴّﺾْ ﻟَﻪُ ﺷَﻴْﻄَﺎﻧﺎً ﻓَﻬُﻮَ ﻟَﻪُ ﻗَﺮِﻳﻦ { [ ﺳﻮﺭﺓ ﺍﻟﺰﺧﺮﻑ 36: ] . .4 ﺍﻟﻌﺸﻖ : ﻛﺜﻴﺮﺍً ﻣﻦ ﺣﺎﻻﺕ ﺍﻟﺘﻠﺒﺲ ﺳﺒﺒﻬﺎ ﺍﻟﻌﺸﻖ ﻭﺍﻹﻋﺠﺎﺏ ، ﻭﻟﻴﺲ ﺑﺎﻟﻀﺮﻭﺭﺓ ﺃﻥ ﻳﻜﻮﻥ ﺍﻟﻤﻌﺸﻮﻕ ﻣﻦ ﺍﻹﻧﺲ ﺟﻤﻴﻼ . .5 ﺍﻟﺴﺤﺮ : ﻳﻘﺘﺮﻥ ﺧﺎﺩﻡ ﺍﻟﺴﺤﺮ ﺑﺎﻟﻤﺴﺤﻮﺭ ﻣﻦ ﺃﺟﻞ ﺃﺫﻳﺔ ﺍﻟﻤﺴﺤﻮﺭ . .6 ﺍﻟﻌﻴﻦ : ﻳﻨﻔﺬ ﺍﻟﺸﻴﻄﺎﻥ ﻓﻲ ﺟﺴﺪ ﺍﻟﻤﻌﻴﻮﻥ ﻣﻊ ﻧﻔﺲ ﺍﻟﻌﺎﺋﻦ . ﻭﺻﺮﻉ ﺍﻟﺠﻦ ﻫﻮ ﻷﺳﺒﺎﺏ ﺛﻼﺛﺔ : × ﺗﺎﺭﺓ ﻳﻜﻮﻥ ﺍﻟﺠﻨﻲ ﻳﺤﺐ ﺍﻟﻤﺼﺮﻭﻉ ﻓﻴﺼﺮﻋﻪ ﻟﻴﺘﻤﺘﻊ ﺑﻪ ، ﻭﻫﺬﺍ ﺍﻟﺼﺮﻉ ﻳﻜﻮﻥ ﺃﺭﻓﻖ ﻣﻦ ﻏﻴﺮﻩ ﻭﺃﺳﻬﻞ .العضوة: 522131 , 5 years ago
ﻭﺗﺎﺭﺓ ﻳﻜﻮﻥ ﺍﻹﻧﺴﻲ ﺁﺫﺍﻫﻢ ﺇﺫﺍ ﺑﺎﻝ ﻋﻠﻴﻬﻢ ﺃﻭ ﺻﺐ ﻋﻠﻴﻬﻢ ﻣﺎﺀ ﺣﺎﺭ ، ﺃﻭ ﻳﻜﻮﻥ ﻗﺘﻞ ﺑﻌﻀﻬﻢ ﺃﻭ ﻏﻴﺮ ﺫﻟﻚ ﻣﻦ ﺃﻧﻮﺍﻉ ﺍﻷﺫﻯ ، ﻫﺬﺍ ﺃﺷﺪ ﺍﻟﺼﺮﻉ . ﻭﻛﺜﻴﺮﺍً ﻣﺎ ﻳﻘﺘﻠﻮﻥ ﺍﻟﻤﺼﺮﻭﻉ . ******************************* ﻣﺎﺭﺩ ... ﺍﻧﺖ ﻳﺎﻓﻬﺪ ﺑﺲ ﺗﺴﻤﻊ ﻛﻼﻣﻲ ﺭﺍﺡ ﺃﺧﻠﻴﻚ ﺃﻏﻨﻰ ﺍﻧﺴﺎﻥ ﺑﺎﻟﻌﺎﻟﻢ ﻓﻬﺪ ... ﻣﺎﻋﻨﺪﻱ ﻣﺎﻧﻊ ﻳﺎﺭﻳﺖ ﺍﺻﻴﺮ ﻏﻨﻲ ﻣﺎﺭﺩ .. ﺍﺣﻨﺎ ﺑﻌﺎﻟﻤﻨﺎ ﺍﻟﻔﻠﻮﺱ ﻭﺍﻟﺬﻫﺐ ﻋﺪﻧﻪ ﺳﻬﻠﻪ ﻧﺤﺼﻞ ﻋﻠﻴﻬﺎ ﻣﻮ ﻣﺜﻠﻜﻢ ﻓﻬﺪ .. ﺍﻱ ﺻﺤﻴﺢ ﻫﺎﻱ ﺍﻟﺪﻧﻴﺎ ﻫﻴﺞ ﺣﻴﺎﺗﻨﻪ ﻛﻮﻟﻬﻪ ﺗﻌﺐ ﻣﺎﺭﺩ ... ﺍﻧﺖ ﺷﺘﺮﻳﺪ ﻛﻮﻟﻲ ﻭﺍﻧﻲ ﺍﻧﻄﻴﻚ ﻓﻬﺪ .. ﻣﺎ ﻛﻮ ﺷﻲ ﻓﻲ ﺑﺎﻟﻲ ﺑﺲ ﻣﺤﺘﺎﺭ ﺑﻨﺖ ﻋﻤﻲ ﻣﻘﻬﻮﺭ ﻋﻠﻴﻬﺎ ﺍﺭﻳﺪ ﺍﺧﻠﺼﻬﺎ ﻣﻦ ﺍﻟﺸﻴﻄﺎﻥ ﺍﻟﻲ ﻣﺘﻠﺒﺴﻬﻪ ﻣﺎﺭﺩ ... ﺍﻧﺖ ﺣﺎﻭﻝ ﻭﺷﻮﻑ ... ﻳﺎﻟﻰ ﺧﻠﻲ ﻧﺮﺟﻊ ﻻﻥ ﺣﺒﻴﺒﺘﻚ ﺩﺯﺗﻠﻚ ﻣﺴﺞ ﻭﺟﺎﻱ ﺗﻨﺘﻈﺮ ﻓﻬﺪ .. ﻣﻦ ﻭﺍﻓﻘﺖ ﻋﻠﻰ ﺷﺮﻭﻁ ﻣﺎﺭﺩ ﻭﺍﻟﻲ ﻣﺎ ﺍﻋﺮﻑ ﺷﻨﻮ ﻫﻲ ﻭﺷﻴﻘﺼﺪ ﺑﻜﻼﻣﻪ ﻳﺨﻠﻴﻨﻲ ﺍﺻﻴﺮ ﻏﻨﻲ ﺍﺷﻮ ﻋﺠﺒﻪ ﻭﺣﺲ ﺑﺎﻻﻧﺘﺼﺎﺭ .. ﻭﺍﻧﻲ ﻣﺎﻛﻨﺖ ﺍﻋﺮﻑ ﺷﻨﻮ ﻗﺼﺪﻩ ﺭﺟﻌﺖ ﻟﻠﺒﻴﺖ ﻭﺭﺍﺳﻠﺖ ﻧﺠﻮﺩ ﻓﻬﺪ .. ﻫﻠﻮ ﺣﻴﺎﺗﻲ ﻧﺠﻮﺩ .. ﻫﻼ ﻳﺎﺑﻌﺪ ﻋﻤﺮﻱ ﺷﺨﺒﺎﺭﻙ ﻓﻬﺪ .. ﺍﺭﻳﺪ ﺍﺧﺬ ﺭﺍﻳﺞ ﺑﻤﻮﺿﻮﻉ ﺑﻨﺖ ﻋﻤﻲ ﻧﺠﻮﺩ ... ﻭﺍﻳﺶ ﻓﻴﻬﺎ ﺑﻨﺖ ﻋﻤﻚ ؟ ﻓﻬﺪ .. ﻣﻮ ﺣﺠﻴﺘﻠﺞ ﻋﻠﻴﻬﺎ ﻧﺠﻮﺩ ... ﺍﻱ ﺍﻱ ﺗﺬﻛﺮﺗﻬﻪ ﺍﻧﺖ ﺣﺎﻭﻝ ﺗﺴﺎﻋﺪﻫﻪ ﻓﻬﺪ ... ﻭﻟﻮ ﻣﺎ ﺍﺗﻮﻗﻊ ﺣﺎﻳﺘﻔﻬﻤﻮﻥ ﺑﺲ ﺭﺍﺡ ﺍﺣﺎﻭﻝ ﻧﺠﻮﺩ .. ﺍﻧﺖ ﺳﻮﻱ ﺍﻟﻲ ﻋﻠﻴﻚ ﻓﻬﺪ .. ﻧﻮﻧﻮ ﻣﺸﺘﺎﻗﻠﺞ ﺷﻮﻛﺖ ﻧﻠﺘﻘﻲ ﻧﺠﻮﺩ ... ﺧﻠﻲ ﺍﺷﻮﻑ ﺍﻟﻲ ﻋﻨﺪﻱ ﻓﻬﺪ ... ﺍﻛﻮﻟﺞ ﻫﻮ ﺷﻨﻮ ﺩﻳﺎﻧﺘﻪ ؟ ﻧﺠﻮﺩ ... ﺩﻳﺎﻧﺘﻪ ﻣﺴﻠﻢ ﻓﻬﺪ ... ﺍﻭﻙ ﺣﺎ ﺍﺷﻮﻑ ﻣﺎﺭﺩ ﻭﺧﻠﻲ ﻳﺘﻔﻖ ﻭﻳﻪ ﺍﻟﻲ ﻋﻨﺪﺝ ﻭﻳﺮﺗﺒﻮﻟﻨﻪ ﻟﻘﺎﺀ ***************************** ﻓﻬﺪ ... ﺳﻨﺎﺀ ﺍﺷﻠﻮﻧﺞ ﺑﻨﺖ ﻋﻤﻲ ﺳﻨﺎﺀ .. ﺍﻟﺤﻤﺪ ﻟﻠﻪ ﺑﺨﻴﺮ ... ﻓﻬﺪ ... ﻋﻨﺪﻱ ﻛﻼﻡ ﻣﻌﺎﺝ ﺳﻨﺎﺀ .. ﺷﺘﺮﻳﺪ ﻣﻨﻲ ﻓﻬﺪ ﺗﺮﻯ ﺭﻭﺣﻲ ﻃﺎﻓﺮﻩ ﻓﻬﺪ .. ﺍﺭﻳﺪ ﺍﺳﺎﻋﺪﺝ ﺳﻨﺎﺀ .. ﻭﺑﺸﻨﻮ ﺗﺴﺎﻋﺪﻧﻲ ؟ ﻭﺍﻧﻲ ﺷﺒﻲ ؟العضوة: 522131 , 5 years ago
ﻓﻬﺪ .. ﺍﻧﻲ ﺍﻋﺮﻑ ﺍﻟﻲ ﺑﻴﺞ ﻭﻋﻼﺟﺞ ﻋﻨﺪﻱ ﺳﻨﺎﺀ ... ﻣﻨﻮ ﻛﻠﻚ ﺍﻧﻲ ﻣﺮﻳﻀﻪ ﻭﺷﻨﻮ ﺍﻟﻌﻼﺝ ؟ ﻓﻬﺪ .. ﺗﺼﻌﺪﻳﻦ ﺑﻤﻜﺎﻥ ﻋﺎﻟﻲ ﻭﺗﺎﺫﻧﻴﻦ ﺑﻮﻗﺖ ﺍﻻﺫﺍﻥ ﺳﻨﺎﺀ .. ﻫﻬﻬﻬﻪ ﺷﻨﻮ ﻗﺎﺑﻞ ﺍﻧﻲ ﻣﺆﺫﻥ ﻓﻬﺪ ... ﺳﻨﺎﺀ ﺍﻧﺖ ﻣﺘﻠﺒﺴﻪ ﻭﻣﻴﻄﻠﻊ ﺍﻻ ﺍﻧﺖ ﺗﺴﻮﻳﻦ ﻫﺬﺍ ﺍﻟﺸﻲ ﺳﻨﺎﺀ ... ﻳﻤﻪ ﻳﻤﻪ ﺗﻌﺎﻟﻲ ﺷﻮﻓﻲ ﻓﻬﺪ ﺷﻴﺤﺠﻲ ﺍﻡ ﺳﻨﺎﺀ ... ﻫﺎ ﻳﻤﻪ ﺍﺷﺒﻴﺞ ﻭﻓﻬﺪ ﺍﺷﺒﻲ ﻓﻬﺪ .. ﻻ ﺧﺎﻟﻪ ﻣﺎﻛﻮ ﺷﻲ ﺳﻨﺎﺀ .. ﺍﺣﺠﻲ ﺑﺎﻟﻰ ﺷﻨﻮ ﻣﺎﻛﻮ ﺷﻲ ﻓﻬﺪ ... ﺍﻟﻤﻮﺿﻮﻉ ﺍﻧﻘﻠﺐ ﻋﻠﻲ ﻭﻇﻠﻮ ﻳﺤﻘﻘﻮﻥ ﻭﻳﺎﻱ ﻭﻣﻨﻴﻦ ﻋﺮﻓﺖ ﻫﺎﻻﻣﻮﺭ ﻭﺍﻧﺖ ﺷﻤﺪﺭﻳﻚ ﻭﺍﻧﺘﺸﺮ ﺍﻟﻜﻼﻡ ﺑﺎﻟﻌﺎﺋﻠﺔ ﻣﻊ ﺑﻌﺾ ﺍﻹﺿﺎﻓﺎﺕ ﻭﻛﺎﻧﻲ ﻣﺮﺗﻜﺐ ﺟﺮﻳﻤﻪ ﻓﻬﺪ ... ﻫﺎﻱ ﺷﻮﺭﻃﻨﻲ ﻭﻳﻪ ﻫﺎﻟﺨﺒﻠﻪ ﻣﻮ ﺟﺎﻱ ﺍﺳﺎﻋﺪﺝ ﺑﺲ ﺍﻟﻈﺎﻫﺮ ﺍﻟﻲ ﺑﺪﺍﺧﻠﻬﻪ ﻣﻴﺨﻠﻴﻬﻪ ﻭﻗﻠﺒﻮﺍ ﺍﻟﻤﻮﺿﻮﻉ ﻋﻠﻲ ﺳﺤﺒﺖ ﻧﻔﺴﻲ ﻣﻨﻬﻢ ﻭﺑﻌﺪﻫﻪ ﻣﺎ ﺗﻜﻠﻤﺖ ﻭﻳﻪ ﺍﻱ ﻭﺍﺣﺪ ﻣﻦ ﺑﻴﺖ ﻋﻤﻲ ﻻﻥ ﺍﺣﻨﺎ ﻋﺎﻳﺸﻴﻦ ﺳﻮﻳﻪ ﺑﻴﺖ ﻭﺍﺣﺪ ﻣﺎﻣﻤﻜﻦ ﻳﺘﻮﺗﺮ ﺍﻟﺠﻮ ﺑﺎﻟﺒﻴﺖ ... ﺍﻭﻭﻭﻑ ﺷﻬﺎﻟﻮﺭﻃﻪ ﺑﻌﺪ ﻣﺎ ﺗﺮﻳﺪ ﺗﺴﺎﻋﺪ ﺗﻄﻠﻊ ﻣﻮ ﺧﻮﺵ ﺭﺣﺖ ﻧﻤﺖ ﻭﻛﻨﺖ ﺿﺎﻳﺞ ﻭﻣﻘﻬﻮﺭ ... ﻣﺎﺭﺩ ... ﺍﺷﺒﻴﻚ ﻓﻬﺪ ﻟﻴﺶ ﺿﺎﻳﺞ ؟ ﻓﻬﺪ ... ﺑﻨﺖ ﻋﻤﻲ ﺿﻮﺟﺘﻨﻲ ﺑﺲ ﻋﻔﺖ ﻣﻮﺿﻮﻋﻬﺎ ﺧﻠﻴﻬﻪ ﻣﺘﻠﺒﺴﻪ ﻣﺎﺭﺩ ... ﺍﻟﻴﻮﻡ ﺭﺍﺡ ﺁﺧﺬﻙ ﻟﻤﻜﺎﻥ ﺍﻟﻜﻨﺰ ﺍﻟﻲ ﺭﺍﺡ ﻳﺼﻴﺮ ﺍﻟﻚ ﻓﻬﺪ ... ﻭﻳﻦ ﻫﺬﺍ ﺍﻟﻤﻜﺎﻥ ﻣﺎﺭﺩ ... ﺍﻧﺖ ﻫﺊ ﻧﻔﺴﻚ ﻭﺍﻭﻝ ﺷﻲ ﻧﺮﻭﺡ ﻋﺎﻟﺒﺤﺮ ﻧﺴﻮﻟﻒ ﻓﻬﺪ ... ﺍﻭﻙ ﺭﺣﻨﺎ ﻋﺎﻟﺒﺤﺮ ﻭﻛﻌﺪﻧﺎ ﺍﻟﺠﻮ ﻛﺎﻥ ﺣﻠﻮﻭﻭﻭﻭ ﺍﻟﻬﻮﻯ ﻻ ﺣﺎﺭ ﻭﻻ ﺑﺎﺭﺩ ﻭﺃﻣﻮﺍﺝ ﺍﻟﺒﺤﺮ ﻭﺻﻮﺗﻬﺎ ﺗﺮﺗﻄﻢ ﺑﺎﻟﺤﺎﻓﻪ ﻭﻣﻨﻈﺮ ﺍﻟﻘﻤﺮ ﻣﻜﺘﻤﻞ ﻳﻤﻜﻦ ﻟﻮ ﻋﻨﺪﻱ ﻛﺎﻣﻴﺮﺍ ﻭﺍﺻﻮﺭ ﺍﻟﻤﻨﻈﺮ ﺧﺮﺍﻓﻲ ﺻﺤﻴﺢ ﺍﻟﻮﺍﺣﺪ ﻧﻔﺴﻴﺘﻪ ﺗﺮﺗﺎﺡ ﻣﺎﺭﺩ ... ﻫﺎ ﻓﻬﺪ ﺧﻠﻲ ﻧﻠﻌﺐ ﻛﺮﻩ ﻗﺪﻡ ﻓﻬﺪ .. ﺍﻭﻙ ﻧﻠﻌﺐ ﻟﻌﺒﻨﻪ ﻭﺿﺤﻜﻨﺎ ﻭﻗﻮﺕ ﻋﻼﻗﺘﻲ ﺑﻴﻪ ﺻﺎﺭ ﻳﺘﻘﺮﺏ ﻣﻨﻲ ﺍﻛﺜﺮ ﻭﺍﻛﺜﺮ ﻛﻨﺎ ﻛﺎﻋﺪﻳﻦ ﻋﻞ ﺑﺤﺮ ﺻﺎﺭ ﻳﻠﻤﺢ ﻟﻲ ﺍﻧﻮ ﺍﺻﻴﺮ ﻏﻨﻲ ﻭﺍﻛﺪﺭ ﺍﻣﻠﻚ ﻛﻞ ﺷﻲ ﺍﺭﻳﺪﻩ ﺑﺲ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ ﺻﺎﺭ ﻳﻮﻡ ﻋﻦ ﻳﻮﻡ ﻳﻮﺿﺤﻠﻲ ﺍﻧﻮ ﻳﺮﻳﺪ ﻳﻀﻬﺮ ﺑﺤﻴﺎﺗﻲ ﻫﻮﺍ ﺍﻧﻲ ﻭﻗﺘﻰ ﺻﺮﺕ ﺍﺗﺨﻴﻞ ﻟﻐﻨﻰ ﻭﻟﻔﻠﻮﺱ ﻟﻲ ﻋﻨﺪﻱ ﺍﻏﺮﺍﻧﻲ ﺻﺎﺭ ﻛﻞ ﻳﻮﻡ ﻳﻮﺿﺢ ﻟﻲ ﺍﻛﺜﺮ ﻛﻠﻲ ﺗﺮﻳﺪ ﺗﺸﻮﻑ ﺫﻫﺐ ﻣﺪﻓﻮﻥ ﻛﺘﻠﻪ ﺍﻱ ﺍﺭﻳﺪ ﺍﺧﺬﻧﻲ ﻭﺩﺧﻠﻨﻲ ﺑﻮﺍﺩﻱ ﻛﻠﺶ ﻋﻤﻴﻖ ﻭﺩﺧﻞ ﺑﻜﻬﻒ ﻣﻈﻠﻢ ﻣﺸﻪ ﺑﻴﻪ ﻣﺴﺎﻓﻪ ﺟﺎﻥ ﻳﺪﺧﻠﻨﻲ ﺑﻐﺮﻓﻪ ﻛﻠﺶالعضوة: 522131 , 5 years ago
ﺟﺒﻴﺮﻩ ﻋﺒﺎﺭﻩ ﻋﻦ ﺍﻛﻮﺍﻡ ﻣﻦ ﺫﻫﺐ ﻣﺤﺪ ﻳﺘﺨﻴﻠﻪ ﺍﺑﺪ ﺑﺲ ﺍﺛﻨﺎﺀ ﺩﺧﻠﻮﻧﺎ ﺷﻔﺖ ٤ ﺍﻭ ٥ ﻣﻦ ﺟﻦ ﺷﻜﻠﻬﻢ ﻭﻫﻴﺌﺘﻬﻢ ﺭﻋﺐ ﻣﺎﻳﻮﺻﻒ ﺷﻜﻠﻬﻢ ﺍﺑﺪ ﻣﻦ ﺩﺧﻠﺖ ﺷﻔﺘﻬﻢ ﻣﺠﺮﺩ ﻣﺎ ﺍﺧﺬﻧﻲ ﺟﻦ ﻭﻃﻠﻌﺖ ﻧﺴﻴﺖ ﺷﻠﻮﻥ ﺷﻜﻠﻬﻢ ﻭﻛﻴﻒ ﻛﺎﻧﻮ ﺭﺟﻌﻨﻰ ﻟﻠﺒﺤﺮ ﻛﻠﻲ ﺷﻔﺖ ﻫﺎﺫﺍ ﺫﻫﺐ ﻳﺼﻴﺮ ﻟﻚ ﺍﺫﺍ ﺧﻠﻴﺘﻨﻲ ﺍﻇﻬﺮ ﻭﺍﻧﻲ ﺟﻨﺖ ﻣﻮﺍﻓﻖ ﺍﻧﻮ ﻳﻀﻬﺮ ﺣﺘﻰ ﻟﻮ ﻣﺎﺷﻮﻓﻨﻲ ﺫﻫﺐ ﺑﺲ ﻣﺎﻋﺮﻑ ﺷﻠﻮﻥ ﻳﻈﻬﺮ ﻭﺷﻨﻮ ﻳﻌﻨﻲ ﺑﻈﻬﻮﺭ ﻛﻞ ﻣﺎ ﻋﺮﻓﺘﻪ ﺍﻧﻮ ﺭﺍﺡ ﺍﻛﺪﺭ ﺍﺷﻮﻓﻪ ﺑﻜﻞ ﻭﻗﺖ ﻭﻱ ﻣﻜﺎﻥ ﺑﺲ ﺍﻧﻲ ﻣﻮ ﻏﻴﺮﻱ ﻫﺎﺫﺍ ﻟﻲ ﻛﻨﺖ ﺍﺗﻮﻗﻌﻪ ﺑﺲ ﺟﺎﻥ ﻛﻞ ﻟﻲ ﺑﺎﻟﻲ ﻣﺠﺮﺩ ﻓﻜﺮﻩ ﺍﻧﻲ ﻣﺎﺧﺬﻩ ﻋﻦ ﻇﻬﻮﺭﻩ ﺑﻌﺪ ﻣﺮﻭﺭ ﺍﺳﺒﻮﻉ . ﻣﺎﺭﺩ ... ﺍﻟﻴﻮﻡ ﺍﺟﻲ ﺑﺎﻟﻠﻴﻞ ﻓﻬﺪ ... ﻣﺎﺷﻲ ﺍﺟﻪ ﻟﻴﻞ ﺻﺮﺕ ﺍﺣﺲ ﺑﺤﺴﺎﺱ ﻏﺮﻳﺐ ﺑﺪﺍﺧﻠﻲ ﻭﻧﻀﺮﺕ ﻣﺎﺭﺩ ﺗﻐﻴﺮﺕ ﺗﺠﺎﻫﻲ ﺻﺮﺕ ﺍﺷﻮﻑ ﺑﻌﻴﻮﻧﻪ ﺷﺮ ﻟﻲ ﻣﺎﻣﺘﻌﻮﺩ ﺍﺷﻮﻓﻪ ﺑﻴﻪ ﺍﺑﺪ ﺻﺎﺭ ﺍﻛﺜﺮ ﻣﻦ ﻣﺮﺍ ﻳﺮﻭﺡ ﻭﻳﺮﺟﻊ ﻋﻠﻴﻪ ﻭﻛﺎﻧﻮ ﺭﺍﺡ ﻳﺼﻴﺮ ﺷﻲ ﻗﻮﻱ ﺭﺍﺡ ﻳﺼﻴﺮ ﺗﻐﻴﻴﺮ ﺑﺲ ﻣﺎﻛﻨﺖ ﺍﻋﺮﻑ ﻟﻲ ﻳﺮﻳﺪﻩ ﻛﻞ ﻣﺎﻫﻮﺍ ﺍﻧﻮ ﺍﺳﻤﺢ ﻟﻪ ﻳﻀﻬﺮ ﺑﺎﻱ ﻣﻜﺎﻥ ﻭﺍﻱ ﻭﻗﺖ ﺑﻌﺪ ﺑﺪﻭﻥ ﺍﺫﻥ ﻣﻨﻲ ﺻﺎﺭﺕ ﺳﺎﻋﻪ ١٢ ﺑﻠﻴﻞ ﺍﺟﻪ ﻛﻠﻲ ﺗﺘﻤﻨﻰ ﻃﻴﺮ ﺗﺮﻳﺪ ﻃﻴﺮ ﻛﺘﻠﻪ ﺍﻳﻬﻪ ﺍﺭﻳﺪ ﻛﻠﻲ ﺗﻌﺎﻝ ﻓﻮﻙ ﺳﻄﺢ ﺻﻌﺪﺕ ﻭﺍﻧﻲ ﺍﺣﺲ ﺑﺸﻲ ﻳﺴﺤﺒﻨﻲ ﻭﺭﻩ ﻭﺛﺎﻧﻲ ﻳﺴﺤﺒﻨﻲ ﻛﺪﺍﻡ ﺻﺮﺕ ﺍﺣﺲ ﺑﺮﻭﺣﻲ ﺻﺎﺭﺕ ﺛﻨﻴﻦ ﻭﺍﺣﺪﻩ ﻣﻮﺍﻓﻘﻪ ﻟﻲ ﺩﺍ ﺍﺳﻮﻳﻪ ﻭﺛﺎﻧﻴﻪ ﺭﺍﻓﻀﻪ ﺩﺍ ﺍﺣﺲ ﺑﺸﻲ ﺑﺪﺍﺧﻠﻲ ﺩﺍﻳﻮﺻﻠﻲ ﺭﺳﺎﻟﻪ ﺍﻧﻮ ﺍﺭﺟﻊ ﺑﺲ ﻛﺎﻥ ﻗﻮﺗﻪ ﺍﻧﻮ ﺍﺻﻌﺪ ﻟﻠﺴﻄﺢ ﺍﻗﻮﻩ ﻭﺻﻠﺖ ﺳﻄﺢ ﻛﻠﻲ ﺍﺻﻌﺪ ﻉ ﺳﻴﺎﺝ ﺳﻄﺢ ﻭﺳﻠﻢ ﺭﻭﺣﻚ ﻛﺘﻠﻪ ﺷﻠﻮﻥ ﺍﺳﻠﻢ ﺭﻭﺣﻲ ﻳﻌﻨﻲ ﻛﻠﻲ ﺍﻗﻔﺰ ﺑﺲ ﺍﻧﻮ ﺗﻨﻮﻱ ﺑﺘﺴﻠﻴﻢ ﻋﺎﻟﻤﻚ ﻟﻲ ﻭﺑﻌﺪ ﻣﺎ ﺻﺎﺭ ﻭﻗﺖ ﺍﻧﻮ ﺍﻃﻔﺮ ﻭﺣﺴﺐ ﻗﻮﻟﻪ ﺍﻃﻴﺮ ﺩﻙ ﻣﻮﺑﺎﻳﻠﻲ ﺗﻮﻗﻔﺖ ﻃﻠﻌﺖ ﻣﻮﺑﺎﻳﻞ ﻃﻠﻌﺖ ﺣﺒﻴﺒﺘﻲ ﻟﻲ ﺩﺍ ﺩﻙ ﻓﺘﺤﺖ ﺍﻟﻮ ﺍﻟﻮ ﺍﻧﺖ ﻭﻳﻦ ﺑﺲ ﺑﻐﻀﺐ ﻭﺗﻌﺼﺐ ﺍﻧﺖ ﻭﻳﻦ ﻓﻬﺪ ﺣﺠﻲ ﺑﺴﺮﻋﻪ ﻓﻬﺪ ... ﺑﻠﺒﻴﺖ ﻧﺠﻮﺩ ... ﻻ ﺣﺠﻲ ﻭﻳﻦ ﻣﺎﺭﺩ ﺍﺣﺠﻲ ﻻﻥ ﺭﺩﺕ ﺍﺣﻘﻖ ﻣﻨﻴﺘﻲ ﺍﻧﻮ ﺍﻃﻴﺮ ﺑﻌﺪ ﻣﺎﺻﺮﺕ ﻭﺍﻧﻲ ﺍﺻﺮﻳﺖ ﺍﻧﻲ ﺑﻠﺒﻴﺖ ﻛﺎﻟﺖ ﺍﻧﺰﻝ ﻣﻦ ﻣﻜﺎﻧﻚ ﺑﺴﺮﻋﻪ ﺍﻧﺰﻝ ﺭﺍﺡ ﺗﻤﻮﺕ ﻓﻬﺪ ... ﺷﻨﻮ ﻧﺠﻮﺩ ... ﺗﻌﺮﻑ ﺷﻨﻮ ﻟﻲ ﺩﺍ ﺳﻮﻳﻪ ﻓﻬﺪ ... ﺣﺒﻴﺒﻲ ﻳﺮﻳﺪ ﻳﺴﺘﻤﻠﻜﻨﻲ