بنات انا بصراحة كتير خايفة ... عندي ايمان بالله وتوكل عليه بس في جواتي خوف بسبب اني فقدت طفلي البكر من 5شهور بعد الولادة .. والسبب انه انولد وعنده تشوهات بالقلب تحتاج عمليات قلب مفتوح 3 عمليات ... وهو ياقلبي عليه ما استحمل وتوفى ربي يجمعني فيه بالجنة ... كان كتير حلو وسميته اوس ورضعته مني كان يرضع وحتى ضحكلي وهو عمره 3اسابيع .... بس خلص هاي مشيئة رب العالمين وانا راضية ... بحملي الاول ماسويت صورة رباعية عشان هيك ما اكتشفنا مرض ابني الا بعد الولادة ... والان انا حامل وزوجي مصر انو اعمل صورة رباعية في بداية الشهر الرابع بس انا خايفة يتكرر معي نفس الموضوع هالهاجس مو راضي يروح مني وقسما بالله تعبت وماحدا داري بحالي غير ربنا دايما ابين للي حولي اني قوية وهاي اول مرة افضفض ... مابدي منكم الا دعاء في ظهر الغيب ان ربنا يجبر خاطري لان خاطري مكسوووور على ابني اوس ربي يجمعني فيه يارب ... ويجعل هاد الحمل سليم معافى ... امين يارب العالمين واسفة على الاطالة