هاد رابع حمل الي بس هالحمل من بدايته مشاكل كل يوم مشكلة وكل مراجعة للدكتورة بتطلع معي مشكلة جديدة بيجيني شعور غريب اول مرة بحسه حاسة انو يمكن ما اعيش هالمرة يمكن اموت قبل ما اولد او وانا بولد هالشعور موتني خوف وطول الوقت مرعوبة وخايفة عحالي وعاولادي طول الوقت بفكر فيهم خايفة يصيرلي شي ولادي رح يضيعو من بعدي شو اعمل احكولي هالفكرة ما عم تطلع من راسي بحاول انسى واطنش بس صعب مش قادرة كلشي بصير معي عم يحسسني انو ما رح اكمل هالحياة شعور انك ممكن تموتي باي لحظة او قربت نهاية حياتك شعور كتير بشع من جواتي بدي ارفض هالفكرة بس عالقة براسي وتفكيري احكولي انصحوني شو اعمل تعبت من التفكير بهالموضوع وخايفة من ساعة الولادة مرعوبة يصير معي شي ولادي رح يضيعو من دوني هم يلي كاسريني عم افكر فيهم وبمستقبلهم وكيف رح يعيشو ويتربو من بعدي وبضل ابكي لينشفو دموعي ادعولي بربكم اولد عخير وسلامة مو مشاني مشان اولادي ما الهم غير من بعد الله اسفة طولت عليكم بس لو ما حكيت وفضفضت يمكن كنت متت من هالافكار السلبية يلي بحسها