العضوة: 581573 , 6 years ago

الله يسرلك برضه لاتتعبي نفسك بالتمارين خاصه المشي افضل شي اطلعي درج وانزلي هذا اللي يخلي الجنين ينزل ان شاء الله

العضوة: 496793 , 6 years ago

تابعي اليوتيوب رولاالقطامي👍

العضوة: 527311 , 6 years ago

الدرج والقرفصاء

العضوة: 460033 , 6 years ago

السكوات (القرفصاء) لاني مثلك انا والدرج

العضوة: 577472 , 6 years ago

رفع

العضوة: 616966 , 6 years ago

ابشركم يابنات ولدت اليوم الف الحمدلله سويت جدول متكاامل طول اليوم لكن ابدا ماتوقعت يجيب نتيجه بالسرعة هذي ولا كان ع البال أني راح اولد توقعت بطول بسبب ارتفاع الرأس يارب لك الشكر والحمد عقبالكم تقومون بالسلامه بس ابي دعواتكم لولدي يطلع من العنايه وربي مايضيع تعبي حجمه مررره صغير وعنده ضيق بالنفس

العضوة: 608119 , 6 years ago

الف مبروك وحمدالله على سلامتك ياليت تقولين وس الجدول الي سويتي

العضوة: 545697 , 6 years ago

الف الحمد لله ع سلامتك وربي يفرح قلبك بشوفه ولدك بخير ويطلعه لك اي والله ي ليت تقولين لنا الجدول اللي سويتيه وانتي ولدتي باي اسبوع ؟؟

العضوة: 494840 , 6 years ago

الحمدلله على سلامتكم 💗وان شاءالله تقر عينج بشوفته بين احضانج 💗 ياليت تقولين وش الجدول الي سويتي لان انا طاف على موعد الولاده كم يوم وللحين مافي اي بوادر للولاده 🥺

العضوة: 616966 , 6 years ago

معليش يمكنً اطول عليكم بس بقول الي سويته بالتفصيل طبعا موعدي الاحد مثل ماقلت لكم والدكتورة قالت الرأس مرتفع وكذا المهم رتبت جدول ع اساس امشي عليه كل يوم الين موعدي الاحد الجاي وان شاءالله يكون الرأس نزل ابتديت من الاثنين قبل المغرب مشيت تقريبا نص ساعه بس في البيت وانا اكل تمر وبعد الصلاة صعدت الدرج ونزلت بالدور الثالث وصار جماع بيني وبين زوجي وتروشت بماي حار وكثرت تركيز على ظهري وجوانبي بعدها طلعت مع زوجي أتمشى قد عشر دقايق مو اكثر رحت لبيت اهلي وهناك جلست ع الكرة طول مااختي وامي يصلحون العشا انا جالسه عليها جنبهم واكل تمر بعد العشا مشيت شوي بالبيت مشي خفيف عادي من هنا ابتدت عندي شوي تقلصات ووغز في الرحم بس كملت ع الساعه ١٠ أخذت زيت زيتون وحطيت فيها شوي حبة سودا وسخنتها ع النار الين صارت دافيه وخليت امي تدهن فيها بطني وظهري وبعدها مباشره امي سوت لي فحم وحطت عليه عود قالت لي تبخري فيه يطلع الهوا الي بالرحم وكذا على كلامها مارديتها تبخرت فيه وزاد الالم صارت تجيني تقلصات كل عشر دقايق او سبع ومابينها ماتزيد عن العشر دقايق استقليت الفرصه ورحت جلست بمويه حاره عشر دقايق واختفى الالم قلت كويس بس طلعت من المويه ولبست رجع الالم وبزيادة رحت امشي بالبيت وبرضو اكل تمر بس ماأكثر يعني كل مره تمرتين او ثلاث مااكل كميه كبيره مااتحمل حلاوته ورحت اقرفص جنب اختي وهي تحسب لي التقلصات كم مدتها ومتى تجي مع أني اقولها هذا طلق كاذب بسوي تمارين عشان يروح وأنام كنت دايخه بس الالم مايخليني انسدح اعجز تمر علي طلقه وانا بالفراش لازم اقوم امشي او اقرفص لين تروح المهم شفت ان الالم بزدياد رحت ابحث عن مشروب يحمي الطلق اغلب المكتوب انا مااتقبله ماعدت الزعفران مع ان مو كثير كلام عليه بس قلت اجرب ع الأقل ماله طعم حطيت ماي حار وشوي زعفران وغطيته الين صار دافئ وأقدر اشربه شربته بعدها ورحت امشي بالبيت على امل يخف الالم او اروح المستشفى اشوف شنو وضعه هو ولاده ولا بس كذا لأني مستبعده فكرة الولادة من كلام الدكتورة أني احتاج كذا عشره أيام يادوب ينزل الرأس حاولت للفجريه ابد الالم مو جاي يروح ولا يخف وانا طول هالفترة ماجلست اسولف مع أمي وأختي وانا واقفه واحوس عليهم كأني طير ماعرف اجلس بعدها قررت اروح اكشف رحت قالت لي الطلق حامي وعندك ثلاثه سم تنويم وفعلا تنوم والصباح ولدت ربي لك الحمد

العضوة: 496725 , 6 years ago

ما شاء الله الف مبروك حبيبتي يتربى بعزكم ان شاء الله طلع بخير ابنك

العضوة: 42035 , 6 years ago

سبحان الله حتى لو الراس بعيد مع الطلق والدفع ينزل والحمدلله ع سلامتك والله يقر عينك بشوفة ولدك سليم معافى 💗💗

العضوة: 608119 , 6 years ago

ف اي اسبوع ولدتي انا كملت ٣٦ اسبوع وعجزانة امشي او اسوي رياضة الثقل ذبحني وحوضي يعورني بس اتنقع بماي دافي🙃

العضوة: 545697 , 6 years ago

ماشاءالله تبارك الله ربي يسر لك وسهلها عليك مو كل شي يقولوه الدكاتره نمشي عليه هي ساعه ربك كاتبها الله يسهلها علينا اجمعين ويهونها يارب

العضوة: 616966 , 6 years ago

@user-496725 الله يبارك فيك حبيبتي لاوالله للان دعواتكم