الخيانة.. هي من ابشع الاوجاع في العالم 💔 المرأة عطول مظلومة من الناس والمجتمع والعادات والتقاليد للاسف لما زلمة يخون مرتو الكل بحاول يحط الحق عالمراة على يمكن ماكنتي تهتمي في على انك قصرتي بحقو على طنشيه و.و.و.الخ مع العلم الخيانة حرام بكل أنواعها واشكالها ومحرمة ع ذكر والأنثى والله مابحب الخائن بس الناس بتحاول تبرر لا زلمة وكانو حلال الو وحرام عالمراة وكانو هو ولد صغير وطايش والمرأة كبيرة واعية في بعض من البشر بتخاف من كلام ناس ومن مجتمع يلي عايشين في اكتر ماتخاف من الله وبيتخبو ورا دين ليغطو ع أفكارهم البشعة وخوفهم من كلام ناس . واذا المرأة رفضت خيانت زوجها وماتقبلت تكمل حياتها معو ناس تقلها لا تحملي وصبري عشان ولادك وكانو ولادها وحدها مو ولادو الو كمان . ولا تخربي بيتك وكانو بيتها لحالها بنخرب وبيت زلمة لا . المرأة والرجل شركاء حياة بعضهم المرأة بتكمل حياة رجل والرجل بكمل حياة المرأة مافي حدا بكمل لحالو . الله خلق ذكر وانثى بنفس المشاعر ونفس الاحسيس ونفس الغضب ولااا بل مرآة اكتر حساسة من رجل ومشاعرها ارق منو كسر الخواطر مو سهل عند المرأة وبنفس وقت هي بشكل عام اطيب واحن من رجل لانو بسهولة بتنسى جرح قلبها وبتسامح .اغلب امنيات النساء هو أنها تلاقي الحب والاهتمام والسعادة من زوجها مو اكتر . لذلك حرام وجريمة بحقها لما زوجها يخونها . الله يبعد عن الجميع الخيانة والأذى والزعل ويسعد الجميع يارب