الي مرت بهالشغلة ياريت تفيدني .... انا صاير عندي من شي اسبوعين تحسس بجلدة الثدي اول شي كانت حكة من دون حبوب بعدها بلشت تطلعلي حبوب وشوي شوي طفح صدري كلو والحكة قوية لدرجة انو بيطلع دم من الجلد .. رحت لدكتوري النسائية مرتين مرة وصفلي جيل مبرد كنت ادهنو مرتين لمدة خمس ايام وما استفدت ومن يومين عطاني كورتيزون( نيستالوكال ) حطيتو المسا ما نمت للصبح حسيت بنار على صدري ماصدقت قوم الصبح اتحمم ليروح وامبارح رحت لدكتورة جلدية وكمان مافهمت وضعي منيح وقالت على الاغلب فيروس جلدي وعطتني ثلاث علاجات سوا واحد منهون( لزنار النار ) الهربس ... وموعد ولادتي قرب وخايفة ماتروح الحساسية كيف بدي رضع الصغير ومابحسن وقتها ادهن مراهم تقيلة🥺 قلت بشوف اذا شي وحدة صار معها هيك وكيف تعالجت وضعي مثل الصورة بالضبط 👇👇👇👇👇👇