العضوة: 572765 , 6 years ago

المرافق كل المستشفيات حاليآ مانعين عشان الازمه بس انا حابه اعرف التفاصيل الثانيه يعطيك العافيه ياعسل

العضوة: 620846 , 6 years ago

ي بنات ايش رايكم بمكة الطبي للولادة الطبيعية و اذا ابغى خياطة تجميلية كيف الوضع و يعطوً مسكّن والا لا التامين كمان يشمل الخياطة التجميلية والا لا ؟

العضوة: 542148 , 6 years ago

انا صراحه ماقد جربتها ولا وراح اجربهاا لان اعرف بنتين كانوا يولدون طبيعي وفجاءه ولدهم قيصري بحجه الفلوس يبون حسبي الله يطلعون لكي حجه عشان ماتولدين طبيعي احس ماني مرتاحه لهم على كلام الناس صراحه

العضوة: 585273 , 6 years ago

بنات طبيعي يصير تحجر في الشهر السابع 🤔؟

العضوة: 537211 , 6 years ago

انا صار معي من السابع تحجر للان شوي ويروح م يطول بدون ألم اتوقع انو عشان النونو كبر مادري

العضوة: 537211 , 6 years ago

ي بنات انا ف الثامن و يجيني شد عضلي ف الساق يصحيني من نومي مرا مرا يألم شوي ويفك بس بعدها اصير ب القوه امشي ع رجلي ايش الحل 😞

العضوة: 549876 , 6 years ago

Beautiful_mind @ مادري انا زيك ماكنت عارفه فين راح أولد وامس رحت الطوارئ في الليل و جات وحده تبغى تولد مسكينه جات مره مستويه سمعتهم يقولو 9 سانتي وأول ما كشفو عليها الممرضات نادو الدكتوره بسرعه الدكتوره جات تجري اسمها شاديه و مشالله على طووول أخذوها على كشك الولاده جررري عجبني اهتمامهم ونظافتهم مررره وقررت انشالله أولد عندهم و يعطو إبرة في العضل للالم و عندهم كمام برضو لكن مافي إبرة الظهر

العضوة: 671307 , 6 years ago

@user-549876 لانه لو ما سووا كدا كان ولدت عليهم 😅 صراحة مكة الطبي افضل الموجود مع انه لمن راجعت في العيادة الدكتوره مره ما ارتحت لها والبنات نصحوني هنا بمستشفى الولادة بس قبل كم يوم تعبت ورحت طوارئ الولادة وليتني ما رحت 👎🏼

العضوة: 549876 , 6 years ago

@user-671307 طواري الولادة أسوأ شي اختي عدت التاسع ب أسبوع وراحت لهم وحتى سونار ما سوو لها ولا سمعت نبض البيبي كشفو عليها كشف عادي قالو 3 سانتي وطلعوها تنويم وجلست الين ثاني يوم محد جاها ولا احد داري عنها كلمت زوجها جا اخذها وولدت في عيادة برا

العضوة: 671307 , 6 years ago

@user-549876 تخيلي تاركيني اتألم نص ساعة يمكن وقاعدين يتكلموا عن حالات الكورونا و عن الوفيات اللي شافوها والله اني كنت ابكي من كلامهم وحسيت اني ابغى اشرد من عندهم و بس غير التعامل السسسسيء فحقيقي استبعدتهم ع الاقل اروح مكان اضمن انه يعطوني بنج

العضوة: 549876 , 6 years ago

@user-671307 والله حرام عليهم مافي مراعاة للي قدامهم قيدو الواحد مو ناقص كمان يخوفوه اعوذ بالله .. انا على أساس أولد في جدة السعودي الالماني عندهم عرض الولادة مع إبرة الظهر وخياطة تجميل ب 7900 بس ربي ما أراد مع الحظر.. و مركز مكه أفضل الموجود على كلام كثيرين يقولو دكتوره لبنى عندهم كويسه انا ماجربتها دكتورتي عبير خلف عندها عيادة في الشوقية بس تجي وقت الولادة

العضوة: 572765 , 6 years ago

انا سمعت ان مكه الطبي فيها حالات كورونا حتى في الدكاتره ونصيحه مافي زي الحكومي اتوكلي ع الله وروحي حراء وهي تساهيل من رب العالمين استخيري وشوفي فين ربي ييسرلك

العضوة: 572765 , 6 years ago

حتى انا نفس وضعك اتوقع انو شي طبيعي الله يعيننا ويتمم لنا ع خير يارب

العضوة: 620846 , 6 years ago

السلام عليكم هادي تجربتي من قلب الحدث انا جيت من شويتين مكة الطبي افتح ملف و اشوف كيف استخرت و دعيت المهم الى حد اللحظة ماشاءالله التعامل والاهتمام ممتاز سونار أشعة تحاليل تعامل ماشاءالله سالت تقولي نعطيك ابرة عضل ف البداية تخفف الالم و اذا تبغي نعطيك كمام بس اذا فاتح من سبعة و اكتر ما نقدر نعطيك كمام والخياطة التجميلية تطلبيها وقت الولادة تسويلك هيا و الله يسخرلنا كل صعب يارب العالمين ارتحت لاني ما اخطي خطوة بدون استخارة و دعاء و ربي يكتب الخير للجميع 🙏🏻

العضوة: 620846 , 6 years ago

هادي عيادة الدكتورة