العضوة: 416187 , 6 years ago

الله يحفظه لك يارب طيب أرجعي للمستشفى العسكري وخلي زوجك يكلم المدير او الأخصائي لأن حالتك تعتبر من الطوارئ مو مراجعات ألغو المراجعات بس يعني هما مايدرون أيش عندك إلا اذا تكلمتوا الله يسهلك يارب ويعينك وتأملي خير حبيبتي ماحملتي فيه ووصلتي لذا الشهر إلا ان ربي رايد لكم الخير أنتي وجنينك♡

العضوة: 416187 , 6 years ago

ونصيحه حالتك غير عن الحريم فليه تطلبين النصيحه منهم أنتي وانا وكل وحده فينا لازم تسمع وتسأل مختصه او مختص في الموضوع يمكن وحده تنصحك وتكون سبب للأسوء لكن الدكتورة والطبيبة هي إلي تقيم حالتك وتقلك وش راح تسوون مع بعض انتي وهي

العضوة: 535969 , 6 years ago

اختي ممكن اعرف وش مشكلة طفلك انا سبق وحملت بطفل مصاب وشخصوه ب ( سستك هايجروما )

العضوة: 594061 , 6 years ago

@user-416187 رحت الثلاثاء اللي راح حتى زوجي مو راضيين يدخلوه المبنى 💔 رافضيين تماماً دخلوني انا بالنهاية اعطوني موعد بعد ٣ اسابيع وقالوا احتمال يتم الغاء الموعد على حسب الظروف بسبب الأوضاع الحاصلة واخذت هالموعد بعد مادخلت على المدير وقعدت اشكي حالتي انها طارئة وقعدوا يقنعوني انه شوفي مقفل قسم المراجعات حقت النساء والولادة الا للحالات الطارئة بعد اسبوعين الوضع بيخف ويتغير ويفتح كل شئ بإذن الله كذا قالوا لي مالي إلا الخاص لكن الخاص لو ولدت فيه بيقعدوا طفلي بالحضانه ومااعرف قد إيش وانا هنا ماعندي إمكانية ادفع اكثر ومبالغ عالية عندي طفلتين ثانيين ومغتربه عن اهلي هم بمدينة بعيدة وانا بالدمام انا كنت ابغى اعرف هل انا اللي اقرر الولادة المبكرة ام هم ؟ بسبب حالتي كلمت الدكتورة حقتي اللي كنت اراجع عندها في الخاص قالت لي انتظري لموعد الرنين وبعدها هم يقرروا 💔 يعني لثلاثه اسابيع قدام

العضوة: 594061 , 6 years ago

@user-416187 اللهم امين انا تقريباً كل اسبوع اروح اشوف وضعي بس لما دخلت السابع لي كم يوم انخبصت وصرت افكر كثير وتعبت من التفكير قلت اسأل يمكن احد يفيدني بس شكلي بنتظر لموعد الرنين المغناطيسي هذا وبعدها بشوف ايش ح يصير دعواتك لي ولطفلي 😢❤️ وشكراً لك على نصيحتك ودعوتك ربي يحفظ لك ذريتك ويبارك لك فيها ويتمم حملك على خير ويرزقك الطفل السليم المتعافي من غير زيادة أو نقصان 🥰🥰🥰🥰

العضوة: 594061 , 6 years ago

@user-535969 طفلي في رأسه ورم حجمه ٥ سانتي مو عارفين ماسبب هذا الورم وقالوا تحتاجي رنين مغناطيسي واخذت موعد لهذا الرنين واللي شخصت هذا الورم هي دكتورة علم أجنة من بعد مارحت لدكتورة نساء وولادة ثم دكتورة مختصة بالأشعه وسويت اشعه ثلاثيه ورباعية الابعاد وكان نفس التشخيص وحجم رأسه اكبر من جسمه وانا اساساً عندي نقص شديد بالماء من الاسبوع ال١٧ وانا الان بالاسبوع ال٢٦

العضوة: 626203 , 6 years ago

الله يكتب لك وللجنين الخير

العضوة: 671621 , 6 years ago

@user-594061 اسمعي ياقلبي اول شي هذا قدر الله ولازم نرضى فيه وصدقيني الله له حكمته يمكن خيره بالبدايه انا صارلي نفس الي صارلك بالضبط وبدا معاي نقص الما من الاسبوع ١٣ تقريبا قالولي الماء حول الجنين جفت تماما وكان حملي بعد سنين انتظار بكيت وحزنت وحسيت الدنيا سودا بعيني ماكنت ابي اخسر الجنين وكنت ساكنه بقريه ماعرفو يشخصو الحاله وسافرت وعملت فحص ثري دي ورحت لاحسن استشاري يفهم بالاجنه كنت متوتره مو عارفه ايش السبب وكل واحد يعطيني احتمالات الي قالي التهاب وسببه النقص والي قالي وراثه ويمكن القرابه بين الاب والام وكلام كثير بعدين قالي الاستشاري مابين معانا وجود كلى ولا الحالب ولا المعده يعني سبب النقص غياب الكلى هنا انا انهرت خلاص مافي كلى يعني مستحيل تعيش رغم ان النمو وحجم عظمه الفخذ ومحيط الراس طبيعي هذا الي استغربو منه وهذا كله وانا بالشهر الخامس وبالشهر السادس طلعتلي مشكله ثانيه اكتشفو بدال الكليه ظهر كيس مائي بحجم كف اليد بالبطن المهم ماصدقت اوصل لشهر السابع قلت يمكن فيه فرصه تعيش لو ١٪؜ بحاول اخذت ابر الرئه وعلى اساس اعمل عمليه قيصريه واولد قلت للاستشارى عن قراري وقالي ماانصحك لان انا ابي احمل والطفله قالي مستحيل تعيش وان عاشت ساعتين بس فقالي لاتعذبين نفسك وتعذبينها معك خليها لين يجي وقتها ربي الطف فيها منك وفعلا استخرت وسمعت كلامه لان مرت عليه حالات كثييير زيي وقالي شوفي في حالات تموت بالشهر التاسع وفيه حالات تعيش لين وقت الولاده تموت بعد الولاده بساعتين المهم لما وصلت الاسبوع ٣٧ حسيت ان مافي حركه نهائي ومع طلق مولم لما رحت المستشفى صارت طير من طيور الجنه ربي يجعلها شفيعه❤️ صح بالبدايه ماتقبلت فكره اني اخسرها بس ربي اعلم اذا عاشت وش كثر راح تعاني ولما ماتت ارتحت من ناحيه انها ماتتعب ولا اقدر اساعدها بشي ورضيت بقدر الله واقتنعت ان ربي راح يعوضني خير كتبتلك قصتي يمكن تفيدك وربي يقومك بالسلامه ويكتبلك الي فيه الخير

العضوة: 651812 , 6 years ago

الله يصبرك ويحفض جنينك يارب

العضوة: 335181 , 6 years ago

ربي يتمم على خير وتفرحين بي لتقررين انتي لازم الدكتوره السابع خطر وحاولي اتشربين عصار طبيعه هوايه ومي هوايه منا الحد متشوفين الدكتوره شتقرر

العضوة: 335181 , 6 years ago

@user-671621 ربي يعوضج خير بكيتني 😭😭ويصبرج ياربي🤲🤲🤲

العضوة: 594061 , 6 years ago

@user-671621 اقسم بالله دمعت عيني حالتك نفس حالتي اه يا اختي انا متقبله الموضوع وراضية بقضاءالله وقدره بس احيان تجيني هفوة افكر وافكر وابغى اعرف بس ارجع لربي واقرأ قران واوتر وادعي واستغفر ارتاح اهدأ الحمدلله على كل حال ربي يعوضك خير ويجعلها شفيعة لك ويكتب لك الخير ويرزقك الذرية الصالحة ربي يكتب لي الخير انا كمان والحمدلله في كل الأحوال اللي ربي راح يضعني فيها اللهم لا إعتراض شكراً لك ولمرورك وكتابة قصتك اقسم بالله أثرت فيني وراح اخذ منها العظه والعبرة فعلاً لله مااعطى ولله ما أخذ فعلاً كلامك صحيح 👍🏼❤️❤️❤️

العضوة: 594061 , 6 years ago

@user-626203 اللهم امين 💙

العضوة: 599234 , 6 years ago

لاحول ولاقوة إلابالله ..والله ماعندي فكره بس اللي اعرفه انه اللي عندها نقص في الماء يولدونها ولاده مبكره بعمليه قيصريه ..استخيري ربك وشوفي اللي انتي مرتاحه له توكلي على الله وسويه ..

العضوة: 294757 , 6 years ago

@user-594061 شوفي اذا رحتي للخاص وولدتي واحتاج للعنايه تواصلي مع الصحه وهم يدفعون حق العنايه للبيبي بس انتي ليه مستعجله على الولاده