❤وقت تشوفيني أنا وبناتي مافي داعي تقولي انشالله_بتزينيهن_بصبي ... لأن بعمرو الصبي ماكان زينة بالعكس تماما البنت هي يلي بتزين البيت والدنيا وحياة امها وابوها ❤وقت تشوفي بناتي لاتقولي الله يبعتلهن اخ_يكون_سند رب العالمين هو سند لبناتي من بعد سنده مافي سند ❤وقت تشوفيني حامل لاتدعي الله يجبر خاطرك بصبي .... حدا قلك انو انا مكسور خاطري مثلا؟؟ حدا قلك انو البنت كسران للخاطر ؟؟؟؟؟؟😏😏 بالعكس تماما بنتي هيه يلي بتجبر بخاطري وقت كون مريضة وشوف حنيتها علي بعيونها 😍😍 وقت اجي من مشواري ولاقي بيتي مرتب وريحة النضافة فايحة وتقلي تأخرتي يا ماما هاد هو جبران الخاطر ❤وقت تعرفي اني حامل ببنت وتتغير ملامحك وتسأليني جووزك ماحكى شي لانو بنت ؟ بدي قلك انتي خليكي بحالك ولاتاكلي هم جوزي .. كلي هم حالك وهم تخلفك وجهلك ❤بسم الله الرحمن الرحيم .. (48) لِّلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَن يَشَاءُ إِنَاثًا وَيَهَبُ لِمَن يَشَاءُ الذُّكُورَ (49) وقت تسأليني وانا حامل (صبي ولا بنت ) وقلك بنت مافي داعي تقليلي ( يلا_المهم_الخلقة_التامة ) وانا واثقة لو قلتلك صبي كنتي قلتي (يييي الف الحمد لله الله يقومك بالسلامة )... رأيك وردة فعلك مابيهموني ياريت تريحيلي اعصابك لأنه بالنهاية البنت الي والصبي الي .... ياريت بس لو نحسب حساب لكلمتنا قبل مانقولها وياريت نترك الناس بحالها ونلتهي بحالنا بس .. لكك هدول ❤الغاليات هدول طريقي للجنة قال رسول الله صلى الله عليه وسلم : " البنات هن المشفقات المجهزات المباركات من كانت له ابنة واحدة جعلها الله له سترًا من النار ومن كانت عنده ابنتان أدخله الله الجنة بهما ومن كانت عنده ثلاث بنات أو مثلهن من الأخوات وضع عنه الجهاد والصدقة ❤