حبيباتي مين سبق لها ولدت في العسكري الرياض ؟ انا متابعة عندهم قربت اكمل السابع و ابغى اعرف كيف تعاملهم هل يستعجلون القيصرية و ايش اخد في شنطة الولادة ؟ جزاكن الله عني كل خير .
ولدت عندهم قبل ٤ شهور في عز أزمة كورونا
الحمدلله تعامل جداً جميل وعناية فيك وفالمولود
اخذت معي شنطه فيها غيارين واغراض شخصية فقط
هم يغيرون للبيبي ويرضعونه وقت ماهو بالحضانه بعدين اذا خلصو فحوصات يجيبون البيبي عندك .. يدعمون الولادة بدون توسيع وكمان يدعمون الرضاعه الطبيعيه وممكن تطلبين من الممرضه تساعدك كيف ترضعين
وقت الولادة صبرو علي رغم اني جيتهم والمويه منفكه بدون طلق ، جلست يوم عندهم وولدت طبيعي بدون تدخل الحمدلله صحيح الولادة تعب ولكن ساعدوني كثير
بعد الولادة كان معي ممرضه ساعدتني فالحمام وممرضاتهم متعاونات اي وقت اطلبهم يجوني علطول
اي وقت اجوع بين الوجبات كانو يوفرون لي ساندوتش وعصير او اذا احتجت مسكن واغراض للحمام يوفرون بسرعه
نظافه نظافه نظافه عكس اول مره
جلست ٣ ايام والرابع خرجت لان كان عندي نزيف واحتجت لمتابعه والحمدلله كل شي تمام
(ولادتي الاولى قبل سنتين والثانيه قبل ٤ شهور )
الشي اللي انتقدتهم فيه ان قسم تنويم الولادة ماوفرو فوط حجم كبير حاولي توفرين معك كمية احتياط .. لان مع النزيف اللي جاني اضطريت البس من مفارش التغيير اللي يحطونها على السرير وكانت متعبه في النوم والحركة ماهي مثل الفوطه ابداً .
الله يهون على جميع الحوامل ويرزقهم الساعه الطيبة ويسخر لكم اجمعين.. اعتذر على الاطاله🌷
العضوة: 602686 , 5 years ago
كويسين ويصبرون عليك شنطه الولاده ملابس لك وللبيييالعضوة: 126578 , 5 years ago
ممتازين مرة تو اختي ولدت عندهمالعضوة: 714908 , 5 years ago
اللي جربتهم قريب تخبرنا كيف تجربتها. واللي يتابعون عندهم كيف المتابعه. اذكرهم قفلوا بالحظر. الحين رجعوا زي زمان أو كيف؟العضوة: 714908 , 5 years ago
شنطة الولاده خذي معك غيارين لك وغيارين للمولود وشراشف له.لان انا ماتعجبني ملابس المستشفى للمواليد وبطانيه خفيفه لك. انا ابرد دايما. وخذي لك سناكات خفيفه وممكن شاهي أعشاب واكواب كرتون وهم يعطونك مويه مغليه. أو عصيرات وحليب طويلة الأجل لأنهم مارح يدخلون اكل ولا يستقبلون زوار بسبب كورونا. هم بيعطونك اكل من عندهم ع الوجبات. لكن السناك بين الوجبات لو جعت يكون معاك شيء. خذي شاحن واغراض عنايتك الشخصية فرشه معجون مشط ...الخ. عباية احتياط انا ضاعت عبايتي بالمستشفى لما ولدت تركتها بغرفة الولاده. انا هذي الأغراض اللي احتاجها وممكن انت غير شوفي نفسك.العضوة: 607528 , 5 years ago
ام رنده كم خلوك بالمستشفى والا يطلعونك على طول؟ وايش جنسية القابلات الي يولدون ورحتي طواري ودخلوك او كيف قاعدين ندور احد يجاوب علينا الله يسعدك 🎀العضوة: 714908 , 5 years ago
انا زمان عن ولادة العسكري. اخر مره ولدت بنتي عمرها ٧ سنوات. بس كانت تجربتي سيذه مع ان اخواتي يمدحوه. بس هو قريب تغير مره وتطور وجددوا المبنىالعضوة: 597284 , 5 years ago
ليش اللي تولد طبيعي كم تجلس؟العضوة: 607528 , 5 years ago
سمعت اذا وضعك انتي والطفل طبيعي يطلعونك بنفس اليوم فترة الاحترازات ام رنده .. على بالي توك والده مشكوره🌸العضوة: 757051 , 5 years ago
مشكورات حبيباتي على الردود ربي يقوم كل الحوامل بالسلامة و يرزق كل متمنية بالذرية الصالحة يا رب.العضوة: 639377 , 5 years ago
ولدت عندهم قبل ٤ شهور في عز أزمة كورونا الحمدلله تعامل جداً جميل وعناية فيك وفالمولود اخذت معي شنطه فيها غيارين واغراض شخصية فقط هم يغيرون للبيبي ويرضعونه وقت ماهو بالحضانه بعدين اذا خلصو فحوصات يجيبون البيبي عندك .. يدعمون الولادة بدون توسيع وكمان يدعمون الرضاعه الطبيعيه وممكن تطلبين من الممرضه تساعدك كيف ترضعين وقت الولادة صبرو علي رغم اني جيتهم والمويه منفكه بدون طلق ، جلست يوم عندهم وولدت طبيعي بدون تدخل الحمدلله صحيح الولادة تعب ولكن ساعدوني كثير بعد الولادة كان معي ممرضه ساعدتني فالحمام وممرضاتهم متعاونات اي وقت اطلبهم يجوني علطول اي وقت اجوع بين الوجبات كانو يوفرون لي ساندوتش وعصير او اذا احتجت مسكن واغراض للحمام يوفرون بسرعه نظافه نظافه نظافه عكس اول مره جلست ٣ ايام والرابع خرجت لان كان عندي نزيف واحتجت لمتابعه والحمدلله كل شي تمام (ولادتي الاولى قبل سنتين والثانيه قبل ٤ شهور ) الشي اللي انتقدتهم فيه ان قسم تنويم الولادة ماوفرو فوط حجم كبير حاولي توفرين معك كمية احتياط .. لان مع النزيف اللي جاني اضطريت البس من مفارش التغيير اللي يحطونها على السرير وكانت متعبه في النوم والحركة ماهي مثل الفوطه ابداً . الله يهون على جميع الحوامل ويرزقهم الساعه الطيبة ويسخر لكم اجمعين.. اعتذر على الاطاله🌷العضوة: 639377 , 5 years ago
عشان لاتفهمين كلامي غلط الشنطه فيها غيارين لي وللمولود واغراضنا الشخصية.. 😄العضوة: 684612 , 5 years ago
انا ناويه احجز بالعيادات الخارجيه متى يتم التحويل بالمستشفى انا باقي لي كذا يوم ع السابعالعضوة: 638988 , 5 years ago
انا عمليتي بعد اسبوعين تقريبا الله يسعدكم عندي سؤال هل ممنوع الزوار والمرافق ياليت احد يجاوبنيالعضوة: 638988 , 5 years ago
خذي تحويل من العيادات وروحي المبنى تاخرتي مره يبي لك اشعه وتحليل سكر ومتابعة حملالعضوة: 803923 , 5 years ago
رفع