السلام عليكم ورحمة الله وبركاته قصتي .. انا بالشهر الخامس اكتشفت عندي نقص بالماء متوسط واستمر للشهر السادس وصار عندي نقص شديد بالماء واكتشفت مشكلة أخرى هيا زيادة ماء فوق المعقول في رأس طفلي وهنا كانت الصاعقه على قلبي لكن بالنهايه انا مؤمنه بقضاءالله وقدره والحمدلله عملت أشعة فوردي ثري دي طلع رأسه من كثرة الماء الموجود فيه صار كبير ومعطي زيادة اسبوعين عن الشهر الطبيعي اللي أنا فيه وهو السادس يعني بالسابع وجسمه كامل طبيعي بالشهر السادس حاولت تدور ع الكليه مالقت وهذا هو سبب نقص الماء لكن المثانه موجودة الآن مشكلتي تحصل لكل ثلاثه من مئة حامل سبحان الله انه تكون نقص بماء الجنين شديد + ماء زائد برأسه بشكل كبير ومن الجهتين لدرجه وجهه مو راضي يطلع ع السونار وهذا مسبب لي ضغط كبير ع المثانه وسبب لي التهاب قوي وشديد في البول💔 ما أعرف إيش نهاية طفلي اللي كبر في بطني وبحس بحركاته كل ثانيه وكل دقيقه 😭💔وجبته بعد تخطيط ست سنوات وتمنيت الولد ورزقني ربي لكن ماا أعرف كيف بتكون نهايته وكلام الأطباء إنه ماراح يعيش بسبب نقص الماء الشديد الششششديد وان ربي كتب وقدر وعاش بيجي معاق بسبب الماء الزائد برأسه فوق الطبيعي دعواتكم لي ولطفلي واكتبوا لي كلام يريح قلبي للي مرت بكذا حاله او بعيلتها وربي يحمي اطفالكم ويتمم حملكم على خير وانتبهوا على أنفسكم ❤️ والكل يقول لي اجهضيه وانا مو قادرة 😭💔 املي بربي كبير خايفين عليا بسبب الالتهابات في البول لأن لها اعراض اكبر واكبر يقولوا هذه روح ماانخلقت ولو انخلقت بتتعذب وبتتعذبي انتي وكلنا نتعذب بمجرد مانشوفه مو زي أخواته لكن لو راح بيرتاح وبيفضل طير من طيور الجنة وبيشفعلك وانتي تفضلي بصحتك وعافيتك وتعيشي لبناتك وهم لسى صغار محتاجينك بصحتك وعافيتك وربي ماحرمك من الذريه اعطاك وهما بعافيتهم وصحتهم وبإذن الله يعوضك خير 💔 اسمع كلامهم ولا مااسمع 💔 هل انا اثمة لو زهقت روح لكن بسبب واساساً كلام الدكاترة انه ماراح يعيش يعني انتظر ربي يقبض روحه في بطني !!💔 والله ابكي وبشدة مااعرف إيش نهاية طفلي😭💔رحمتك له يارب اخخ لو تشوفوا بناتي كيف منتظرينه يجي ويتمنوا يشوفوه ويسمعوا كلامي مايزعلوني ويساعدوني رغم صغر سنهم علشان لا اتعب 😭💔 وحركاته الكثيرة اللي تصحيني من النوم يومياً قد إيش جميلة 💔 مو عارفه أرشدوني الله يفرج همكم ❤️