مرحبا بنات مدري وش احكي وش اقول زوجي ضربني على سبب تافه "سبق وضربني نفس الشي على سبب تافه ومشيتها وقلت ماعاد تعيدها وجلست له فالبيت" هالمرة كانت على النوم انو نصحى الفجر كنا تتناقش على تعديل النوم وانا اقوله ان قاعده احاول ارتب بس في عوائق مثل بنتي الصغيره تصحى كل شوي و ما انام زين عشان اصحى الصباح وانا اساسا وقت صحيتي الظهر طبعا ما اقصر فطور غداء ترتيب تتغيير للصغار عندي ولد وبنت .. المهم اشتد نقاشنا و قعد يصارخ وقلت له لا تصارخ قدام الصغار وقمت شلت الاكل ودينه المطبخ وهو يلاحقني ثم رحت الغرفه وصك الباب ولا زال يتكلم الين ضربني على وجهي ضرب ورا بعض وهو يضرب انا ضربته ع وجهه ابيه يوقف والضربه خفيفه اساسا وهو مازال يضرب وجلست ابكي وقلت له ماراح اجلس عندك قال يلا لمي عفشك وطلع هو انا سكرت باب الغرفه وجلست شوي طلعت رتبت الشناط وهو يناظر ويقول فكري بالعقل .. المهم هو راح يبي ينام انا وصغاري نامو حاولت انام راسي مو شايلني الم مو طبيعي فكرت بمستشفى نزلت ورحت البس وبنتي هنا قامت وتبكي نزلتها عنده ونا لابسه عبايه قعد يحكي وين ومدري ايش مارديت عليه قال ترا يضرب قلت والله لاشتكيك وقلت له ماعليك مني طبعا هو مسك علي كلمة اشتكيك وماعليك مني .. جلست يومين مطنش عايش يومه وانا بالغرفه وكل مرا اقول ودني يقول بجلس يتقهوى واروق لين جا من بكرا وارسلت له وعصب و وداني عند اهلي جلست اسبوع وكلمني انه بيجي يقضي للعيال ملابس جا وطلعت له وقال نروح اللحين لا نتاخر بدون ما نتكلم جا الليل وقلت له لازم نتكلم قال بنام وطلعت من عنده طبعا جا بكرا وجلست وقلت له ابي حل على تصرفاتك قال اني عارفه وش ابي " هو يبيني امشي على انظمته وقوانينه بدون مايقدر وضعي اني منضغطه " قلت له وضح لي وش تبي قال انتي عارفه ومقفل مخه مايبي النقاش هنا تنرفزت قلت شوضعك يعني ماتبي نكمل قال استخيري وقلت له انت اللي جالس تكبر وتخرب وقمت من عنده وهو رح ومشى تكلمنا ف الواتس تناقشنا شوي ومازال يطلعني غلطانه ثم قال اصحي الفجر اسبوع كامل ثم افتحي الموضوع انا تعبت ياناس هل اطلب الطلاق منه لان حياتنا من قبل مافيها انسجام ولا شي ولا احس اننا متفاهمين وهو يعصب على تفه الاموررر احس اني بعيش من دونه وبتصير حياتي صح وش رايكم ارجع اكلمه بالواتس عن ضربه وانه يحترمني ويقدرني ولا يتركني اشوف حياتي .. معليش تكلمت بدووون اختصار وفي اشياء ماقلت لها بس عشان يوضح شي وفي امور كثير انا تنازلت عنها من بداية زواجنا اشياء تحق لي مثل يوم زواجي البسيط ولا سفرات ولا اي شي وهذي على فكره انا تقبلتها ومشيتها بس للاسف ما يستحق 😭😭😿