هذا إبني حبيبي رحمة الله عليه 😭عندو تقريبا 7شهور ملي مات والسبب مشاكل أثناء الولادة (استغرقت الولادة مدة طويلة مما أدى إلى إختناقه وعدم وصول الأكسيجين إلى المخ عاش 5أيام وتوفى) اليوم الحمد لله 😊 راني حامل في الشهر الخامس وربي عوضني ونعم بالله...لاكن 😔دائما نتفكر الولادة الأولى تاعي ونخاف يتعاود نفس السيناريو لذالك راني نخمم ندير عملية قيصرية واش رايكوم أخواتي ؟ارشدوني ..واللي مرت بشعور كيما هدا تحكينا وتريحلي قلبي😔
شكرا❤️
العضوة: 504748 , 6 years ago
حنونة يخي قتلك بلاك ربي شاف فيه حاجة رحمك ورحمو ...وكل شيء لخير ...وراهو عوضك بالاحسن باذن الله خلي ثقتك بربي كبييييرة 😘😘😘العضوة: 468230 , 6 years ago
@user-515009 كلاب الله لا بتربحهم في فجر ربي وكيلهم ربي ايه و شوفي طبيبتك هي لي تولدك ما تقلقيش روحك ربي حنين كريمالعضوة: 504748 , 6 years ago
والله كاين كلينيك هنا فسطيف قلك خيرمن الخارج حتى من نظافة من التعامل من كلش ...ولدت فيها مراة ولد خالتي قتلك تقول بنتهم الي راح تزيد ...ماشي كي سبيطار كلش بالمهاوشة والسبان ولعياط ...الله يهديهم برك ويسلك وحلنا هذا ميقول الواحدالعضوة: 468230 , 6 years ago
@user-504748 أنا شافو الما هبط عليا طول حكموني و كي الكول ما تحلش عقبوني طول سيزاريان سنيالي عليها طبيب لكبير عندهم وحد الطبية وحد الفرمليات مشاءالله ربي يجازيهم كل خير قامو بيا خيرمن في بلاديالعضوة: 515009 , 6 years ago
ونعم بالله 🌹❤️العضوة: 570942 , 6 years ago
اي سوي قصريه احسنالعضوة: 504748 , 6 years ago
المهم الحمد لله سلكتي وربي فرحك بشوفك بيبيك ...هذا وش تستنى الحامل 😍😍😍 ...ربي يفرحنا كامل بيهمالعضوة: 515009 , 6 years ago
هادي هيا حكايتي بعدا الما هبط والكول مقفول....العضوة: 468230 , 6 years ago
@user-504748 حتى أنا سطايفية ههههه تشوفي ليكلينيك في تونس تقولي ما نروحش ههههههه كي بغيت نزيد قلت خطرة لولا لاكلينيك من بعد كي هبط عليا لما رحت ل سبيطار لقيت وحد ساج فام قالتلي كي سبيطار كي كلينيك اقعدي برك حاجة ما تخصكالعضوة: 504748 , 6 years ago
هكذا نحبك متفائلة دائما 😍😍...كي اليوم باذن الله تبارطاجي وتقولينا انك ولدتيه بخير عليه 😋😋😋العضوة: 515009 , 6 years ago
@user-570942 ربي يجيب الخير 😔 مشكورة أختي😘❤️العضوة: 46429 , 6 years ago
الله يجعله شفيع لك يوم القيامه ❣ اذا انتي متخوفه من تكرار التجربه اولدي قيصري مش غلط ع الاقل تكوني مرتاحه نفسياالعضوة: 515009 , 6 years ago
@user-468230 اي سبحانو ربي يجيب الخير وخلاص❤️العضوة: 504748 , 6 years ago
هههههههههه اودي يقلك اقعدي باه يتعلمو فيك برك ...ربي يستر علينا وصاي ...انا صحبتي محلولة 7 دوا والشينوية قتلهم ضك تطلع لطابلة سيزاريان طول ..جاي برجليه كي طولولها بالكابة دخلت وحدة خلاف وخلاتها قتلها كي تحبي تزيدي ارواحي ...سطرها ربي زادت شوي ولات 8 دوا خلاص والله زيداتو نورمال وبرجليه فجرتهم سطرها ربي بركالعضوة: 468230 , 6 years ago
@user-515009 نتي كيفي هبط عليا الما و المول ما حبش يتحل حكموني طول بسكو ريسك على طفلة لقاو قلبها يخبط بزاف دارولي لوكسيجين على جالها و داىولي تخطيط القلب و سينتو و يحلو فيا من الأخت كي عقبت 24 ساعة منين هبط عليا الما قالو كون تزيد يطرطق الرحم و ريسك على البيبي وصلت 49 نقطة طول سينيالي طبيب على سيزاريان قال ما تقدرش تزيد طول كثر